مشكلة في riddick

[النسر الأسود]

السلام عليكم :
صارت معي مشكلة بهذي اللعبة وابي مساعدتكم .
وصلت أنا للقسم الثالث من اللعبة والأخير اسم المنطقة Exercise Area أنا عديتها بحيث دخلت بكبسولة سجين آخر بعدين ينقلوني لمنطقة ضخمة وينطلق الإنذار أنا رحت على باب وصلت لمنطقة اسمها Facility Control والمشكلة هنا أن الشاشة صارت زرقاء كلها مع أن اللعبة لساتها شغالة يعني بقدر أضغط ستارت وغير أسلحة بس الشاشة بتظل زرقاء ومافي منها أمل وما بعتقد أن اللعبة جذي أصلها فهل الخطأ من النسخة يلي عندي ؟ أنا شاريها من عند جيم سنتر بالكويت كوبي في حد من الشباب خلص هذي المنطقة بنسخة كوبي ؟
وشكرا

[wsxcvb]

السلام عليكم

هل سيدي كوبي من خلف ازرق

[النسر الأسود]

السيدي من الخلف ذهبي gold

[wsxcvb]

انا ماوصلت هل المكان انا حدي السجن الثاني وتعلق اصوت يخربط و شكل فلعبل

اذا تبي تشتر شريط ثاني اشتري شركا ثانيه مثال عندك x game تشتري غره xboxx

[المنتقم]

عندي نفس المشكله :31:

[Mesharey]

انا عندي نفس المشكلة .. اللي اعرفه ان في نسخة ثانية تشتغل لكني مو محصلها بكل الكويت ~__~

[al7afey]

اللحين توه وصلت نسخه يديده تشتغل 100%
انا شريتها و ما فيها اي مشاكل بس نسيت اسم المحل الي يبيعها انا اروح و اتأكد

[We6fe]

انا نسختي برضو تعلق وبالعروض الكلام يتأخر او مرات معدوم خاصة المحادثات واللودنج بطيء ومرات يعلق بالمره :31:

[النسر الأسود]

والله مشكلة كبيرة لأن اللعبة حلوة وأبي أشوف نهايتها ومستحيل أشتريها أصلي لأني وصلت لآخرها على حسب اعتقادي على كل إذا حد حصل نسخة شغالة بالكويت يخبرني .
شكرا :)

[Mesharey]

بالمناسبة وصلت نسخة جديدة أمس..حصلتها بجيم سنتر..

[النسر الأسود]

رحت جيم سنتر البارحة حصلت عنده النسخة الجديدة ورجعت للبيت فرحان ولكن للأسف نفس المشكلة :17:

[النسر الأسود]

اليوم رحت جيم سنتر قلت له المشكلة قال لي لازم احذف التخزين وأعيد اللعبة من أولها فبسرعة الله يخليكم قلولي هل كلامه صحيح أني إذا بديت اللعبة من الأول ممكن تشتغل ؟

[al7afey]

لأ يقص عليك ما له علاقه اذا عدت اللعبه او لأ
هو يقص عليك عشان ما اترجع اللعبه لأن من المستحيل انك اذا عدت اللعبه من الأول تصير زينه لأن الخراب بالنسخه أصلاً
نصيحتي لا اتصدقه لأن مثل ما قلتلك هو بس يبي يبيع و هو اصلا ما يفهم شي باللعبه
ترى جيم سنتر اكبر نصابين بالكويت لكن في شي واحد مفيد فيهم وهو انهم اول ناس ييبون الألعاب عشان جذي انا اتعامل معاهم

[bae66]

انا النسخه غلي عندي XGAME وأنهيت اللعبه والنسخه شغاله ميه بالميه :biggthump

[wsxcvb]

اما اذا تبي تعيد العبه
لا تعد العبه من الاول بس عيد العب قبل تعلق او الي مشكله الي طلعلك وحاول شيل الدعايات البدايه تشغل الشريط

ولا تخسر وايد هذي طريقتي هطريقه لزم الجهاز يكون مرتاح يعني مو مشغله من قبل

انشال يشتغل وتنهي

[النسر الأسود]

أخوي bae66 ممكن تقول لي من وين شاري اللعبة ومتى وفيك ترفق لي غلاف اللعبة وهل في حال ما حصلتها بقدر أشوفك واشتريها منك .
راسلني على الخاص .
وشكرا ل wsxcvb و al7afey على المساعدة .

[Mesharey]

Meshareyبالمناسبة وصلت نسخة جديدة أمس..حصلتها بجيم سنتر..

بالبداية ادري ردي متأخر :09: ..
النسخة اللي شريتها كانت عند صديق لي واليوم اخذتها ..

اللعبة تشتغل واليوم جربتها أخيرا وانهيت اللعبة ^^

المكان اللي كانت توقف عنده النسخة القديمة بعده عن النهاية ممكن بعشر دقائق وبس ..
النسخة اللي اخذتها لون الغلاف فيها تقريبا برتقالي على اصفر وفيه ريديك..الغلاف نفس الفلم تقريبا..
ومن الخلف فيه صورة ريديك اللي يكون عليه سلاسل وماسك السكين ومكتوب Only On Xbox ..

[النسر الأسود]

هلا مشاري .
النسخة يلي عندي نفس تماما يلي تتكلم عنها بس أنا عندي علقت :09:
بس مادري أنا عملت لها لود جيم فعلقت فهل إنت لعبتها من البداية حتى اشتغلت لما شنو ؟

[Mesharey]

بس مادري أنا عملت لها لود جيم فعلقت فهل إنت لعبتها من البداية حتى اشتغلت لما شنو ؟لا عملت لود وكملت معاي من غير مشاكل ^^

إذا تبون اقول لكم شنو الأحداث لنهاية اللعبة ماعندي مشكلة (&)

[النسر الأسود]

طيب بعد مكان التعليق في أحداث حلوة وتستاهل واحد يتعب عشان يشوفها ؟
إذا الأحداث عادية أو غير مهمة جدا خلاص قولها بوفر عناء :09:
وشكرا

[Mesharey]

اممم..الأحداث نهاية اللعبة بعد مهمة ممكن P:





** SPOILER **


من اول ماتبدأ بالمكان اللي تعلق فيه النسخة القديمة تدخل غرفة وتقتل ثلاث جنود وبعدها تدخل غرفة ثانية وتركب رجل آلي (التحكم فيه صعب -_-) بعد ماتكسر الجدال وتنزل من المصعد تنزل من الرجل الآلي لأنك لازم تضغط على زر ..
بعد ماتضغط على الزر يطلعون لك مجموعة كبيرة من الجنود والرجال الآليين لازم تهرب منهم بعد ماتهرب يطلع عرض يكون فيه ريديك بحافة المبنى وتحته حفرة عميقة والمدينة..بدها ريديك يسمع صوت طيارة وراه تقول له اصعد..
بعد ماصعد حصل واحد اللي كان مع ريديك ببداية اللعبة اللي كان ماسكه وموجه المدس عليه..لما بمشي الطيار الطيارة اهتزت فتحرك ريديك وطاح على الرجال واخذ المسدس منه وضربه على راسه..
وجه ريديك الطيارة على مقر الرئيس واصدمت بالزجاج ودخل عليك ريديك والرئيس خاف فدخل لمكان سري واستدعى اقوى جنديين عنده ..
بعد ماتقتلهم يستعمل ريديك صاروخ من الجنديين ويطلع الرئيس والرجال اللي كان مغمى عليه يقعد ويصير مع ريديك ..
بعدها ريديك يلبس لباس أحد الجنود وملابس ريديك يلبسها الرئيس .. لأن ريديك أجبره على هذا مع نظاراته ..
وينادي الجنود ويقول لهم ان ريديك هناك (ريديك يتكلم بملابس الجنود) ويمسك الرجال اللي معاه وياذ الطيارة وتطيو فوق وتطلع قائمة مصممين اللعبة ..
أما الرئيس فيقتله جنوده كانوا يعتقدون انه ريديك P:

[Sympathy]

أنــا عندي نفـس المشكلة ..

و لكن انــا تطلع لي شاشة بيضـاء

مو زرقاء ؟ .. :D

[النسر الأسود]

اممم..الأحداث نهاية اللعبة بعد مهمة ممكن P:





** SPOILER **


من اول ماتبدأ بالمكان اللي تعلق فيه النسخة القديمة تدخل غرفة وتقتل ثلاث جنود وبعدها تدخل غرفة ثانية وتركب رجل آلي (التحكم فيه صعب -_-) بعد ماتكسر الجدال وتنزل من المصعد تنزل من الرجل الآلي لأنك لازم تضغط على زر ..
بعد ماتضغط على الزر يطلعون لك مجموعة كبيرة من الجنود والرجال الآليين لازم تهرب منهم بعد ماتهرب يطلع عرض يكون فيه ريديك بحافة المبنى وتحته حفرة عميقة والمدينة..بدها ريديك يسمع صوت طيارة وراه تقول له اصعد..
بعد ماصعد حصل واحد اللي كان مع ريديك ببداية اللعبة اللي كان ماسكه وموجه المدس عليه..لما بمشي الطيار الطيارة اهتزت فتحرك ريديك وطاح على الرجال واخذ المسدس منه وضربه على راسه..
وجه ريديك الطيارة على مقر الرئيس واصدمت بالزجاج ودخل عليك ريديك والرئيس خاف فدخل لمكان سري واستدعى اقوى جنديين عنده ..
بعد ماتقتلهم يستعمل ريديك صاروخ من الجنديين ويطلع الرئيس والرجال اللي كان مغمى عليه يقعد ويصير مع ريديك ..
بعدها ريديك يلبس لباس أحد الجنود وملابس ريديك يلبسها الرئيس .. لأن ريديك أجبره على هذا مع نظاراته ..
وينادي الجنود ويقول لهم ان ريديك هناك (ريديك يتكلم بملابس الجنود) ويمسك الرجال اللي معاه وياذ الطيارة وتطيو فوق وتطلع قائمة مصممين اللعبة ..
أما الرئيس فيقتله جنوده كانوا يعتقدون انه ريديك P:




شكرا مشاري تعبناك معانا صراحة باين النهاية قوية بس للأسف حظي طايح :09: