مشاهدة النسخة كاملة : شعر قصيدة هاضني لشاعر الفيحاني
ولد الفياحين
07-09-2004, 05:52 AM
هاضني
هاضني وحدث شجوني = حب ناس ما يبوني
يرقدون الليل كله= والسهر قطر عيوني
لو يبوني كان جوني = في وعدهم مااخلفوني
يوم شافوني مسـير = سـيروا لي خـفوني
دايرين للسبايب = يالها والله عجايب
قصدهم قطع المواصـل = وش عذرهم مالقوني
كان ذا فعل الحبايب = دايماً كله مصايب
يوم شافوني مكرف = ناويين يطبعوني
يديحوني بهبايب = في دواليب وســوايب
يحسـبون اني رعاعة = يطبع ان كرف شراعه
مايشوفون الركانه = والعقل مشحن خنوني
ماالموده ياالرباعة= مثل تدويرالفقاعة
لين سحتم في البراري = في التنزه تفقعوني
كان لي موده = رده ياالربع رده
هذه الليله وعوده = من هل الحسن انقذوني
الشاعر محمد بن جاسم الفيحاني
أبوجمـــال
07-09-2004, 12:35 PM
تشكر على النقل الموفق.... :biggthump
ولد الفياحين
07-09-2004, 05:03 PM
مشكور اخوي على المرور المشرف
وتقبل مني أطيب تحية وتقدير
بلي بونز
07-09-2004, 08:12 PM
هاضني قصيدة
رائعة أخوي الفيحاني
وصح لسانك ,,,,,,,,,,,,,,,,,
وننتظر جديدك ,,,,,,,,,,,,, وبالتوفيق أخوي
ولد الفياحين
07-09-2004, 08:32 PM
مشكور اخوي على المرور المشرف
وتقبل مني أطيب تحية وتقدير
بشائر
11-09-2004, 07:02 AM
تسلم أخوي الفيحاني على هالقصيدة
مقتطفات من (( ديوان الفيحاني ))
للشاعر/ محمد بن قاسم بن عبد الوهاب الفيحاني
شبعنا من عناهم وارتوينا . . . وعند رسوم مَنزلهم بَكينــا
وعقب افراقهم شِـنَّا وحـنَّا . . . وحَنّينــا وثم انّا عوينــا
وسايمنـا وساقمنـــا وحنًت . . . لنا حتى المنازل والعنينــا
وناديــنا وقلنــا خبِّروهـم . . . ترانا من محبتهم نعينــا
وثرنا من مفارقهم نحلــنا . . . وكان فراقهم طاول فنينــا
إلى جيتهم منازلهم فقولوا . . . لهم باقوالنا يا راحلينــــا
ولا تنسون ما قاله محمد . . . أمانتكــم لها يا رحاملينــا
ترانا للذي قالوا سمعنـــا . . . وباللي هم بغوا منا رضينــا
وكل شروطهم نقدم عليهـا . . . قدمنا بالذي فنّوا علينـــا
وترانا من مخالفهم رجعنا . . وهو نـّـنـا عقب ماحِن عصينا
وثرنا في محبّتهم حَفَرنــا . . . وسَيَّسنَا ومن فوقه بنيــنا
وثرنا في محبتهم ربطنـا . . . ووثَّنا وَثَر فِها عضِينــا
وثرنا في محبتهم سَكرنا . . . وَتيَّهنا وثرنا مهتدينـــا
وفيها آه ، وآويلي غرقـنا . . . وهدِّينا الجِدَا وبها سنينا
نخينا من يذكَّـر بالمرُوَّه . . . وَلا هل الذات والشيمه عزينــا
تكلفنا وهم عنَّا براحــة . . . وذُبنا وهم عنّا غافلينــا
وناموا وارقدوا وِحنا سَهِرنا . . . عليهم وهُم رَويَوا وِ التظينا
وهذا الحب بالزفرات يشوي . . . ألا ياويلكــم يا عاشقينـا
يلين من المحبه كلّ قاسـي . . . ولو قلبه حجر يا زِي طحينا
وانا من حر فرقاهم عليهم . . . تعلمت النياحـــه والحنينا
أرى راعي الهوى مازال يلعى . . . ولو تحت الثرى يلعى دفينا
تجملنا الهوى حتى هلكنــا . . . ولولا الحب ما الله لعينـا
ولا نحنا ولا صحنا وقلنـا . . . لكم يا اهل الموده خاضعينـا
ولا قمنا نِسَا الوصل منهم . . . وحنا لا نبالي لي عطينـــا
برمنا وافلتوا هيهات نقضي . . . وهم ليمن برمنــا فاتلينا
أفول ايشلون يا هذي مصيبه . . . وسوَّاها الهوى يا ناس فينـا
أنا ما ادري ومن يدري متى هم . . . لنا عقب التعذب راحمينـا
00000000000000000000000000000000000000000000000
اتلامي ما تفرِّق من شملنا . . . وتجعلهم علينـا راجعينـــا
عليّ َ إن عَوَّدوا ستين ليــلة . . . أصوم أيامهـا نذرا يمينـا
وكان اسَبعدوا عتّا وقَفَّوا . . . وعافوا قُربنا لما دنينـــــا
ترانا ما نقاطع في وصلهم . . . نواصلهم ولو هم قاطعينــا
نصافيهم على طول الليـالي . . . ولو ماهم غدا كدرٍ وِطينا
ولا والله ننسى لو نسونا . . . على طول الليـالي والسنينا
ولو قُلنا بِنِنساهم كذبنــا . . . وقل الصدق منا وافترينـــا
قَطَعكَ الله يا وِ رقٍ تغَنَّي . . . تذكِّرنا ! على ابَّالك نسيــنا
فلو أبطت بنا الدنيـا وطالت. . . حشى لله ما عنهم ســـلينا
ولا فيهم نلين لقول عاذل . . . ولا نسمع ملام اللائمينــا
ولو هم بالمـــودة بدَّلونــــا . . . فلا حِن عقبهم مُتبَدِّلينــــــا
عساهم في الرخـا لو عذبونا . . . نراهم في النعيم مخلدينـا
طَوَوا عنَّـا كتاب الَوصل وِحنـا . . . بِيِبطي عن وصلهم ما طوينا
ولد الفياحين
12-09-2004, 03:05 AM
مشكور اختي على القصيدة الرائعة
وتقبلي مني اطيب تحيه وتقدير
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .