المساعد الشخصي الرقمي

مشاهدة النسخة كاملة : قصه حقيقيه حصلت في السعوديه


DARK KILLER
21-08-2004, 07:11 AM
قصة حقيقية " حصلت في المملكه العربيه السعوديه


تقدم سعود لخطبة ريم هي رفضت في البداية بحجة كل البنات انها بتكمل دراستها لكن
امها وابوها اقنعوها في الأخير لان الولد اخلاق ومستقيم ووظيفة محترمة ومن
عايلة كبيرة والكل يمدح فيه ويتمناه لبنته...


المهم جا وشافها وشافته واعجبو بعض... واخذ موعد من ابو ريم علشان يجي مع ابوه
ويتفاهمون على باقي الامور الروتينية... جا الموعد المحدد وحضر سعود مع ابوه
واثنين من اعمامه... ومعهم المهر...

قام وفتح علبة المهر واخذ منها ريال واحد فقط ورجع الباقي وقال حنا نشتري
الرجال...!!!


عجز المعرس واهله يقنعون ابو ريم فاستسلموا واخذوا فلوسهم ومشوا... مرت الايام
وريم ابوها عوضها المبلغ اللي رجعه وجهزت نفسها وجت ليلة العرس...


اول ما دخلت ريم على عريسها استقبلها وقال: (هلا يا ام ريال!!!) البنت طاح
وجهها ساعتها بس عدتها... مو حلوة تسوي مشكلة من اول ليلة... ومن ذاك اليوم
وسعود ما تعدي ريم من عنده الا يعايرها بالريال... بعدين تطور الموضوع وصار
يقارنها بكل شي بريال... لين قال مرة: ( تشوفين علبة البيبسي هذي؟ تراها تسواك
كلكم بريال خخخخخ!!!) وكمل ضحك وهي تغلي...


بس ريم كانت كتومة ما تحب تشكي لاحد حتى اقرب الناس لها امها... ومرت الايام
وهو ما يناديها الا ام ريال او علبة البيبسي!... هو ما يقصد يهينها بس المزح
الثقيل الله يفكنا من شره


المهم راحت لامها مرة وأمها كانت ملاحظة عليها إنها متضايقة من شي فحلَّـفتها
تقولها وش فيها...

بعد محاولات كثيرة من الأم فضفضت لها ريم وهي تبكي وقالت لها الشي الوحيد اللي
منكد عليها حياتها... وطلبت من أمها إنها ما تجيب سيرة لأبوها...


لكن الأم قالت: (لا يا بنيتي أبوك غلط ولازم يصلح غلطته وياما قلت له إن هذا
يقلِّل من قدر بنتك ما يرفعه لان الناس الحين يقيسون بعض بالفلوس بس ما
سمعني... خليه يشوف وش سوى...


أنتي يا بنتي لك كرامة وإحنا ما بعناك... تطمني وخلي الموضوع علي) وراحت طيران
لزوجها وهي تغلي بتنفجر من القهر وحكت له السالفة...


أبو ريم انهبل من اللي سمعه وحلف ما تطلع ريم من بيتي إلا راد لها اعتبارها...
جا سعود بياخذ زوجته عالعادة بس ريم ما طلعت طلع ابوها بدالها وسلم عليه وطلب
منه ينادي أبوه وأعمامه يجون يتقهوون عنده...


وانه بعد المغرب حيكون في انتظارهم... الولد ما شك في شي راح ونفذ اللي قاله
ابو ريم وجاب أبوه وأعمامه... استقبلهم أبو ريم وجلَّسهم في المجلس بدون ما
يحسون بشي...


طلع أبو ريم من جيبه ريال ونادى ولده الصغير محمد وقال له: ( محمد أبوي رح
للبقالة وجب لي علبة بيبسي...!) الرجال استغربو وضحكو فيما بينهم على تصرف أبو
ريم أما سعود ما وصلته الرسالة لسه...

جاب محمد البيبسي وحطه على الطاولة...

شوي قام وطلع ريال ثاني نادى محمد وارسله يجيب له علبة بيبسي ثانية... سعود بدا
يعوّره قلبه... كنه شم ريحة تلميح...

جا البيبسي وحطه أبو ريم جنب الأول...

وعمل نفس الشي مرة ثالثة وجاب بيبسي ثالث وحطه مع الباقين...

وقال: ( الحين الله يحييكم اقدر أقولكم ليه أنا مناديكم... أنا أخذت منكم مهر
بنتي ريال واحد...


بس ولدكم ما قدر هالشي وقعد يعايرها بعلبة البيبسي... أنا الحين غيرت رأيي...
أنا باخذ بنتي... وانتم خذو بدال ريالكم ثلاث علب بيبسي...!)


الرجال ما يدرون وين يودون وجيههم من كلام ابو ريم تفاجأوا وفشلهم سعود بعمايله
بجد أما سعود الله اعلم بحالته شوي ويغمى عليه هو كان يتميلح وريم تبلع بس ما
توقع إنها بتكبّر الموضوع...


أبو سعود قال: ( والله ما لي وجه أقول شي بس أتمنى انك تمسحها بوجهي أما سعود
أنا بتفاهم معه... وبنتك على راسي... ترجع بيتها معززة مكرمة واضمن لك انه ما
راح يعيد اللي سواه

)... رد عليه أبو ريم : ( كلامك علة عيني وراسي يابو سعود بس والله ما تطلع
بنتي من بيتي الا بثلاث مية ألف ريال مهر زيها زي غيرها أنا يوم رفضت أول مرة
اخذ الفلوس توقعت أنها بتكبر بعيونه لكن مع الأسف اكتشفت العكس)


طبعا الجماعة ما قدرو يقولون شي الا إن هالشي من حقك وحق بنتك... وجمعو المبلغ
وقدموه للبنت وكذا ما عاد فيه شي يضايق ريم بس سعود ما عاد له عين يحطها بوجه
أبوها..... وبس :bigok:
klaterthe1
21-08-2004, 02:35 PM
بسم الله الرحمن الرحيم:

DARK KILLER شكراً على الموضوع:biggthump والله أنو نذل الولد:mad: يبغالو علقه سخنيه:vereymad:
sam jericho
21-08-2004, 02:37 PM
مشكور خيو والقصة مضحكة خخخخ :tongue2:
ALcATRAZ
21-08-2004, 05:19 PM
مشكوووور على القصة
ScArY_Bo0oY
21-08-2004, 06:31 PM
LooooooooooooooooooooL


مشكور على القصه
TiTaN
21-08-2004, 07:10 PM
قصة غريبة
و الولد ما يستحي بصراحة
Ultralest
21-08-2004, 07:21 PM
قصة غريبة مرا
الولد فعلا مايستحي
كفاية كلمة الاب ( احنا نشتري رجال )
تقوم انت تسوي كذه سعود:vereymad:
Omega Soul
21-08-2004, 07:30 PM
ونعم الأب وبئس الزوج ....
مو بكفو هالرجال اللي يسوي كذا بحرمته ...

حنا نتمنى نتزوج بنت حلال وشوف هو إيش يسوي ؟؟؟
IRON
21-08-2004, 07:44 PM
مشكور اخوي على القصة
DARK KILLER
22-08-2004, 03:16 AM
هلا والله وغلا فيك اخ klaterthe1 ان شاء الله بس تكون القصه اعجبتك
صراحه انا زيك رافع ضغطي :vereymad: هاللي اسمه سعود الي ما يستحي على خشته
( والله لو انا مكان ابوووه كان رفسته على جبهته :p) :D <~~ احلىىى يا شديد
اشكرك جدا على مرورك.

اخ Chris Jericho يا هلا ومرحبا فيك نورتنا بوجودك يا اهلين وسهلين.
فعلا القصه شوي غريبه ومضحكه ايضا :p في نفس الوقت .
تأبرني خيو Chris Jericho اشكرك على مرورك .

فاصل اعلاني ونعوود اليكم :p <~~(:naughty: اقول انثبر)

اخ ALcATRAZ
اخScArY_Bo0oY العفو :08: :08: اشكركم على مروركم


اخوي booj اهلا وسهلا ان شاء الله القصه اعجبتك :biggthump ... ثانكس على المرور :)

:D مستر King Of Hearts اشكرك جدا على هذا الرد :)

اخ Monkey D. Luffy :p اشكرك على هذا التعليق الرائع .. واشكرك مره ثانيه على المرور:D


اخوي المجهول العفو :08: واشكرك على المرور


مشكورين على الردود :)

لكم خالص تحياتي:ciao:
Pr.Game
22-08-2004, 03:35 AM
مشكور على القصة :) ...
DARK KILLER
22-08-2004, 04:20 AM
العفو :08: اخوي الحسام المهند.. ومشكور على الرد :)
TEDUSE 1=BAGGIO
22-08-2004, 05:09 AM
انا سمعت القصه من زمان بس توقعتها دعابه .........

على العموم مشكور اخوي على القصه .......

و الصراحه موقف الاب كان حلو .....
DARK KILLER
22-08-2004, 06:25 AM
:D تسلم صوابيعك (هذي ترى بالمصري :p) مستر TEDUSE 1=BAGGIO
اشكرك على هذا الرد :)
انتم كلكم كذا :biggthump
لكم خالص تحياتي :ciao:
Squall 9
22-08-2004, 10:43 AM
والله ما يستحي على وجهه هذا الحيوان :vereymad:


زين سوى ابو ريم فيه
:biggthump


يعطيك العافيه على القصه
Renoa Heartilly
22-08-2004, 02:55 PM
إذا الأخ اللطيف ما يقصد يهينها بس قاعد يستهبل, الله يعينها عليه لما تحمل و تصير زي البطيخه XD

أما أسلوب أبوها في تعديل الوضع قمة الحكمه, زي ما قالوا الشباب أنهم لو مكان الأب لسووا العمايل في الزوج, بكذا كان خربوا السالفه أكثر مما أنهم يعدلونها..

مشكور على الموضوع المفيد أخوي ^^
DARK KILLER
22-08-2004, 06:37 PM
هلا والله اخ سكوال 9 ياخي كلمة ( حيوان) :vereymad: شويه قليله عليه .
:biggthump اشكرك جدا على هذا الرد .


(إذا الأخ اللطيف ما يقصد يهينها بس قاعد يستهبل) :p ايه عادي استهبال صعايده :09:
مشكور اخوي Renoa Heartilly على مرورك.
شوكرن لتعاونكم معنا :)
لكم خالص تحياتي :ciao:
انتم كلكم كذا :biggthump
*spider_ man*
22-08-2004, 08:59 PM
مشكور على القصة وهي قديمة واقول ترى القصة حصلت من زهراني ومشكور:biggthump
*spider_ man*
22-08-2004, 09:01 PM
مشكور على القصة وهي قديمة واقول ترى القصة حصلت من زهراني ومشكور..................:biggthump
hames alhaneen
04-09-2004, 01:20 AM
مشكور عالقصة وايد:cool: