يا حرتن في سبدي ...كان امنيتى وانا ورع اصير ....ملك ...!!

[رمح الشمال]

السلام عليكم ...
حيث انه اول مقال لي عندكم ... ابي اعلمك بسالفه ...و السالفه تراها جس نبض ... يابعدي انت وهو وهي ...!!
كان امنيتى وانا ورع اصير ....ملك ...!!
وكان صديق لى من الجماعة ....يقول ....ان خاله تخرج من هالمعهد ....وصار ملك فى السودان ..ووين السودان يا نجر ....قال بعيد .....فى حلة العبيد ....قريب من ضرمه ..!!
وكنت كل ما جيت من عند المعهد الملكى ابو قبة حمراء ....امنى النفس واقول هانت ...!!
كم سنة وادرس واتخرج ...واصير امير ....وبعدها اصير ملك ...!!
لا ويقول نجر قروش الملك حمل قلابى ...!!
مافيه كلام ....!!.....حتى لو يحطونى ملك .....فى رماح ....مافيه مشكلة ...!!
وحتى لو خلونى امير .....هم بعد ماهى شينه ...طيبه ...!!!
......صحيح الامير يمكن راتبه حمل ونيت ....بس ما عليه احسن من ولا شى ....!!

وكان ابوى الله يرحمه ويجعل عظامه للجنه ......يقول الحكومة مافي مثلهم الله يطول بعمراهم ...!!
وجلست لحالي افكر وانا وررع ...وقلت ابي اصير ملك ليا كبرت ...!!
واللى خلانى افكر هالتفكير الا دلخ ......
انى كنت اشوف الملك يوم كنت ورع صغير ....على التلفزون هيبه ومقاام..... استقبل وودع ....
مثل جدتى ....كل يوم يسير علاها .....الجيران ...!!
وبعد ين الشغلة كلها حب كتوف وخشوم .....وانا ...مشاء الله ما خليت احد من الجماعة ...ما حبيت خشمه ..!!
وخشوم جماعتنا ....مشاء الله ....عليها الشحم ....
منها اتدرب ....ومنها اتعلم ....!!
ولا واحسن مافى الشغلة .....لا يوسخ هدوم ....ولا يضرم حلال ....
وهذا اللى مذينى ....!!
حط شعير .......(( رمح الشمال)) .....جب ..ماء...(( رمح الشمال )) .....!!
وكل ما غصت عنز ......شربناها ...ببسى .....وحنا ما نذوقه ....!!
بدو .....ماعلانا ....ملامة ....طب عرب ....!!

المهم مالكم بطوالها ....كبرت ....الله الله كبرت وخط شاربى ...وصرت رجال اوكد العلوم ..........!!
ووصلت سادسه .....وقلت هاه.....المعهد الملكى ما يخرج ملوك ...!!
وضحك علينا نجر حسبى الله علاه ...!!
تدرى جنب المعهد الملكى ....كليه ابى اصير شرطى ....ونجوم ...!!
بعد احسن ....ياعسكرى رح ...يا عسكرى تعال ...!
وامسك واضرب ...!!
وونان ......ولمبات ....خضر وحمر ....بعد زينه ....لا عزالله زينه ....طيبه ....ضابط مافيها شى
انتنومس بين الجماعة ....وواسطة ...!!
ولا تخلا من السرقة .....قسايم ....مخالفات ....طيبه ....!!

ونجحت من االكفاءة .....بالدور الثانى .....وقلت ....ضابط ....والله ما تصلح ....تعب ...!!
ودراسة ....واخرتها ....شرطى ...ولا حق التعب ...!!

تدرى عسكرى ماهى شينه ....لا احد يحاسبك ...ولا احد يقول وين رايح ...!!
عسكرى .....هم بعد طيبه ...!!
راتبها عزالله مهو شين ....!!
نعم رح تعال ..تعال رح .....بس طيبه ....!!
واطيب من الضباطه .....يقولون .....الثانوية صعبة ....وعلمى وادبى ....مشكلة ...!!
لا ناخذها من قاصر ها ...!!
وبعد الدوام ....!!
تكسى .....ولا وايت ماء .....ولا حلال وضرامه .....وبيع وشرا....وسوق الحلال ...من الجماعة ..ما يخالف ...!!
والمستقبل مضمون ....!!

دخلنا الثانوية ....وقلنا لا ....العلم نوماس ....تدرى خلك دختور ....الدختور رمح الشمال....!!
قروش واجد ..!!
وشف ذا ...واكشف على ذا .....!!
وكل المسعلة .....حبوب ....وحبه حبه ...بعد الاكل .....!!
وسماعة ...!!
طيبه .....مهى بشينه .....الا عزالله دختور .....!!
ويا زينى بين الجماعة ....التختور ....راح ....التختور جا.....طيبه ...!!

وقومه ....وقعده ....وخذينا الثانوية .....!!
وذبحنا ذبيحتين من اطيب الحلال .....صح لكم علاها ....لكن ....فرحة ...والولد نجح ...!!
التختور نجح ...!!
وخذينا الملف .....ولفينا ....من كلية لكلية ...ومن جامعة لجامعة ....ومن معهد لمعهد ...!!
المجموع ماش ...!!
والشهادة ................يعلم الله ...!!
قلنا التختره ....ماهى طيبه .....والعسكرية رديه ......والجامعات ....بعد ...تعب ..,عوار ..راس
والواسطة .....ماش ...!!
كل ما نصينا رجال .....قال ..... خل ملفك عندى ....وابشر بالفزعة ....!!
وصار لى خمسين ملف ....!!

قلت تدرى يا ولد ...خذها من قاصرها .....ودور وظيفة .....خوى .....حارس .....فراش .....!!
هم بعد ماهى شينه ....خدمة ....وشرب شاهى ....وقهوة ....وقذوع ...وعلوم سفره ..!!
وتعرف على العرب والقوم ....!!
ويمكن تصير سواق .....المدير ......وترتز ......طيبه بعد ماهى شينه ....!!

المهم طولت علاكم ....وهى علوم بدو .....ومالكم بطوالها ....!!
قدمت يمين ....شمال .....شمال يمين .....ماش مافيه فايده ...!!
على قول المصارية ....قليل البخت يطلع له عظم فى الكرشه .....!!
والله يعز الحكومة ....!!
العيب ...فى البطانة .....الله ياخذ البطانة .....!!

ولا ال سعود ....ما قصروووووو ا......علومهم ....طيبه .....الله يطول اعمارهم ...!!
بس البطانة ....ودكم .....نستلمهم .....وننتف كل شعرة بالحالها .....!!
وليتهم يوظفونى بطانه .....بس وين يدرسون ....هالبطانه ....ومن وين يتخرجون ...!!
والله ما عرفت ....ولا بطانه ...لكن هم بعد طيبه ....ماهى شينه ...!!
المهم ....قالت امى ....الله يخليها ....الى ....ولكم ولها طولة العمر ....!!
قالت انت علامك ....فى البيت ليل نهار ...ونهار ليل .....علامك...ما تشتغل ....حتى لو مدير ...!!
قلت يا يمه ......انا رجال احب الراحة .....والشغل ....تعب ...والمديره تتعب ومسعولية ....!!

بصراحة ودى ...اتجوز ....واقعد بالبيت .......!!
وبخاصة ........العلم ما يخفاك.....ودى اشوف ورعانى قبل اموت ...!!
ويا ليت تشوفين لى مدرسة .....يكون راتبها طيب .....!!
منها زوج ...ومنها سواق ....ومنها مقضى .....ومنها ....مربى ورعان ....!!
وطيبه شغلة طيبه ......ومنها .......سعودة ....
والله ما قصرت بنت الرجال دورت ...يمين شمال .....مافيه فايده ....!!
وبخاصة ...مواصفاتى بالحيل مرغوبة ....عند الجنس اللطيف ....!!
ملح وقبله ......وبخاصة اذا كشخت ....الله الله ....اطرح الحمار ...!!
خذ شقار .....على حمار .....لون حمر .....مهوا بحمار ....لا تفهمونها غلط ...!!
طول ...مشاء الله كشخة ....وعرض ....لو هبت الريح ...سندنا ...!!
ما يردنا الا صلبوخ ...!!....وسيقان ولا نعومى كمبل .....!!
وشعر ....الله الله .....لا قشرة ....ولا كى .....ولا جعدة ....عشر علب كريم ...ما تهجد الشوشه ...!!

والله حالة ....لا شغل ....ولا عروس ....ولا قروش ....!!
مشكلة ...والمستقبل راح وطى ....!!
والتلفزون ....مذينا .....مالك الا هيفا ....ما يخالف بس ...وين هيفا ....
انا ووجهى ......ما عليش ......نبا حتى لو ....تكرونية ....بس براتب ..!!

اللين ......جابها طويل الذراع .....وطيب الذكر .....ونصير السعودة .....نايف ...!!
ولا خاب من نصاك يا ابو ....محمد ....!!
فكر للشعب ( وصدق من قال الحكومة الرشيده )....وجابها ....سعودة ....!!
وفرحت .....ونقزت ....وقمت اطامر..... .!!
ولقيت السعودة ..........بسوق الخضار .....اااااااااااااااامحق سعودة .....بياع جرجير .....وخس ...!!
وهاها .....لا تقولون الشغل ماهو بعيب ....!!
اشتغلنا .....ما قلنا شى .سعودة سعودة .ما يخالف ......!!
يالربع المنافسة شديدة .....نبيع الحزمة بريال ...و.يبيعها البنجالى بنص ريال ...!!
كيف.... ما..... لا تنشدونى ....بس تجارة ....!!
والتجارة ....شطارة ...!!
حسبهم الله ......وكل ما جانا زبون ...قال سعودى ....قلت نعم ....ضحك وراح ...!!
يشترى من غيرنا ......وما عرفت وش السر .....ما يخالف ...!!
تركنا سوق الخضار .....وعلى سوق الحلال .....وشغلة ابوك ....لا يغلبوك ...!!
نعر فها زين...... زين ....!!
...............ومنة الله ولا منة خلق الله .....!!
ويوم .......بديت وشريت براس المال الحلال ...وسعودة الحلال
وطقت الغنم...... المالطية .....ولطمنا معها ....!!
والمكيرش ما قصر ..... كمل الناقص ....والمنح ...جابت السعودة فى القاع ......!!

قلت يا ولد .......تدرى .......مالها الا ......نشترى ...كمبيوتر .....ونحش فى خلق الله ....!!
وكلها سعودة .....!!
شفتوا ....المستقبل ا لمشرف ...........من ملك ..........الى سعودى بس ....!!
وتعال يا عاطل ......رح يا عاطل ....... وهم بعد طيبه ...ماهى شينه ....وكله سعودة .
وبصراحة اشتغل براا .....لكن .... بعد المشكلة .....صار السعودى ارهابى وين ما راح ...!!
الجواز .....السرلنكى اليوم اطيب على الاقل يلقا شغل ...ولا يتغطون عنه الحريم .. .......!!
وسلامتكم

[mad_dog]

ههههههه :) والله اضحكتني جدا في هذي الدقايق اللي قريت فيها الموضوع وفعلا حالتك حالة اي شاب هذي الايام

ولكن الحمدالله انه ربك خلقك سعودي ميسره الحاله اكثر من غيرنا :) ..... وبخصوص موضوع الارهاب الله لا يوفق من قال عنك

ارهابي :) وتسلممممم على الموضوع يبو شوشه :p

[KLD]

الله يعينك
والله حالتك حالة

من ملك لعاطل

بس عليك امنيات :biggthump

[أبوجمـــال]

الله يكون بالعون .....

[Pr.Game]

هههههههههههههههههه
موضوع رائع ..ومضحك جدا :08: ....

[ثريول]

حلوة .. لكن تذكر مرة أخرى أن تذكر المصدر :) .
هذا الموضوع قريته من مدة طويلة من كتابة "بدوي فاهم" , في منتدى القلعة :) .

تحياتي .

[رمح الشمال]

هلا وغلا بكم ...!!
بصراحه الردود تبشر بالخير ...وهذا اول الطريق ...!!
لكن بخصوص ثريوول ...هلابك عداد المطر و السيل ...!!
القلعه ...الاصلاح ...و الساحات ... ابي اقولك انسى يابعدي ...!!
النهج تغير بالحيل ...!!
و اللبيب بالاشاره يفهم ياثريووول ...!!
الا بالمناسبة ثريوول ؟؟وش معناها ...!!

[alamid]

السَّلَامُ عَليّكُم ..


اللين ......جابها طويل الذراع .....وطيب الذكر .....ونصير السعودة .....نايف ...!!
ولا خاب من نصاك يا ابو ....محمد ....!!
فكر للشعب ( وصدق من قال الحكومة الرشيده )....وجابها ....سعودة ....!!
وفرحت .....ونقزت ....وقمت اطامر..... .!!
ولقيت السعودة ..........بسوق الخضار .....اااااااااااااااامحق سعودة .....بياع جرجير .....وخس ...!!
وهاها .....لا تقولون الشغل ماهو بعيب ....!!
اشتغلنا .....ما قلنا شى .سعودة سعودة .ما يخالف ......!!
يالربع المنافسة شديدة .....نبيع الحزمة بريال ...و.يبيعها البنجالى بنص ريال ...!!
كيف.... ما..... لا تنشدونى ....بس تجارة ....!!
والتجارة ....شطارة ...!!
حسبهم الله ......وكل ما جانا زبون ...قال سعودى ....قلت نعم ....ضحك وراح ...!!
يشترى من غيرنا ......وما عرفت وش السر .....ما يخالف ...!!
تركنا سوق الخضار .....وعلى سوق الحلال .....وشغلة ابوك ....لا يغلبوك ...!!
نعر فها زين...... زين ....!!
...............ومنة الله ولا منة خلق الله .....!!
ويوم .......بديت وشريت براس المال الحلال ...وسعودة الحلال
وطقت الغنم...... المالطية .....ولطمنا معها ....!!
والمكيرش ما قصر ..... كمل الناقص ....والمنح ...جابت السعودة فى القاع ......!!
طَيِّبْ وَرَى مَا إتجَهتْ لسيارات التكسي،وأخذت لك واحد،وجلست تلفلف به؟..
لأني سمعت إنه تم سعودة سواقي التكاسي.. ;)

موضوع جميل و مُضحك ،يستحق الشكر والثناء..!!