المساعد الشخصي الرقمي

مشاهدة النسخة كاملة : مدن الإمارات


wolf86
03-09-2004, 11:00 PM
شباب أنا زرت دبي بصراحة مدينة حلوة
لكن بالنسبة إلى أبوظبي والشارقة وعجمان انا مازرتهم
والسؤال هو هل يستحقوا الزيارة مثل دبي؟
وماهي الأماكن السياحيه هناك؟
RICH BOY
07-09-2004, 04:31 PM
انا انصحك تزور الفجيرة (الساحل الشرقي ..بتحصل منتجعات وفنادق مطلة على البحر منظرر حلو .. والفجيرة حلوة والمناطق القريبة منها يعني تستمتع بالجبال واذا صب مطر تحصل وديان وانهار متكونة في مناطق مختلفة ..وفي شلالات وريعة لكن لازم تروحها ايام المطر ‍ .. وجو الفجيرة ممتاز بالشتاء وماانصحك تروح بالصيف لانها حارة ورطوبة عالية +
wolf86
07-09-2004, 10:22 PM
تسلم أخوي وماقصرت........
لكن وين شباب الإمارات!!!!؟؟؟
THE_MATRIX
07-09-2004, 11:37 PM
هلا والله فيك ^^..

اخوي كل مدينه تتميز في شي

دبي في السياحة 100%

ابوظبي مال كشخة :09: ...... ابوظبي رهيبة بس ما فيها اماكن سياحيه كثييييييييييييييييييرة

مثل:

دبي 100% ابوظبي 90 او 93% بس كل الأمارات حلوه من وجهه نظري لأنها
بلادي :)
RICH BOY
10-09-2004, 02:43 PM
wolf86
انا من الاماااااارات لوووووووووول ^___*
وبقولك عن العين

العين تراها مدينة خطيـرة ..في جبل حفيت او حفيد لوووول الي ارتفاعه مئات الامتار من الارض وتقدر تروحه لفوق وتشوف مدينة العين منظرر خيالي الصراحة تشوف مدينة العين كلها تحتك وكأنك في طيارة !!! ..ولو تروح له في الليل احلى ..بتشوف السيارات صغيرة كأنك عند الغيووم ..! :wow:
وانصحك بالعين الحارة (مبزرة الخضراء) (قريـبة من جبل حفيد) ممم عبارة عن ماي يمشي بممر صغير وهذا ماي حار حلو لكن انت مايهمك من الماي ..شوف المنطقة كلها خضرا وجبال خضراااااااا بس اقعد وشوف . مابقولك اكثر ..روح هناك واكتشف العجائب الحلوة :biggthump ;)
بنت الصباح
11-09-2004, 12:36 AM
صح انا مو اماراتية لكني
اموووت فيها وبشيخها زايد عسى الله يطووول بعمره واحب شعبها الطيب
وعندي اهل فيها

وانصحك كل النصح انك تزور بوظبي تراها روووعه واذا انت تحب البحر روح لشاطيء الراحه ( اسم على مسمى )
الشارقه اذا بتروح لها زور المتاحف السوق القديم .. اذا انت تحب التاريخ
وعجمان انا رحت للمنطقه السكنية اللي فيها بس !!
والعين بعد حلوة روح للحدائق اللي فيها والالعاب وروح العيون واخذ لك فيها شاليه

تحياتي