M.a.r.c.o.s

[Final Fantasy 7]

مرحبا جميعا :biggthump

أكيد تسائلتم عن سبب غيابي الفترة الأخيرة عن المنتدى :أفكر: ؟

أوكيه راح أقولكم السبب .. :09:

السبب و بكل بساطه هو Marcos :icon6:

أكيد تتسائلون منو هو ماركوس .. :33: !

الجواب هو ====> أنا :biggrin:

من فترة .. أيقنت أن هذه العطله الصيفية هي الأسوأ و من دون منازع في حياتي ( دون مبالغه ) .. و السبب هو أن أغلب أصدقائي المقربين و يالي كنت متعود أسهر معاهم كل سنه على الماسنجر للصبح .. انقطعوا عن الانترنت و لأسباب لحتى الآن غير معروفة لي :06:

لذلك و بمحاولة يائسة مني قررت أقوم بخطوة جريئة علشان أنقذ هالعطله يالي ما تزورنا الا بالسنه مرة وحده .. و هي أني أشتري FFXI .. اللعبة يالي كنت مو متوقع و لا يخطر على بالي أني راح ألعبها اطلاقا الا في الزمن البعيد .. فقمت و ضربت بكل هالتوقعات في عرض الحائط و اشتريتها .. و قررت أني أخلي أحلامي تصير حقيقية .. و هي أني أغامر في عالم ضخم و أتعرف على أصدقاء جدد من مختلف المناطق يغامرون معاي .. و فعلا هالحلم الكبير لي تحقق مع عالم فاناديل و هو عالم فف11 :jester:


فخلوني أعرفكم على شخصيتي الثانية في العالم الافتراضي الآخر ^^

[Final Fantasy 7]

>> Marcos <<



الاسم : Marcos

الفصيله : Hume

الجنس : Male

الوظيفة الأساسية : Red Magic

السيرفر : Ragnarok

الجمهورية : Bastok





بعض الصور لشخصيتي :

[Final Fantasy 7]

>> اليوم الأول <<












بدأت مغامرتي في عالم ( فاناديل ) يوم الاثنين من الأسبوع يالي مضى .. بتاريخ 10/8/2004 .


في البداية تواعدت مع اللاعب ( Aizmov ) يالي هي بالمناسبة امبراطورنا تايدوس في هالمنتدى :biggthump


تقابلنا في مكان قريب من بيت الموج .. و الظريف أننا احنا الاثنين انصدمنا بأن شخصياتنا عبارة عن توأم .. يعني نفس الشكل بالضبط :tongue2:


المهم .. بدأ يعلمني عن أساسيات اللعبة .. و صار ياخذني بجولة في جمهورية باستوك .. و الصراحه أغرمت فيها من اللحظة الأولى و حسيت أنها هي فعلا موطني باللعبة .. يعني ارتباط من اليوم الأول ^^


بعدين قام و أخذني علشان أنفذ لي أول مهمة في اللعبة .. أول مهمة أساسية .. و أول مهمة فرعيه .. يعني راح أنفذهم اثنين في واحد :biggrin:


قام و أخذني الى كهف أتمم فيه مهماتي .. و بدأ يقول لي قصة صارت في هالكهف .. و هي أنه في قديم الزمان كان فيه محارب قوي و شجاع من فصيلة الايلف ( يالي يشبهون القرده ) و كان فيه انسان يغار منه بشكل غير طبيعي لأنه كان ينال كل المجد يالي هو يحلم فيه .. فأخذه لهالمكان و قتله >_<


المهم .. نفذت المهمتين يالي علي .. و بعدين صار وقت أني أتجول خارج باستوك .. فأخذني ايزموف للخارج و انصدمت من المساحه الضخمه .. و قمنا نخوض شوية معارك و هو يساعدني و يعلمني .. و بعدين قال أنه راح يوريني مفاجأة .. طبعا تفكيري راح أنه راح يعطيهي هدية :biggrin:


بس طلع ظني في غير محله :boggled:


قام و استدعى لنا تنينه الرهيب يالي يساعده في القتال .. و قال لي أن هالتنين طلع له من بيضه رقاها و رعاها .. ( شي رهيب صح ؟ ) .. و التنين كانت له قوة غير طبيعيه في القتال .. فعلا ساعدنا كثير :biggthump


و بعدين بديت شوي أتليقف .. و ما أسمع الكلام .. و أحاول أني أستكشف الأماكن بنفسي .. و أقاتل الوحوش لحالي لما تسنح لي الفرصه أني أهرب من ايزموف .. و كانت النتيجه هي .. الموت :icon6:


هني راح ايزموف لأن كان عنده اختبارات فاينل .. و أعطاني وعد من باليوم الثاني راح تبدأ المغامرة الحقيقية لي و المرح الفعلي في اللعبة .. و لحد هني انتهى يومي الأول في عالم فاناديل مع أحداث جدا بسيطه .. و ما كان عندي أي فكرة أن الأحداث بعد ذلك راح تكون أرهب بكثير ^^

[Final Fantasy 7]

العنزات المفترسه & صمت الحملان












بدأ اليوم الثاني .. و دخلت أبكر شوي من الوقت يالي أتفقنا فيه أنا و ايزموف .. و حاولت شوي استكشف المناطق بنفسي .. فرحت و وصلت عند تل صغير موجود في منتصف صحراء باستوك الواسعه .. و لما صعدتها استغربت بوجود عدد من الخرفان و هم يتمشون و يرعون فوق التل .. عاد على طول تذكرت عنزتي الشهيرة يالي صار لي فترة أحط صورها في توقيعي بالمنتدى و مع boind2003 في الماسنجر .. فقمت و بغيت أعمل لها شيك و لا انصدم أني أقدر أتقاتل معاها .. عاد بدأ الفار يلعب فيني .. فقمت و تحرشت فيها ... و ما أشوف الا تركض صوبي و تيي رفيجتها الثانية ( يعني فزعه :p ) و يقومون علي هم الاثنين .. و ما هي الا ثواني و أنا متسطح على الأرض .. حشى العنزات الخارقات موب عنزات عادية .. و من يومها حرمت أقرب صوب أي عنزة ألقاها جدامي o_O

[Final Fantasy 7]

الفريق الأول & توقع مالا تتوقعه













بعد يالي صار مع العنزات الخارقات .. دخل ايزموف اللعبة .. و طبعا عملت حالي برئ و لا كأني عملت أي شي :08:


قام و أخذني لمكان بعيد .. صاير بعد صحراء باستوك .. و هناك عرفني على بارتي .. و بدأت أولى مغامراتي مع هالبارتي .. و كان معانا وحده اسمها ( Tweak ) .. و كانت هالتويك في كل معركتين تحوشنا .. لازم تموت في وحده منهم .. الكل كان يطلع من المعركة و هو مو حايشه الا أضرار قليله .. ما عدى تويك و السبب أن دفاعاتها كانت من أردئ ما يكون ..


المهم كنا بس نقاتل السحالي .. الا أن خطر على واحد عبقري فينا أننا ننتقل من القتال مع السحالي الى القتال مع نوع آخر من الوحوش .. و هو وحش ضخم ناسي اسمه .. فقام العبقري و جذب الوحش لنا و دحلنا في معركة معاه .. بس طلع الوحش خااااارق .. لدرجة أنه بضربه وحده كان ينقص نصف طاقة اللاعب .. عاد واحد ورى الثاني بدأ يطيح و يموت .. و يالي ظلوا عايشين عملوا حالهم أبطال و صار واحد منهم يصارخ ( موتوا بشرف و قاتلوا حتى الموت ) .. و يالي على فكرة هو أنا :tongue2:


عاد ظلينا في المعركة لما كلنا متنا .. الا شخص واحد .. تتوقعون منو ؟








Tweak :boggled:







الوحيده يالي ظلت عايشه و هربت من الوحش .. عاد بديت أنا أضحك و اقول ( looool ) و البارتي أغلبهم حاقدين علي ما يستوعبون شنو الشي المضحك يالي صاير .. و طبعا لاني ما أعرف انجليزي فيري قود .. فما قدرت أفسر لهم عبارة ( سخرية القدر ) .. و يالها فعلا من سخرية :biggrin: !

[Final Fantasy 7]

هنالك المزيد ... و لكن بالأول أبي أعرف عجبكم الموضوع و تبوني أكمل و لا لأ :tongue2: ؟




و شكرا لدخولكم الموضوع ^^

[FF^WORLD]

:wow: :wow: :wow: :wow: :wow: :wow:
موضوع عجيييييييييييييييب كمله بسرعه شوقتني حق اللعبه :(

ما عليه كلها كم يوم و توصلني :biggthump
يله كمل شوف شنو سويت فيني :bigeyes:

[ستيف بورنسايد]

و بعدين بديت شوي أتليقف .. و ما أسمع الكلام .. و أحاول أني أستكشف الأماكن بنفسي .. و أقاتل الوحوش لحالي لما تسنح لي الفرصه أني أهرب من ايزموف .. و كانت النتيجه هي .. الموت
لا تصير مثلي :icon6:

[Flanteus]

مبروك ... ماركوس :D <------- عقبالي :08: ( دا بعده :tongue2: )


رهيبين العنزات صراحة :cool:

وكمل أبغى أسمع قصصك شوقتني لـ فف11 :biggthump



سلام :08: ... ( لا يكون اسمه/ها ... توفيق :tongue2: وليس تويق/ ك )
:biggrin: ..

[DARK_SAYNO]

مدام انك طفشان ليش ما تضيفني عندك :biggthump

(تكفى ضيفني عندك يرحم والدييييييك :D )

هذا هو ايميلي

dark_sayno_210@hotmail.com

:biggthump :biggthump :biggthump احتريك وتراني عارف انك متصل الحين :biggthump :biggthump :biggthump

[l)@RK-l)EVIL]

===================================
محارب قوي و شجاع من فصيلة الايلف ( يالي يشبهون القرده )
===================================

http://www.webpost.net/al/ALHADRAM/pol-2004-08-20-02-56-17-79k.gif

[نويدراتي]

هلاعبه ماتنلعب الا اون لاين؟؟!
صراحة حمستني لها

[brave death]

yup elvaan is wolf not monkey,
good job dark evil:)
congratulations marcos,
//tell bravedeath if u wanna any help

[Wingless Angel]

مرحبتين :)

مبروووك على ff وعقبالي بعد مليون سنة :09:

سلملي على Marcos بس سؤال ليش اخترت هذا الأسم بالذات


و بعدين بديت شوي أتليقف .. و ما أسمع الكلام .. و أحاول أني أستكشف الأماكن بنفسي .. و أقاتل الوحوش لحالي لما تسنح لي الفرصه أني أهرب من ايزموف .. و كانت النتيجه هي .. الموت :icon6:

مسكين :p



عاد بدأ الفار يلعب فيني .. فقمت و تحرشت فيها ... و ما أشوف الا تركض صوبي و تيي رفيجتها الثانية ( يعني فزعه ) و يقومون علي هم الاثنين .. و ما هي الا ثواني و أنا متسطح على الأرض .. حشى العنزات الخارقات موب عنزات عادية .. و من يومها حرمت أقرب صوب أي عنزة ألقاها جدامي o_O

مسكين مرة ثانية :p شان زقرت عنزتك يمكن تساعدك

بس يوم شفت الصورة هذي مب عنزة هذا خرووف :09:




الوحيده يالي ظلت عايشه و هربت من الوحش .. عاد بديت أنا أضحك و اقول ( looool ) و البارتي أغلبهم حاقدين علي ما يستوعبون شنو الشي المضحك يالي صاير .. و طبعا لاني ما أعرف انجليزي فيري قود .. فما قدرت أفسر لهم عبارة ( سخرية القدر ) .. و يالها فعلا من سخرية :biggrin: !

مسكين مرة ثالثة بدايتك كلها مووت :09:

بس شان شردت معاها نوجت وتركت البارتي مالك يموت بروحه

وانا انتظر قصصك الباقية

بس لا تموت وايد عشان ما اقوول مسكين مرة رابعة :09:

[XAVI.6]

حمستني كمل :biggthump

عقبالي :D

[: Super Sonic :]

اقلك فاينلو اتراك لعبت فيني خلاص ... اليوم قبل بكرة بروح اشتري اللعبة :icon6:
ياخي والله حمستني مرة الحين مرة ودي اخشها وما اجد حمسني فيها غيرك..
تدري بطلع اليوم ولا في اقرب فرصة وبروح بشتريها ... اذا اخذتها تعلمني عليها ؟ :08:
اما على حكاية الخروف قعدت اضحك ضحك :biggrin:
واذا مداك تكمل زيادة كمل ^^

[تايدوس إمبرطور ال RPG]

إلي صار لنا في الـ Valkurm أسوأ شيء ممكن يصير لأحد :boggled:

[FoxHound]

يارجال لا يغرك aizmov ترا الدراجون ماله لفل 5 XD
---
تايدوس وش صار فيك XD

[blank]

أما العنزه الخارقه لاعاد تقرب منها
ماشاء الله عليكم تحمست للعبه

[Golden_Sun]

مبروك ماركوس :cool: ..
يلا عقبالي انا .. كل شي جاهز ماعدا هالفيزا :31: ..

هذول العنزات هم نفسهم الـWild Sheep في ساندوريا ؟ :tongue2: .. لأن حتى اهما متوحشين :icon6: ..

[BOiND]

الفيزا جاهزة:33:

بس اللعبة مو موجودة:boggled:

عقبالنا :33:



عاد على طول تذكرت عنزتي الشهيرة يالي صار لي فترة أحط صورها في توقيعي بالمنتدى و مع boind2003 في الماسنجر

لووول :09:
على بالي نسيت عنزتك خلاص :tongue2:

المهم ، تراك حمستنا :D
ننطر التكملة ^^

[Final Fantasy 7]

FF^WORLD مبروك مقدما على اللعبة .. و بانتظارك :biggthump



ستيف بورنسايد أصلا خلاص العدوة انتقلت لك مني و انتهينا :tongue2:



flanteusأنت للحين ما خشيت اللعبة .. تصدق كان على بالي أنك من زمان موجود .. حتى أني بديت أتسائل عن اسم شخصيتك فيها :biggrin: !



Dark_Saynoتمت اضافتك في الماسنجر^^



l)@RK-l)EVILبييييه حسن شنو هذا ... ما يسوى علي قلت هالكلمه الا و أكلتني و تهديد و فيلم رعب :tongue2: !!
لا يبه خلااااص .. أسحب الكلام يالي قلته :09:




نويدراتييس .. فقط أون لاين ^^





brave deathمعلومة يديدة لي أنهم ذئاب و مو قردة .. شكرا عليها :tongue2:




alshaer1001اخترت ماركوس لأني أولا بغيت أسم يوحي بالعصور الوسطى في أوروبا .. و في نفس الوقت يوحي على شخصية ساحر .. و ماركوس كان أنسب اسم حصلته :icon6:

و بعدين يا كثر ما أنا مت في اللعبة .. لدرجة أني نزلت لفل كاااااااااااامل لتحت .. و صار لي جم يوم و أنا للحين مو قادر أعدي ليفل 10 :jester:






@مشاكس@أوكيك ^^



: Super Sonic :
لوووووووووووول .. نصيحه روح اشتريها بأقرب وقت و ادخلها .. ترى أنا جذي صار فيني مثلك .. بويند قال لي قصص عن فف11 و تحمست لدرجة أن بعد يومين كانت اللعبة عندي :biggthump




تايدوس إمبرطور ال RPG
لا تذكر هالاسم جدامي مرة ثانية .. تعقدت منه .. أسوأ مكان في حياتي .. متعلق و واقف فيه قصبن على خشمي .. و أنا مفقوعه مرارتي علشانه .. سوحقن له >_______<







hacksman
حتى لو كان الليفل حق الدراجون واحد .. مو مهم .. المهم أنه كثير رهيب و ساعدنا مساعده كبيرة في القتال




blank
عقبال على اليوم يالي نشوفك فيها معانا ;)




Golden_Sun
عن جد .. ساندوريا كمان فيها عنزات متوحشه O_o
الحمدالله أني ماصادفت و لا وحده منهم في زيارتي لها :icon6:



boind2003
جولدن سن عنده اللعبة و ناقصته الفيزا .. و أنت عندك الفيزا و ناقصتك اللعبة .. :tongue2:
و بعدين مستحيل أنا أنسى عنزتي الغالية .. راح أرد قريبا و أعمل توقيع مخصوص لها و لصديقاتها العنزات :biggrin:











و الليلة أكمل لكم يالي صار معاي .. يالي هو أفضل شي صار معاي على الاطلااق

[brave death]

get in PT if u wanna get much xp.
go to valkurm dunes after konshtact highland

[DARK_SAYNO]

تمت اضافتك في الماسنجر^^





وين تمت اضافتي XD

محد ضافني عنده للحين >< :bigeyes:


انا بضيفك عندي بس عطني ايميلك :biggrin:



See ya

[DARK_SAYNO]

ولا اقولك


ارسله لي عالخاص :biggrin:
محد ارسلي رسال خاصة للحين :09: XD




See ya ;)

[تايدوس إمبرطور ال RPG]

get in PT if u wanna get much xp.
go to valkurm dunes after konshtact highland

man you make me feel bad
i'm with him :biggrin: :biggrin:

[FoxHound]

تايدوش وش صار فيكم في فالكرم ؟
انا اتوقع شي موب هين لأن حظك نحس :P

[تايدوس إمبرطور ال RPG]

تايدوش وش صار فيكم في فالكرم ؟
انا اتوقع شي موب هين لأن حظك نحس :P

انا حظي مو نحس -.-
معلوماتك غلط يبيلها تعديل -.-
بعدين مارك راح يقولك وش صار :p

[dark sied]

الصراحه انت اكثر شخص اعرف مامدا تحمسي لهذه اللعبه :vereymad:
والموضوع تبعك ذا زاااااد حماااسي :vereymad: :vereymad:
وكل ماله بيزيد اكثر فاكثر :vereymad: :vereymad: :vereymad:
بس المشكله انه اللعبه منقرضه عندي بالسعوديه (مكه وجده بالتحديد) ولو موجوده استغلوك بالسعر شر استغلال :mad:
قلت مافي غير اني اطلبها من النت :33:
جيت اطلبها من موقع امزون
قالو هذي اللعبه بالذت محظوره بالبلاد الي انت بيها :boggled:
حظي زي الزفت :12:
اخر امل ليه وصيت واحد صديقي اشتريلي هيه من لندن مااعرف عاد سعرها كيف :31:
اسف خرجت عن الموضوع بس حبيت اشرح معاناتي :tongue2:
على العموم انا انتظر التكمله بفااارغ الصبر :reporter:
اخوكم
dark seid

[FoxHound]

تايدوس : إلا اعرف حظك :P ... حتى marcos الحبن بيجييه النحس منك XD .. تذكر لما تقابلت انا وياك في Goldsmithing Guild ، من يومها وانا منحوس -.- .

[aoks]

مبروك فاينل :09:

صراحة ما صدقت يوم دخلت >.>

انت كنت اخر واحد اتوقعه يدخل XD

l)@RK-l)EVIL : you ROCK XD

[banana_hope]

انا مالي في البلاي ستيشن ولا اعرف وشي FF ولاقد سمعت عنها انا افضل العاب البي سي يوم شفت موضوعك كلمت المحل اللي اتعامل معه وسألته عن اللعبه قالي متوفره على البي سي أي جزء مدري ماسألته
السؤال: انت اللعبه عندك على البي سي ولا البلاي ستيشن لو على البلاي ستيشن كيف نقلت الصور هنا وكيف لعبتها اون لاين على البلاي ستيشن ووش قصة الفيزا لو اون لاين على البلاي ستيشن بشتري الجهاز بس فيزا ما عندي وش اسوي.

[: Super Sonic :]

يالله فاينل انا اطالب بالتكملة ^^
اذا تحمست على الاخير بروح اطب على المحل على طول لكن الله يعينني على فاتورة التيليفون اللي حتجي P:

[Squall 9]

MABROoOoOoOoOOoOoOoOoOoOoOoOk



i wish 2 play it but its not sale in jeddah ><


وحشتني فوفو حييييييييييييييييل :08:

[QataR NighTMarE]

لول فينووول انت بصراحه مشكله
صار لي خاطر ارجع العبها
بس اعتقد شخصيتي انسمحت خلاص يعني برجع معاك من البدايه :09:
بس مادري شكلي بدش ويمكن لأ على حسب المزاج
بس جد والله لو العب معاك اعتقد بتكون اللعبه روعه ^^

[Neo Cid]

lolz nice shot hassan ..

and congrats m7moood for the game .. didnt expect that u would join .. and damn i've left this game a while ago n i wont come back for it .. :D

peace

[BOiND]

فاينلو :


جولدن سن عنده اللعبة و ناقصته الفيزا .. و أنت عندك الفيزا و ناقصتك اللعبة .. :tongue2:

لووول :09:
يجي نبدل اماكن:tongue2: ؟>>>قبل ساعة اتصلت لسوني بالشارجة ، النسخة مخلصه ><


و بعدين مستحيل أنا أنسى عنزتي الغالية .. راح أرد قريبا و أعمل توقيع مخصوص لها و لصديقاتها العنزات :biggrin:
بالبركة :tongue2:

واحد من الشباب:

لا تعليق :boggled:

[Neo Cid]

مبروك على اللعبة بو سعيد .. عاد تصدق أني هديتها قبل فترة قصيرة ؟ .. :33:

[: Super Sonic :]

فاينال واعدنا بالتكملة وآخرتها ما كمل .. شكله دخل فف 11 مرة ثانية ونسينا P:
يالله عاد انا منتظر اسمع علشان اتحمس اكثر ^^

[greeneyez]

قوة انا طبعا من معجبين في كتاباتك يافاينل7 وو حبيت اقولك مبروك على دخولك فاينل
وو اذا تبي اي شي انا ووLS مالتي بخدمتك :)

[Techno]

Marcos ، أجل خلاص مابي أناديك بالمنتدى بغير ماركوس ^_^

أسمحلي ماراح أقرى شيئ لأني موناقص حرق أعصاب

[l)@RK-l)EVIL]

هاها كنت اتغشمر معاك فاينل :09:

على العموم مبروك على الشخصيه وانشالله تستانس فيها :biggthump
بس مو تنسى تكتب لنا مواضيع فاينل 7 :D

aoks

XD XD XD

[KuwaitDragon]

سلااام o.O

والله منصدم لانه توقع الموضوع عن فف 7

مبروووووووك

مثل ما قال aoks

اخر واحد توقعت يلعب فف لووول

وولكمو واذا اي خدمه بس تيل

[Silver Wolf]

والله شوقتني للعبة ياماركوس ...

بس فيها عيب .... انها تميل الى عصور اوروبا الوسطى وواضح من الملابس وانا اكره ملابسهم وماادانيها !! لوها نفس ملابس أهل سبيرا في فف10 مثلا ولا مثل ملابس فف7 .. كان أحسن ...

على العموم اللعبة فيها وجع راس ومتطلباتهل كثيرة فلذلك أنا مستحيل أشريها ... عالعموووم هي أصلا تلقاها بالموت في السعودية وتباع بالدس ....

انا الى الآن مااعرف ليش شبه مانعينها عندنا .... الظاهر المنع عندنا موضة فالسعودية !

على العمووووم انتظر قصصك بفارغ الصبر وينك ترى طولت علينا !!!

[: Super Sonic :]

والله شوقتني للعبة ياماركوس ...

بس فيها عيب .... انها تميل الى عصور اوروبا الوسطى وواضح من الملابس وانا اكره ملابسهم وماادانيها !! لوها نفس ملابس أهل سبيرا في فف10 مثلا ولا مثل ملابس فف7 .. كان أحسن ...

على العموم اللعبة فيها وجع راس ومتطلباتهل كثيرة فلذلك أنا مستحيل أشريها ... عالعموووم هي أصلا تلقاها بالموت في السعودية وتباع بالدس ....

انا الى الآن مااعرف ليش شبه مانعينها عندنا .... الظاهر المنع عندنا موضة فالسعودية !

على العمووووم انتظر قصصك بفارغ الصبر وينك ترى طولت علينا !!!
مين قال ممنوع ؟
امكن نت بجدة لكن عندي تنباع عادي ولا يقولو شيء واصلا ليه يمنعوه ؟ ! :)

[تايدوس إمبرطور ال RPG]

والله شوقتني للعبة ياماركوس ...

بس فيها عيب .... انها تميل الى عصور اوروبا الوسطى وواضح من الملابس وانا اكره ملابسهم وماادانيها !! لوها نفس ملابس أهل سبيرا في فف10 مثلا ولا مثل ملابس فف7 .. كان أحسن ...

على العموم اللعبة فيها وجع راس ومتطلباتهل كثيرة فلذلك أنا مستحيل أشريها ... عالعموووم هي أصلا تلقاها بالموت في السعودية وتباع بالدس ....

انا الى الآن مااعرف ليش شبه مانعينها عندنا .... الظاهر المنع عندنا موضة فالسعودية !

على العمووووم انتظر قصصك بفارغ الصبر وينك ترى طولت علينا !!!

عدد يمكن ما تتصوره من السعوديين يلعبون هل اللعبه :biggrin:

[Yamabuki]

مبروك ^ ^

خلاص انسوا يرد عليكم فاينل :p اصيب بمرض فف 11 :31:

[earth]

مبروووك وشباب شو رياكم بشخصيتي باللعبه.

http://www.montada.com/attachment.php?attachmentid=170089&stc=1