المساعد الشخصي الرقمي

مشاهدة النسخة كاملة : وا تلفزيوناه ..


Kubaj
05-08-2004, 03:16 PM
السلام عليكم ورحمة الله وبركاته .. اما بعد .. السيد المكرم .. صاحب الفاتورة


سدد يرحم ابوك تراك طفرتنا كل يوم مرسلين لك مسج !!


الحقيقة هذولي الجوال غاثين ابو جوالي المسكين


كل يوم مسج عزيزي المشترك تراك وصلت الحد الإئتماني


افهمها واستح على وجهك مطلع خمسة خطوط


ثلاثة على حافة الحد واثنين في عداد المفقودين


..


طيب وانا مالي ؟ :31:


يعني وش ذنبي اذا عندي واحد الله يستر عليه - مهوب خالي -


مصاب بالنرجسية وكل شوي مطلع رقم ينطح الثاني وبشدة


يعني الله يعين زوجته عليه ..


مايمشي عنده يشتري شي واحد .. لا لازم اثنين .. او ثلاثة


لذلك منطقياً بيتزوج اثنتين .. وحدة منهم بيتركها على باله


انها فاتورة جوال ممكن تنفصل بأي وقت ..


اوكي انا بدأت اخرج عن اطار الموضوع ..


( لا والله خرجت واشتريت عشا ورجعت ووقفت عند تفتيش بعد )


طبعاً ماقلت عشا الا لإنه الوقت الوحيد اللي يصلح الواحد يطلع


فيه بمدينة الرياض في فصل الصيف بدون الخوف


من ضربة شمس .. او التعرض المباشر لأشعة الشمس


اللي ممكن يسبب عطب دائم في المخيخ مما يؤدي


الى جلطة في المخ والوفاة دماغياً ..


وعاد يالله شف المستشفيات بيتسابقون عليك كأنك


نتفة من خبزة تميس طاحت جنب حصن للنمل ..


على طاري النمل .. انا اكتشفت مؤخراً ان النمل الي في البيت


يحب السمسم .. لإني اصبت بحالة ذهول مؤقت الى ان ما يتمكن عقلي


من شراء ذهول فل كامل فتحة وجنوط بالتقسيط المنتهي بالتمليك ..


صحيح !!:drive:


عنوان الموضوع ..


معليش بس عقلي يصير معطوب بنسبة 70%


مجرد اني طلعت افتح الباب ورجعت .. يعني ..25 ثانية .


لذلك صحيح .. ايوه


مرحباً بكم اعزائي واحبابي سكان جزيرة المنتدى العام


انا احييكم هنا من صحراء الربع الخالي


من على ظهر بعيري الوردي ..


وقيل لي بإن هناك احسن نقطة لإستقبال البث الفضائي


لجميع القنوات الفضائية .. والأرضية .. و .. و .. المالطية :turtle:


والحقيقة اجدها فرصة بما انه فصل الصيف


منها سياحة .. وفرصة الإلتقاء بالمخلوق الإسطوري


نعمان .. ورفيق دربه قرقور ..


ومن هنا اجدها فرصة لشكر خادم الحرمين الشريفين


وولي عهده الأمين والنائب الثاني


على حراستهم لهذه المنطقة جيداً من ايدي العابثين


والنعامات السائبة .. و.. و ايضاً


من المخلوق الفضائي الذي يتشكل على شكل اي مخلوق يقتله .. :yumyum:


الا على طاري نعمان ..الجميع يتذكر افتح يا سمسم


وكيف اننا حتى بالتقليد مانفلح ..


البرنامج العربي الوحيد اللي افخر فيه


هو المناهل ولو انه كان يجيب لي الكآبة


لكن يظل انتاج عربي .. ولا يهون ابو الحروف بطلي المفضل


وزيد وعمر .. والمقطع اللي يجيبلك اثنين يمشون ويكررهم كل مرة


بس يزود كل عدد طبقة جديدة ..


بصراحة بقول شي قديم .. اقدم من النائب الثاني بس صراحة الحق حق


اعلامنا العربي .. فاشل !! :cussing:


معقولة مافيه موقع لإفتح يا سمسم ؟؟


يعني صحيح هو برنامج يقلد الا ينسخ البرنامج الأمريكي


واللي by the way يعني له اكثر من 5 مواقع كل واحد يقول للثاني انا احلى منك


تدرون مالقيت له الا صورة كحياااااااانة من جد حتى الوانها صافقتها شمس قوية


تحتك بشمس الرياض لكن ناقصها خبرة واحتراف خارجي ..


ناظروا بالله .. شوفوا نعمان كيف صار :17:


http://www.arabicmovies.net/bphoto/180013b.jpg


ايش هذا ؟؟؟؟؟ فلم مرعب؟؟


حرام عليكم خربتوا ذكريات الطفولة ناظروا بدر كيف يناظر كأنه بيسوي جريمة


ونعمان ناوي يقتل الببغاء مدري عصفور مدري وش قصة امه :23:


بعدين ليش بدر وجهه بنفسجي سلامات الأخ متسمم ؟؟


الله يخلف علينا .. مشكلتنا .. نبدا الشي مثل اي بلد ثاني


لكن مانعرف نستمر ونتطور يعني النجاح مو صعب


الصعب انك تحافظ عليه .. زي الكلام هذا بالضبط ..


المشكلة بكل شي واكبر مثال هو منتخبنا الله يرحم ايامه


ويخلف علينا بمنتخب زيه .. ( keep dreaming )


يعني عام 94 كنا ننافس هولندا ونفوز على بلجيكا


ونؤدي بشكل جميل مع السويد ..


وبعد عشر سنوات بس يعني مارحنا بعيد ..


صرنا نتمنى الفوز على اهلستان ؟


على كل حال .. مافيه احد يقدر يحافظ على النجاح بدون تخطيط


ومن هنا ارسل تحياتي للإتحاد العماني اللي يعرف كيف يخطط بهدوء


موب مثل الأخ خطة مدروسة ..



http://www.saudi-sq-fed.org/sultan.jpg



السيد خطة علمية مدروسة .. مافيه شك آل سعود




يوم تأهلنا لكأس العالم 2002 قال بندخل كمنافسين .. - كثر لي منها مع شوية كحل من عيونك -


وبعد عشر سنوات بنحقق الكأس ..


لا والله البجاحة وقوة الوجه ..


صدق المثل .. شين وقوي عين ..


نرجع مع المخرج وناخذ U-turn


ونرجع لسالفة افتح يا سمسم .. ناظروا كيف الفرق بين الصورة اللي وريتكم


والصورة من البرنامج الأصلي ..


http://www.sesamestreetlive.com/assets/home/hom_showpicture_2.jpg


ما اقول الا الله يخلف حتى نعمان طلعنا ملفقينه .. ههههه ..


بس كله كوم والأزرق الحلو حق الكوكيز كوم ..


والله انه انسان منسم .. بصراحة


بدري على طاش ماطاش يجيبون زيه ..


حتى قرقور .. شخص لطيف جداً


يعني هم كثنائي اصرف من السدحان والقصبي


اللي هو صورة اخرى للنجاح الغير محافظ عليه ..


http://www.sesamestreetlive.com/uploads/SSL_bio_photo_cookie.gifhttp://www.sesamestreetlive.com/uploads/SSL_bio_photo_grover.gif


بالله تحية يا شباب وشابات لهذا الثنائي المرح


الله يخلي القناة الثانية الفاشلة كانت تجيب لنا من هالبرنامج


لا والمشكلة البرنامج العربي المقلد


يجيبون فيه ممثل بايخ يغني بالعود


بالله هذي اشياء تعلمها اطفال ؟؟


لعنة الله على شياطينكم عرب مافلحتوا الا بالغناء والرقص


والليالي الحمراء والزرقاء .. !!


انا انسان ما اتابع التلفزيون الا اذا جت مباريات ..


اما المسلسلات والأفلام والى آخره .. اشوفها بالجهاز يا انزلها من النت


يا يجيبها لي واحد .. ( طيب بتعلمنا بالقوة يعني ) ايه .. بالقوة


ومع سبق الإصرار والترصد للأحوال الجوية لمدينة راس ابو قميص .


ولكن مع الغزو الجوي لبطولة اوروبا وآسيا والأولمبياد القادم


فتحت التلفزيون .. وشفت قنوات ( بدات بالموضوع اللي كنت ناوي اكتبه من البداية )


شفت من هالقنوات ..


الهز والرقص والتميع والتمايل ..


والتمكيج والتقبح ..


وطبعاً ماجبت شي جديد ..


كلها شي متعودينه من فارغين العقول العرب ..


اغاني ورقص وتبذل وقلة حيا


وانحلال وتقليد ..


كل هذي هجمات عادية ..عند الجمهور جنب القائم بالكثير ..


لكن الشي اللي ارتطم بعارضة وجداني ..


واهتزت لها المفاهيم الإنسانية ..


انه فيه تشات بالمسجات على هامش هذه القنوات الماجنة .. !!!


مو معقول ابداً


وحدة ترسل تقول - انا مجهولة .. ابحث عن مجهول -


طبعاً فيه زليون حمار بيرسلون .. - مجهول هنا .. من يتحدث - ..


ولا واحد ماصل يكتب رقمه ..


يعني والله لو الواحد يضيع وقته بمنتديات طول اليوم ما اقول له شي


الأخ اكيد يستفيد خبرات ومعلومات ..


حتى لو يدخل تشات نقول يرفه عن نفسه شوي ..


بس يرسل مسجات - طبعاً ليست مجانية - عشان يسوي تشات ..


وطبعاً .. مستحيل التشات يكون مفيد او حتى مسلي ولقتل الوقت


لا .. دام ان طرفي المعادلة الكاملة موجودة ..


وصانع لعب هذه المعادلة متواجد 24/7 ..


الهدف هو واحد لم يتغير منذ فجر التاريخ ..وهو الكسب المادي


لكن الطرق تعددت الى روما .. حتى ان بعضها ااضاع روما ..


الطرق الخبيثة .. للكسب المادي .. شيء مقزز فعلاً ..


وا تلفزيوناه !!


لهذا الإعلام السطحي الفاشل الغبي المتخلف المنحط المبتذل


المنغمس في الرذيلة ..


والذي يجعلنا مادة دسمة للعالم كله ..


ولو سخرنا ربع وقت هذه الفضائيات في قناة ناطقة باللغة الإنجليزية


تشرح الوجه الحقيقي لديننا وتشريعات الله


والبدء في الأمور الأكثر انتشاراً عن الدين الإسلامي


على سبيل المثال القصاص ، وتعدد الزوجات والى آخره من المواضيع المهمة والحساسة ..


لأختلفت نظرة العالم لنا ..


ولما اصبحنا اليوم مصدر قلق وخوف


على الرغم من وداعتنا وبؤس حالنا .. !


وصدق ولد حارتنا صاحب الوجه البشوش


إبراهيم سويد الملقب بروماريو

http://img.photobucket.com/albums/v319/Kubaj/1576158816081588.jpg

هيه..تراني لعبت بكاس العالم !!

( روماريو العرب )




عندما قال


" انشغل الناس قديما بمقدمة ابن خلدون اما حالياً فقد اشغلتهم مؤخرة روبي "



مع اطيب التمنيات بالشفاء العاجل لفرانشيسكو توتي ابو تفلة ونص


:rose:
MoaeD
05-08-2004, 03:56 PM
من جد .. حنا فرضنا على انفسنا اننا ما نتطور ..وهذا اللي صاير

اننا ما نتطور شي .. واننا نتخلف هذا شي ثاني .. يعني بالله الفيديو كليبات اول ما عرفناها واحد يغني عند ناقوره ويحز راسه ويدينه بعدين صار يجي معه رجال يرقصون

ثمن دخلو معهم الحريم اللي واقفين وتدور الكاميرا عليهم وبعدين صارو الحريم يرقصون

وعلى شوي شوي .. حتى صارت الفيديو كليبات دعاره اعوذ بالله ..

وهذا الحين ولا شي.. اكتشفت اننا حنا ما ناخذ الا الشين .. ولا نشجع الا الشين (كمعظم الناس كعرب)


كثير من البرامج الثقافيه اللي عرضت وما لاقت هالأهتمام

اما برنامج ماجن ووقذر وهدفه اوضح من نور الشمس زي ستار اكاديمي يصير مجال الحديث 24 ساعه لا وموب من الشباب وصغار السن بس حتى الشياب يتابعونه ...

يعني مثل هالبرنامج ما يحتاج فتوى انك ما تتابعه اصلا لأنه ماله اي هدف راقي يخليك تتابعه..


اوافقك الرأي 100% اخوي خوباج واحييك على هالطرح الأكثر من رائع والصراحه تطرقت الى مسأله خطيره ووضعنا فيها مزري ..

مشكور على الموضوع الرائع اللي نضمه الى ابداعاتك المتعدده ..
البـاحث
05-08-2004, 04:34 PM
بعدين ليش بدر وجهه بنفسجي سلامات الأخ متسمم ؟؟

اسمه أنيس وليس بدر




الببغاء مدري عصفور مدري وش قصة امه

اسمه ملسون
Anima
05-08-2004, 05:03 PM
الله يخلف علينا بس

اناس تطلع لفوق وحنا ننزل

الدول تتقدم وتتحظر وحنا زي ما احنا

يا مؤيد لا تحرق دمك على الفاضي ترى ما فية فايدة





المشكلة بكل شي واكبر مثال هو منتخبنا الله يرحم ايامه



انت لين الحين تسمي هذا منتخب :أفكر:

من بعد مونديال94 معد صار لنا منتخب



وشكرا على الموضوع


مع اطيب التمنيات للموت العاجل لفرانشيسكو توتي :biggthump
Pr.Game
05-08-2004, 06:50 PM
خخخخخخخخخخخخخ
لسه نحنا من دول العالم الأخير ..
قنواتنا "نكد1 ونكد2" مسوين قناة رياضية ودامجينها مع الانجليزية
وقناه إخبارية ومالها داعي ..
ومنتخب مفشلنا ورايح مسوي شديد بالصين ورجع خايب على أول طيارة..
الله يخلف علينا بس ..
وعن الاتصالات الله لا يوريك كل شهر والتاني لا هطين 120 ريال على لاشيء :31:
والحين مسوين توزيع شرائح مجاناً يبونا ناخذ مليون جوال بلوشي بس هم أهم شي ياخذوا المية وعشرين
خلنا ساكيتن وخلها على ربك ويقولون في شركة جديدة الله أعلم وش حتسوي ..
وبالنسبة لإفتح يا سمسم أذكره من 13 سنة وهم كل سنة يعيدوه ههههههههههههههههه :)..
على كل حال .. ماكو إضافات أخرى ..
:31: هذا بعض من كل لسه ما تكلمنا عن الانترنت وغيره
ومشكور على الموضوع الملامس لحالنا ^^ ...
نيو ايرفين
05-08-2004, 07:11 PM
منتخبنا طير حر والكورة عنده ثواره :p


مع تحيات مصطح كور :tongue2:

أما التلفزيون فالحقيقة نادرا ما اشاهده

اذا قعدت عليه اقعد أصقع في أخوي في الوننج الفين :28:
RPG_master
05-08-2004, 07:48 PM
جبتلي الكآبه :raincloud
Da S.O.S
05-08-2004, 09:22 PM
you make me sad man
i'm trying to forget that things:(
and then u remind me
god bless u man
don\t ask me why i'm writing in english coz i don't have an arabic keyboard
about our saudi team
our team in the school is playing better than them
about our tv it's there ia noting new
the chat on the tv is just for the stupid people and really i feal sorry about them
and thaaaaaaaanx for the really funny into
and the important subject
Kubaj
05-08-2004, 10:56 PM
اخوي الباحث اسمه ميسون موب ملسون :tongue2:
البـاحث
05-08-2004, 11:04 PM
اخوي الباحث اسمه ميسون موب ملسون :tongue2:




يا عزيزي العزيز كنت أحب هذا البرنامج لدرجة كبيرة وأعرف كل شخصياته :p

والطائر كان يقوم بدوره توفيق العشا واسم الطائر

ملسون وليس ميسون كما يتوهم البعض :tongue2:

بامكانك التأكد اذا رجعت لإحدى النسخ هذا اذا حصلت على وحدة :31:
FARES360
06-08-2004, 02:04 AM
Too long topics , too lazy to read
ثريول
06-08-2004, 02:35 AM
تصدّق أنك سويت فيني مثل ماسووا بالشاعر اللي قال :

إن مواضيعه اللي في هذا الموضوع كدقيقٍ **** بين الجبال نثروه
ثم قالوا لحفاة **** يالله اجمعوا هالحب بسرعة ترانا جوعانين !!

لحظة باجمّع ... أوكي :
في البداية اعلن إمتعاضي -مثل إمتعاض جورج بوش يوم سمع عن أبو غريب- , إمتعاضي عن ذكرك للمطاعم بين دواعيس موضوعك المهيب .. فقد نكأت جرحاً توه مجروح , هو حرج جوعي الحالي حيث أنني لم أأكل منذ العصر والبطن يصرخ .

ثم أعرّج على مستشفيات الدولة ومستشفيات الحرامية , وأعلن امتعاضي كذلك عن اسلوبهم اللاحضاري مع المرضى , ووضع المال في الأولوية على حساب أي شيء آخر , وأشيد من هنا بناصر القصبي على الدور الخالد "الدكتور عدنان" .

وأخالفك كذلك عن نعتك لنعمان بالمخلوق الفاشل والبطّالي , فيكفيه فائدة أني منه عرفت كيف أكتب حرف العين في أيام الطفولة , ومن هنا أشكر من علّمني هذه المعلومة , ومن هنا كذلك أشكر معاشر البط والوز لأنهم علموني كيف أكتب حرف الياء .

أرى نعمان كمصدرٍ للإلهام , ومصدر للعلم بطريقة جميلة سلسلة هو وذاك الطير الأخضر الذي أظن أن أسمه "ميسون" وليس "ملسون" , والعم عبالله وفاطمة وباقي الشلّة التي كنت أحبها , وكعكي وأغنية : إن قالوا واحد .. أقول بيب .. ألخ .

المهم ماعلينا , نعمان به من الضرافة ماليس في علاء ولي الدين برأيي . لكن العتب كل العتب على ذاك الرسّام الفاشل الذي رسم الصورة , ولكنها تصلح لإخافة الأطفال على أية حال .


هذا بالنسبة لليوم , ولكن لي عودة لموضوع الإعلام لأن في نفسي "حرّة" ودي أطلعها , وعندي كلام كثير فيه , وبكره الجمعة وورانا صلاة وطقوس عائلية قبل الصلاة .

تحياتي .
البـاحث
06-08-2004, 03:05 AM
أظن أن أسمه "ميسون" وليس "ملسون"

:tongue2: نو أنت غلطان بعد


ملسون أنا متأكد ولو تآخذها بشكل منطقي اسم ميسون يطلق على الأنثى والطائر كان ذكر !!

وأيضاً ملسون تعني كثير الكلام أو الثرثار وفعلا هذه كانت شخصية ملسون بالبرنامج ثرثار


هذه مقالة كتبت عنه في احد المواقع

بدأت مؤسسة الانتاج البرامجي المشترك لدول الخليج العربي تخرج باكورة الانتاج (مسلسل افتح ياسمسم ) وكان يحاكي شارع السمسم الاجنبي مع تحريف في بعض الشخصيات مثل نعمان بدل البطة الصفراء وبدل السخيف اللي داخل برميل القمامة اعزكم الله كان لدينا ظهور ملسون الطائر الحكيم الثرثار اللقوفي وبقيت شخصية انيس وبدر والضفدع كامل وقرقور
هذا المسلسل حطم المسلسلات المكسيكية وظهر في اكثر من قالب

توقف في القالب الاول فاطمة (المعلمة) و(هشام) الكهربائي و(سعيد وخليل) صاحب المطعم والكافتيريا
وظهر بدلا عنهم (مريم) معلمة و(عبلة) مجسم قطة مثل نعمان

وهكذا كل مرة يتغير مجموعة من الممثلون وبعضهم بقي اساسيا مثل الدكتورة (ليلى) و( العم عبدالله ) بائع العربية و (حمد) النجار وغيرهم كثير ومن المجسمات البارزة كان كعكي المشاغب وعبدو الحنين والمحتال اللي يضحك على انيس وينتقم لبدر ههههه وغيرهم ..



البـاحث
aoks
06-08-2004, 03:34 AM
صراحة يا خوباج مااضيف على كلامك شي :)

والله يخلف على افتح يا سمسم:(

هههههه اجل الببغاء اسمه ملسون :P
MoaeD
06-08-2004, 05:15 AM
اسمه أنيس وليس بدر





اسمه ملسون



محد عطاك ريالك للحين انت هههههه

يعني خليت الموضوع كبر بعرض ما لقيت الا هالمعلومتين اللي ما تسوى من يعرفها...
Kubaj
06-08-2004, 05:19 AM
اخوي الباحث خلاص ملسون ولا يهمك هههه ..



اقول ثريول .. والله ذكريات افتح يا سمسم .. شي جميل ..



والحين عيالنا >>> سوالي فيها يناظرون بوكيمون وديجيمون وقناص وفناص ..



تسأله وش عاصمة المملكة قال الفيصلية :31:



على كل حال .. يا فارس لا يفوتك الموضوع .. صدقني متعوب عليه .. ساعة ونص



من العصف الفكري .. <<< ياعاصفتهم انت وخروا عنه
SNOoOP
06-08-2004, 05:43 AM
لكن العتب كل العتب على ذاك الرسّام الفاشل الذي رسم الصورة , ولكنها تصلح لإخافة الأطفال على أية حال .

ههههههههههههههههههههه

في هذي صدقت :D


اقول على طاري الفيديو كليبات

كل مائوله اه يئولي هو لا لا لا لا

اقول لو قالت لا خامسه وش بيصير :p

واتذكر قريت مقاله سوها مع روبي تقول اني مأسوي اي شي يتنافى مع التقاليد :p

وان الي أسويه مجرد تعبير عن شعور :p


وبالنسبه للانتكاسه الي صارت للمنتخب فاعتقد ان العتب مب على اميرنا فقط العتب على اللاعبين وايضا المدرب

كل ماقريت جريده الرياضيه الاقيهم يجيبون صور اللاعبين وهم منبطحين وينكتون ومهزله :أفكر:

اتوقع انهم ماوفوا حقهم بالتدريب والدليل

مستوى الدعيع المتدني والي اتوقع لو يبدلونه افظل

اقول خوباج تخاوي الموائــد :D
Kubaj
06-08-2004, 06:11 AM
هههههه .. الموائد مرة وحدة !!



ياخي اجل انت قريب جداً .. :28: ماشاء الله عليه الموائد مبارك بالفعل .
Lucky guy
06-08-2004, 07:55 AM
ههههههههههههههه ارجك الله يا دوب ..

وش هذي الصورة الاثريه والاشكال المرعبه -____- شكل نعمان سكران وابتسامته ..

واما عن منتخبنا الفاشل أنسى أحد يشجعه من اليوم والله منتخب زلايب فالحين بالدوري المحلي لحوج مجمعه ...

ومشكور على الموضوع الحساس والله يعينا على تلفزيونا ذا ..
Rytamu
06-08-2004, 08:32 AM
أرجك الله رجاً مبرحاً غير ضار .. :31: ..



نعمان .. ورفيق دربه قرقور ..


وأنا أقووول من قرقور .. كنت أحسب فيوزك ضارب .. :p ..



افتح يا سمسم .. هالبرنامج ما دخل مخّي أبد .. بس اللي عاجبني فيه [ الصقر ] مدري وش اسمه .. يا حبّي له .. :love: ..



الشات اللي بالتلفزيون .. صدق ان العرب أغبياء .. ما وراه إلا خسارة هالدراهم ..


بالنسبة للأخ أبو خطط علمية مدروسة .. يا حليله .. :p .. متفائل بشكل غير مُتوقّع .. مدري وش عنده .. ! ..


ومنتخبنا هالبقر سياستهم [ طق الكورة والحقها ] .. الله يرحم أيام أول .. :( ..



وا تلفزيوناه .. يا رجال خل عنك .. المثل يقول [ افتح التلفزيون وشف لك مباراة ولا خلصت صكّه .. انسَ البلاوي فأن مع البلوة هموم ] .. :31: ..


تمنياتي لـ أبو تفلة ونص بأن يكمّل النص الباقي .. :p
البـاحث
06-08-2004, 09:58 AM
محد عطاك ريالك للحين انت هههههه

يعني خليت الموضوع كبر بعرض ما لقيت الا هالمعلومتين اللي ما تسوى من يعرفها...

هههه ياخي على الأقل اعترضت على شي بالموضوع :tongue2: وبعدين أنا عدلت غلط بسيط من الأخ مب أكثر :laughing:

صعب الواحد يكتب موضوع ويوافقه عليه الجميع زي حضرتك ماراح يكون في مجال للنقاش ابداً :laughing:

خلاص بسوي مثلك عشان لا تصيح علينا ولا يهمك :p


اوافقك الرأي 100% اخوي خوباج واحييك على هالطرح الأكثر من رائع
Yamato
06-08-2004, 04:14 PM
ما دام انك مشتاق لتلفزيونات ايام زمان فانصحك بالقناة العمانية والسودانية.. بالطبع اوصيك على العمانية اكثر شي.. يمكن تحصلهم قاعدين يعيدون افتح يا سمسم...

والله اذا افكر فيها.. فانا فعلا ما عدت اقعد اطالع التلفزيون مثل زمان.. الحين يا اني العب جيمز او عالنت او انمي...

وكل ما اشوف الاهل يشاهدون التلفزيون اكره عيشتي من اللي يطالعونه... :boggled:
Kubaj
06-08-2004, 04:19 PM
لا بس كتبت الموضوع لبث المرح والفكاهة ..

شوية استهبال من هنا وجدية من هنا .. عادتي في النوعية هذي من المواضيع ..

بس بصراحة .. احييك على التوقيع هذا
Yamato
06-08-2004, 04:38 PM
لا بس كتبت الموضوع لبث المرح والفكاهة ..

والله سويت خير... دايما متابعينك..

شوية استهبال من هنا وجدية من هنا .. عادتي في النوعية هذي من المواضيع ..

ملاحظين

بس بصراحة .. احييك على التوقيع هذا

اخيرا في حد اتكلم وقال شي... هووووووورااايييي<< سوري متاثر بناروتو
alex
06-08-2004, 07:07 PM
من المخلوق الفضائي الذي يتشكل على شكل اي مخلوق يقتله .. :yumyum:


http://webpost.net/sp/spikeyman/dog.gif ......
I`m HeRe
06-08-2004, 07:47 PM
ههههههههه

أفتح يا سمسم اجل
ياخي هالمسلسل ذكريات حتى اتذكر انه كان عندي مسرحيه لهم

وبالنسبه للمنتخب ما أقول ألا وا ثنياناه :o
المنتخب بدا يتخبط ويتخبط حتى سقط وتربط :tongue2:

أما التشات اللي بالقنوات دلاخه ما بعندها دلاخه من جد تحس الشعب خفيف وينلعب عليه بسرعه
يعني لهدرجه وصلت فيهم الدلاخه
على العموم الشرهه مهب على القنوات الشرهه على الشعب اللي يرسلهم

ومشكوووور على الموضوع اللطيف :marchmell
RPG_master
06-08-2004, 10:11 PM
ههههههههه

أفتح يا سمسم اجل
ياخي هالمسلسل ذكريات حتى اتذكر انه كان عندي مسرحيه لهم

وبالنسبه للمنتخب ما أقول ألا وا ثنياناه :o
المنتخب بدا يتخبط ويتخبط حتى سقط وتربط :tongue2:

أما التشات اللي بالقنوات دلاخه ما بعندها دلاخه من جد تحس الشعب خفيف وينلعب عليه بسرعه
يعني لهدرجه وصلت فيهم الدلاخه
على العموم الشرهه مهب على القنوات الشرهه على الشعب اللي يرسلهم

ومشكوووور على الموضوع اللطيف :marchmellطعيس :yumyum:
Y a z e e d
06-08-2004, 10:32 PM
عفوا ... قبل لا نتكلم عن هذا .... : ) وقبل الحديث عن"المٌصلحة " روبي و التي تهدف حسب رواية صحيفة " خيالزيا " الى توصيل

رسالة الفن (&) ...

يحق لنا الحديث عن المتدكتر " سعد الفقيه " ...

وقناته الشهيرة بالـ"الشخير وقتاً و النهيق آخر " ...

قد نكون مصنفين تحت نطاق الحكومات الـــ" اللاعادلة " ...ولكن لما نتجوز الخط بعد ...

لدرجة هذا التسميم...

يعني يفضل هذا المتدكتر النوم " 23 " ساعة ... والاستيقاظ ساعة لايقاظ خلق إلى حتفهم ! ...

ونسمي هذا " إعـــلام " ؟

أما المتدكتر فخري المعاكس " الوليد بن طلال " فاطلق " روتانا " سارقا شعار شركة اخرى ... ليهتف " نحن بلا ذات ! "

و المصيبة أنه يقدم أكبر " قناة " و " وكالة " لبيع و فرض الرقص @___@ ...

ما اكتفوا بالبيع ! ليضموا إليه " الفرض " الإعلامي - البريء ! -

لعلك - عزيزي - لاحظت ...

أن العرب ...

أطالوا النهيق ؟ ..

عفوا ...

أصبحنا كــ"الصدى" لذاك النعيق الغربي والعين ليست بخطأ !...

وبذلك ... تطورنا ! .... لنتبع أمريكا !

أعلامنا يصرخ مرة أخرى بالفشل ...

ليكرر هتافات الأحمق" عادل أمام " ... ومن سبقه ...

وبالمناسبة ...

الأدعى بهذه أن تذهب مثلا ! يصف العرب !...

" انشغل الناس قديما بمقدمة ابن خلدون اما حالياً فقد اشغلتهم مؤخرة روبي "

لك جزيل الشكر ...أهنئك على ما " طبخت " في موضوعك ...
لانك تفوقت على الشيف " العسيري " :P ...
SNOoOP
07-08-2004, 02:43 AM
ما أقول ألا وا ثنياناه :o
:marchmell

يمديك تنطقها :31:

وعلى طاري الموائد مثال للمحل الي نزلت عليه البركه محل 3×4 ولايفتح الا من الفجر الى الظهر ومع ذلك ماشالله يكسب كسب الويل
Lena
07-08-2004, 03:08 AM
هههههههههههههه

من جد احس ضاربتك الشمس..صراحه تنقل بين المواضيع خطير..بس حلو :p
-------------------------
بخصوص المستشفيات فانا وحده خبرتها مشالله صفر بالمستشفيات مشالله :tongue2: ماعمري طبيت مستشفى ولكن اسمع بالغش والاخطاء الطبيه كثير..
-------------------------
بخصوص الشمس ااااااه بس الله يرحمنا من نار جهنم:31: قسم نتبطح قدام المكيفات..انه اغسطس يافتيان العرب....ولا الشهر الي انولدت فيه بعد -____- في شهر الحر....
-------------------------
بخصوص افتح يا سمسم اااااوتش يابطني فطست من الضحك ههههههههههههه
بصراحه اسلوبك الفكاهي العفوي يعجبني مرة يضحك بقوة :tongue2: قلي وش تاكل عشان ممكن نكتسب هالخبره هههههههه
بالنسبه لنعمان وشلته والله هذولي كل واحد مسمين واحد من خوالي عليه واخواني الكبار..ذكرياااات
والصورة صراحه..سدحتني سدحا...من الضحك
نعمان تقول وجه مفلوع ببلكه :31: وانيس تقول غاص بتمر :31: وش هذا يا خلق الله
واما الثنائي ههههههههههه رهيب
-----------------------------------
وبالنسبه للمناهل معليش ابو الحروف كان يجيب لي الغلقه هو وعصاقيله :17:







------------------------
واما بالنسبه للتلفزيون العربي.............!!!!!!
مدري وش اقول والله انك وطيت عالجرح.......اشوى ما عندنا دش..بس تطلع لك احيانا ام بي سي
هي وبرنامجا ستار سيرتش...
ولا الفيديو كليبات......!
ايش قلة ادب... والله انلاس راحت فيها خلاص راحت فيهاااااااااا وع وع وع.......

من جد اذا شفتها اعصب وانقهر ويغلي دمي لاني اعرف انه في مليون شاب قاعد يناظرها معي بنفس الوقت ومفتون ومخدوع وتارك بنات بلده العفيفات ويقارنهن في هالساقطات ويعتبر هالساقطات احلى بعد!!

ولاحظ كيف تنتشر المهزله بسرعه . مقارنه ببرامج دينيه ورائعه مثل برامج عمرو خالد "صناع الحياة"؟؟
ستار اكاديمي كلن تكلم فيه
بس برنامج عمرو خالد الرائع الخارق الي الكلمات ماتوصفه ما تطلعه الا قناة اقرا يا حسرة ولا هو منتشر بالسواليف زي برامج المهزلات............ ليش ليش؟؟؟



ماقول الا........

اه بس!!
tidusxxx
07-08-2004, 04:32 AM
هههههههههههههه الله يرجك يا شيخ :tongue2:
صراحة موضوع روعة:D
بالنسبة لحر الرياض صراحة ما صدقت الا يوم جربته.....الساعة 10 الصبح ما اقدر افتح باب السيارة...احس يبغاله بيوز:bigeyes:

اما المناهل فاذكر انه مسروق من (اليكتريك كمبني) كان يجي في القناة الثانية....ومع كذا اقدر خربوط اكثر من ابو الحروف:D

انا عشت طفولتي اتفرج افتح يا سمسم وسؤال خطر على بالي:نعمان عبارة عن ايش؟؟كعكي وقرقور وعبدو وحوش
والباقيين اوام بس نعمان وش يطلع؟؟
الصورة شكلها من على علبة شريط وماحد يهتم بمشاعر الاطفال لما يشوفون صورة مخيفة زي ذي:boggled:
قرقور وكعكي ثنائي روعة...بس احلى كعكي مع الضفدع كامل:reporter:

التلفزيون حاليا ما ينشاف افتح اذاعات احسن:biggthump

التشات صراحة غريب....انا ما ادري كيف اثنين يمديهم يسولفون في ذا الحوسة!!:bigeyes:
بعض القنوات عندهم الشاشة في الطرف...والباقي تشات ومسابقات:laughing:

ومشكور على الموضوع اللي فتح نفسي وجعلني مصهللا بقية اليوم:biggrin:
HArb200
07-08-2004, 07:35 AM
المقطع الاخير .. ناقله مني ..

خاصة اني قريت مقدمة ابن خلدون .. قبل شوي .

عزيزي .. الحياة صعبه .. وروبي وعجرم .. والق*** .. من اشكالهم .. بيجيلهم يوم .. على قولة الاخت جواد .

والشرهه ياابا جاسم .. مهيب عليهم .. الشرهه على اللي يرعاهم .. صاحب شركة روتانا .. الحيوان الارعن .. انا انصح ابنائه .. ان يضعو لشره حد .. والا بيجيلهم يوم بعد .
Y a z e e d
07-08-2004, 02:21 PM
وبعدين ... ؟
يابن الحلال .. احمد ربك ... مالحقنا الاعلام الأوروبي ( الظاهر بيسويها الوليد قريب ) ...
لكن ...
الواقع غير مقبول ...
اعذرني اني فتحت رد جديد...
لكن من الحرة ...
وش مشاكل الاعلام العربي ؟
- الــفـــضـاوة ( شات و مسابقات ) .
- الـفضاعــــة ( ستار اكاديمي ، روتانا ، ولا يهون star search ) .
- المشاكسة ( المستقلة ، الإصلاح ) .

الطبقات المتأثرة ؟
- المراهقين ( تحديدا 13-18 ) ::
وهؤلاء ازمتهم أزمة ... أصحاب التسدح و التبطح في البيت و تلفيزيون وان بدع راح التحلية ... ( إلا من رحم ربي )
وهذولي تأثروا ونشأ الفكر الثوري ( نتيجة لمثل الإصلاح ) و الفكر التحريري ( نتيجة لستار أكاديمي و غيره )
و نشأ عندنا غيلان يلفون الشوارع بشعور ملونة و تسريحات ( مشاكسة ) و ملابس بالوان الطيف (&)
و... شر البلية ما يضحك ! ...

وطبعا أعمار أكبر من هذا تأثرت . ..
لكن المراهقين تحديداً ... لأن المراهق يعيش مرحلة إنشاء أفكاره ...
ومع الأسف ... الكثير من الأهالي ...
يصفقون و ينهقون و يشجعون ( أردى من عيالهم! ) ...
كيف ما تبي الأبن يتأثر ؟؟ ...

نعاني من مشاكل ( تجذرت ) فينا ...
وضربت عقولنا ... لدرجة أن 75% منها يحتاج إلى تغيير " فيوزات " ...
وأغلب البقية " أحترق " تماماًً ...
الكسب المادي ...
لم يعدو كونه هدف البشر منذ الأزل ( وأعني بالبشر أرذلهم بالتوضيح أكثرهم )
إلاأنه تطور ... ليطغى على كل شيء !
فصار جمع المال ... أهم من " ملء " المعدة بالطعام!

والله ... يرحمنا من الجاي ! ...

أهنئ العقول النيرة هنا ! ...

نحتاج إلى ثقافة الاعتدال ... لتعديل عقول التحلية : ) ...

و...تسلم ‍ ‍ ‍‍‍?‍‍‍?‍‍‍‍?‍‍‍‍‍‍! ...


-

( مخلوق مرتفع ضغطه )
Kubaj
07-08-2004, 04:04 PM
RPG fan


الله يخليك عزيزي .. اقدر كلامك هذا وتسلم والله .






HArb200


اسكت لا انادي هارب اليها .. :13:






Angel`s Knight


احييك على المشاركة الفعالة بس ماتلاحظ انك متحمس بزيادة :cool2:





Lena


ولكم باك مرة اخرى سيستر


وشكراً على المرور . :shakehand






tidusxxx


هلااا والله .. كيف حالك ياخي ؟


اكبر غلطة تسويها بالرياض تشتري سيارة من داخل كلها جلد


زي اليوم الصبح .. -_- اكتفي ب no comment


بالنسبة للبرنامج اللي قلت عنه تصدق ان مورغان فريمان


كان يمثل على اساس انه فامباير ؟ هههه






HERY2003


هاه لعبت اللعبة ولا توك ؟ :tongue2:






MoaeD & الباحث


لو سمحتوا بدون عنف :27:






aoks


تذكر ايام اول يوم كنا نسوي farming


برا جيونو .. ونتصفق من اغبى الوحوش ؟ :thumbsdow





ليد .. .. سبايكي .. ميشو ..



اطلعوا منها :yumyum: وإلا !





شوشة .. يا عميل ! :soapbox:
KJF
07-08-2004, 08:09 PM
اعوذ بالله من هالاشكال :( ولك شو ذيك الصورة المايسة الحايسة البايسة بتاعت قرقور وهرهور وما اعرف شو؟!! It ruined my day!! >.< :09:

خخخخخخخ الله يرجك خوباج :D موضوع روعة, فطست ضحك :biggthump

" انشغل الناس قديما بمقدمة ابن خلدون اما حالياً فقد اشغلتهم مؤخرة روبي "

خرطت وكتبت وابدعت :p

مع تحياتي المسممة بشراب الواحة .. :)
tidusxxx
08-08-2004, 03:06 AM
tidusxxx


هلااا والله .. كيف حالك ياخي ؟


اكبر غلطة تسويها بالرياض تشتري سيارة من داخل كلها جلد


زي اليوم الصبح .. -_- اكتفي ب no comment


بالنسبة للبرنامج اللي قلت عنه تصدق ان مورغان فريمان


كان يمثل على اساس انه فامباير ؟ هههه








هلا بك....الحمد لله وكيف حالك ؟:D

يوووه ولا المكيف ينفخ عليك هواء حار كنه سشوار:17:

اكتشفت ليه الناس ما يطلعون الا في الليل:33:

مورغان فريمان موجود من ذاك الوقت؟؟؟تصدق توني اربط انه هو الفامباير:tongue2:
HArb200
08-08-2004, 05:32 AM
ياخي وش نقول بس ..

عالم تكسب شهرتها من الارتقاء على اكتاف الاخرين .. واستغلال محبتهم وشهرتهم .

اقسم اني سوف استرد حقوقوقي .. :tongue2:
Kubaj
08-08-2004, 07:13 AM
KJF



يبوي تدري لو قلت الواحة بدون سم ممكن اخاف اكثر :tongue2:



هلا فيك اخوي وشكراً على المرور .



tidusxxx



الحمدلله تمام .. الله يسلمك :23:



ايه انسى الموضوع احد يطلع الظهر الا عشان دوامات .. والجوع يسوي اكثر ._.



والله حاول تتصيد للقناة الثانية يوم بتلقاه مشخص ..



معروفة القناة الثانية .. احسن قناة بالreruns .



...



هارب .. امحق اكتاف .. رح كل تبنياكي ولا يكثر . :tongue2:
Trapped Inside
08-08-2004, 05:21 PM
عليكم السلام والرحمه ^^ ..

ههههههه يوه انا من زمان عن الفواتير .. لي شهر بمصر .. الله يخلي الفودافون ^_^ .. والله يعينك على الجوال ..

===

ومن زمان بعد عن شمس الرياض .. الحمدلله ازين ما بمصر جوها ^^ .. والله يعينك على Axe :P ..

===

افتح يا سمسم ما كنت متابع له .. ولا المناهل .. بس المناهل كنت اشوفه مرات .. وازين ما فيه الاغنيه حقته ..

المناهل هيا الى المناهل هيا الى الحياااه .. تراني مب متاكد من الكلمات بس اذكر اللحن ..

===

ومن ناحية الاعلام .. ما ازود على كلامك شي .. صدقت ^^ ..

===

اما ذا المنتخب ولله فشلنا .. من اول كان شي والدنيا متفائله له مستقبل وراح نوريهم بمونديال 98 .. الله يخلف بس ..
لا والقهر ان المونديال الي ابدعنا فيه .. ما شفته .. كنت بزر -____-

والحين الظاهر مافي امل يرجع زي اول " بعد المستوى الزفت الي أدوه في كاس اسيا " .. وكالعاده اغلب الناس حطوا الملامه بالمدرب .. طبعا المدرب اكيد أخطأ .. بس انا اوجه المسؤوليه للعيبه .. الي ما خشوا مزاجي اصلا ..

يا زين منتخب البحرين بس .. :28:

===

اما عن الغنا وذي الخرابيط .. الحين ما تخش البزنس حق الفن .. الا تكون &*^%^$% .. والصوت ماله اي اهميه ..

ولو تفتح ميلودي ولا مزيكا .. ولله تسمع اصوات تسد النفس شيييييينه .. ولا حتى الجسم دبيبه شوي .. بس ايش لازم تكون شبه مفصخه .. والعياذ بالله ..

يا زين Mtv بس :09: ..

===

اما ذي قنوات التشات .. صراحه تفاجأت يوم شفتها .. والمشكله في ميات من الناس يشاركون فيها .. ومن جد اشتهرت .. واي برنامج واقعي او عن غناء صاروا يحطون فيه ذي الخدمه .. ولله ناس فاضيه من جد .. يعني بعدين قلنا يلا اقعد سولف وضيع وقت .. بس بتقعد تحتري عشان ترد عليك سيدة الحسن .. والله ياهي حاله بس ..

الله يعين بس ..

===

بالمناسبه .. ياخي وش زينك يا خوباج وانت كذا ^_^ ..

والف شكر على الموضوع ^^ ..
MoaeD
08-08-2004, 06:00 PM
aoks


تذكر ايام اول يوم كنا نسوي farming


برا جيونو .. ونتصفق من اغبى الوحوش ؟ :thumbsdow






<-- ما زال يتصفق من quadavs train كلهم easy preys بس ترى واحد يطول فما بالك بـ15 :31:
Lena
08-08-2004, 06:07 PM
امممم صح نسيت اضيف نوقطة :31:


حسبي الله على شركة الاتصالات...


والله لو الجوال مب ضورورة!!

مزهقيني رسايل عشان اسدد فاتورتي الي هي عبارة عن تراكم فاتورتين:tongue2:

القميه 491 "حق اربع شهور خمسة وخميسه علي ماحب القرق ومقتصده بالجوال"

طيب؟!؟!

قيمة رسوم الخدمه خلال اربع شهور 240..يعني نص الفاتورة.!!!!! اففففف قهر

طيب ليش مايقللون الخدمه للناس الي يصير حدهم الائتماني دون ال300.؟ مب حرام رسوم الخدمه حقتهم نفس الي يطقون الاالاف..؟؟ :boggled:



عفوا..فقد اردت ان افرغ مما في جوفي من .."الحرة"..هههه
silverpaco_101
10-08-2004, 07:21 AM
بالطبع أخ خنباج سوف اقوم بقراءة موضوعك و اقف على الاطلال و اقول

إني تذكرت و الذكري مؤرقة
مجدا تليدا بأيدينا أضعناه

و بعد قراءتى لموضوعك (و الذي اعتبره من افضل المواضيع التى قراءتها في المنتدى) أردت ان اضيف بعض التعقيبات مثلى مثل اي عضو في المنتدى

*أولا:- الاتصالات الحرامية
الكل يتفق أن الغوريلا اذا ما غذيته مات و اذا غذيته كبر و دعسك دعسه مبرحه و هالكلام ينطبق مع الاتصلات الحرامية اللى تنهب بالفلوس المستهلك المسكين و للاسف للاسف مع هالفلوس ما نجد أي تطوير بالتقنيات بل نجد تأخر في وصول بعض التقنيات التي تقاعدت عند الغرب هه
على سبيل المثال الانترنت في السعودية و بطء السلحفاة أظن كلامى واضح :أفكر:


*ثانيا:-النجاح عند العرب
صراحة أخ خوباج أثرت قضية طالما النقاش فيها و لكن بلا جدوى خاصة مع سياسة التقليد لكنها مجدية في بعض الاحيان على سبيل المثال شركة ميكروسوفت و من لا يعرف ميكروسوفت و مؤسسها بيل جيتس أنزلت أول نظام تشغيل لها و هو DOS و هو عبارة عن نظام سطر اوامر بعد فترة عرف عند شركة ابل نظام تشغيل ماكنتوش Mac بواجهة رسومية و هي اسهل في التعامل طبعا ميكروسوفت اخذت الفكرة و طبقتها على نظام التشغيل Windows 3.1 و كان له نجاح واضح حيث انه كان مع التقليد تخطيط أضف الى ذلك انه استمر بالنجاح في نظام التشغيل Windows 95 اللى حطم سوق البرمجيات انتهاء بـWindows XP و عقبال Windows Long Horn



و في الجهة المقابلة البرنامج افتح يا سمسم المقلد (الله يرحم زمن أول) و الفااشل للأسف و ما أظن انى ابطول بهالنقطة لأنك يا خوباج أعطيتها حقها
و أضيف أنه لن يتحقق نجاح بعد بذل جهد (في المقابل عندنا نشوف التسدح و النوم) و تخطيط و تشغيل هالتنكة اللى بالراس (في المقابل نشوف العقول عليها قفل كبر قريح)
و على سبيل المثال بهالصيفية طلعت مع بعض زملاء الدراسة (و اللى هم يطلعون بشكل يومي يعني باختصار ناس فاضيييين) اسمع واحد منهم يقول : يوووه من زمان ما تعشيت بالبيت <===يوريك ان ثلاث ارباع وقته برا البيت و على غير سنع

و واحد ثاني كل ما ادق على القاه نايم و يوم سألته انت ما تتعب من النوم قالى :و الله أن 90% من هالعطلة نوم؟؟!!

و بعد كذا نعطي صفقه حاره ساخنه لشباب اليوم و نقول عز الله ما شفنا نجاح من ورا خششكم
و بغيت اضيف فرحتى بهزيمة المنتخب السعودى حيث انى اصبحت بعد هزيمة المنيا اشجع اي فريق ضد السعودية بكل تعصب.



*ثالثا:-الاعلام العربي الحقير
للاسف حقير أنا ما اظن ان فيه اعلام يقلب الحقائق و يعرض الدعارة بهالشكل يسمي محترم بل حقير بكل ما تعنيه الكلمة
طبعا نشوف اشكال نانسي عجرم و روبي و هيفا وهبي و مجموعه العاهرت التى حظن بشهرة واسعة لم تحظها عاهرة في بلاي بوي للأسف و نشوف اللى ما كنا نشوفه قبل سنوات و بنشوف اللى ما شفناه الحين و أظن كلامى واضح :أفكر:


طبعا شكلى اليوم طلعت بهالرد حرتى من جد :31: و طلعت سكوتى طول هالوقت بالمنتدى و ادرى انى رديت متأخر بس وش اسوي اهم شي ارد و توصل الرسالة و مشكور اخوى خنباج على هالموضوع و اعتذر عن الاطالة
احلامو ادوماتو
10-08-2004, 02:37 PM
شوف خوباج موضوعك ذا جد مسوي نفسه جيم كاري ولا الموضوع من أساسه Rowan Atkinson ???

يعني الموضوع مجرد تنفيس غضب وبكاء على الأطلال ولا تبي تناقش المشكلة بجد ؟؟؟

بانتظار ردك ...
MoaeD
11-08-2004, 02:06 AM
^
^
^
^
|___ حركتات يعرف ممثلين
CHALLENGER
11-08-2004, 03:51 AM
عندي سؤال بس أرد فيه على موضوعك ...

شو الحل ؟
SNOoOP
11-08-2004, 05:16 AM
الموضوع من أساسه Rowan Atkinson ???


انا اتفق معك ان الموضوع الي قلته :nervous:
antonio
11-08-2004, 05:27 AM
كأن نعمان بالصوره مكثر :slug:
العمدا
13-08-2004, 05:23 AM
اهليييييين خوباج ..

كالعاده موضوع رائع :)

بصراحه لي تعقيبين بسيطين ..

انا سابقا كنت اقول للاسف الاعلام السعودي بلحاله هو الى تعبان ..

لكني اكتشفت انه الاعلام العربي كلّه ( مع الشده ) تعباااان ..

ورايح فيها !!

يعني من جد صار التلفزيون شي يجيب الهم .. قله حيا ومصخره وتفاهه وتطرف وجرأه على السخافه .. وقليل من المتعه ( الكوره ) :08:

طبعاً عشان لا يجي احد ويقولي الراديو يشمل الاعلام ..

الاذاعه اخس بعد .. قله حيا تصير في mbc fm وبانوراما .. الله يكون بالعون :)


الشي الثاني .... انت منسسسسسسسسسسسسسسسم يا اخي :p

عليك طلعاااااااااااااااااااااااات :jester:

سي يوووو :)
MoaeD
13-08-2004, 10:09 PM
اهليييييين خوباج ..


كالعاده موضوع رائع :)

بصراحه لي تعقيبين بسيطين ..

انا سابقا كنت اقول للاسف الاعلام السعودي بلحاله هو الى تعبان ..

لكني اكتشفت انه الاعلام العربي كلّه ( مع الشده ) تعباااان ..

ورايح فيها !!

يعني من جد صار التلفزيون شي يجيب الهم .. قله حيا ومصخره وتفاهه وتطرف وجرأه على السخافه .. وقليل من المتعه ( الكوره ) :08:

طبعاً عشان لا يجي احد ويقولي الراديو يشمل الاعلام ..

الاذاعه اخس بعد .. قله حيا تصير في mbc fm وبانوراما .. الله يكون بالعون :)


الشي الثاني .... انت منسسسسسسسسسسسسسسسم يا اخي :p

عليك طلعاااااااااااااااااااااااات :jester:

سي يوووو :)

حياك الله يبو .. من طول الغيبات جاب الغنايم .. وين الناس كل ذي دفره :laughing:

على العموم الله يكون بعونك وبالتوفيق .. وخل نشوفك مرتن ثانيه ;)
aoks
14-08-2004, 05:00 AM
[

aoks


تذكر ايام اول يوم كنا نسوي farming


برا جيونو .. ونتصفق من اغبى الوحوش ؟ :thumbsdow






لا تعمم :p

انت الي تصفقت مب انا :09:
Kubaj
14-08-2004, 05:14 AM
اهلن اهلن بالضيوف الكرام ( اللي بيصحح اهلن برش عليه فلفل ) :27:


سعـــ2002ـــودي


هلا والله عزيزي .. كيف مصر .. صدق انها البيت بيتك ؟


ولا الجيب جيبك ؟ :23:


ياخي اليوم شفت لك فيديو كليب لروبي .. والله


ياللي انحولنا من جد وش الخلاعة ذي :shock22:


يعني انسلاخ فاضح من الجلد الإسلامي والعربي المحافظ .. !






مؤيــــــد


ياخي انت لازم تتكلم عن نفسك دايمن ؟ :28:







Lena


لطالما قلنا ورددنا ..


ان الإتصالات هي اللي كسر القاعدة حقة المثل ..


اسمع جعجعة .. كما طار وقع . :raincloud







silverpaco_101


حياك الله يالحبيـــب نورت الموضوع ..


لكن الحقيقة احب ان اشيد بقناة الجزيرة الرياضية


من القنوات النادرة اللي الواحد يناظرها وهو مرتاح نفسياً


وشغل نظيف محللين يلمعون من النظافة والأناقة


ويوسف سيف :love:


والأهم من هذا انها ماتجيب سباق الخيول مثل دبي سبورت والقناة الأولى :24:







Chrono Scar


القليل من الجدية .. والكثير من التنفيس الكهرومغناطيسي .







SNOoOP


انت قل ايه بس.








RICKISHY


مكثر .. انديــــد . :07:







العمدا


ياللزطوع !! :cussing:


وين اختفيت ..


لا اقبل غير الدراسة عذرن !! :zx11pisse



بعدين انا مو منسم .. انا بيروقراطي لا اقل ولا اكثر . :yumyum:



3oks



يا ناكر الجميل .. كذا تكافئني بعد ما كنت اموت دفاعاً عنك ؟ :question:
القــعـقـاع
14-08-2004, 05:24 AM
يا عزيزي اترك عنك ذا الخرابيط... ما لك الا القنوات الرياضية لا فيها تفصخ و لا مشاكسة و فتن طبعا انا اتكلم عن الناس الفاهمين الجزيرة الرياضية و ابو ظبي مو زي برامج الLBC اللي ذابين وجيهههم على الكرة السعودية...اما باقي القنوات و البرامج فاقترح تجاهلها تماما و على فكرة الاعلام العربي مو فاشل لذيك الدرجة يكفي ان امريكا تضرب مكاتب القنوات الاخبارية العربية عمدا في العراق
Kubaj
14-08-2004, 05:30 AM
القعقاع



ههههه اجل شفت البرنامج اللي بالمستقبل ؟؟



ياخي من جد شوية قاطين معنا :tongue2:



لا استضافات لمحللين سعوديين وخربطة ..



والله مكبرين الموضوع وهو واضح جداً



خلاص راحت علينا لكل زمان دولة ورجال ياناس <<< ياخي من زمان وانا ابي اقولها



انا ما اتكلم عن الإعلام العربي الإخباري



اتكلم عن ال entertainment :marchmell
Yamabuki
14-08-2004, 06:03 AM
سبيس تون مافيها رسايل الشات؟؟؟
DSL
15-08-2004, 06:32 PM
اتكلم عن ال entertainment :marchmell [/QUOTE]



3jabne `7roofk :p
Kubaj
15-08-2004, 08:05 PM
3jabne `7roofk :p[/QUOTE]
هلا والله بو خلود .. نورت الموضوع .. كيف ماليزيا .. :tongue2: ؟


بعدين هذا موب خروف الله يهديك .. هذا رجل الثلج ..
aoks
16-08-2004, 03:42 AM
http://www.montada.com/images/smilies/new_icons/marchmellow.gif
^
^
^
^
انا احسبه سحابه تمشي ولا جني ابيض http://www.eqla3.com/pic/sheep.gif