SNYMA
16-07-2004, 10:24 PM
بسم الله الرحمن الرحيم
=================
شلونكم شباب ... الصراحة مدري من وين أبدأ :o
أول شي اللعبة وصلتلي توه إلحين , أخوي فاجأني فيها , دش علي و عطاني الشريط
أنا الصراحة ما صدقت , سألته قلت له متى شريتها قالي من زمان كانت وياي , لكن توه هو راجع من بره , و شراها , لكن المشكلة إلحين ما أقدر ألعبها بحماس لأنه فيه ألعاب ما خلصتها للحين على البلاي ستيشن 2 و الإكس بوكس (للحين ما شطبت عليهم :09: ) , خلنا من هالسوالف العائلية , نتكلم جد , ترى على فكرة اللعبة لعبتها بس 30 أو 45 ساعة , يعني الكلام عنها بعد تجربة ربع ساعة , لكن بهالربع ساعة شفت الهوايل:
أولاً : الرسومات :
رسومات اللعبة مثل ما تعرفون كلكم إنها سيل شيدد , لكن الصراحة غطت على رسومات فيوتي (كنت أعتقد إنه أفضل رسومات سيل شيدد على مستوى الألعاب هي فيوتي) , مثل ما قلت رسوماتها قوية , هذا و توني للحين ببداية اللعبة , الله يعين لمن أتقدم شوي باللعبة , يعني 5 ساعات و فوق شنو بيصير , بالنسبة للرسومات من اللي شفته للحين ممتازة و أكثر من ممتازة (حظهم بايخ اللي ما عندهم جيم كيوب) و حرام تنزل هاللعبة القوية على البلاي ستيشن 2 , المفروض حصرية على الكيوب.
ثانياً : التحكم :
التحكم أو خلنا نقول نظام القتال في اللعبة , من أفضل أنظمة القتال على مستوى ألعاب الأربيجي , أفضل من فاجرانت ستوري و فاينل فانتسي و كينجدوم هيرتس و الشلة الباجية , أنا بهالـ 30 أو 45 دقيقة تقاتلت مرة وحدة , لكن الحقيقة خطير , أول , قبل لا يبدأ القتال , يعني أنا قاعد أتمشى و يبي يصير قتال , الشاشة تنكسر مثل فاينل 10 , بعدها يبدأ القتال , القتال في اللعبة FREE يعني شخصيتك مو مقيدة في مكان واحد مثل ما يصير في نظام القتال في فاينل 10 , بهاللعبة تقدر تروح و ترد و تسوي صدة بعد , يعني بس تطق زر الإكس و تسوي صدة , طبعاً إستخدام السيوف معروف زر الـ A هو اللي تستخدم فيها السيوف , واللي عاجبني في نظام القتال إنه فيه تفاعل كبير , لمن تتقاتل راح تلقى صورة شخصيتك (لويد) تحت إذا طقيت حيل و سويت كومبوات , تلقاه يعصب بالصورة (كووووول) , وإذا حاشوك الوحوش يتأثر و يتعور و راح تشوف التأثير على وجهه , أقدر أقول إنه نظام القتال أفضل نظام قتال (أنا طبعاً فقدت الأمل بعد فاجرانت ستوري) لكن مع هاللعبة العملاقة حقيقة عرفت إنه فيه أمل من الألعاب الجاية.
ثالثاً : القصة :
ما أقدر أحكم عليها لأني للحين في بداية اللعبة , لأنه ألعاب الأربيجي معروفة 45 ساعة وفوق يعني ما يقلون عن هالشي , هذا إذا ما طلعت 100 ساعة , راح أتعب تعب غير طبيعي , اللعبة شكلها مليانة سوالف , ببداية اللعبة (30 أو 45 دقيقة حوارات شكثر , شلون بعد 5 ساعات , تلقاني أنسى الكلام اللي سمعته من كثر الحوارات).
رابعاً : طول اللعبة :
لعبة أربيجي أكيد راح تكون طويلة , لكن للأسف اللعبة إذا ختمتها ما أتوقع ألعبها مرة ثانية , لأن ألعاب الأربيجي طويلة حيل و متعبة , و ثاني شي فيه ألعاب ثانية راح تجي بالطريج (فابل , سوديكي) , يعني ما في وقت.
خامساً : الصوت :
الأصوات في اللعبة الحقيقة ممتازة و مناسبة لبيئات اللعب , و الموسيقى تقليدية , الصراحة ما أقدر أحكم لأنه تلفزيوني (Monio) , لكن الأصوات حقيقة حلوة و ناعمة , يمكن تخلينا ننسى طول اللعبة و ملاغة ألعاب الأربيجي
التقييم العام:
الرسومات - 9.5 من 10
التحكم - 10 من 10
القصة - أقول 9 من 10 لأنه اللعبة الصراحة من شكلها أحداثها راح تكون حلوة و ممتعة
طول اللعبة - 10 من 10
الصوت - 8.5 من 10
التقدير النهائي - 9.4 من 10
تحياتي^^ , إنشالله أخذتو فكرة بسيطة عن اللعبة , إنشالله إذا فضيت للعبة راح أكتب عنها تقرير شامل و متكامل
:ciao:
=================
شلونكم شباب ... الصراحة مدري من وين أبدأ :o
أول شي اللعبة وصلتلي توه إلحين , أخوي فاجأني فيها , دش علي و عطاني الشريط
أنا الصراحة ما صدقت , سألته قلت له متى شريتها قالي من زمان كانت وياي , لكن توه هو راجع من بره , و شراها , لكن المشكلة إلحين ما أقدر ألعبها بحماس لأنه فيه ألعاب ما خلصتها للحين على البلاي ستيشن 2 و الإكس بوكس (للحين ما شطبت عليهم :09: ) , خلنا من هالسوالف العائلية , نتكلم جد , ترى على فكرة اللعبة لعبتها بس 30 أو 45 ساعة , يعني الكلام عنها بعد تجربة ربع ساعة , لكن بهالربع ساعة شفت الهوايل:
أولاً : الرسومات :
رسومات اللعبة مثل ما تعرفون كلكم إنها سيل شيدد , لكن الصراحة غطت على رسومات فيوتي (كنت أعتقد إنه أفضل رسومات سيل شيدد على مستوى الألعاب هي فيوتي) , مثل ما قلت رسوماتها قوية , هذا و توني للحين ببداية اللعبة , الله يعين لمن أتقدم شوي باللعبة , يعني 5 ساعات و فوق شنو بيصير , بالنسبة للرسومات من اللي شفته للحين ممتازة و أكثر من ممتازة (حظهم بايخ اللي ما عندهم جيم كيوب) و حرام تنزل هاللعبة القوية على البلاي ستيشن 2 , المفروض حصرية على الكيوب.
ثانياً : التحكم :
التحكم أو خلنا نقول نظام القتال في اللعبة , من أفضل أنظمة القتال على مستوى ألعاب الأربيجي , أفضل من فاجرانت ستوري و فاينل فانتسي و كينجدوم هيرتس و الشلة الباجية , أنا بهالـ 30 أو 45 دقيقة تقاتلت مرة وحدة , لكن الحقيقة خطير , أول , قبل لا يبدأ القتال , يعني أنا قاعد أتمشى و يبي يصير قتال , الشاشة تنكسر مثل فاينل 10 , بعدها يبدأ القتال , القتال في اللعبة FREE يعني شخصيتك مو مقيدة في مكان واحد مثل ما يصير في نظام القتال في فاينل 10 , بهاللعبة تقدر تروح و ترد و تسوي صدة بعد , يعني بس تطق زر الإكس و تسوي صدة , طبعاً إستخدام السيوف معروف زر الـ A هو اللي تستخدم فيها السيوف , واللي عاجبني في نظام القتال إنه فيه تفاعل كبير , لمن تتقاتل راح تلقى صورة شخصيتك (لويد) تحت إذا طقيت حيل و سويت كومبوات , تلقاه يعصب بالصورة (كووووول) , وإذا حاشوك الوحوش يتأثر و يتعور و راح تشوف التأثير على وجهه , أقدر أقول إنه نظام القتال أفضل نظام قتال (أنا طبعاً فقدت الأمل بعد فاجرانت ستوري) لكن مع هاللعبة العملاقة حقيقة عرفت إنه فيه أمل من الألعاب الجاية.
ثالثاً : القصة :
ما أقدر أحكم عليها لأني للحين في بداية اللعبة , لأنه ألعاب الأربيجي معروفة 45 ساعة وفوق يعني ما يقلون عن هالشي , هذا إذا ما طلعت 100 ساعة , راح أتعب تعب غير طبيعي , اللعبة شكلها مليانة سوالف , ببداية اللعبة (30 أو 45 دقيقة حوارات شكثر , شلون بعد 5 ساعات , تلقاني أنسى الكلام اللي سمعته من كثر الحوارات).
رابعاً : طول اللعبة :
لعبة أربيجي أكيد راح تكون طويلة , لكن للأسف اللعبة إذا ختمتها ما أتوقع ألعبها مرة ثانية , لأن ألعاب الأربيجي طويلة حيل و متعبة , و ثاني شي فيه ألعاب ثانية راح تجي بالطريج (فابل , سوديكي) , يعني ما في وقت.
خامساً : الصوت :
الأصوات في اللعبة الحقيقة ممتازة و مناسبة لبيئات اللعب , و الموسيقى تقليدية , الصراحة ما أقدر أحكم لأنه تلفزيوني (Monio) , لكن الأصوات حقيقة حلوة و ناعمة , يمكن تخلينا ننسى طول اللعبة و ملاغة ألعاب الأربيجي
التقييم العام:
الرسومات - 9.5 من 10
التحكم - 10 من 10
القصة - أقول 9 من 10 لأنه اللعبة الصراحة من شكلها أحداثها راح تكون حلوة و ممتعة
طول اللعبة - 10 من 10
الصوت - 8.5 من 10
التقدير النهائي - 9.4 من 10
تحياتي^^ , إنشالله أخذتو فكرة بسيطة عن اللعبة , إنشالله إذا فضيت للعبة راح أكتب عنها تقرير شامل و متكامل
:ciao: