المساعد الشخصي الرقمي

مشاهدة النسخة كاملة : مواقف طريفة الكل يشترك


sailormoon41285
23-08-2004, 08:34 PM
السلام عليكم و رحمة الله و بركاته هذه فكرة جاتني قلت احطها
اللي هي كل واحد يقول ايش اطرف و اظرف و اخجل موقف صار في حياته ؟
انا حافكر و بعدين ارد اوكي

خلونا نكتشف المواهب العجيبة
:tongue2:
The Captive
28-08-2004, 04:38 AM
هلا و غلا .. :)

الرجاء كل واحد يكتب عن أطرف موقف حصل معاه في أي مكان بالسوق أو السوبر ماركت أو المدرسة أو الشارع أو البيت :biggrin: ، المهم يقولنا أطرف موقع حصل معه ..

أحم أحم :cool: صاحب الموضوع أول واحد

ذيك المرة سلمكم الله كنت بمجمع السليمانية بجدة و أختي كانت في محل ملابس عاد أنا ما أقدر أتحمل التسوق النسائي :12: قلت لها بروح أدخن و بجي المهم رحت :icon6: وخلصت ويوم جيت كنت بصف أول ثانوي و أركض أركض أركض ما القي الا القزاز بوجهي :31: أحسبه الباب عاد انا صرت تسذا :boggled: :shock22:

وربي ذا الموقف ما أنساه لو أيش صار :biggthump في مواقف ثانية كثير بقولها لكم بعدين بس أنتوا بعد قولوا لنا و ولا أحد يخجل :09: ..

تحياتي :)
المبدعة
28-08-2004, 04:40 AM
أول ثانوي .. و تدخن ؟

عجزنا و احنا نقول انه مضر للصحة :(
The Captive
28-08-2004, 04:42 AM
أول ثانوي .. و تدخن ؟

عجزنا و احنا نقول انه مضر للصحة :(


أدعي لي بالهداية .. :)
NZ.Citizen
28-08-2004, 12:11 PM
انا اطرف موقف صارلي هو...........





هو موقف مو طريف هو محرج





مرة يعني في يوم من الأيام كان كمبيوترنا خربان و وديناه للمصلح


المصلح قال انتظرو مني تليفون بكره لأني بسألكم اسئلة عن الكمبيوتر





المهم ابوي قالي انتبهي للتليفون لأني بطلع و لو اتصل الرجال اللي يصلح كمبيوترنا شوفيه شو يبي و اتفقي معاه على اليوم اللي بخلص تصليحه و كم يبي





المهم نحن ما يتصل فينا ناس اجانب كثير فيعني لما اتصل الرجال كنت متأكدو 100000 بالمية انه مال الكمبيوتر





شو صار


الرجال اتصل و قام يتكلم عن الويندوز و هو اصلا ماله علاقة بالكمبيوتر و قعدت اتفق معاه انا فكرت انه سوى فورمات للجهاز و يبي يعرف شو انواع البرامج اللي نبيها للكمبيوتر





هو: حبيت اسألكم عن الويندوز اي نوع تبون؟( طبعا بالأنجليزي)


انا: اممممممممممم..... ويندوز 2000


هو: 2000؟؟؟


انا: ولا اقولك اي ويندوز تشوفه زين بس يا ريت ما يكون قديم


هو: لا لا لا نحن احسن انواع الويندوز عندنا


انا: يا سلام


هو: ايه نحن خبراء في الويندوز اصلا شركتنا مال ويندوز


انا: اهاااااااااا يعني انت عندك شركة


هو: ايه ايه طبعا


انا: و متى بتخلص كمبيوترنا


هو: عفوا اي كمبيوتر تتكلمين عنه


انا: كمبيوترنا الخربان مو انت اللي قاعد تصلحه


هو: هاهاهاهاهاهاهاهاهاهاهاهاهاها <<<< ضحكته تعصصصصصصب كأنه قاعد يتمسخر





طبعا من بعد ما خلص ضحكته قالي





عفوا عفوا انا من شركة تنظيف و تركيب الزجاج و اتصلت اشوف اذا انتو تبون زجاج





ويندوز = زجاج





يعني طووووووووووووول الوقت هو يتكلم عن الويندز اللي هو الزجاج و انا اتكلم عن الويندوز مال الكمبيوتر




و يا كثر المواقف اللي صارتلي
DEATH DRAGON
28-08-2004, 12:31 PM
ههههههههه
خوش موضوع اخواني

وحلوه هذي مالت الويندوز
sailormoon41285
28-08-2004, 01:46 PM
ياهوو معقولة ما جد طاح اكله علقة و لا تهزيئة و لا حاجة

انا اقوللكم مرة كنت نايمة في غرفتي في الفجر بعدين ماما جاتني تصحيني للفجر
حسبتها اختي يومها ما نمت غير نص ساعة يوم اختباراي نهائية قمت دفيتها و قولتها روحي يا هبلة احسبها اختي اللي اصغر مني قمت لقيتها ماما مرررة انكسفت قعدت اسلم عليها اعتذر زعلت مسكينة


هذا ددليل لا زم تنامو بدري :biggthump عشان تكونو واعين وانتو نايمين:wow: :shock22: :09: :D
ههههه
*الفهد.الأصفر*
28-08-2004, 03:18 PM
كنت نايم يوم الخميس جات أمي تصحيني حق صلات الفجر قمت معني كنت نايم متأخر لأني كنت أحسب باص المدرسه عند الباب . وشكراً

http://www.miowebitalia.com/desktop/cartoni/pag3/mulan_03_800.JPG
النجم الهولندي
28-08-2004, 06:11 PM
من زمان بالمدرسة بصف خامس كنا نلعب كورة بحصة الرياضة وكان بعض المرات الثنوي تصدف حصتهم بنفس وقت حصتنا وبعض المرات يتحرشون فينا وياخذون الكورة ويهبلون فينا واحنا كنا نلعب وفجاة شفت لعبنا واقف وهم يلعبون وانا حسبت ان هم خذوا كرتنا وجيت ركض طاير لهم مسوي نفسي رجال بقطع الكورة وهي أصلا كرتهم كرتنا كانت طالعة برا واحاول اقطعها واحاول لين وصلت الكورة للحارس وجيت باخذها دفني وطحت على الأرض جا واحد منهم قالي ((عدل نظاراتك ما تشوف كرتكم هناك)) بعدين رجعت لمكان لعبنا وانا متفشل وظلوا يطنزون علي كلما يشوفوني ولكن الحمدلله تخرجوا بعد سنتين
FoxBoy
28-08-2004, 06:36 PM
هلا فيك sailormoon>>>("عجزت ألقى ها الانميشن")

الله يسلمكي ... ادخلي على ها الرابط علشان تشوفين وش أحرج موقف مر علي

http://www.montada.com/showthread.php?t=298706
Sander
28-08-2004, 08:35 PM
مره جاء لي "رامز" و معاه اصحابه و عنده علبة بيبسي مش عارف يفكها.. قالي فكها انا مااعرف...

انا كنت عالمسنجر و رايح في السوالف و شغال مقالب و غيره...يعني قمة الوناسة :biggthump

اب اصرفه باي طريقه.... قلت له: حاول تفكها... خليك رجال!

قال: ما قدرت افكها.. فكها انت!

قلت عطها "سلام" هو يعرف..

ما عرف يفكها ذا الثاني.. قلت عطها "أيمن" يفكه.... برضو ما قدر..

يكفيك كلهم حاولوا فيها و ماانفكت معاهم...

قلت لهم ايش الحاله هذي!!مافيكم واحد يعتمد عليه! جب انا افكها.. شف كذا تمسكها و تسحب كذا!!

انا قلت تسحب كذا و بببييييييييييييييييييييييييييييييييييييييييييييييييشششششششششششش!!!!!!!!!!!!!!!!

يفور البيبسي بوجهي و يبهدل ثيابي و شعري و الكمبيوتر حقي كمان!!

طبعا عصبت بالأول و انا اناظر "رامز" بعديها جلست اضحك ضحك سنه بساعه لما شفت نفسي بالمرايه :p

حتى الوالده لما سمعتني قالت جن الولد خلاص :biggrin:

مشكور عالموضوع اخوي و تسلم.. واذا تب سوالف مصرقعه صح بقول لك و سلامتكو :08:
Sander
28-08-2004, 08:47 PM
موقف خجلت منه كتييير :p
ههههههه هذا قبل سنه ونص تقريبا كان الوالد و الوالده مسافرين و دقوا علي عالساعه خمسة المساء و قالوا انهم راح يتأخروا عن موعد الوصول عشان الطائره متعطله..

المفروض يوصلوا الساعه 10 ليلا بس تأخروا... انا المطلوب مني اني استقبلهم وافتح لهم الباب لما يجون..

المهم انا صرت اضيع وقتي.. حطيت ذاك الفيلم و جلست اتابع... شوي جعت! رحت جبتلي شي آكله...

وبعديها جبت لي شي اشربه و لما خلص الفيلم سحبت لي مجلات و صرت اتصفح...

بعدها سبت المجلات و اشتغلت عالكمبيوتر... بعدين رجعت للتلفزيون و صرت اقلب في هالقنوات...

ظليت اقلب واقلب لين خلاص طفشت.. سبت الريموت و انبطحت شوي.......

انا انبطحت وخلاااااااااااااص رحت نايم في العسل....

المهم الوالد و الوالده لما وصلوا دقوا الباب مره وحده بس وانا طبعا ماسمعت...>> دقه وحده عشان ما يزعجوني :biggrin:

صاروا يفتشون عن مفاتيحهم وسط زحمة الاغراض... اخيرا لقوا المفتاح و حسب كلامهم انهم فتشوا كل الشنط الصغيره..

لما دخلوا لقوا التلفزيون صوته عالآخر و الحاله حاله.. مجلات هنا و بلاوي هناك و الكمبيوتر يشتغل بعد!! :boggled:

وانا... انا نايم بالجينز حقي و الريموت بجنبي خخخخخخخخخخخ :biggrin:

لما صحيت لقيت الوالده قدامي جالسه تصحيني وتقول لي احنا وصلنا.. ياللا قوم! :08:

صحيت وانا لساتني مادري ايش الي عم يصير!! ناظرت والا الوالد لابس ثياب النوم!!!

والبيت مرتب والزحمه انشالت!!!
Oops!!!! :shock22:

من جد استحيييييييييييييت وقتها حتى اني نسيت فمي مفتوح وانا اناظر اهلي!! :wow:

خخخخخخخخخخخخخ :p الى الآن اضحك على ذي السالفه..

بدل ما استقبلهم خليتهم هم يستقبلوني ههههه :p

مشكور عالموضوع اخوي و تسلم يمينك.
TEDUSE 1=BAGGIO
28-08-2004, 08:59 PM
انا قمت بدمج الموضوعين مع بعض لانهم بنفس الفكره بس موضوع الاخت sailormoon41285 أقدم لهذا قمت بدمج موضوع الاخ رحــ R ــال فيه .....

و شكرا ........
فهد الرياض
29-08-2004, 03:21 PM
اذكر مره صار موقف محرج الحمد لله ماصار معي بس كنت طرف بالسالفه :p

بدوامي تجيني طلبات واوامر دخول للمستشفى(انا اعمل بمستشفى......)

المهم جاني مره واحد (مراجع) ومعه امر علاج سلمني اياه وراح

خذيت الامر وفتحته وشرحت عليه ومشيت له المعامله وراحت الايام

بعدها باسبوع كذا جاني نفس الرجال(للمعلوميه يجيني ملايين كل يوم الله يعافينا ويبعد عنا شر الامراض)
جاني الرجال وانا اذكر شكله متااااااااااكد اني شايفه قبل كذا

قال وش صار للمعامله؟
قلت عطني اسم المريض عشان ادورها لك بالجهاز

قال اسمه
قلت اوكي واقعد ادوور

وادوووووووووووووووووور ومالقيت شي !!!!!
وعيوني كذا على الشاشه :bigeyes: لاني متاااااااااااااااااكد مليون بالميه اني شايف هالرجال قبل ومستلم معاملته بيدي :shocked:

قلت هات الاسم مره ثانيه
واخذه وهو قاعد ينتظر ودوووووووورت الين تفقعت عيوني :Eyecrazy: وفيه وراه زحمة ناس يعني مكتبي فل
قلت ياولد يافهد شكلك مضيع ومشبه على الرجال يمكنه مهو هو ويمكن هذا معاملته ماوصلتنا لحد الان :06:

قلت يابو الشباب ماجتنا معاملتك
قال الااااا انا مسلمها لك :vereymad:

قلت مافيه شي اطلع افتح المجال لغيرك
قفلت معه ووقف وصار يكلمني وهو واقف ويهااااوش :vereymad:
والعالم قعدو يتكلمون ويقولون مشو المسلمين ومادري وشو(عاد تعرفون السعوديين وش حبهم للمشاكل :biggrin: )
وانا اكلمه واكلمهم واحاول اهدي الوضع وهو يتكلم ويرفع صوته ويهاوش
شوي ونتضارب :boggled:
ناديت العسكري قلت شل هذا ببشته وارمه برا والعسكري ما اخذ اجازه من حوالي سنه واخلاقه زززززززززززززززززززززززززززززززززززززززززززفت وحااااااااااااااااااااااااااااااااااااااااقد
:rocketwho
ويشيل لك ابو بشت ويطلعه

الرجال طلع من هنا ويصادف المدير طالع من مكتبه قال وش فيه؟؟
ويقعد الرجال يسوي حركات حريم شوي ويبكي يتشكى وينصب يبي يورطني :boggled:

جابه المدير وجو عندي والمدير قافله معه وده يذبحني :D
قال دور على المعامله قلت الاسم هذا................ ماله وجود عندنا
قاله المدير وش اسم المريض
قال الغبي هذا اسم اهلي ماني قايله قدامكم
:D

:D
تخيلو؟؟؟؟؟؟؟؟؟؟؟؟؟ اثاريه كان يعطيني اسم ولي امر المريضه مايبي يقول اسمها قدامنا عشاني رجال ههههههههههههههههههههههههههههههههههههههههههههههههههههههههههههههه

من جد رحمت الرجال لان كل المراجعين الي بالمكتب كانو حاضرين السالفه من اولها وقعدو يضحكون عليه من جددددددددددددددددددددددددددددددددددددددددددددددددددددددددددددد :D

عمركم شفتو شخص ينكمش بكرسيه وتحس انه صغر حجمه؟؟؟؟؟؟؟؟؟؟ انا شفت :D :D :D




تدرون وش اتمنى؟؟؟؟؟ اتمنى هالشخص صاحب المعامله يجي يوم ويقرا سالفته على النت( مع اني ماظن ان وجهه وجه نت :tongue2: )

ثانكس الجمييييييع وااااااسف لو طولت عليكم

بايووووو

,,,فهد,,,
sailormoon41285
31-08-2004, 02:55 AM
شكرا لكم جميعا على التفاعل مع الموضوع و بصراحة موقف مخجل فوكسبوي حبل الكذب قصير
والاخ فهد موقف يموت ضحك ههههههههههههههههههه:D :tongue2:
البـــ1407ــارد
31-08-2004, 03:29 AM
انا موقف شديد على اني كنت والله شوية خجول بس قلت كلمة على عماها

الموقف
ان المدرس حق العلوم وانا صف ثالث ابتدائي بالدمام
قال لي انت يالدبدوب قلت له
مع اني مدري ويش معناها ان ذك
قلت له ضف وجهك

قالي ايش ايش يبغاني اغير الكلمة
قلت له
ضف وج هك


قال ايش ايش ماأسمع

صيحت علية وقلت ضف وجهيييييييييييييك انت ماتسمع ضف وجهك ضف وجهك


اخر شي قال ايييييييييه وضربي بالعصا
اهي اهي اهي
وعلمت ابوي كان مدير المدرسة

ومادري ويش صار
هاهاهاهاهاهها
اتنمنا ان يكون موقفي لاباس فيه خخخخ