الموضوع الرسمي لـ Tales of Symphonia ... [الأرشيف]

Yoshi SD

14-07-2004, 02:30 AM

لكل شريط جديد قوي بينزل السوق لازم نحط له موضوع رسمي..

وزي ما أغلبكم عارف أن ToS بتنزل في الخليج خلال اليومين هذي...

لذا وكالعادة بنحط موضوع نناقش فيه من بيشتري ومتى اشترى وكل واحد يحط إنطباعاته الأولية عن اللعبة...

بالإضافة إلى طلب المساعدة (ولكن مع وضع كلمة "سبويلرز" ومحاولة عدم إفساد اللعبة على الآخرين)

بانتظار إنطباعاتكم عن اللعبة...

Golden_Sun

14-07-2004, 02:36 AM

سبقت الكل بكتابتك للموضوع @@ ..
وين ايام theway بكل رد يذكرها :p ..

بإنتظارها على ما توصل عندنا تحتاج لها 3 او 4 ايام >_< ..
شكراً لطرحك للموضوع يوشي :)
و ويلكم باك ^^ ..

Yoshi SD

14-07-2004, 02:53 AM

سبقت الكل بكتابتك للموضوع @@ ..

مواهاهاهاهاهاههاهاهاهاهاهاهاههااااااا

ما كنت أبغى أحد يسبقني علشان كذا حطيته بدري...

إن شاء الله بعد بكرة تكون اللعبة عندي...

theway

15-07-2004, 01:03 AM

كان عطيت متعصب تيلز فرصة يفتح موضوع رسمي .. ما يكفيك موضوع فور سوردز :tongue2:

وين ايام theway بكل رد يذكرها :p ..

و الله زين لين الحين تتذكرني ^^

هلا شباب من زمان ما شفناكم ^^ >>> اقصد قرينا ردودكم :tongue2:

اسف على الغياب كنت مسافر الامارات ( ابوظبي ، دبي ) و مكة و المدينة ^^

و الحمد لله رجعت قبل كم يوم .. بس برجع الامارات هذا الثلاثاء و بضل هناك سبوع .. و بكمل باقي الصيف بالسعودية >>> مع تيلز طبعا :tongue2:

ان شاء الله اشتري اللعبة هذا الاحد ^^

و راح تشوفون انطباعاتي >>> طبعا 10/10 :tongue2:

سلام شباب ^^

c u soon :ciao:

Wingless Angel

15-07-2004, 08:23 PM

انا راح آخذها 100% وحتى قلت حق راعي المحل يخليلي وحدة ويتصل فيني على البيت يوم تصدر (الهندي يعرفني يوم انا صغير :09: )

وانا قلت غريبة محد فتح موضوع رسمي للعبة وقلت خلني انا بسوي موضوع بس بعد تفكير قلت ليش هذا العذاب الاعضاء بيسوون الموضوع 100%

THE_MATRIX

15-07-2004, 08:31 PM

انا اول واحد فيكم بيشتريها :blackeye:

مكشور اخوي على الموضوع وانا اعتقد ان شاء الله 100% انه رح يكون موضوع مفيد وجميل ما دام انه من يوشي :biggthump

THE ROCK IS THE BEST EVER

15-07-2004, 08:36 PM

انشاء الله تكون اللعبة حلوه

لاني ابي اللعبة ار بي جي قوية في هذا الصيف

وانشاء الله اذا طلعت حلوه بشتريها على البلاستيشين 2

سقراط

15-07-2004, 09:23 PM

هاكم تسلوا بموقع للعبه لين تنزل (http://tales.namco.com/)

تحياتي ;)

Golden_Sun

16-07-2004, 01:03 AM

رحت اليوم الرحاب .. وحاط آمال اني بلقاها .. @@
بالأخير للحين ما نزلت عندنا -_______- ..

محد شراها للحين ؟ :D

Yoshi SD

16-07-2004, 05:36 AM

:blackeye: أخخخخخخخ...

يوم شفت 8 ردود تحطمت ...

قلت أكيد فيه 2 واللا 3 اشتروا اللعبة قبلي :bigeyes:

كان المفروض أنها تجي الخميس في مركز النسر بس للأسف ما جت...

يعني أنها مو واصلة إلا السبت :31:

و الله زين لين الحين تتذكرني ^^

لا تخاف أخوي "الطريق" أنت عضو ما ينسى...

انا اول واحد فيكم بيشتريها

بنشوف من أول واحد يشتريها...

أحس أني بأشتريها وبأقعد ألعبها وما أقول لكم أني شريتها إلا اليوم اللي بعده...

مكشور اخوي على الموضوع وانا اعتقد ان شاء الله 100% انه رح يكون موضوع مفيد وجميل ما دام انه من يوشي

أكيد قصدك:
"وانا اعتقد ان شاء الله 100% انه رح يكون موضوع مليان نكت بايخة ما دام انه من يوشي" :tongue2:

ما عمري سويت موضوع مفيد زي الناس... إلا موضوع (يوميات أنيمال كروسنج) موضوعي الوحيد (وفرحان بعد :p )

وانشاء الله اذا طلعت حلوه بشتريها على البلاستيشين 2

يشاع أنه نسخة البلاي ستيشن حصية لليابانيين.. :chinese: (تراي عارف أن هذا صيني بس ما لقيت غيره)

هاكم تسلوا بموقع للعبه لين تنزل

أحرق أعصابي على الفاضي

!ctrl!

16-07-2004, 08:16 AM

طيب على اي جهاز اهي؟؟؟؟؟؟

ومتى نلقى نسخة البلاي ستيشن 2؟؟؟؟؟؟؟؟؟

ولو سمحتم اي صورة منها

سقراط

16-07-2004, 12:21 PM

طيب على اي جهاز اهي؟؟؟؟؟؟

ومتى نلقى نسخة البلاي ستيشن 2؟؟؟؟؟؟؟؟؟

ولو سمحتم اي صورة منها
موقع بكبره للعبه مو صوره بس تفضل اكبس هنا (http://tales.namco.com/)

انت شكلك مثلي مش متحمس واجد للعبه انا اخر واحد بشتريها بعد ما اسمع ردود الاخوان الي جربوها

سقراط

16-07-2004, 12:25 PM

أحرق أعصابي على الفاضي(اقتباس)
عزيزي يوشي خلك ريلاكس وحط اعصابك بثلاجه ;)

nintendo5

17-07-2004, 12:52 PM

رحت اليوم الرحاب .. وحاط آمال اني بلقاها .. @@
بالأخير للحين ما نزلت عندنا -_______-

خخ مثلي رحت أمس الرحاب>_<" ما حصلتها تحطمت :afraid:

Yoshi SD

17-07-2004, 06:58 PM

Golden_Sun

17-07-2004, 08:19 PM

اشتريتها!!!!!!!

بس ما بعد لعبتها...

رحت للمحل قبل ما توصلهم...

والمشكلة أني لقيت حوالي خمسة سابقيني ينتظرونها -عندي شعور أن فيه من بينهم أعضاء في المنتدى (هذا بالنسر فرع الروضة)...

أنا دايم أروح قبل ما يوصل الشريط، بس عادة أكون أنا الوحيد...

على العموم أنا الحين بأروح ألعبها توصون شي؟

مع السلامة...

حلوه الضحكه الشريره مواههااههاهاهاهاهاهاهاهاههاها :D
مبروووك .. وعقبالي .. رايح الحين اشتريها .. بعد ما عرفت انها نزلت عندنا :biggthump ..

Yamabuki

17-07-2004, 08:58 PM

Mabroook evreybody ^.^

XD i will play the game in 18 august (((((not in KSA =___= >.<

HHHEEEEEEEEEB 3ALEKOM XD J/K

العراقي17

17-07-2004, 09:58 PM

Got it :biggthump (ادري انا اخر واحد تتوقعون انه يشتريها بس it's true )

ولعبت اللعبة حوالي ساعة وعشر دقائق لحد الان وتقييمي لها:

لعبة حلوة وتدمج اساليب متعددة ..

فمثلا بالقتال تدمج اسلوب زيلدا بالقتال الحر والتأشير على الاعداء والاختيار بينهم بالزر Z مع اسلوب ال RPG الكلاسيكي.

والتصوير.. الكاميرا نوعا ما من الاعلى وتأخذ زاوية ومع هذا تذكرني بلعبة البوكيمون على الجيم بوي خاصة داخل البيوت وطريقة المحادثة.

بالنسبة للرسوم فهي ممتازة وناعمة وغنية بالمضلعات والتحميل فيها سريع جدا .

والموسيقى...عادية ولكن ليست مملة .

اما القصة :D

لا ادري لمذا من وقعت يدي على اللعبة احس انهم متاثرين بالماتريكس :)

فهناك ال Chosen One
= The one

وهناك الOracle
= Oracle

وهناك العدو الذي يلاحق الchosen one (ناسي اسمه)
= Agent Smith (لهم نفس الملامح ايضا :05: )

عموما ربما تتغير الاحداث او انا فاهم القصة غلط ولا زلت في بداية اللعبة

وبشكل عام اللعبة رائعة وتعتبر احلى لعبة RPG وقعت يدي عليها على الجيم كيوب وانصح الجميع بشرائها لانها ممتعة جدا.

وشكرا

Snake Fang

17-07-2004, 10:06 PM

انا ممكن توصلني بعد كم يوم ان شاء الله ^^ ...

المهم انا في انتضار انطباعاتكم الاولية :biggthump

شكرا يوشي على الموضوع :)

تحياتي

old school

18-07-2004, 05:25 PM

وأخيرا وصلت اللعبه الى يدي اليوم صباحا الساعه 11 ( سهران طوللليل انتظر الصباح يجي وانتظر المحل يفتح عشا ن اشتريه )

,إاليكم تقرير عن اللعبه وتقيمي لها بعد 4 ساعات ونصف من اللعب المتواصل.

اللعبة فعلا كانت تستحق الأنتظار ويا خسارة من لا يمتلك الجيم كيوب
فاللعبه قوية من ناحية الرسوم فهي الأفضل بالسيل شداد والأصوات أكثر من رائعه نظام القتال هو الأفضل حتى الان القصة بسيطه لكنها رائعه أحداث اللعبه جميله وغير متوقعه كذلك شخصيات اللعبه ممتازه تصميم الخلفيات والعالم في تالز اوف سمفونيا هو تحفة فنيه

وأكثر ما يميز اللعبه هو نظام القتال الأكثر من رائع الذي لا يسبب الملل أبدأ فهو متجدد بإستمرار مع كل وحش جديد ومع كل ضربة جديده (خلال الأربع ساعات ونصف لم أضيع أية مبارة) والضربات المشتركة بين اعضاء الفريق الذكاء الاصطناعي لاعضاء فريقك كذلك مدهش ويدعمك طوال اللعبه كذلك إحتواء اللعبه على بعض الكومديا الخفيفه واسلوب التحدث بين أعضاء الفريق الجديد في عالم تالز اوف سمفونيا كذلك نظام التحكم البسيط ودقة تفاصيل الرسوم تزيد من متعة اللعبه

بعض السلبيات :
موسيقى اللعبه هي نفسها الموجودة في تالز اوف دستني 2 على ps1
بعض الضربات القاضية للشخصية الرئيسيه شوهدت في الجزء الثاني من تالز اوف دستني ( لكن مع ذلك توجد ضربات جديده لاول مرة تظهر )

اللعبة بشكلها النهائي رائعه بكل ما تعنيه الكلمة ولا تضيع ويجب الحصول عليها

التقدير النهائي : 9.3

Golden_Sun

20-07-2004, 01:13 AM

اشتريتها اخيراً ..

اللعبة ToP :biggthump ..
طريقة الـMenu والتحكم وكل شي تقريباً مشابة لـToD ولـToD2 .. بسرعه تأقلمت معاها ^.^
حتى بالقتال ما اخذ وقت معي من اول معركة عرفت للتحكم ..

الأصوات ، الرسم ، طريقة الكلام ، القتال ، الموسيقى .. جميعهم ممتازين :bigeyes: ..
وافضل شي ان الموسيقى ما تغيرت وايد .. ظلت محافظة على طابعها القديم ^^ .. ونفس الشي مع الـMenu !

انصح جميع محبي الآر بي جي فيها .. :)

الاميرة زيلدا

20-07-2004, 11:52 AM

سلاااااام
اللعبة حلوة (( توني شاريتها كخخخخخ

عجبني الخلفيات والقتال كان حلو
توني ما لعبت فيها كثير

...........
شكلي راح ادمن عليها

fnh

23-07-2004, 01:29 AM

اشتريت اللعبه
:cool: :cool: ولعبت فيها الى الحين 9 ساعات :) اللعبه رهيبه ولعلمكم تقدر تلعب ملتي بلير بس في التال و الطريقه بسيطه وهي انك تضع اليد في مكانها و تحط اللاعب على سيمي اوتو ودي اجربها باربعة لاعبين ماهم كمبيوتر انا الحين جربتها بلاعبين ماهم كمبيوتر لانه يصير فيه تكتيك ماهو لعب عشوائي :cool: :cool:

fnh

23-07-2004, 01:43 AM

اشتريت اللعبه
:cool: :cool: ولعبت فيها الى الحين 9 ساعات :) اللعبه رهيبه ولعلمكم تقدر تلعب ملتي بلير بس في القتال و الطريقه بسيطه وهي انك تضع اليد في مكانها و تحط اللاعب على سيمي اوتو ودي اجربها باربعة لاعبين ماهم كمبيوتر انا الحين جربتها بلاعبين ماهم كمبيوتر لانه يصير فيه تكتيك ماهو لعب عشوائي :cool: :cool:

RAUL 7

23-07-2004, 02:08 AM

اللعبة من جد حلوة .. بالبداية كنت بكرهها .. حسيتها معقدة و صعبة .. لكني مشيت شوي .. و لعبت فيها حتى الآن حوالي 20 ساعة .. :biggthump

عندي سؤال

(((( سبويلرز ))))

بالـ seal الثالث حق الرياح .. ما عرفت وش أسوي بالمراوح .. قريتها كلها .. و رتبت الألوان حسب الترتيب الي شفته .. لكن ما صار شي ..؟!

فهمت ان الأزرق يكون قبله Power of Gods و بعده calm earth .. و أول شي الـ Throne of Gods و الأخير rich earth :06:

:)

RAUL 7

23-07-2004, 01:15 PM

اها ..
خلاص .. حليتها .. سهلة :09: .. في لوحة ما انتبهت لها :)

Innocent angel

23-07-2004, 02:17 PM

السلام عليكم^^

اللعبة رائعة^^

القصة رائعة^^

الشخصيات رائعة^^

الموسيقى متناسقة مع المواقف^^

My Level

Lloyd

30

Sheena

29

Genis

30

Raine

29

Kratos

30

Colette

30

عدد الساعات التي لعبتها حتى الأن^^

22:32

Encounter

872

Combo

28

أنا بافك Seal عن Water اليوم^^

في أشياء غامضة كثير في القصة^^

أتوقع كثير من المفاجئات في الأحداث القائمة^^

مشكورين كثير على الموضوع الممتع^^

Digital Guy

24-07-2004, 05:43 PM

اللعبه خلصت من الاسواق والهندي يقول انشاءالله باجر تعال وبتحصل لك اللعبه
انشاءالله يصدق هذه المره.................

Wingless Angel

27-07-2004, 09:31 AM

السلام عليكم ورحمة الله وبركاته

انا اشتريتها

ولعبت فيها وخلصت السيل الثالني

واللعبة قمة الإبداع

وكل شي فيها حلو :biggthump

Yoshi SD

29-07-2004, 12:13 PM

باااااك

آسف أني غبت عن المنتدى خلال الأسبوع الماضي (هذا إذا أحد لاحظ غيابي) :tongue2:

السبب يعود إلى أعطال فنية بالجهاز...

بس بغيت أقول لكم أني مخلص اللعبة (خلصتها يوم الأحد الماضي) وخلصتهل خلال حوالي 50 ساعة (طبعاً بسبب غياب الانترنت والنوم الملخبط فكنت ألعب بيديني ورجولي لساعات طويلة)...

اللعبة رائعة وإلى الآن ألعب فيها (فيه مهمات فرعية كثيرة ما بعد خلصتها)

إذا أحد عنده أي أسئلة يتفضل يسأل

SanjiyaN

30-07-2004, 01:49 PM

اللعبة حلوة لكن المشكلة لمن تلعب بلاعبين او اكثر تكون الكيمرا ثابتة على اللاعب الاول فقط مما يخلي اللعب اصعب

في طريقة تخلي الكيمرا ثابتة؟

الاميرة زيلدا

30-07-2004, 02:04 PM

كاني اذكر ان في طريقة بس ما اتذكر ايش هي >>>>لو ما رديت احسن
كخخخخ

Tails&Kirby

31-07-2004, 02:52 PM

لو رحت للاوبشن تحصل خيار auto zoom هو بس راح يخلي الكميرا ثابته على اللاعب الاول لكنها ما تسوي zoom in و zoom out ان جربت هذا الخيار لكن ما كان مفيد مره المصيبة مافي حل غيره >.<

الاميرة زيلدا

31-07-2004, 02:57 PM

خلصت العبة
نياهههاه امس الليل ..>>>مو مصدقة
XD

Tails&Kirby

03-08-2004, 02:07 AM

مبروك اختي الاميرة زيلدا على انهاء اللعبة ^_^ و اتمنى من اللي خلصوا الشريط يزوروا موضوعي عن اسرار اللعبة و بعض المهمات الفرعيه :)

موضوعي هنا (http://www.montada.com/showthread.php?p=2767098#post2767098)

Trapped Inside

11-08-2004, 04:39 AM

Golden_Sun

11-08-2004, 01:28 PM

اللعبه اخيرا شريتها ..

شكلها روعه ^^

عاد انا مالي خبره بالار بي جي ابدا .. ولا بالقتال والسحر وذي الخرابيط ..

وبتشوفون مني اسئله كثيره انشالله .. لاني تنكه ار بي جي -___- ..

انصح بأن الموضوع يتثب لبعض الوقت عشان يكون موضوع مساعدات ..

^^

مبروك سعودي .. ويلكم باك ^__^ ..
واي سؤال عندك عن اللعبة .. ان شاء الله بتلقى الجواب
وبالنسبة لك اعتقد خلال اول 5 ساعات بتتعرف على نظامها وبتتعود عليه ^^

Trapped Inside

12-08-2004, 01:15 AM

مبروك سعودي .. ويلكم باك ^__^ ..
واي سؤال عندك عن اللعبة .. ان شاء الله بتلقى الجواب
وبالنسبة لك اعتقد خلال اول 5 ساعات بتتعرف على نظامها وبتتعود عليه ^^

الله يبارك فيك ^_^ ..

ثانكس .. ولله اشتقت للمنتدى .. واخيرا رجعت الرياض وانشالله احاول ارجع مثل اول ^^ ..

هههههه هين بتلاقي اسئله كثيره مني انشالله ^^ ..

ولله طريقة القتال مره حلوه بس انا ما اعرف للماجيك .. بصراحه لو تعلمني طريقة القتال بالتفصيل بعض الشيء اكون شاكر ومقدر ^^ .. لان في اشياء ما ادري ان كانت مهمه ولالا .. زي الــAttack Far ولا At Once ..
يعني بتفرق الى ذيك الدرجه .. لاني ما اعتقد -___-

ومشكور مره ثانيه ^^ ..

Golden_Sun

12-08-2004, 02:18 AM

الله يبارك فيك ^_^ ..

ثانكس .. ولله اشتقت للمنتدى .. واخيرا رجعت الرياض وانشالله احاول ارجع مثل اول ^^ ..

هههههه هين بتلاقي اسئله كثيره مني انشالله ^^ ..

ولله طريقة القتال مره حلوه بس انا ما اعرف للماجيك .. بصراحه لو تعلمني طريقة القتال بالتفصيل بعض الشيء اكون شاكر ومقدر ^^ .. لان في اشياء ما ادري ان كانت مهمه ولالا .. زي الــAttack Far ولا At Once ..
يعني بتفرق الى ذيك الدرجه .. لاني ما اعتقد -___-

ومشكور مره ثانيه ^^ ..

اوكي .. مو تمل من كلامي .. هههههه :tongue2: ..

اول شي بالنسبة لتغير الأوامر للشخصيات .. هذا يعطيك مجال مفتوح لتحديد استراتيجيتك الخاصة في اللعب ..
مثلاً جينيس اصلح له L-Range Mode اللي يسمح له القتال من بعيد بإستخدام السحر مع امر Scatter بتشوفه يقتال وحوش غير الوحوش اللي انت تضربهم الحين ! .. هذة شخصية ارتحت منها بالقتال لول ماراح تزعجك وبتساعدك كثير ^^
بهالطريقة لازم تحدد انت كل شخصية شنو تبي تكون وظيفتها مثلاً بـKratos او Raine تقدر تخليهم Healer اي يساعدون طاقة الشخصيات ويعالجونهم .. وإلخ من تعديل الاوامر .. هذة مجرد تحديد استراتيجية لك بالقتال ^^

وبالقتال عندك عداد اذا امتلئ تقدر تستخدم حركة تٌدعى U-Attack وهي نفس حركات زر الـB لكن تستخدهم لكل الشخصيات بشكل ممتالي (وتقدر تصنع كومبو مشترك بين شخصيتين قوي احياناً تصل قوته لما فوق الـ16000 !) .. وعليك انك ترتب حركاتهم بالـMenu قبل القتال من قائمة U-Attack لكل شخصية زر معين تضغطه وتحرك السهم لأداء الحركة (اما لفوق ، اسفل ، يسار ، او يمين) ..

وبالنسبة للـGems الموجود في اختيار Skills Gem << اعتقد هذا اسمه
اللي تركبهم على الشخصيات Gems ولكل منها Level هذة لتقوية الشخصيات .. \
مثلاً ممكن بترتيب معين تعلمهم حركة اضافية ، تزيد شي معين من الـStatus يعني حاب تزيد الـDEF لجينيس تركبه له Gem من اي لفل تزيد الـDEF .. طبعاً كل مازاد لفل الـGem كل ما كان تأثيرها على الشخصية اقوى ..

واذا عندك اي سؤال .. قول ^^

Trapped Inside

12-08-2004, 03:34 AM

الف شكر على الشرح ^___^ .. ما قصرت ولله ..

كثير من ذي الاشياء كنت عارفها .. بس بصراحه في اشياء ما زلت مرتبك فيها شوي .. على كل راح العب الشريط انا وبحاول اطبق الكلام .. بالمناسبه انا الى الحين ما انتبهت لشي اسمه Gem (باللعبه طبعا ) .. يمكن لاني توني .. (توني انقذت العجوز ماربل والظاهر اني لازم اروح لبيتي ) ..

على كل اذا صارلي اي شي باللعبه راح اسالك .. وبالتاكيد انك ما راح تقصر معي ^_^ ..

بالمناسبه : لا تستغرب ان كانت اسلئتي متاخره شوي .. لاني مو من النوع الي يلعب لساعات طويله ^^ ..

مشكور ^_^ ..

Golden_Sun

12-08-2004, 12:09 PM

theway

13-08-2004, 02:58 AM

الي اكتبه بالاحمر ممكن يخرب القصة شوي

هلا شباب ^^

اسف على الانقطاع الطويل .. السبب خلل في الكمبيوتر -____-

الي يسمع يقول كنت بستعمله .. عندي تيلز شدعوة كمبيوتر :tongue2:

الحمدلله خلصت اللعبة ^^ ،، طلعت فوق الي كنت اتوقع منها :biggthump

و الحين اليكم تقريري المفصل ...:

اللعبة رهيبة!! .. من ناحيت الشخصيات ، القصة ، طريقة اللعب ، كثرة النكت الي فيه ، الغلط فيها شيء واحد ان اكثر الموسيقات midi بس مع كذا في موسيقات خطيرة مثل لمن نحارب سمًن ، و موسيقت "شينا" ، موسيقت " دارز كارلان " .. و على فكرة ترى اللعبة ماخذة المركز الاول في العاب الـRPG من ناحيت الموسيقة :cool: .. و اخيرا اعطي اللعبة تقدير .. 9.8 ( يقهرني شعر "كولت" لمن يجي يدخل في ثيابها -___- )

شنو رئيكم بالتقرير ؟؟ طويل صح :D

سعودي :

من حظك ان توك بادي .. الحين تقدر تسأل اي سؤال يجي ببالك و تعرف جوابه على طول .. حتى لو بتسأل عن استراتجيز انا حاضر :006:

الي اقصده اني ضيعت وقت طويل لين ما عرفت كيف استعمل الـEX GEMS ، و هذا السهم الي فيه T و S ، و اطلع حركات جديدة ، و السوالف هذي ...

سلام ^^

Trapped Inside

13-08-2004, 05:09 AM

[center][color=red] سعودي :

من حظك ان توك بادي .. الحين تقدر تسأل اي سؤال يجي ببالك و تعرف جوابه على طول .. حتى لو بتسأل عن استراتجيز انا حاضر :006:

الي اقصده اني ضيعت وقت طويل لين ما عرفت كيف استعمل الـEX GEMS ، و هذا السهم الي فيه T و S ، و اطلع حركات جديدة ، و السوالف هذي ...

سلام ^^

مبورك على التخليصه ^^ ..

اي ولله حظي .. الحين معقدني الوحش الي عليه نار .. حق السيل الاول .. ما عرفت افوز عليه -___- عقدني ..

وبالنسبه للــ EX GEMS وذي الخرابيط .. انا حمار فيها -__-

مبروك مره ثانيه .. وانشالله تخلص بايتن كايتوس بعد ^^ ..

اي صح ويلكم باك ^^ ..

theway

13-08-2004, 03:25 PM

سعودي :

الله يبارك فيك ^^ .. و عقبالك ^^

وصلت السيل الاول .. هذا الوحش الوحيد الي هزمني طول اللعبة ( غير الهوشة الي لازم تخسر فيها ضد يو... ما يحتاج اكمل ) بعدها تأدبت و صرت قبل ما ادخل اي سيل ثاني ازيد اللفل 2 على الاقل .. بعدها صارت اللعبة way too easy >>> تعقد من لويد من كثر ما يفوز فيه :tongue2:

انصحك زيد اللفل .. بعدها اطفي كل حركات " جينس " الا حركات الماء و الثلج ( الطريقة : بالـ" menu " حط " tech " و اضغط على الحركات الي ما تبيه يستعملهم "Y" على ما اعتقد ) .. "كراتوس" خليه " healer " .. اللاعب الاخير اختاره على راحتك ،، لمن تبدأ المبارة كفخ جنوده .. و خلي جينس يستخدم ماجك على الرئيس .. لين ما تذبح جنوده قوم طق بالرئيس .. لو كلكم طحتوا فيه طق ما يقدر يتحرك ابدا ( خصوصا ان "جينس" قاعد يستخدم ماء الي هو نقطة ضعفه ^^ ) .. good luke ^^

بالنسبة للـgems كلنا حمير فيها اول ما نبدأ .. بس بعد ما تجمع كثير gems بتعرف كيف ترتبهم بطريقة تفيدك ^^

اي صح ويلكم باك ^^
اند يور ولكم تو ^^

Trapped Inside

14-08-2004, 07:44 PM

سعودي :

الله يبارك فيك ^^ .. و عقبالك ^^

وصلت السيل الاول .. هذا الوحش الوحيد الي هزمني طول اللعبة ( غير الهوشة الي لازم تخسر فيها ضد يو... ما يحتاج اكمل ) بعدها تأدبت و صرت قبل ما ادخل اي سيل ثاني ازيد اللفل 2 على الاقل .. بعدها صارت اللعبة way too easy >>> تعقد من لويد من كثر ما يفوز فيه :tongue2:

انصحك زيد اللفل .. بعدها اطفي كل حركات " جينس " الا حركات الماء و الثلج ( الطريقة : بالـ" menu " حط " tech " و اضغط على الحركات الي ما تبيه يستعملهم "Y" على ما اعتقد ) .. "كراتوس" خليه " healer " .. اللاعب الاخير اختاره على راحتك ،، لمن تبدأ المبارة كفخ جنوده .. و خلي جينس يستخدم ماجك على الرئيس .. لين ما تذبح جنوده قوم طق بالرئيس .. لو كلكم طحتوا فيه طق ما يقدر يتحرك ابدا ( خصوصا ان "جينس" قاعد يستخدم ماء الي هو نقطة ضعفه ^^ ) .. good luke ^^

بالنسبة للـgems كلنا حمير فيها اول ما نبدأ .. بس بعد ما تجمع كثير gems بتعرف كيف ترتبهم بطريقة تفيدك ^^

اند يور ولكم تو ^^

اول شي ما اعرف ازود اللفل -____- .. ثاني شي جينس ما عنده حركه ماء ولا ثلج .. الي عنده ريح وضخر .. والى الحين ما فزت عليه -___-

اصلا مايمديني اسوي شي الا وجنوده يطلقون علي كرات النار .. تخسرني طاقه كثيره -___-

مدري وش اسوي ><

Wingless Angel

14-08-2004, 09:48 PM

اول شي ما اعرف ازود اللفل -____-

قاتل الجنود وبتحصل نقاط خبرة ويزداد لفلك (قاعدة عامة في كل لعبة RPG)

ثاني شي جينس ما عنده حركه ماء ولا ثلج

زود لفله وبيحصل الحركات

اصلا مايمديني اسوي شي الا وجنوده يطلقون علي كرات النار .. تخسرني طاقه كثيره -___-

اذبح الجنود قبل لا تكفخ الزعيم انا وصلت هذا الزعيم وقتلته بدون أي إضافة او تغيير في الاوامر :biggthump وحتى الحين ما غيرت ولا أمر و اي شي ثاني بس الالقاب

Yamabuki

28-08-2004, 04:18 PM

اسف رفعت الموضوع :31: :31: بس احسن من اني اسوي موضوع جديد عشان سؤال :31: بعدين اشوه المنتدى :o
المهم....انا في اللعبة هزمت الوحش في التور اوف مانا حق السيل الثاني بعدين خذت الكتاب الي يبغاه المريض

في قرية hima اعتقد كذا اسمها بس لازم شي ثاني اخذه عشان هاذا العلة اعتقد اسمة mana leaf :33: من فين اخذها؟؟؟؟؟

انشاءالله شرحي واضح :biggrin:

sayonara

pumbaa

30-08-2004, 10:10 PM

السلام عليكم ورحمة الله وبركاته

بس ابي اعرف حاجة وحده شباب......اتمنى انكم تجاوبوني عليها

هل اللعبة حصرية للجيم كيوب؟؟؟؟؟؟
واذا كانت لا بتنزل على اي جهاز

يعني اذا بتنزل على لبلاي ستيشن او اكس بوكس احسن

ناخذها كوبي :09:

واذا كانت حصريه
ما باليد حيله نشتريها على لكيوب :33:

تحياتي للجميع
صديقكم الصدوق بومبا
هكون :laughing: متاتا

Wingless Angel

31-08-2004, 12:36 PM

pumbaa: اللعبة الانجليزية على ما اضن بتكون حصرية للكيوب اما اليابانية بتصدر على البلاي ستيشن 2

sehro: هل شينيا انضمت وياك (الا قاتلتها وتبي تقتل الكولت) هذي تسيير للسير الثاني لنهاية وبتقاتل اوديني وبتحصلها بعدين عدال القرية بتحل مثل بحيرة تقدر تدخلها وبتحصل شي :)

بس ان شاء الله يكون صح لاني ناسي المكان والاحداث شوية :31:

naji

31-08-2004, 03:55 PM

مساعدة
انا في منتطقة الي اسمها (تتيالا) رحت البلدة الي فيها الملك وانضم الي (برسيا) والثاني ناس اسمه
بعدين وين اروح
الرجاؤ المساعدة

Wingless Angel

31-08-2004, 05:50 PM

لازم تسير ألى جسر كبير اسمه Tethe'alla Bridge واعبره لين النهاية طبعا وتسير إلى قرية village of Sybak

وكمل هناك

Yamabuki

01-09-2004, 08:36 AM

شكرا على المساعدة^^

شينا لسى مانظمت معاي

تاور اوف مانا اروحلة بعد ماخذ سيل الرياح لاني حاس اني ملخبط :28:

المهم انا الان عند السيل حق الرياح بس اللخز محيرني ولعت النيران كلها وحركت المراوح بس ماصار شي!!!

Wingless Angel

01-09-2004, 02:20 PM

هذي حل المراوح

1. احمر
2.أخضر
3. أصفر
4. أبيض
5. أزرق

راح ينفتح مكان سري جهة اليمين وبتحصل اداة

1- ازرق
2- احمر
3- اصفر
4- ابيض
5- اخضر

هنا بعد يفتح مكان سري بس اليسار

1- احمر
2- اصفر
3- اخضر
4- ابيض
5- ازرق

Yamabuki

01-09-2004, 04:16 PM

شكرا جداً جداً معليش تعبتك معاي ^^"

ARIGATOU

naji

07-09-2004, 06:41 PM

انا في تميل اوف ايرث ابي مساعدة في قزم يبى طبخة حارة

من وين اجيبها

الرجاء المساعدة

Wingless Angel

07-09-2004, 06:53 PM

لازم تسير بيت العجوز الا ما يتكلم معاك وتكلم مساعدته وبتعلمك الطبخة

naji

07-09-2004, 07:22 PM

انا رحت عند العجوز وكلمت البنت

وتقول تعال بعدين

ويمكن الطبخة عندي وانا مدري

وكيف اسويها

Wingless Angel

08-09-2004, 02:29 PM

الاكلة تكون اسمها كاري على ما اضن

وعشام تستخدمها تكلم القزم وبيتفقون على ان اكلة الكاري هي الا يبيها وبتختار الا يطبخ وانا اخترت كولت :أفكر:

وانت اختار الا تبيه

يمكن ما عندك لوازم الاكلة من خضرات ولحوم الخ (ما ادري شو اللوازم) :)

naji

12-09-2004, 05:45 PM

انا خلصت منطقة Latheon Gorge وبعدين رحت عند Elixir المدينة العائمة

وقابلت ام الدكتورة

وين اروح

وبعدين في مكان اسمهSE Abbey

في حارسين عند الباب كيف ادخل

Chris Redfiled

15-09-2004, 03:15 AM

ارجوكم اذا احدكم يعلم عن تيلز اوف سيمفونيا التي على القيم كيوب

اريد احدا يدلني على ماكسويل السمن سبيرت كيف احصل عليه او كيف اجده هل في تثيالا ام في سلفرانت وفي اي مكان بالضبط.. وشكرا لكم

Tails&Kirby

15-09-2004, 04:50 PM

شوف هذا الموضوع راح تحصل اللي يرضيك
http://www.montada.com/showthread.php?t=292439

Chris Redfiled

18-09-2004, 12:03 AM

شكرا لك يا اخي tails&kirby

والله انك رهيب..........:cool:

zahra

19-09-2004, 04:08 PM

شريت اللعبة ولعبت 10 ساعات الان
انطباعتي عن اللعبة توجد بها الكثير من الايجابيات وتوجد بعض السلبيات التي لابد من الاانتباه اليها
وهناك نقاط كرهتها في اللعبة
بالنسبة الي القصة الي الان فهي تمشي سلسة لاتوجد مفاحات كبيرة فيها
بل تسير بنظام حلو
الرسوم لا يوجد بها اي عيب ابدا من افضل الالعاب رسوميا الي الان
النقطة التي كرهتها في اللعبة هي عند كلام الشخصيات لابد ان تضغظ الزر ليكمل كلامة والا سترجع الشخصية الي وقفتها العادية قتكون النتيجة ان اشكال الشخصيات لا تركب مع الحوار فكيف يكون الواحد معصب ويههد وفي نص الجملة يقف مستريح وبعدين يكمل تهديدة وكذا
الشيء الذي لفت انتبهاي وبشدة هو تصممي المنازل والديكورات الموضوعة كلها مميزة ولا تحس باي شيء غير مالوف فيها
اما عن طريقة التحكم في القتال قد احببتها وبديت اجرب من عندي بعض الشغلات المجننونه
مثلا يوم مريت في مكان بسيط خليت اربع الاعبين كمبيوتر وخليتهم يخلصوا وانا جالسة اتفرج :09: