مواقف بالذاكره

[I`m HeRe]

السلااااااااااااام عليكم ورحمة الله وبركاته
حي الله اغضاء المنتدى

الصراحه مبطي عنكم وبقوه

أخبار علووم وكيف الإجازه

المهم ندخل بالموضوع اللي طرا على بالي نتيجة الطفش والبلاوي اللي معطينا إياها دكتور الأنجليزي <<<مشكله اللي مسجلين صيفي :09:

طبعاً اللي شاف العنوان يقول ذا بيكتب خاطره ولا شي فيه سنع <<<طبعاً ما يدري ان ما وراي اللي الدجه

المهم وش رايكم لو كل عضو يكتب أقدم موقف يتذكره

طبعاً ويقول متى صار هالموقف

يعني مثلاً يجي واحد يذكر موقف اول ما دخل المدارس

أو يوم كان عمره 4 او 5 او 6 سنوات

أو أول ما طلع من بطن امه :tongue2:

ونشوف من أقواكم ذاكره :p

<<<هذي اخرتها موضوع ما ادري وش يبي

طبعاً الموضوع ما يحلا ألا بردودكم

وسلامتكم :)

[Lena]

اهلييييييييييييييين سعد^_______________^
وينك من زمان عنك ؟؟؟

ههههههههه الله يعينك على الصيفي بس فكر فيها ماده بتروح عنك :tongue2:

بخصوص الموضوع بالعكس رهيييييييييييييب:reporter: والله

احب السوالف اي كذا متخصصه بربرة :p ^^

اممممممممم

خلني اتذكر اتذكر:33: ........


بصراحه اقدم صورة ببالي احسها يطلع معها نفثه من الغبار اذا تذكرتها+ اني مب مصدقه اني فعلا اتذكرها


لاني كنت عمري سنتني او ثلاث..ًغيره مرة

بس هي صورة وحده


والي اك لي انها صح..

اني وصفتها لامي..بالتفاصيل..وقالت بسم الله!! فعلا كلامك صح هالشي صاير..

كنا طالعين مع جيراننا للبحر..

الصورة الي في بالي هي صورة وحده..

اهلي وراي فارشين بساط ويسولفون مع الجيران

والبزران في البحر

ليل

ومافيه نور الا اناره صفراء من وراء

انا مواجهه للبحر اتفرج عليهم


واشوف بنت جيراننا الي اكبر مني بسنه..تمسكها شغالتهم وتحاول تخليها تسبح..والبنت متفقعه من الصياح وخايفه..وبنت جيراننا بالصورة الي في بالي كانت بزر بزر بزر يمكن 3 سنوات او اربع..حتى كانت لابسه قبوعه البزران الي فيها ربطه...


احس بشعور غريب لما اتذكر شي بهذا القدم :31: يعني احس الاطفال في ذاك العمر مالهم ذاكره..


بس هذا الي صار^^



يلا دوركم

اتمنى اكون اول من رد:bigeyes: <===بزر

صانكيووو عالموضوع والله يكثر من اوقات الفراغ عندك عشان تطب علينا وتعطينا مواضيع هيك :tongue2: ههههههه


سلام^^

[Angel whisper]

هلاو .. من زمان مالك شوف..
اممم موقف من الطفوله ..
انزين
بقولك موقف مرعب :p
كنا انا واختي اللي اصغر مني بسنه نلعب في الحوش.. اظن ان عمري يومها كان 5 او 6 سنين ..
وهي تركض وانا اركض وراها..
وما اشوف الا منحدر جدامي "نصابه .. كانت حصاه صغيره" ..
واتخرطف عليها واطيح على ويهي..
قمت ويلست مكاني..
من قوة الطيحه كان ويهي متخدر ومب حاسه فيه :31:
وشوي واتيني امي .. وويهها مثل هذا >>:bigeyes:
ويوم اطالع ثيابي اشوف عليها شي احمر سائل ..
ويوم شفته يلست اصيح :31:
وتشلني امي ومادري شو سوت بويهي اللي كان متخدر..
وعقب ما خلص فاصل الصياح اكتشفت انه كان عندي جرح محترم على برطمي اللي قوق مادري اللي تحت نسيت .. وفقدت واحد من اسناني العزيزه -__-
ومن يومها تأدبت وما ركضت في الحوش..
عموما بحاول اتذكر مواقف اكثر وبخبرك عندها بعدين ^^

[Yamabuki]

يوم طلعت في اذاعة في المدرسة ثالث ابتدائي :blackeye: الولد الي المفروض يطلع تاخر والفصل كله اشر علي

ولي يشدني يقلي اطلع بسرعة واللقب الي كانو يقلوه على @#$& <<لول حاس نفسي ناروتو :tongue2:

عاد وقتها كنت استحى من ظلي =_= يوم طلعت على المنصة او المسرح اي شي :tongue2: اعطوني ورقة عن

فقرة هل تلعم :09: وانا عيوني على الارض :02: طالعت فوق شوي لقيت ابشع منظر شفتوا في حياتي اكثر من 300
طالب يطالعون عليك <<مو ماتلكد من الرقم :tongue2: ,,يعني بلاه ايش الشعور مانطقت بكلمة لمدة بعدها تذكرت :tongue2:

بديت قلت هل تتتتتتتتتتتععععععععلللللللم اننننن..الخ الحرف الواحد يتكرر 100 مرة :tongue2: ودقات قلبي :wow: اخخخ بس موقف لاينسى :cool:

[Lena]

يؤ..فقرة "لاتعلم" ناشبة لنا في كل محل!!! :blackeye:

[ابتسامــــــه]

أنــــــــــا اتذكر لما كان عمري يووووم :D كنت ابجي مثل اليهال الصغار :D
















:)

[ثريول]

أوه , آيم هير .. تصدق قبل يومين أفكر فيك , وأفكر في اختفائك المفاجئ , أنت وسنورلاكس اللي طرى علي يوم شفت موضوع هو مشارك فيه .. ولكم باك عزيزي :) .

عني يمكن تكون أقدم صورة في ذهني هي في حوش البيت , قطو أشوفه وكأنه بحجم أسد , هو أصلاً كبير .. لكنه في عين الطفل عملاق يصير عملاق .

والمشهد الثاني هو مكان في تركيا فيه مثل الجدول الراكد وضفادع .. عمري حينها يمكن 4 سنين . وواحد تركي مراهق يمسكني ويوديني الطرف اني عند الأهل , كأن هذي الجولة في الغابة بالنسبة لي حينها كمغامرة طويلة .

والثالث في البر في روضة من الروض , يمكن عمري 3 سنين وشي , أتذكر كنا نايمين في الليل في الخيمة آنا والوالد وعمي , والمطر ينزل بقوة علينا .. وداخل الخيمة عمي يشغل الليت وهو منبطح على أعلى خيمة , ويحرك بيده وتطلع أشكال مثل وجه الذيب .

شكراً على الموضوع المرور بعد غيبة على المنتدى .

[Arsene Lupin]

اممممم أتذكر مشاهد من الروضة... لكن أظن فيه أقدم من كذا :31:

أتذكر مشهد أظنه في العيد.. كنا في بيت جدتي و مجلس الحريم كان ملياااان...

و أظن كنت أبي أروح لأمي... فلازم أدخل المجلس.. و لكن مستحي و خايف من الحريم بيستلموني تبويس و تجغيف :31: :tongue2:

أظن الخوف لحظتها هو الي ثبتها ببالي :D



و أذكر مشاهد من زمان و أنا أسبح مع أخواني في "البانيو"... و عددنا أربعه :blackeye: على ما أظن كان قبل الروضه هذا :tongue2:

[Better Days]

اقدم شي اذكره بركة السمك في الخميس في بيت جدي :D كنت اجلس على طرف البلكونه المطله على البركه (بركه كبيره مره) والشغاله تأكلني ما اذكر كم كان عمري بالضبط


بعد اذكر يوم كان عمري يا 5 او 6 سنوات ايضا في الخميس (كل ذكرياتي في الخميس) يوم العيد جا مطر ويوم وقف واروح عند البركه وانا متكشخ ولابس بشت (كانت البركه قد فضوها ماعد فيها شي فاضيه) وكان فيها شويه مويه عقب المطر واطب فيها :biggthump كان علي منظر

اذكر ثلج ومويه بعد (تيدوس xxx ) يذكرها احسم مني ما كنت اوعي شي ذاك الوقت كانوا كل اللي في البيت الا جدي وجدتي يلعبون ثلج ومويه

ومن ايام الطايف السعيد على ما اعتقد كان عمري 7 سنوات ذاك الوقت جا ولد عمتي من امريكا(عايش هناك ومتزوج اميركيه من زماااان شايب) وكانت جارتهم حاطه بناتها عندهم ما ادري ليش اضنها كانت مسافره المهم جابهم معهم في العيد ووحده من هالبنات كبري وشوي ولا الاهل يقولون لي رح العب معها تراها كبرك وهي لا تدري وش انا اقول وانا ما ادري وشي تقول

وشكرا على الموضوع الحلو واذا ذكرت شي بعد جيت مره ثانيه ;)

[Pr.Game]

اذكر وعمري 7 سنين :tongue2:

كنت بالمدرسة وقت الاختبار الشهري الشفوي :p والاختبار كان قراءة

وكنت أنه فاضي جالس أرسم سيارة :tongue2:

وفجأة بدأ الحماس يشتد في الرسم :09:

وما تسمع بعد شوي إلا (وعننننننننننننننننننننننننننننننننننننننننننننننننننننننننن) <<<<< صوت سيارة :tongue2:

قام الأستاذ قالمن وين عالصوت :tongue2:

قلت له من الشارع :33:

قلي طيب :tongue2: وهو يعرف انو انه مطلع الصوت

:tongue2: وماكو الا ووجهي حمر <<<< أول مرة أسوي شي زي كذا :p

هذا أحد المواقف الذي لاينسى :ciao:

.

[Argandir]

ذاكرة ما انساها وراح استمر اذكرها كل ما اطالع في وجهي في المراية...

يوم اني كنت صغير قعدت العب في الحوش انا وعيال عمي وكنت قاعد امشي على حوظ الزرع...وتجي الوالدة وتقول يافلان انزل لكن ما سمعت...وتقولي مرة ثانية يافلان انزل برضو ماسمعت

قالت بكيفك اذا طحت لا تبكي بعدين...جيت اقول اصلا انا ما راح اااااااااااااااااااااااااااااااااااه <------ دردوب... واسقط كجلمود صخر حطه السيل من علي على حافة الحوظ :blackeye:

وتسيل دمائي على الارض والعالم تصارخ وياخذوني لاقرب مستوصف ويسولي خياطة


وبعدها بكم شهر اطلع انا وعيال عمي للحديقة وفي مرجيحة دائرية تلف بسرعة الظاهر ان اسمها الصحن الدوار او شي :33:

المهم بعد ما بدات تلف قلت لعيال عمي شوفني كيف راح انط من غير ما اتعور هيااااااااااااااااااااااااااااع <----- دردوب اخر على الرصيف :31:

واطيحلك على نفس المكان الاول سبحان الله

وزي المرة الي قبلها جري على المستوصف وخياطة ثانية....ومن يومها صار عندي ندبة Scar على جبيني الايمن من فوق :02:

[mohammed111]

اخر ما اتذكره هو زوجتي عندما كانت تحتضر...!
.
.
.
لحظة ما الذي افعله هنا ...

يجب أن ادون هذا ... أين قلمي ..

<------------
لا يزال مخه منلحس بعد مشاهدته فلم MEMENTO

[I`m HeRe]

جميل جداً الصراحه ما توقعت كل هالردود

بالنسبه لي أتذكر موقف لي يوم عمري بين السنتين والثلاثه :tongue2:

كان ولد عمتي توه مولود يعني يمكن عمره حوالي خمس ست شهور
المهم دخلت المطبخ كان في كرسي البزران
رحت اشوفه وكان يفتح ويغمض عيونه
المهم قلت عبدالله يغمط عنونه ههههههه
طبعاً هالجمله ما ادري ليش دايم تذكرني فيها عمتي وجدتي :p

وفيه موقف ثاني ايام الروضه أو التمهيدي المهم كنت داخل المدرسه واشوف البزران يصايحون
وانا مفهي ما ادري وش قصتهم المهم بالفسحه كان معي اكل وحلاو بيض :tongue2: <<<أول يوم لازم دلع :p
المهم أكلت الحلاو وجيت بأفتح اللعبه طلع لي واحد يدقدق بالكوره
ركبت كل شي بقي الكوره ما لقيتها أدورها بالشنطه يمين يسار ماش
ويمر علي واحد من البزران ويوريني الكوره ويقول تبي هذي ويهرب :vroam:
ههههههه اللي مخليني اتذكر هالموقف إلى الحين لأني مستغرب وشلون أخذ الكوره وأنا توني فاتح الحلاو :أفكر:

[A Step--ForWarD]

السلام عليكم........هلا والله وغلا Iam Here لك وحشه والله..

أووه ذكرياتي كلها إصابات :blackeye: ...
أيام السياكل :cool: يوم كان عمري 6أو 7 سنين كنت مقطع الحاره أخذ دوره حول مسجدنا ومسوي زحمه :D المهم ذاك اليوم جاي مقلع على بالي بسوي خمسات وعينك ماتشوف إلا النور غديت دجاج مسحب نظفت الشارع كله من كثر ماتدردبت والله طيحه ألييييييمه كانت ولاتزال معلمه عند الكوع أنواع أقرب مستوصف وخياطة وقلق ...

أيضاً أتذكر مره نفس الشي كنت بالسيكل ألفلف أنا وولد عمي المهم انا جيت مسوي قوي قلت أبي أعكس الدوره وأفاجئه وفعلاً من الدلاخه أشوفه قدامي أروح يمين يروح يمين أروح يسار يروح يسار أبي أتفاداه عجزت وللأسف خشيت فيه خشه غير طبيعيه وتسدحنا على الزفلت انا وياه وكلنا نصيح وأخوي يطالع فينا ويضحك وحنا رايحين فيها صياح :tongue2: ...

ومره أيضاً وهي المره اللي حرمت عقبه أركب سيكل قاعد ألفلف كالعاده ومدري إلا ويجي واحد يسبني من الباب للطاقه مدري وش يبي قلت طيب وجيت بلحقه (كنت خطير :cool: ) ومدري إلا انا منقلب بالسيكل صراحة كانت حركه بهلوانيه مدري كيف إنقلبت على راسي والله قعدت شوي دايخ أسمع الناس يتكلمون من حولي كأنه صدى موقف لاينسى :blackeye: ...

[I`m HeRe]

نرجع للردود

لينا
هلا والله
وأنا موجود بس كنت لاهي بالصيفي وبالنادي وسيلنت هيل واليورو 2004 :tongue2:
وزين انه اعجبك الموضوع

بالنسبه للموقف حتى انا فيه صوره ببالي بس ما اتوقع انها صارت لي وحتى محد أكد لي هالشي
لأنها قديمه جداً جداً أتذكر اني كنت أحبي ببيت جدتي وكان عيال وبنات أخوالي مسوين حلقه ويدورون وأنا بالنص
الصراحه ما ادري ليش هالموقف ببالي ولا تأكدت هل صار فعلاً ولا لا بس الغريبه اني اتخيله وأحس انه قد صار :tongue2:

ومشكوره على الرد

انجل
اهلين
ههههههههه شي عجيب يوم انا بزران أذا انفلقنا او شي ما نصيح ألا اذا شفنا الدم
ولا قبل ما نكتشف وجود الدم نقوم ولا كأن صار لنا شي :33:

مشكوره على الرد وننتظر المزيد


sehro
هههههه ذكرتني بواحد من اقرباي بالمدرسه كان طالع يقول هل تعلم
المهم قال هل تعلم أن عمر بن الخطاب يلقب بالفرقود :p <<طبعاً هو لقبه الفاروق
بس مع الربشه خبط :tongue2:
وتسلم على الرد

ابتسامه
يبدو أن هالموقف مار علي انا بعد :33:


ثريول
هلا والله وغلا
ياخي وش اسوي كان المنتدى ميت وبقوه ايام الإختباراتواللي قبلها ويوم بدت الإجازه لهينا شوي
وبنسبه للقطو لا يكون ذا
http://www.funnies.com/fattestcat.jpg

ومشكور على الرد

Arsene
أربعه في بانيو ههههههههه
ومشكور على الرد

[I`m HeRe]

deadman
يووووووووه ثلج مويه ذكرتني
أما أيام الطفوله ياخي فله من جد :tongue2:

ومشكور على الرد

الحـسام المهند
ههههههه مشكله الحماس الزايد

وتسلم على لارد

Argandir
عجيب نفس المكان تحس من جد ما فيه امل تروح :tongue2:
وتسلم على الرد

mohammed
سعد مين :31: !!

A Step--ForWarD
هلوييييييين
ههههههههه مشكله أيام السياكل على كثر ما نصفط ما نتوب
ولا يكون ولد عمك المذكور سايتو باشه :p
ومشكور على الرد

[Justine]

اهلين أبو محماس :jester:

مبغووووووخ الرجعة و حقكم صراحة كابوتيشنو بكريمة زيادة و اكسترا كراميل من ستار بكس <<<< زي اللي في يده :tongue2:

اممممم في موقف اذكره لمن كان عمري تقريبا 6 او 5 سنوات... كنا في بيت خالتي ساعتها...

مين يعرف الفرفيرة ؟؟؟

او طاولة كرة القدم الشهيرة :jester: ...

السالفة..

كنا فريقين اثنين من اقاربي ضدي انا و قريبتي :31: ( كلنا بنفس العمر)

و جيم ورا حيم و لعبة ورا لعبة ... و فريقنا يتلطش في مباراة ورا الثانية :blackeye:

جربت العب في الدفاع و الحراسة و اتغلبنا -__________-

رحت هجوم و وسط و برضه اتهزمنا T_____________T

بعضها زعلت قريبتي و حطت حرتها فيني .. يعني ضربت حتى سالت دموعي بحورا <<<<<أموت فيكي يا لوغتي العربيتي


و روحت جري عندي الوالد.. بابا شوف ضربتني ..

قاللي ابي كلمة للان تصج في اذني :bigeyes:

لمن تتزوجها اضربها بعدين :tongue2: !!!!!!


و للاسف روحت علي قبل ما اخذ حقي (&)

[TheClassicBill]

يابو الشباب....
كاني شفتك من زمان؟؟؟

انت الي كان مع تربل اتش ومع دنجر وهيت مان وطقته زمااااان؟؟؟
كانك انت ؟؟؟؟؟

؟؟؟؟؟

[ODIN]

اذكر كان عمري اربع سنين ... في الهند .. مكان على شاطئ بحر .. رحت عند هندي يبيع بلونات واخذت منه بلونه .. بعدين رجعت عند اهلي واشوف قطوة بنية جلست الاحقها ... بس :blackeye:

والشي الثاني ..

كان عمري 5 سنين تقريبا او اقل .. على أيام كمبيوتر الصخر .. كانو اخواني يلعبون فيه .. وانا اجلس اصيح عليهم ابي العب ولما يقولولي يله تعال العب .. ارووح متحمس ارفع ثوبي واتربع واجلس اضغط بالجهاز بايديني كلها مستانس ..

ذكرى ثالثه ..

تقريبا كان عمري 6 سنين .. كنا نلعب بالمرجيحه الكبيرة ذيك الي يركبون فيها سته ... كنت واقف ومتعلق فيها ادفها .. ولما دفيتها بقوة وسرعه كبيرة تشقلبت على ورى وطحت على راسي وصرت تحتها :blackeye: وانا تحتها والمرجيحه رايحه وراجعه تضرب راسي .. خيطوني وقتها اربع غرس تقريبا .. وآثارها موجوده براسي للحين :) اذا قصرت شعري تبين ..

رهيب الموضوع صراحه .. جد حسيت بشعور غريب وانا اقرا ذكريات الاعضاء ..

يعطيك العافيه ايم هير :)

[I`m HeRe]

Justine
الله يباغك فيييك:tongue2:
ولو اني داري ان كل ذا بيجيني كان رجعت من زماان :p

ههههههههه يا أن شكلك حاقد عليها بشكل بس راحت عليك
ولا وص رجلها ياخذ حقك :tongue2:

TheClassicBill
يابو الشباب
لا شكلك مشبه من يوم ما خبرت نفسي وانا بالرياضي سابقاً بالوننج فتره بسيطه وحالياً بالعام
ولا مرت علي الأسماء ذي

ODIN
هلا والله
أما الموقف الثالث يقطع ابو القلق شكلك من جد رايح وطي ذاك اليوم :confused:
وبالسبه للموضوع مثل ما قلت ما يصير رهيب ألا بردود العضاء

ومشكورين على الرد

[Anima]

قبل ما اخش التمهيدي

اذكر ان ابوي جاب لي بسة(قطوة)>>>>على نياته :p

وقعدت معانا البسة مدة من الزمن ولما طفشت منها

حطيتها في الفرن :D
______________________

واذكر بعد لما خشيت الابتدائي انا ولد عمي

جينا متاخر ولما دخلنا الفصل كان في محلين فاضين اول الصف والي بعدة

المهم قاعدين انا وولد عمي نتعازم على المحل مين يقعد في الاول

الا يجي الاستاذ ماشي مليون ويمسك اذني انا وولد عمي

ويقولنا ما ودكم تقعدون :vereymad:
___________________________
هذا الي اتذكره الحين

ومشكور على الموضوع :)

[Angel whisper]

امممم اوكي..
شي عندي مثل ما يقولون vivid image ما اقدر انساها ..
ابوي بحار.. فتلقاه دوم في البحر وييلس فيه فوق الثلاثة ايام..
وعاد يوم كنت صغيره نت ما اتفهم هالشي.. واشتاقله وكل يوم ادوره..
فبالليل وقبل ما انام كانت امي تغنيلي اغاني عن الصغار اللي اهاليهم يسافرون البحر..
كانت تسوي هالشي كل يوم . فتعودت عليه ..
وكنت ما اقدر انام الا اذا غنتلي ..
والحين لا انا ولا هي نتذكر هالاغاني -__-

[Y a z e e d]

لا تضحكون علي : ) ،،،
اتذكر يوم عمري سنتين داخل على امي في المستشفى يوم تجيب اخوي الصغير كنت عند خالتي
ومن زين الوجه خالتي تعطيها صينية شوكولا ... وانا اذكر اني ... عطيتها ... عصير او شيء مثل كذا ...
وطلبت مني احطه في الثلاجة ...
واحس الجو غريب ... وكل افكاري في الموقف هذا متقطع ... مدري احس كأني غريب في وسطه ...

[Angel whisper]

امممم اوكي..
شي عندي مثل ما يقولون vivid image ما اقدر انساها ..
ابوي بحار.. فتلقاه دوم في البحر وييلس فيه فوق الثلاثة ايام..
وعاد يوم كنت صغيره نت ما اتفهم هالشي.. واشتاقله وكل يوم ادوره..
فبالليل وقبل ما انام كانت امي تغنيلي اغاني عن الصغار اللي اهاليهم يسافرون البحر..
كانت تسوي هالشي كل يوم . فتعودت عليه ..
وكنت ما اقدر انام الا اذا غنتلي ..
والحين لا انا ولا هي نتذكر هالاغاني -__-