المساعد الشخصي الرقمي

مشاهدة النسخة كاملة : لو كنت مكاني، اي هاتين الكاميرتين تختار؟؟


Marchelo
31-08-2004, 05:46 PM
مساء الخير عليكم جميعاً ...

شباب انا ودي اشتري كاميرا ديجيتل بشرط انها تكون صغيره وامكانياتها عاليه ..

واحترت بين كاميرتين طبعاً كلها سوني ... ابي رايكم .. بس لا احد يقول في كاميرا احلى منهم هذولي عاجبيني :) ..

الكاميرا الأولى،، جدا صغيره وانيقه وخفيفه،، وسعرها (2300 ريال) ..
http://www.steves-digicams.com/2004_reviews/sony_t1/t1_front_blk.jpg

هذي مواصفاتها:
http://www.steves-digicams.com/2004_reviews/t1.html


الكاميرا الثانيه،، اثقل شوي من اللي قبل بس فيها ميزه انك اذا انزنقت وخلصت البطاريه تقدر تشتري بطاريه عاديه من اي بقاله وتركبها!،، ويقول خويي ان فيها ميزات افضل من الكاميرا الأولى!!، وسعرها ارخص (1760ريال).
http://www.steves-digicams.com/2004_reviews/sony_w1/w1_front_blk.jpg

وهذي مواصفاتها:
http://www.steves-digicams.com/2004_reviews/w1.html


انا ماعندي مشكله في السعر ابداً،، لكن المهم المواصفات وانا غشيم مره :)،،، لو كنت مكاني اي هاتين الكاميرتين تختار؟؟
basem2105
31-08-2004, 07:26 PM
الاثنين متقاربين فى المواصفات فكلاهما 5 ميجا بيكسل مما يضمن صور عالية الجودة كما ان شركة سونى خطيرة فى الكاميرات لكنها لست الافضل لان شركة كانون وهمية فى الكاميرات والبرينترات فقط فهى متخصصة كما ان عدسات كاميراتها ريس من اغلى وانقى العدساتوطالما السعر لايهم فانصحك باقتناءواحدة كانون :biggrin:
basem2105
31-08-2004, 07:27 PM
http://www.canon.co.jp/Imaging/BeBit-e.html
شرارو
31-08-2004, 10:49 PM
ولله انا انصحك بالثانية

!!!!!!!!!

مع تحياتي
Twinkle
01-09-2004, 12:24 AM
الأخ الكريم ..
الإختيار يعتمد على انته شو حاب تستخدم هاي الكيميرا فيه..

الأواي وايد وايد Simple والـ Apreture Range وايد اصغير..
بس الـ focus Range وايد اوكيه..

الثانيه..
الـ Apreture Range أكبر بس الـ Focus Range ضعف الأولى..

بس الشي الحلو فيها انك تقدر تستخدم Tripod

أنا برشح الثانيه...

اذا انه حاب تستخدم الكيميرا داخل البيت. نصيحتي تشتري كيميرا بـ Image Stabilizer


وبالتوفيق...
Neo Cid
01-09-2004, 01:05 AM
والله صعب اني أعطيك رايي بالكاميرتين لأنه يعتمد على نوع استخدامك الشخصي اخوي ..

فأتمنى انك توضح بالرد القادم وان شاء الله كلنا بنكون بالخدمة .. :)
Marchelo
01-09-2004, 03:56 AM
اشكركم على اهتمامكم ..

- عزيزي Neo Cid انا ابغى استخدمها لتصوير عادي،، في السفر مثلاً،، ذكريات..
لكن اهم شي بالنسبة لي ان الصوره اللي اصورها تكون عالية الجوده والوضوح، وبما ان الكاميرا 5 ميغا بيكسل فأكيد انها بتلبي هالطموح واكثر ..

- عزيزي Twinkle ممكن تشرح ايش المقصود بــ Apreture Range و focus Range ..
وايش استفيد لو كان عالي ؟؟
وممكن تشرح ايش المقصود بــ Image Stabilizer، وليش احتاج في التصوير المنزلي ان هالخاصية تكون في الكاميرا؟؟

- باسم، شكراً على مشاركتك ..

- شرارو، ليش تنصحني بالثانيه :) ؟
Twinkle
01-09-2004, 11:18 AM
الأخ الكريم ..
علو الـMega Pixel ما يعني علو جودة الصوره... كل ما يعنيه هو جودة طباعة الصورة.. وما هو أكبر حجم يمكن طباعته..

جودة الصوره تعتمد على التصوير ومميزات الكيميرا..

بخصوص الـ Apreture:
حجم الـ Apreture يحدد الـDept Of Field أي عمق الصوره.
بحجم الـ Apreture تتحكم في تركيز الصوره على شي معين. يعني ممكن اتركز على زهره في حقل واتخلي باقي الحقل Blurred

الـ Focus Range :
يحدد امكانية التركيز بالمسافه. يعني ماهي المسافة المطلوبة للحصول على صورة ممتازة..

Image Stabilizer أحد اروع التقنيات الحديثة..
بالذات لصور إلي تتصور داخل البيت أو في مكان مظلم اهتزاز اليد يسبب عدم وصوح الصوره. وتقنية Image Stabilizer تقلل من تأثير اهتزاز اليد،مما يؤدي إلي صور أكثر وضوح..

ممكن اتحصل على صور ممتازه، بس تحتاج افلاش وعادة الفلاش يعدم روعة الصوره، فبالـ Image Stabilizer يمكن تصور صور جميله وواضحه بدون استخدام الفلاش..
Neo Cid
01-09-2004, 03:15 PM
من خلال ما شفته عن الكاميرتين .. الكاميرا الأولى ميزتها أنها صغيره الحجم و خفيفة الوزن ..

أما الثانية فبها مواصفات اكثر مع ان حجمها أكبر نسبيا .. و فوق هذا أرخص بالسعر ..

لكن لو انا عنك اخوي راح أشوف كاميرات كانون لأنها بنفس الوقت مناسبة بالسعر و المواصفات .. فالقرار لك و أنا ما أعرف الكثير عن سوني .. فكل ما استخدمته لحد الحين هو Canon A70 و Fujifilm S7000 ..

لكن إذا تعرف ناس تسافر برى مثل أمريكا أو شرق آسيا .. تقدر تطلب منهم أنهم يشترون لك هالكاميرات و أنا متأكد انها بتكون ارخص .. يعني قرار شراء الكاميرا صعب و يحتاج دراسة ..

بالتوفيج
Twinkle
01-09-2004, 11:06 PM
ما أدري انته من اي دولة..
بس سعر الكيمارات في دبي مطابق تقريبا لسعرها في أمريكا.. يعني ما بتكون أرخص لو اشترينها من خارج الدولة.

في موديلات صنع كوريا أو اليابان.. طبعا ما أحتاج اقولك اشتر الموديل الياباني.. :p
سوليدس سنيك
02-09-2004, 02:59 AM
انصحك بالثانيه <<<<<<<<<<<< خاش عرض الرجاااااال
هههههههههههههه

والله كلهم حلوين بس الثانيه شكلها احلى ..
A.D.M.I.R.A.L
03-09-2004, 08:23 AM
انا مو خبير في الكاميرات:31:

لاكن عندي خلفية عنهم:08:

بس اظن انا الكاميرا الثانية ا فضل:33:

لا تتسرع وتاخذ اي وحدة

شوف افضلهم واخذه:biggthump

با التوفيق:biggrin:
saudi net
03-09-2004, 02:58 PM
لماذا الإسراف ؟

هل تريد كاميرا جيدة و5 ميجا بيكسل وبسعر لا يتجاوز 400 ريال ؟

ولكنها صينية وليست يابانية ولكنها جيدة جدا ولم أجد فرقا بين تصويرها وتصوير كاميرة سوني

أما اذا كنت محترفا جدا وتريد كاميرة خيالية وسعرها باهظ فلا تستمع لكلامي

الكاميرا التي اقصدها من نوع ميركوري Mercury 5 ميجا بيكل

4x زووم شاشة lcd ملونة

ذاكرتها 16 ميجا وبالإمكان تركيب كرت اضافي

فيها فلاش وميكرفون وسماعة وايضا بالإمكان وصلها بالتلفزيون وفتحة usb للكومبيوتر

تعمل ككميرة تصوير فوتوغرافي عالي الدقة بوضعيتين العادي والأوتوماتيكي وكاميرة فيديو مع صوت

وايضا كمسجل صوتي

وأيضا كاميرا ويب (انترنت)

كاميرا ممتازة برأي وتعطيك صور ممتازة وبسعر ممتاز لا يتجاوز 400 ريال

تصلح للإستخدام الشخصي وللرحلات وتصوير الأصدقاء وكل شيء تقريبا مع ميزة الإضاءة الليلية في حالة تصوير الليلي

وسلام
عطر المحبه
04-09-2004, 01:08 AM
شف :أفكر:

احس ان الثانيه حلوووووووووووووووه :tongue2:



شكله رهيب :shock22:







تشكراتي