المساعد الشخصي الرقمي

مشاهدة النسخة كاملة : نقاشات الجوالات ابي اشري i-mate!!!!!!!!!!


sweetie angle
10-09-2004, 07:41 AM
انا ودي اشري i-mate وودي اسالكم وشو احسن موديل ومميزات بس ترى ابيه من دون كاميرا ووين ازين محل اشريه منه بجدة او دبي
مشكورين مقدما
The Spirit
10-09-2004, 08:44 AM
تراه عله في مميزات صح بس حجمه عله أنا شريته وبعد شهر بعته مو زين ثقيل وكبير ما أنصحك فيه
figoo10
10-09-2004, 01:11 PM
اي والله فعلا
تلفون عليل وانا قررت ابيعه و اجيب 6630
ملك البوكيت
10-09-2004, 05:20 PM
السلام عليكم

اشير عليك ان تشترية لانة رائع وقابل لتجديد

ومكان شراءة من احد فروع مكتبة جرير اوشركة ناسكو بدون كمرة

وبعدين اطلب من شركة ناسكو انها تحمل لك الروم 1.72
The Spirit
10-09-2004, 06:14 PM
والله هو غليل وطيحه وحده يخبط والشايه كبيره تخااف تنكسر ولا تنمخش ولا شي وثقيل وتعريب ترللي أسأل مجرب ولا تسال خبير :)
pajero98
12-09-2004, 04:35 PM
يعني نشتريه ولا لاء




شنو الفرق بينه وبين الكيوتك


تحياتي
auronxxx
17-09-2004, 02:15 AM
إذا كان ودك فيه وفي ميزاته في انه كمبيوتر الجيب اشتره ولا تتردد (انا شريته ولا ندمت عليه ومع انه من اكبر الجوالات اللي مرت علي إلا اني اعتبره اخف من الريشة لانه فايدته لي لا توصف)

وتشتريه من دبي ارخص بكثير

وإذا بتشتريه اشتره بكاميرا(بعدها تقدر تشيل منه الكاميرا في اي مركز صيانة)وتاكد ان مكتوب عليه I-Mate
((McDohl))
26-09-2004, 06:14 PM
السلام عليكم....
طيب يا اخ اورون انا من محبي برامج التصميمم مثل الفوتوشوب والالعاب والانترنت يعني الكمبيوتر
بشكل عام.
1. هل تتواجد هذه البرامج في هذا الجهاز ؟؟:06:
2. هل اسعاره مناسبه؟؟:06:
3. هل استطيع ان اتصفح المنتدى واشاهد الفيديو كليب بواسطة الوندوز ميديا ؟؟:D
4. هل ينفع كجهاز جوال بمواصفات فريدة((يعني مو بس اتصل واستقبل))؟؟:jester:
5. جاوبني تكفى لأني احس انك فاهم في i-mate ولا اي واحد من الاعضاء مو يحبطني ويقول
لاتشتري علشان الحجم و و و...الخ.
Hit_Man
26-09-2004, 07:30 PM
1. هل تتواجد هذه البرامج في هذا الجهاز ؟؟:06: بعضها وليس كلها..


2. هل اسعاره مناسبه؟؟:06: بحدود 2000-3500 ريال حاليا حسب نوع الجهاز


3. هل استطيع ان اتصفح المنتدى واشاهد الفيديو كليب بواسطة الوندوز ميديا ؟؟:D تستطيع أن تتصفح جميع مواقع الأنترنت من خلال الجهاز:biggthump

4. هل ينفع كجهاز جوال بمواصفات فريدة((يعني مو بس اتصل واستقبل))؟؟:jester:جهاز أكثر من رائع تستطيع القيام بأشياء كثيرة جدا من خلاله..



5. جاوبني تكفى لأني احس انك فاهم في i-mate ولا اي واحد من الاعضاء مو يحبطني ويقول
لاتشتري علشان الحجم و و و...الخ.وهذا أنا جاوبتك وانشاء الله أكون عند حسن ظنك وأنصحك تشتري الجهاز..
((McDohl))
26-09-2004, 07:47 PM
طيب مشكور :cool:
بس وش افضل الانواع والشركات ؟؟
وش هو الجهاز اللي معاك؟؟((واحد ملقوف:D ))
وبكم؟؟
معليش استحملني هاليومين لأني ناوي اشتريه هذا الشهر:biggthump
Hit_Man
26-09-2004, 08:14 PM
أفا عليك أخوي...

أفضل جهاز واللي هو معاي..

i-mate Pocket PC

سعره حاليا حوالي 2300-2500 ريال او درهم
The Spirit
27-09-2004, 07:33 AM
بيني وبينك ككمبيوتر هو رائع وبرامجه متوفره لا كن كجوال أعل من العليل ^_^ أنا مجربه وعلى فكره بعته بدون تردد بعد مالقيت فيه السعر الزين طبعا بس هاه قلنى شريت ولالا 8_8 نسيت أقولك أسال مجرب ولا تسال خبير أنت بتمل من الجهاز وقل ماقاله ANIME KNIGHT
((McDohl))
27-09-2004, 07:17 PM
تبي الصراحه لا ماشريته بس بس :06: متردد
ها تنصحوني ولا اشرب المقلب؟؟
auronxxx
30-09-2004, 02:50 PM
إذا كنت من محبي الفوتوشوب فنزل له برنامج شبيه بالفوتوشوب

وإذا كنت من محبي الالعاب ما بتحصل جهاز العاب احسن منه

وإذا تبغاه لدخول الانترنت فما بتلقى جوال احسن منه تدخل به الانترنت وتاخذ راحتك بالتصفح مواقع و المنتديات (والتاكد من اي موضوع واي ردود جديدة على الموضوع وإذا اصريت انك تشارك تشارك بدون مشاكل)

بالماسنجر (خاصة الماسنجر لانه مسلي جدا ^^)

على فكرة ما تعرف قيمة هذي المواصفات كلها إلا إذا جربتها في الجوالات الثانية وجربتها في البوكت بي سي خاصة دخول الانترنت والماسنجر بالجوالات الثانية <==اللي سببلي تعقيد كبير لين ما اخذت الاي ميت وارتحت

وكثير ناس (مثل ما تعرف من التقدم العلمي والحضاري^^) يقولون لي وش هذا الجوال؟
هذا طابوقة مب جوال!!!!
لا ويجيني واحد وبقول لي ترى الناس تطوروا والجوالات تصغر وتصغر وانت لين الحين ما تطورت!!!!!!!!!!! <== ما حبيت اغير النظرية اللي ماشي عليها لكن لازم اعلمه معنى التطور

وقلت له ان هذا كمبيوتر وانه مثل اللاب توب مصغر ومع هذا اصر على رايه وان الجوال هذا كبير وانني متخلف وان الناس وصلوا القمر وانا على حالتي!!! (سكتت عنه وقلت الله يهديه ويصلحه يعني خبرك التخلف وارثه وراثة)

وكثير ناس يشوفونه ويستغربون وعشاق الكمبيوتر يعجبون به لكن الناس اللي يبغون جوال يتصل ويستقبل ما تقدر تغير نظرتهم للبوكت بي سي بسهولة
وكل ما يجيني واحد ويقول لي وش هذا الجوال؟
اقول له هذا كمبيوتر عن الغلط ^^ (وشوف علامة الاستفهام اللي على جبهته)

والناس على فكرة قاموا ينتقلون من الجوال العادي إلى البوكت بي سي (خاصة في هذا الوقت تطور سريع حصل للناس)

انا ما اجبرك إذا ما كنت تحب الكمبيوتر انك تاخذه لكن بيجيك يوم وبتاخذه
babay
01-10-2004, 01:58 AM
اخوي انا انصحك فيه اذا كنت تحب توفر البرامج والالعاب والنترنت (يعني كمبيوتر)
اما اذا تبي جوال للكلام فأكيد لاتشتريه
وبالنسبة للحجم بالعكس هو كشخة .. واذا مشيت بين الناس كل من يطالع فيك من فخامته

واحلى شئ انه مومنتشر .. مثل ال 6600 و 7610 حتى الصغار بالابتدائي والمتوسط معاهم

اما البوكيت بي سي شئ مميز ...
Eltimas
04-11-2004, 12:09 PM
صراحة

بعد الكلام الي قاله الأخ auron

100% راح اشتري بوكت بي سي

لأني كنت متردد

^.^

على العموم الي راح اشتريه هذا

او الي ودي فيه

وانشالله احصله بالكويت

وبسعر مناسب..

اقل من 200 دينار

>.<

http://www.pocketpcdubai.com/i-mate_PPC/i-mate_review_files/image001.jpg
Eltimas
04-11-2004, 12:11 PM
بس عندي سؤال :33:

لما تشبك بالأنترنت هذا يعتمد على الخط الي حاطه بالجهاز ؟؟ ولا الجهاز نفسه في شبك للأنترنت ؟؟ "مثل الكمبيوتر العادي"

بس تشتري كرت وتحطه :33: