هل اقدر انهي final fantasy x بدون اسرار او شفرات ؟

[Yunei]

السلام عليكم ...
انصدمت :bigeyes: لما عرفت ان اغلب الاعضاء يقولون ان final fantasy x اسهل جزء بس انا ليلحين ما خلصته من السنة الي طافت ، فهل اقدر اخلصه بدون اسرار و لا شفرات لان شريط final fantsy x الي عندي اصلي فما اقدر ادخل شفرات ،،، فهل ممكن اخلصه بدون شفرات ...
و جم ( كم ) لازم تكون طاقة اللاعبين اقصد الابطال تقريبا عشان اهزم الزعيم الاخير ... الله يخليكم جاوبوا على اشئلتي و انا الحين وفي غابة ماكالانيا قبل لا اباري سيمور ...

اي صج ... هل مشهد البحيرة ( الي فيه تايدوس يكلم يونا على انفراد و يعبر عن حبه لها ) قبل مشهد العرس اي قبل لا نتبارى مع سيمور ؟؟؟؟

ارجو انكم اجاوبون بسرعة لان العطلة ما بقالها شي ... و انا ابي انهي قبل المدارس ===> اففففففف ويييييييييييييييييييييييع .... بليييييييييييييييييييييييييييييز

و شكرا

مع تحيات :
===> heart broken متحطمة القلب

[sion001]

طبعا يا أختي تقدري تخلصي اللعبة من غير أسرار و لا شفرات ، أصلا بعدين تطير متعة اللعب :tongue2:

[Silver Wolf]

مثل ماقال سيون ون المتعة بالشفرات والأسرار ... وبعدين فيه اسرار وهي ميهيب اسرار بمعني الكلمة يعني خفايا زي الأسلحة والايونات الاضافية يعني الحصول عليها صعب او ماهو الزامي وله طريقة خاصة .. هذي يعني شبه لا بد منها ... لأنها زي ماتقولين تقوية للاعبين ...

يعني انصحك بعدم استخدام الشفرات وانا بصراحة شي اسمه جيم شارك مااعترف فيه مهوب عجزن مني عنه لكنه يفقد اللعب متعته ...

يعني اختي انصحك تلعبي بدون شفرات ..

[الخيال الاخير]

بالنسبه لي انا نهيته قبل سنه وما كان عندي ار بي جي :cool: فانصحيك لا تلعبينها بالجيم شارك لان مثل ما قالوا The ONE1و sion001 بتطير متعه اللعب :tongue2:

[powerguy]

اممم غريبة انتي للحين ماباريتي سيمور لاول مرة مع انج تلعبين من السنة الماضية على قولتج !!!

انا من يومين باريت سيمور وهزمته مع اني بديت اللعب من اسبوعين فقط لاغير!! وهذي اول لعبة RPG العبها :S

عالعموم مثل ماقالوا الاخوان ماعقد انه الاسرار لها اهمية المهم تستمرين في تطوير نفسج وماتتهربين دائما من الاعداء الصغار فهم مصدر التطوير :) ...وعالعموم اي مكان ماتعرفينه عندج موضوع سؤال المبتدئ الاخوان يساعدونا اول باول..والسمووحة

[VINCENT 2002]

يعني انصحك بعدم استخدام الشفرات وانا بصراحة شي اسمه جيم شارك مااعترف فيه مهوب عجزن مني عنه لكنه يفقد اللعب متعته ...
..

صح صح صح صح صح

الجيم شارك ما له داعي في الحياة مرة وحدة مسوي ازعاج وزحمة ...... ويخرب الالعاب .......

وبالتاكيد تقدرين تخلصينه بدون جيم شارك ...... اصلا اتوقع 80% من اعضاء منتدى فاينل خلصوه بدون جيم شارك ....

اما بالنسبة للاسرار فهي حلال ولها داعي في الحياة ما لم تكن اسرار اضغط start فوق تحت يسار يمن دائرة وتطلع جميع الاسلحة هذي اسرار ما لها داعي برضوه ...................

[Final Fantasy 7]

أصلا تقدرين تنهين أي لعبة بدون جيم شارك ... :boggled:


و بعدين فف10 هي أسهل لعبة آر بي جي .. كيف للحين ما خلصتيها .. عيل شنو راح تسوين لو تلعبين زينوجيرز أو فف6 :tongue2: !!

[Leorio-Hunter]

أحلى شي تنختم اللعبة أول مرة بدون جيم شارك

هيك الأصول

بعدين لما تنختم اللعبة إذا بدك ما تتغلبي وتختميها وتكتشفي أسرار

ما بنصحك بجيم شارك على شان المتعة تكون أكبر

بس إذا بدك حطي جيم شارك

Final Fantasy 7

أخخخخخخخ معك حق شنو فاينال فانتسي 10 قدام 6

[sion001]

و بعدين فف10 هي أسهل لعبة آر بي جي .. كيف للحين ما خلصتيها .. عيل شنو راح تسوين لو تلعبين زينوجيرز أو فف6

بس أعتقد أن ff-10 أصعب من ف ف 8 و 9 و x-2 ، يعني يبغالها شوية تركيز :tongue2: بس برضها تتخلص ، أما هذه اللعبة زينوجيرز - إلي أعتقد أنها زينوساجا xenosaga ..صح ؟ :boggled: - صعبة و ما يعطوك فلوس و أدوات إلا بالشحته :12: أنا موقفة عند وحش ما أدري كيف يتخلص :12:

[VINCENT 2002]

بس أعتقد أن ff-10 أصعب من ف ف 8 و 9 و x-2 ، يعني يبغالها شوية تركيز :tongue2: بس برضها تتخلص ، أما هذه اللعبة زينوجيرز - إلي أعتقد أنها زينوساجا xenosaga ..صح ؟ :boggled: - صعبة و ما يعطوك فلوس و أدوات إلا بالشحته :12: أنا موقفة عند وحش ما أدري كيف يتخلص :12:
خطــــــــــــــــــــأ

زينوجير على السوني ون ...وتختلف عن زينو ساجا :33:

وبالنسبة لي اشوف فاينل 10 اسهل لعبة ار بي جي وان شركة سكوير سوفت تعمدت ذلك لتجذب اكبر عدد من الجماهير ........ ونظمها سهل جدا ما يقارن بنظام فاينل 8 او 7 او 9 من ناحية الاسلحة وطريقة زيادة المستوى ...
وجهة نظر فقط لا غير :reporter:






فاينل فانتسي 7 : وينك عن المنتدى ؟ اختفيت ..... والله لك وحشة نبي اخبار فاينل 7 الفيلم ولا خلاص فاينل 11 غطا عليه :biggrin: :09:

[قمر الشعراء]

يمكن ما تعرف كيف توزع الطاقات في الخريطة وهذا مصيبة ((( :boggled: )))

[BOiND]

برايي : فف مع جيم شارك؟ ما تركب :p

احسن شيء بدون جيم شارك بفف 10

بالنسبه للزعيم الاخير ( جيكت + يو يوفن)

اذا ما تبغين المستره :

بالنسبه لجيكت

اذا بتفوزين بصعوبة : طاقة تايدوس :6000 ، يونا 4500 ، اورون :5800

والهاستيجا والبروتوكت مهمات

تفوزين بمستوى ليس بصعب ولا سهل : اقل شيء الطاقة 8000

تفوزين بمستوى السهل : 9999

تفوزين بالمسترة : 99999

بالنسبة لليو يوفن مافي خوف من الخسارة ، لانه اصلا كلما تخسرين الفيث يعيدونك للحياة ^^

وانصحك تمسترين اللعبه

[Yunei]

صراحة ضاق خلقي اكثر و اكثر ... الكل يقول سهل و انا عندي صعب وايد وايد و مو قادرة اخلصه لان كلما اوقف عند زعيم و اخسر يضيق خلقي و ما العبه الا بعد جم يوم ... بس انا بعرف شلون تقولون عنه سهل لولو و يونا attack مالهم ضعيييييييييييييييييييييييييييييييييييييييييييييييييف ... واي وين السهولة ... هل انتوا تلعبون كل المعارك اقصد المعارك العشوائية و الرئيسية ... الله يخليكم ساعدوني يا اعضاء ابي اخلص هالجزء لكن مو قادرة ...

انا الحين واقفة عند الوحش مال اخو ريكو قبل ما اروح عند سيمور ...
الاسم : anti - machina
الطاقة : 16000
في هذي المعركة بالذات ما اقدر استخدم الماجيك و حتى الايون فشلون راح اخلصه اطلب مساعدتكم ... :shock22: انا عايشة حالة من الياس و الحزن ... الله يخليييييييييييييييييييييييييييكم ساعدوني انتوا الامل الوحيد عندي ... ودي اخلصه قبل لا تبدي المدارس ... بلييييييييييييييييييييييييييييييييييز

و مشكووووورين عالنصايح و ما قصرتوا لكن ابيكم تساعدوني ... و شكـــــــــــــــــــــــــــرا مرة ثانية

[BOiND]

في هذي المعركة بالذات ما اقدر استخدم الماجيك و حتى الايون فشلون راح اخلصه اطلب مساعدتكم ... :shock22: انا عايشة حالة من الياس و الحزن ... الله يخليييييييييييييييييييييييييييكم ساعدوني انتوا الامل الوحيد عندي ... ودي اخلصه قبل لا تبدي المدارس ... بلييييييييييييييييييييييييييييييييييز


No Proplem

بالنسبه للماجيك في آلة طائرة تمنعك من استعمالها ، اذا حطمتيها ، تقدرين تستعملين الماجيك

بس في ورطة اكبر ، لانه الوحش راح يستعمل بعد كل 3 ادوار شعاع على (واحد ام 3 اشخاص؟) يقدر يموت الشخص (يعمل ضرر 2500 )

على العموم ، عندي حلين لكلا الطرفين

فرضا اذا بتقاتلينه بدون قتل الالة ، ضع البارتي التالي (اورون ، تايدوس ، كيمهاري)

احرصي تكون اوفر درايفاتهم كامله!!

عشان لما تبدأئين تنقصينه اكثر من 2000 تقريبا

على العموم ، الافضل تخلين نظام الاوفر درايف (Over drive charge when the party get dameged) او شيء قريب من كذا ، ما اذكر اسمه ، عشان يمتلى الاوفر درايف بسرعة

(ملحوظة : هناك استتراتيجيتن لهذه الاستتراتيجية ، خلي كيمهاري (او اضعف شخص يضرب الوحش) ليس للضرب ، فقط للمعالجة ، معالجة البارتي الاخرين (بالادوات) عندما يتضررون ، الاستتراتيجية الثانية انك تتمين تضربينه بدون توقف ، ومرات توقف لمعالجة البارتي (الافضل الاستتراتيجية الاولى ، اشتري الادوات من المحل)

ـــــــــــــــــــــــــــــــــــــــــــــــــــــــ

بالنسبه للآلة ... اذا قتلتي الالة الطائرة تقدرين تستعملين الماجيك ، افضل شيء : (تايدوس ، لولو ، يونا)

الوحش راح يستعمل شعاعه مرة كل 3 ادوار

في الدور المفترض فيه ان يستخدم شعاعه ، استدعي اي أيون ، لكي يضربه ثم يتلقى الضربه

يفضل لو كان هناك ال Whait magic Hastega ان تستعمليه ، استعملي لولو وتايدوس لاصابة الالة ، فقط لا غير^^

[Majid Ali]

اول شيء :
هل تعرفين طريقة استخدام السفير جريد؟ يعني تعرفين تحطين نقاط قوة و HP و MP و دفاع لكل شخصيه الخ....
طبعا هالتطوير يكون على حسب عدد نقاط ال AP اللي معاك.

بعدين لازم تطورين نفسك بهالطريقة وتقتلين وحوش كثير قبل تدخلين هالمعركة.....يعني طوريهم زياده وزيادة....قاتلي وحوش كذا لمدة ساعة بعدين طوري الشخصيات الاساسية.

اخيرا هالوحش ضعيف ضد الكهرباء لذلك حاولي تسوين سحر thunder (لولو).....الخ
وعلى فكره انا اذكر فيه شي صغير يطير بجنب الوحش لازم تضربينه اول حتى ياقف......وهكذا.

السر في قوتك يكمن بثلاث اشياء :
1- كثرة قتال الوحوش العشوائية ومن ثم تطوير الشخصيات
2- استخدام الحركات للشخصيات بذكاء، يعني مثلا وحش مائي عطيه سحر كهرباء....وحش دفاعه قوي سوي علي armor break ( اورون)...... الخ...
3- تركيب اسلحة و البسه جيده ..

عموما بالاخير كل الشخصيات تقدر تسوي اغلب حركات الشخصيات الثانية..

اتمنى اني اكون افدتك...

[Yunei]

مشكورين عالرد و المساعدة لكن انا اعرف شوية في السفير جرايد يعني بعد كل معركة احصل ap و بعدين اروح السفير جرايد و اوصل بين الدوائر لكن ما اعرف شلون ازيد الليفات ملوت الابطال ؟؟؟ ممكن تعلموني شلون ؟ و راح اكون شاكرة لكم ...

[powerguy]

اختي يونا لما توصلين بين الدوائر هل تعلمين انك لازم كل ماتوقفين على دائرة تستخدمين الامر use ومن ثم السفير المتاح عشان تستخدمين قوة هذي الدائرة؟؟اذا تعرفين هالشي خلاص شغلك مضبوط :)

وبالنسبة للوحش اللي تقولين عنه أكيد راح ياخذ منك وقت لانه يعتبر من اصعب الوحوش في لعبة فف10 :)

والصراحة انا هزمته من اسبوع..ومثل ماقالت الاخت في الرد السابق الحل الوحيد لهزيمة هالوحش..انج ترجعين فاللعبة لورى ارجعي عند thunder plane المكان اللي فيه صواعق فهو احسن واسهل مكان عشان تجمعين نقاط..والطريقة المثلى عشان تجمعين نقااط عن طريق الايون lixion هذا الايون الكهربائي لو تقاتلين فيه فالمنطقة اللي قلتلج عنه راح تلاحظين انه مايتاثر من ظربات العدو لهذا تقدرين تقاتيلن فيه لين ماتشبعين وتطورين نفسك..ويفضل تطورين لولو عشان تحصل حركة thundra+ تطورين يوونا حاولي توديينا في السفير جريد فوق عاليسار في حركتين الي هم بروتيكت+شيل هالحركتين را يحمونك من الظربات القوية حقت الوحش..

عالعموم انا قعدت في منطقة الصواعق اتقاتل ساعتين كاملين..وطورت كل اللي عندي ولما رحتله استخدم 2 اوفر درايف حق لكسيون على الوحش كل اوفر درايف بينقصه حوالي 8 الاف hp :) ..وبعدين ظربة thudra من لولو بتخلص عليه باسهل من السهولة نفسها :) ...

والسمووحة

[Flanteus]

مممممممم..
فعلا لو انك ما كنتي تعرفي كيف تطورين شخصيات مثل ما قالوا الاخوان هذي مشكلة كبيرة :bigeyes: ..


على العموم ...في موضوع الأخ باور قاي كاتب فيه شرح أدوات السفير جريد وما عملها ...

لكني ما كتبت الطريقة :biggrin: ...

ممكن يساعدونك الاخوة :) ...

وبالمناسبة ....
اذا قربت مدارسكم ذي:أفكر: <---------- وراه كلية الأخ :D

وما بقي الا يوم أو يومين وخلاص .. الخطر اقترب ودقت أجهزة الإنذار واعلن عن حالة طارئة ( باقتراب المدارس يعني ) ....:أفكر:




فحطي جيم شارك والسلام :biggthump
الجيم شارك فلة وخاصة لمن تحطين جميع الأدوات :أفكر:



سلام :biggthump وبالتوفيق :)

[Yunei]

صراحة يا اعضاء شجعتوني و بسوي الي قال عليه الاخ بورجاي انه لعب ساعتين كاملين في التندر بلين
و انشالله برد عليكم لما ارفع اليفات .... و مشكوووووووووووووورين مرة ثانية و الثانية مقدما انشالله بس ادعولي

[sion001]

أخوي بويند ، إيش هي المسترة :33: ؟ لأني خلصت اللعبة وحدة مرة و لا أدري الكثير عنها !!

غير كذه الوحش الأخير صراحة غريب ، لأنه راح تكون ضامن الفوز دون أي تعب :tongue2: ، لكن أختي يوني أهم شيء في جميع أجزاء فاينل فانتسي و أعتقد ألعاب RPG الثانية هي المعارك العشوائية لأنك من خلالها يمكنك أن تقوي الشخصية :biggthump

أخوي فنسنت ، أنا سمعت أنه زينوساجا هي مثل الجزء الذي صدر على ps1 يعني نفس القصة و الشخصيات تقريبا مثل زيجي و مومو ، لكن على ps2 القصة أصبحت أكثر اتساعا !

[Squall 9]

اي لعبه تقدر تنهيها من غير اسرار وشفرات :)