what is gameshark

[ammar4444]

give me details....thanks......

[m2004b]

ماهي الجيم شارك ؟ "GAME SHARK "

الجيم شارك ببساطه هي عباره عن سي دي يساعدك عىل اكمال اللعبه واستخراج اسرارها أو يعطي لشخصية اللعبه امكانيه لأن تصبح غير قابله للهزيمه ..
http://www.chipzone.com/czone/images/ps2-gamesharkcd-200.jpg

مثال ,,
في لعبة نيد فور سبيد هوت باراشوت ,, بواسطه الجيم شارك يمكنك ان تجعل كل السيارات الخفيه ظاهره .

في لعبة ميتل جير ,, سنيك يملك جميع الاسلحه والادوات بطاقاتها الكامله ..

في لعبة الكوره الياباني من اول ما تلعب الماستر ليج تكون عندك نقاط لا نهائيه حتى تشتري اللاعبين ..



** والله حركات يالخال كيفا استخدم الجيم شارك ؟

•تشغل السي دي عادي مثل ما تشغل أي لعبه على البلاي ستيشن 2 بعد ما يشتغل السي دي راح تطلع عندك اخيارات التاليه :

START GAME
SELECT GAME
DVD REGION FREE
MEMORY MANAGER
GAME SAVESاللي يهمنا من الخيارات اللي بتطلع اول خيارين بس
اللي هم

START GAME
SELECT GAME
** كيف اختار الشفره للعبتي ؟
*بسيطه ,, مثلا اممم لعبة ميتل جير .... عشان اختار اسرارها اتبع الخطوات التاليه :
1- شغل سي دي ال جيم شارك
2-اختار SELECT GAME
* بتلاقي الالعاب مرتبه ترتيب هجائي من ال Z-A
3- دور على لعبة ميتل جير ,, بتلاقي اسمها مكتوب .
4- اضغط عليها بالأكس × .
5-اضغط السهم اليمين عشان تشوف قائمة الاسرار .

* الحين بتشوف عندك كل الاسرار موجوده وبتلاقيها تولع وتطفي اخضر واصفر .. هذا يعنى ان هذا السر اللي يولع ويطفى جاهز للتشغيل ,,عشان تطفيه اضغط الاكس حتى يتغير لونه للأصفر ,, الحين السر هذا مطفى ..

الحين اختار الاسرار اللي تبغاها وبعدين اضغط على ستارت حتى تطلع للقائمه الرئيسيه ..

الحين في اسفل الجهه اليمنى بتلاقي اسم اللعبه وعدد الاسرار المختاره ..

*الحين اختار اول كلمه وهي START GAME
راح ينفتح باب الجهاز وتطلع لك كلمة على الشاشه مكتوب فيها INSERT GAME DISC
يعنى شيل الجيم شارك وحط لعبة ميتل جير واضغط اكس ""لا تسكر الباب بيدك" اضغط اكس وهو بيتسكر لوحده ",,
- الحين اللعبه تشتغل "اذا ما اشتغلت اضغط اكس لزين ما يشتغل " في العاده اذا مافي أي مشكله بشتغل على طول ,, وهذا هو المفروض اللي يصير

استمتع بالغش ...


** طيب الحين لعبه الكوره الجزء السابع توه نازل ,, يعنى مافي فايده من الجيم شارك ,, ما راح استفيد منها ,,هل لازم انا اشترى وحده يديده؟؟؟

• لا ,, تقدر انت بنفسك تعمل تحديث لشفرات الجيم شارك ,, اما عن طريق كيبل توصله بالكمبيوتر وتروح الى موقع WWW.GAMESHARK.COM• وتنزل الشفرات اليديده من عندهم على الجيم شارك حقتك ,, هذي الطريقه كانت على النسخه القديمه من الجيم شارك اللي كانت تتكون من سي دي + قطعه مثل الميموري كارد ,, انا ما جربتها ..خلوها عنكم ترى تعقد ,, وانا ما اعرف ليها ..

لا يهمك الشغله معقده وتسبب الصداع

** زين وش اسوي تراك وهقتنا بالجيم شارك دي ؟•
*بسيطه تدخل الشفرات بنفسك الى الجيم شارك
•والطريقه كالأتي :
• تختار الخيار الثاني من القائمه الرئيسيه SELEC GAME
• الحين اضغط على زر المربع ..
• دخل اسم اللعبة اللي تبغى تحط شفراتها ..
• الحين بعد ما تختار OK
• ارجع لعنوان اللعبه اللي كتبته الحين واضغط زر الدائره .
• دخل اسم السر اللي تبغاه ..مثلا NEW CHEAT
• الحين روح لكلمة NEW CHEAT واضغط الزر اليمين وبعدين اضغط على زر الدائره
• -راح يطلع لك سطر فيه ارقام وحروف ,, هذي هي الشفره اللي انت ادخلها ,, تكتب الشفره اليديده اللي عندك هنا وبعدين تضغط ستارت عشان تطلع
•
•
*****لازم تكون الميموري كارد موجوده عشان تنحفظ التغيرات اليديده اللي سويتها في سي دي الجيم شارك.
•
*****تقدر تدخل أي اسم من عندك سواءاً في اسم اللعبه او اسم السر ,, يعنى ما يتأثر السي دي وبيشتغل السر غصبن عنه .


***لمعلوماتك ,,,
الجيم شارك مهي زي القطعة حقت الدي في دي ,, يعنى ما راح تعبث بأي شي في السوني ,, حالها حال اي سي دي عادي .

في برامج ثانيه غير الجيم شارك تؤدي نفس الغرض وتقريب نفس طريقة الاستخدام مثل

ACTION REPLAY
http://www.giochi.it/fnts/giochi/immagini/278x182/ar2v2.jpg

لاحظ الملحقات معاها هذي اللي هي الاكشن ريبلي,, القطعه اللي وياها اللي مثل الميموري كارد عشان تخزن التغيرات .
منقول للفائده ....


تحياتي لك

[ammar4444]

thanks for this great informationt...and tell me about the final release of this game shark....thanks again

[راكانو]

اخوي الكريم ammar4444
ارجو منك ان تكتب كل موضوع في منتداه المخصص هاذي ثاني مرة تسويها
سوف انقل الموضوع الى منتدى البلايستيشن العام