المساعد الشخصي الرقمي

مشاهدة النسخة كاملة : مواقف محرجه مع الوالد ..... الله يازمان


Grandia
08-08-2004, 11:14 PM
اكيد كل واحد له مواقف محرجه مع الوالد يالله كل واحد عطينا سر منها

انا بأبدأ

صراحة في موقف مر مع واحد من ربعي موقف يعني :p الله لا يرويكم الله يعينه المهم

في يوم من الايام رحنا انا وياه نلعب العاب اركيد دخل درهمين او فيشه والعب كنا نلعب رالي 3 اضني البعض يعرفونها

اللي علي كرسي متحرك وسكان وقير وكذا كذا

المهم انا علي اليمين وهو علي اليسير نلعب 2

المهم دخل ابو الولد واحنا نلعب وراح حط ايده علي عين ولده من وراء :09: صراحة حركه غبيه وهو يلعب سيارات خاصه وهي في النهايه وتوقوا الولد ايش قال :laughing:

اضني بيكون رد طبيعي :09: يا حيوان يالعن اصلك و و و و و الخ طبعا بسرعه مش في خمس ثواني بس وانا والله نسيت اللعب واخايل في تعابير وجه ابوه مسكين جاء مبتسم بس بعد السب وبعد ما عرف انه ابوه واشافه مسكه ابوه من اذنه وعلي الباب وبالعقال :p انفضح الولد المسكين

الله يعينه

وتحياتي
Argandir
09-08-2004, 02:49 AM
هههههههه ^_^

والله صدقيك راح فيها.... :09:

عن نفسي ما اذكر انه في موقف محرج مر علي مع الوالد...اذا تذكرت قلتلكم
Kubaj
09-08-2004, 07:06 AM
ههههه .. والله موقف بايخ من جد ..


اممم .. الموقف المحرج توني قايله لواحد بالمسنجر .. يستحسن انسخه واوفر على نفسي التعب ..





يقولك يا طويل العمر والسلامة


this is not working .. says:


مرتن من المراريت


life is hard says:


صح لسانك


this is not working .. says:


كنا طالعين مع الوالد الله يرحمه في زيارة عائلية


this is not working .. says:


وحينما رجعنا وقفنا عند بقالة


this is not working .. says:


وكانت ايام الجريدة بريال


this is not working .. says:


فعطاني ريالين .. وقال جب الرياض وخبز مفرود .. فمشيت الى مدخل البقالة .. وواجهت مشكلة عصيبة وصراع داخلي .. والتفت عليه وسألته .. ابوي .. ايهم ريال الخبز .. وريال الجريدة ؟! :boggled:
Justine
09-08-2004, 10:54 AM
خوخو : خخخخخخخخخخ يرج موقفك يا شيخ طاحت لقمة المعصوب من فوهي من الضحك :tongue2:

عاد ابي اتخيل وجه خويك على المازنجر لمن شاف الكلام :09:

------

المهم بصراحة انا طراز ما انضرب كثير من الوالد :icon6:

يمكن بس محاضرات... و اذا حصلت علقة لا سمح الله فبيكون على شي مميت طبعا :33:

------

امممممم للاسف صار ربع ساعة و ما تذكرت شي... راح اكتب موقفي بعدين <<<< هذا اللي يسموه تزويد المشاركات على الفاضي :31:
Fly_Batman
10-08-2004, 09:15 AM
ههههههه..حلوة..منك اخوي...^^

وصراحة كمان حلوة بتاع اخوي كوباج...بتاع الريال..^^
ومشكووورين اخواني..وانا ان شاء الله بحط موقف بس بكتبه على رواقه..^^
Yamato
10-08-2004, 10:25 AM
لا تذكرني باللي فات.. ارجوك.. :17:

حصلي موقف مع الوالد.. تعتبر قمة في الاحراج بالنسبة لي.. والصراحة محرج لدرجة اني ما اقدر اذكره هنا.. :o
Kubaj
10-08-2004, 02:12 PM
ههههه .. مع الأسف خويي فصل عليه الإتصال ولا قرا ..



يالله في انتظار مواقفك انت وفلاي .. لا تجحدون :28:
Grandia
10-08-2004, 02:36 PM
الكل خايف يطلع مواقفه :p معاليكم الدنيا رايحه :cool:

انا مره صار لي موقف يعني والله لاحول ولا قوه محرج عن جد

الوالد زمان جزاه الله خير كان حريص علي الصلاه في المسجد ونحن لازم نكون معاه طبعا ايام اول الحين الحمدلله ولا فرض يفوتني بفضل الله والتربيه الصالحه

المهم

في يوم من الايام انا ما صليت صلاة الظهر وفي وقت الغدى سألني ابوي صليت قلت له ايه صليت قال انت متأكد قلت ايه

قال شفتني يوم اصلي معكم قلت ايه قال وين من يمين الايمام ولا من يساره حنا انا :shock22: تعال شف وجهي راح رماد ما ادري وش اقول قلت له وعلي الله صليت انت من يمين الايمام قال كذاب :biggrin: قلت لا والله نسيت انت كنت علي يسار الايمام قال كذاب قال انا اصلا صليت في مسجد فلان مش في المسجد اللي جنب البيت :bigeyes:

وناظرني بنظرات النار قمت بسرعه وطلعت من الغرفه ولا تغديت :08:

الصدق الكذب بهذله خلك صريح وفك حالك :biggrin:
Yamato
10-08-2004, 03:43 PM
الحين اتذكرت موقف ويا الوالد..
بما انك ذكرت الصلاة..

وهذي صارت يوم كنت صغير.. ما اتذكر كم عمري كان.. بس اول مرة كنت رايح المسجد اصلي ويا الوالد.. وكنا في شهر رمضان.. كنا رايحين نصلي المغرب.. في الصلاة سويت حركة والله ما ادري كيف صارت.. الحين الكل واقف ورا الامام.. وانا وياهم..جنب الوالد.. المهم اني انا تململت في مكاني وقلت لنفسي انه الامام طول وخلني اسبقهم شوية.. الا واركع والكل بعدهم واقفين والامام يقرا.. ابوي قاعد يدوس على رجلي اني اوقف وانا ما فاهم شو يبا.. تميت كذا سابق الكل خطوة في الصلاة.. والصراحة ما اتذكر شو كان موقف الوالد مني وقتها..

هذا موقف محرج الصراحة بالنسبة لي.. :08:
Rytamu
10-08-2004, 05:47 PM
الكل خايف يطلع مواقفه :p معاليكم الدنيا رايحه :cool:

انا مره صار لي موقف يعني والله لاحول ولا قوه محرج عن جد

الوالد زمان جزاه الله خير كان حريص علي الصلاه في المسجد ونحن لازم نكون معاه طبعا ايام اول الحين الحمدلله ولا فرض يفوتني بفضل الله والتربيه الصالحه

المهم

في يوم من الايام انا ما صليت صلاة الظهر وفي وقت الغدى سألني ابوي صليت قلت له ايه صليت قال انت متأكد قلت ايه

قال شفتني يوم اصلي معكم قلت ايه قال وين من يمين الايمام ولا من يساره حنا انا :shock22: تعال شف وجهي راح رماد ما ادري وش اقول قلت له وعلي الله صليت انت من يمين الايمام قال كذاب :biggrin: قلت لا والله نسيت انت كنت علي يسار الايمام قال كذاب قال انا اصلا صليت في مسجد فلان مش في المسجد اللي جنب البيت :bigeyes:

وناظرني بنظرات النار قمت بسرعه وطلعت من الغرفه ولا تغديت :08:

الصدق الكذب بهذله خلك صريح وفك حالك :biggrin:

هههههههههه .. يا كثر ما تصير .. حلووووة .. :biggthump ..


خوباج: كم عمرك حينها .. ? :D ..


أنا ما أذكر أي موقف هالحين .. أذكر بعض الكلمات اللي يقول لي إياها أبوي ..

كان يقول لي وأنا صغير " يا زفت الطين , يا طين الزفت " أنا إذا سمعت هالكلمات منه أقعد أصيح .. :17: كانت أيام طفولة ..

فيه كلمة ثانية يقول لي إياها .. إذا غلطت بشيء أو ما فهمته يقول لي " يا جنط " .. :31: ..


إذا تذكرت موقف أمر عليكم .. :)
Justine
10-08-2004, 06:51 PM
خخخخخخخخ

عيل كلكم على الصلاة يعني هع :tongue2:

صار لي شي قريب من كذا و عمري 11 سنة تقريبا.. كان لمن يبات عندنا ولد خالتي نفلتها دورة في الحارة ^^..

من الملعب لسطوح الجيران لبيت خالد جارنا للحارة الثانية و هكزا الين الليل :p

المهم يوم من الايام ما صليت العشا.. لمن رجعت البيت ... سألني الوالد:

الوالد: يا ولدي و حبيبي و قرة عيني .. :p

انا: ابتاه... ابي ... ابي فوق الشجرة :jester:

الوالد( صارخا فجأة) : صليت العشا يا واد :mad:

أنا: ها (&)... مي... ميننن... ايوة تعشيت و الحمدلله ثم بفضلكم طبعا :shock22:

الوالد: بطل لف و دوران صليت العشا و لا لا؟؟؟!!!

انا : صليت طبعا..

الوالد: طيب ايش قري الامام في الركعتين الاولى ؟!! :12:

و بعدها اكلت علقة صاروخية... :biggthump

المهم بعدها صرت لمن اكون بره البيت وقت الصلاة اسمع الامام ايش يقرا من نافذة بيت جارنا :laughing: <<<< خبيث :28:
Argandir
10-08-2004, 09:59 PM
المهم بعدها صرت لمن اكون بره البيت وقت الصلاة اسمع الامام ايش يقرا من نافذة بيت جارنا :laughing: <<<< خبيث :28:

هههههه :tongue2: انت مثلي يوم كنت في الابتدائي

الوالد الله يطول عمره كان يجرني معه لصلاة التراويح و القيام من يوم ماكنت في خامس ابتدائي

عاد تراويح و قيام في خامس ابتدائي تعب :31: ...هذا غير ان عيال حارتنا قاعدين يلعبون في الشارع

قمت اتبعت فكرة خطيرة...صرت اصلي اول ركعتين بعدها اشوف منهم الي يصلون جمب الوالد واطلع...واذا سئلني الوالد ماشفتك اليوم في المسجد اقوله انا شفتك حتى كان يصلي جمبك جارنا ابو فلان :p
السفاح المرعب
10-08-2004, 10:32 PM
ههههههههههههههههههههه
موضوع حلووووو
Anima
10-08-2004, 10:43 PM
على طاري الصلاة


اذكر في صلاة العيد قلت للوالد انا بروح اصلي في مسجد فلان

قالي طيب

ورحت انا واخوي وولد عمي بالسيارة

وسحبنا على الصلاة :jester: ورحنا البحر وقعدنا نلفلف لين ما تخلص وفي الرجعة

رحنا بارنيز واخذت هوت شوكليت

المهم تاخرنا ودق ابوي على جوالي و قالي وينك قلتله خلاص في الطريق بس كان المام مطول

ويجيك ذاك المطب واحنا ما شين مليون

الا الهوت شوكليت كله على الثوب :p

وحسيت ان القفطة جات

ووصلنا البيت وادز من الباب الي ورا

وعلى دخلتي الاقي الوالد في وجهي

:shock22:

طبعا مايحتاج اكمل.. :D