تحدي الأعضاء أرجو الدخول

[The Black Sad]

السلام عليكم

اليوم عندي موضوع وايييييييد حلو
صراحة فكرت فيه وعجبني
المهم ندخل للسالفة
أنا راح أحط صورة من لعبة سايلنت هيل 4
والصورة وايد حلوة و وايد واضحة
بس اللي أبيه أن كل واحد يرسمها ولما يخلص يحطها بالموضوع
بما فيكم أنا
أما رسمتي أنا فراح تكون جاهزه إنشاء الله يوم السبت
أنتظر رسوماتكم الحلوه يالله ونشوف راح تضبط مع مييييين
بالتوفيق

[The Black Sad]

الظاهر ان مافي أحد عطاني وجه

وش دعوه والله الحركة حلوه ليش ما تحاولون

على العموم انا بانتظر
ردودكم اول قبل احط اي شي

[Rex]

السلام عليكم

تصدق يا أخ The Black Sad ... انه كانت في مواضيع تحدي افكارها رهيبه سابقا!
لكن انقرضت هالمواضيع...

يعني الأمر مش بهالسولة انك تفتح موضوع وتتوقع مشاركات :28: ...
لازم الحين الواحد يتصيد الفرصه المناسبه حق هالأمور... عشان يتشجع الأعضاء انهم يشاركون...

يعني الحين انت فتحت هالموضوع وفي موضوع آخر تحدي يشاركون بيه الأعضاء ... (توضيح وجهة نظر) =\


فكرة الموضوع جيدة , لكن ممكن تتطور انه كل مره نختار شخصية من لعبة, وشرايك نرسم الشخصية chibi ? :laughing:

[الكلاسيكيه]

السلام عليكم اخوي The Black sad ..
الصراحه انا مريت على موضوعك وحتى اني خزنت اللقطه عندي وقلت اجرب ..:D
وقلت كمان انتظر حتى حد من الاعضاء المخضرمين بهالمنتدى هو اللي يبلش يحط تعليقه على الموضوع لانه موب سهل على الاقل بالنسبه لي وبما اني في حكم العضوه الجديده اني اشارك في هكذا تحدي .. وبتكون المره الاولى ايضا ..
وتشجعت لما قرأت رد الاخ ريفليكس ..وعجبتني فكرته انكم تختارون كل مره شخصيه ..
وبالتوفيق للجميع ..:ciao:

[لوجــــــين]

السلام عليكم اخواني و خواتي

كيف حالك اخوي The Black Sad

^^ أتمنى انك تكون ما انحبطت من قله مشاركه الأعضاء في الموضوع على انه العنوان يشد النتباه و الرسمه اللي حطيتها موضوع للتحدي قمه بالجمال و لو انك استعجلت في اختيارها نظرا لأنها من أصعب و من أرقى أنواع الفنون أتقان رسم الملامح كل خط من خطوط الملامح لازم ينرسم بمهاره عاليه

راي ريكس حلو ^^ بس أفضل انك قبل اختيارك لموضوع الرسمه انك تبدى بمستوى الصعوبه من 1 و تتدرج مع تفاعل الأعضاء معاك إلى رقم 10

:wave:

[abeeressa]

أنا رسمي خااااااااااااااااااااااااااااااااااايس - مع احترامي لكم -

لكن ودي أحاول .... يالاه عطونا آخر كلام نرسم ولا لأ ؟؟

[The Black Sad]

السلام أولاً مشكور أخواني على الإطالة في الرد عليكم

أخوي Reflex كلامك واقعي وعجبني بس أنا فكرت نبتديء بالرسمة الأصعب
وشاكر لك مرورك

الأخت الكلاسيكية شكرا على مرورك ورد مقنع

أما لوجين
فكلامك صراحة صحيح هذي الرسمة من أصعب الرسمات ولأنها عجبتني بملامحها فكرت أبتدي فيها
وشكراً على المرور

أما Abeeressa
فأقولك لازم تخلين في نفسك ثقة بأنك تقدرين ترسمين هذا النوع من الرسم
على العموم الرسمة صحيح صعبة وايد بس مافي مشكلة نبي نشوف رسمة كل واحد عشان كلنا نتعلم من بعض
وأنا بصراحة رسمة مو ذاك الزود بس انجرب
ويالله أنا راح ابتدي واحط رسمتي إنشاء الله بكرة
وتحياتي للجميع

[Sander]

بصراحه الفكرة حلوة و الصورة واضحه...

انا اقول نحاول و نشوف شو يطلع معنا :أفكر:

راح ابد اليوم و ان شاءالله اخلصها عن قريب :08:


يالاه عطونا آخر كلام نرسم ولا لأ ؟؟
خلاص نرسم :33:

خلينا نحس بحلاوة الموضوع :biggthump

[The Black Sad]

شكراً أخوي ساندر

يالله نرسم ونجرب حتى لو ما طلعت حلوة معنا
يعني نتعلم من بعض
رسمتي انشاء الله بكرة تخلص
بانتظاركم

[yuki-babe]

هاااي ^^

م م م هذا الرسم مو ستايلي , بس خل نجرب

و إذا طلعت معاي نتيجة باحطها انشالله

و تسلم عالموضوع .. D:

[الكلاسيكيه]

ياجمااااااااااااااااعه انا رسمتي جاهزه .. بس مالونتها بعد ..
الونها الاول ؟؟؟؟؟..... والا احطها خلااااااااااااااص ..
رد علي يابلاك ساد ..!!!!

[abeeressa]

كلاسيكية

حطي :- قبل ....... و ....... بعد

وأنا بأبدأ اليوم والله يستر

[الكلاسيكيه]

انا عارفه انها ماتشبها لهالدرجه وتعبتني شويه خصوصا النظره :boggled:

يعني يا بلاااااك ساااااد لازم تكون صعبه من اولها .. اما النمش اللي على وجهها عقدني :17: ..
هنا بالقلم الرصاص بس ..ولما اخلص تلوينها يمكن تطلع احسن ..http://onfinite.com/libraries/59233/6be.jpg

[الكلاسيكيه]

ياااااااااااااااااااااااااااااه ..
ماتوقعت تطلع بهالحجم الديناصوري .............................. ( مررررررررررعبه ) ..
ايش الحل ؟؟؟

[abeeressa]

الرسمة عقدتني .....:17:

خلاص ما برسمها ...




أمزح - هي عقدتني فعلاً - :28:
لكن القناعة كنز لا يفنى - أمثال الشعوب -;)

ملاحظة :- كلاسيكية إذا تبين تصغرينها تقدرين تغيرين size في فوتوشوب !
وتسوين تحرير للرد مالج ، وبعدها تحطين الصورة مرة ثانية .

[Sander]

حاولت.. ولساتني بحاول ارسمها.. شوفو النتيجه الاولى حقي>>>مابتشبهها ابدا :33:

لاني راسمها بطريقتي يعني مش عامل محاكاة :08:

لسه الرسمة ما خلصت.. بخلصها و بحطها قريبا :أفكر:

الكلاسيكية: رسمتك روووووووووووووووووووعه!! ماشاءالله عليك.. حلو التظليل و البنت طالعه بتشبه يونا تبع FF10 :08:

ممتازة الرسمة.. تسلمين عليها..

abeeressa: معليش حاولي متلي.. اكيد تقدرين ترسمين احلى من رسمتي هي :p

[The Black Sad]

الكلاسيكية رسمك وايد روعة صراحة ابهرتيني
وبالرصاص أحلى
أما عبير فبتقدرين تسوينها

ساندر صراحة عجبتني رسمتك حلوة وايد
أنا رسمتي لسة ما جهزت عشان صرت مشغول هاليومين
لاكن انتضروني

اكرر اعجابي برسم الكلاسيكية بصراحة رسمك
حلو انشاء الله اطلع على مشاركاتك القادمة بنفس مستوى هذا الرسم
وتحياتي

[Sander]

شجعتني خيوو :biggthump

خلاص... شكلي بحط الرسمة اليوم :08:

[yuki-babe]

وااااااااااااااو رسماتكم روعة الكلاسيكية و ساندر

صراحة بدعتوا D:

تسلم هالأنامل الفنانة ^^

[abeeressa]

رسمتك حلوة وايد يا أخ ساندر


لمساتك مبينة فيها ... ماشاءالله عليك التلوين رووعة ،

صراحة أنا وايد متحمسة أشوف رسومات باقي الربع .



وعلى كل هذه محاولتي .. رسمتها بالماوس في الفوتوشوب - السكانر مالنا انتهى عمره الافتراضي -
ما عرفت ألونها ... فخليتها مثل ماهي بالألوان الأساسية بس .. خذت مني وقت .. بس والله وناااااسة

أشكر أخونا صاحب الموضوع .. وأقوله كثر من هالسوالف ..

هذه الرسمة :-
http://onfinite.com/libraries/63110/757.jpg



ياللاه اللي ما خلص يخلص نبي نشوف باقي الرسومات شباب .:bigeyes:

[الكلاسيكيه]

ماشاءالله على المشاركات الروووووووووووووعه ..
ابدعت جدا جدا جدا ياساندر ، فعلا تحفه .. وااااووو .. :bigeyes: :shock22: ..
وتسلم لي على التشجيع وهذا من ذوقك ..تشكر :biggthump ..
ويونا في FF10 احلى بكثييييييييييييير ..والله يخليك على الكلمات الطيبه ..
abeeressa انت قدها وزي ماشفت الرسمه طالعه تجنن :wow: .. وخصوصا انها مرسومه بالماوس
وانا عارفه مهارتج الفوق ممتازه لما ترسمين بيدج .. عقدني السكنر الخربان مالتج :mad: ..
وبسوي مثل ماقلتي عن الحجم لما اخلص تلوينها بصغرها واحطها ان شاءالله ..مشكووووووووووووووره
هلا اخوي بلاك ..فرحانه انها عجبتك :D .. ومتحمسه اشوف رسمتك ، وفعلا مشكوووووور على الرد المشجع وموضوعك راااااااائع ..واستمر ونحن معاك ..
yuki-babe تسلم على الاطراء والتشجيع وكل المشاركات احلى من بعض ماشاءالله ..
نبي اكبر عدد من المشاركات ..:biggthump

[The Black Sad]

اشكركم على المشاركة

وبصراحة انا رسمي مو ملون
يعني أرسم بالرصاص وبس
ما أعرف ألون وهذي الصراحة
بس يالله بصراحة فا جأتوني برسمكم الممتاز
الأخت عبير رسمك بالماوس مو طبيعي
لأن الماوس صعب جداً
الكلاسيكية ترى رسمتي مو ذاك الزود
رسمتك مع ساندر عجبوني وايد لأن الرسمة تحتاج لدقة
وانا حاولت بس يالله انشاء الله بكرة رسمتي با احطها
خذت مني ساعتين ونصف
وتحياتي للأخ يوبي ونبيه يشاركنا
وتحياتي لكم

[abeeressa]

كلاسيكية مشكورة على التشجيع ، وأنا أتريا رسمتج على نار .. بس مو نار هادية !
مثل ما قلت في ردي الأول رسمتك عقدتني يا كلاسيكية ... بس بعدين قلت يالله .. أحاول وأمري لله .




the black sad

صح الرسم بالماوس صعب ، وأشكر الأخ sander لأنه هو اللي شجعني أرسم بالماوس .

وأتريا رسمتك .

[Sander]

abeeressa

رسمتك حلوة وايد يا أخ ساندر
لمساتك مبينة فيها ... ماشاءالله عليك التلوين رووعة ،
مشكوووووووره! هذا ذوقك الحلو.. يسلم لي هالذوق ياحق :08:

رسمتك كتير ظريفه و تلوين الوجه بالمره حلو و الشعر كويس بس لو تضيفين عليه شوية لمسات بيطلع روعه :33:

تسلم يدك عالرسمه الحلوه..

الكلاسيكيه

ابدعت جدا جدا جدا ياساندر ، فعلا تحفه .. وااااووو .. ..
وتسلم لي على التشجيع وهذا من ذوقك ..تشكر ..
ويونا في FF10 احلى بكثييييييييييييير ..والله يخليك على الكلمات الطيبه ..
تسلمين... ثانكيوووووووووو والله فرحتوني بردودكم الحلوه و كلماتكم العسل :laughing:

مشكور يا بلاك سايد لانك اتحت لنا هالفرصه الحلوه عشان نتسلى و نستمتع>> كثر منها ;)

وانا اكيد ان رسمتك راح تطلع رووووووعه!

وأشكر الأخ sander لأنه هو اللي شجعني أرسم بالماوس .
العفو.. تسلمين :laughing: > كتير مبسوط هلأ انا :biggrin:

بانتظار ابداعاتكم :)

[The Black Sad]

يسلمو اخوي ساندر

بس بعدين ودي اني اتعلم منك طرق التلوين على الفوتوشوب
لأن اسلوبك وايد حلو الصراحة ورسمك احلى
بالتوفيق

[Sander]

مشكور خيو.. انا عندي موضوع اشرح فيه طريقتي في الرسم و التلوين فيك تزوره لو حبيت.. يمكن تستفيد :08:

هذي الرسمه تبعي :D

[The Black Sad]

تسلم ساندر بس شوف لي موضوع التعليم فين
وكيف ادخل صورة بالرصاص
واعدل عليها ولك مني جزيل الشكر
تحياتي

[الكلاسيكيه]

ياسلاااام على هالتفاعل الرااااااااائع بيننا ..( ^ ــ ^ ) ..
وفعلا االموضوع اللي حاطه ساندر عن الرسم والتلوين جدا ممتاز ..
وانا عرفت عن طريقه اشياء ماكنت اعرفها ..
وماانسى كمان الدروس حق اخونا mzm والمشرفين مثل اخونا شاهين ....وغيرهم ..الله يعطيهم الف عافيه ..

[abeeressa]

رسمتك يا ساندر رووعة

اللمعات المضبوطة والتلوين المتناسق - هذي بصمتك الفنية المعروفة ـ
تسلم أياديك

[abeeressa]

كلاسيكية ....

ما خلصت الرسمة ... وينج أترياج على نار :firedevil

[yuki-babe]

abeeressa (http://montada.com/member.php?u=137894) @@ مشالله عليج و الله مو سهلة

رسمتج عجيبة خاصة إنها بالماوس ,,

موفقين كلللكم

[abeeressa]

abeeressa (http://montada.com/member.php?u=137894) @@ مشالله عليج و الله مو سهلة

رسمتج عجيبة خاصة إنها بالماوس ,,

موفقين كلللكم
الله يخليك ..... فرحتني وايد والله :08:

[الكلاسيكيه]

كلاسيكية ....

ما خلصت الرسمة ... وينج أترياج على نار :firedevil
اي .. اي .. نارج حرقتني .. وين المرهم ؟؟؟:17:
انا خلصتها .. بس عندي مشكله في التحميل الحين ..
هذا الخط البطئ بيقتلني ..:mad:
بحاول مره ثانيه ..

وساندر ماشاء الله عليك .. لمسات سحريه ..:biggthump ..

[The Black Sad]

هذي رسمتي
مي احلى من رسوماتكم بس هي محاولة

[الكلاسيكيه]

ماشاءالله عليك .. ووااااوووو .. ( ^ ــــــــــــــــــــــ ^ )
طلعت فنااااااااااااان يابلاك .. يدك حلووووووووه بالقلم الرصاص وشغلك نظيف ورااااااااااااائع ..
فعلا ابدعت ، تسلم يمينك ..

[Sander]

The Black Sad
يسلمك
الموضوع مقدور عليه.. هيدا هوا>> Sander Art Style (http://www.montada.com/showthread.php?p=2865013#post2865013)

اما كيف تدخل رسمه و تعدل عليها فما عندي خبره بذا المجال.. انا ما استخدم السكانر في الرسم ابدا...

الكلاسيكيه
مشكوره اختي والله من ذوقك.. كذا تشجعيني احط دروس اكثر و اكثر :biggrin:

بحط درس تلوين هلأ :33:

abeeressa
مشكووووووووووره.. هذي عيونك الحلوين ^^

هذي بصمتك الفنية المعروفة
ييييييييي مااحلى هالكلمات.. بتجنن :08: ....................... تسلمين و مشكوره :laughing:


وساندر ماشاء الله عليك .. لمسات سحريه .. ..
ثانكيووووووووووووو هذي شهاده اعتز فيها>>بعلقها بغرفتي كككك :biggrin:

The Black Sad
رسمتك ممتازه جدا!! :33:

مرتبه و التظليل فيها حلو كتير.. ماشاءالله عليك :biggthump

تسلم يمينك على هيك رسومات :08:

[The Black Sad]

تسلم لي حبيبي وهذا كله من ذوقك
والموضوع ما نجح إلا بجهودك انت والكلاسيكية
وabeeressa
صراحة ماقصرتو أتمنى نتواصل
وتحياتي لكم كلكم

[الكلاسيكيه]

اخيرا ..هاهي رسمتي بعد التلوين ..واتمنى تخبروني فين الاحلى قبل والا بعد ..؟؟؟
وطلع التلوين بالفوتوشوب ممتع مع انه متعب ..:)

[الكلاسيكيه]

http://onfinite.com/libraries/63901/68a.jpg

هالوووووووووو ..:D

[abeeressa]

أها اااااااااااااا


الحين عرفت ليش بطيت علينا يا black sad

" الشغل الزين يبطي "
والله أنها ضبطت معاك ... العيون روعة والشفايف - متشققة صح - والظلال حق الجفون 100 % 100

يعني باختصار رسمك روعة ..




وفعلاً أشكرك على هالموضوع الحلو ..

وأتريا منك أفكار حلوة أكثر بعد ... وآنا باكون من أول المشاركين ...

[abeeressa]

كلاسيكية ...... يا كلاسيكية


صدج إنك كلاسيكية في فنك ..

التلوين جميل وأنيق ... يعني في لباقة في التلوين ... في كلاس .... !


الرسمة حلوة بالرصاص
و حلوة وايد في التلوين

كان نفسي لو تحطين صورة أكبر شوي علشان نركز أكثر ............................
وأنا من الناس اللي يموتون في الرصاص ....... عشان جذي حبيت رسمة الرصاص أكثر ..

[The Black Sad]

الأخت الكلاسيكية رسمك روعة

وتلوينك أحلى تسلم يمينك
وانشاء الله نشوف رسمات اكثر واحلى منك

abeeressa
بصراحة أحرجتيني بكلامك الحلو
وأنا بعد أمووووووت برسم الرصاص
الرصاص وبس
واشكرك على المشاركة الحلوة ورسمتك صراحة رووووووووعة
بالتوفيق وتحياتي لكم

[Sander]

الكلاسيكية: ابدعتي!!!!!! :32:

ماشاءالله ماشاءالله.. اللوحه اكثر من رائعة :wink:

التلوين بالمره حلو و توزيع الظلال ممتاز :yup:

و نفس اختيارك للألوان متقن! :33:

الرسمة ولا اروع :fing02: يسلم دياتك على هيك رسومات يا كلاسيكية :35:

وانا برايي كلا الرسمتين حلو بس بـ أفضل الملونه اكثر.. بحس فيها حياة :D >> بحب الالوان انا :08:

*******************************

[الكلاسيكيه]

تسلمي abeeressa وفرحتيني بكلماتك الطيبه مثلك :rolleyes: ..وانا كمان احب الرصاص موووووت ..
وتحسي انك تبدعي لما ترسمين فيه ..والظاهر عندي كالاكيع في الحجم ياما عملااااااااااااااقه وياما صغيييييييييييره ..هههههه :D .. وتشكررررررررررررررري ..
اخونا صاحب الموضوع الراااااااااااااااائع بلاك :fing02: .. فعلا احسنت لما حطيت هالفكره الحماسيه ، والحين متى بتحط صوره ثانيه ؟؟.. الحماس على آآآآآآآآآآآآآآآخره عندي ..:biggrin: ..
وسعيده فوق ماتتصور انها عجبتك وتشكر والله يخليك ..
وبقول حق اخونا ساندر هذا طلع من متابعتي لك ولدروسك :idea: ..والحق ينقال انا استفدت وطبقت بعض اللي تعلمته منك ، ولسه في المرات الجايه بحاول اطبق بعض الخطوات الاخرى .. بس انت لا تقطعنا من دروس اخرى في التلوين بالذات ..:) وتسلم على التشجيع ..

[The Black Sad]

عطوني آرائكم في هذه اللوحة
بصراحة اهي صعبة وايد
بس نشوف إذا عجبت الكل
نعتمدها ونرسمها
ok

هذي هيا وتحياتي

[The Black Sad]

لاحظوا أني اختار الرسومات الدقيقة والصعبة

وذلك للإيماني بأن هذه الرسومات هي التي تطور القدرات
وفن الإتقان في المساحات الصغيرة
وبنتظار ردودكم الحلوة

[الكلاسيكيه]

والله يااخ بلاك ..هي صعبه شويه ، الرجل ممكن ندبره .. لكن الخلفيه لوحدها حكاااااااااااااايه ..
اذا الاخرين حبوها فانا ماعندي مانع وبنجرب .. ( ^ ــ ^ )
ومثل ماقلت هذه المساحات والتفاصيل بتنمي القدره ..

[Sander]

وبقول حق اخونا ساندر هذا طلع من متابعتي لك ولدروسك ..والحق ينقال انا استفدت وطبقت بعض اللي تعلمته منك ، ولسه في المرات الجايه بحاول اطبق بعض الخطوات الاخرى .. بس انت لا تقطعنا من دروس اخرى في التلوين بالذات .. وتسلم على التشجيع ..
كلام يفرح :18:

هالحين انا بطير من الفرحه!! :laugh:

تسلمين و مشكوره.. ان شاءالله ما اقطع دروسي عنكم ابد :silly:

The Black Sad
صعبه!! صعبه الصورة دي!!! : :shock22:

تبي وقت و تبي اتقان.. و تبي شطاره وتبي مهاره و تبي ابداع و تبي ناس لها خلق:bigeyes: وتبي وتبي..... :17:

بس راح احاول ارسمها عشان خاطر عيونك :08:

ماظن بتنرسم معي.. بس بجرب و ارد عليك :rolleyes:

[The Black Sad]

صحيح انها صعبه

بس نحاول إذا وافقتوا
وبالنسبة للخلفيه
فأقول للأخت الكلاسيكية مايحتاج خلفية
بس البرنس بلحاله
يعني الشخصية والجسم بس
ومافي مانع لو أخذنا فيها وقت طويل
وتسلم لي عيونك يا ساندر
واكرر شكري لي لتلبيتك دعوتي
وانشاء الله اتمنى نتعاون اكثر واتعلم من طريقتك الحلوة في الرسم
وتسلم خيو

[Sander]

مشكور يا خويا و تسلم لي ياحق :08:

شوفوا الخطوط الاساسيه.. قولكم لها مستقبل الرسمه! اكمل يعني؟ :أفكر:

معليش انا رسمت ذي الخطوط بشي خمس دقايق.. اذا تستاهل بعطيها وقت اكتر :biggrin:

[The Black Sad]

يا الله جداً ممتازة واصل واصل
انا يعني ما اقدر اضيف رسمتى الا على يوم السبت او الأحد
عشاني مشغول حيل
وبصراحة فنان يا ساندر هذي تاخذ من وقت طووووووويل جدا
كل يوم تخليني انعجب فيك اكثر واحب اتعلم طريقة تأسيس الرسمة عندك
بالتوفيق

[Sander]

خلاص الحين انا صدقت نفسي :biggrin:

مشكور خيو والله تشجيعكم هو الي يخليني ابدع :biggthump

خلاص بكمل الرسمة.. يمكن تخلص عالسبت عشاني مشغول هاليومين دول :08:

واحب اتعلم طريقة تأسيس الرسمة عندك

خلاص.. نضيف درس على كذا في موضوع التعليم حقي كرما لك انته وبقية الاعضاء :laughing:

[الكلاسيكيه]

خطييييييييييييييييير ياساندر ..واااوووو .. بدايه ممتازه ..
يعني الحين خلاص اتفقتوا على هذه الرسمه ؟؟ .. ابلش ارسم ..

[Sander]

شكرا شكرا >>مصدق نفسي قوي هالحين انا :D

خلاص.. بلشي ارسمي :biggthump

[سانوسوكى]

السلام عليكم

ايه الفن ده كله؟:shock22:
ما شاء الله منتهى الروعة يا شباب فعلا ممتازين و الصراحة اكتر رسمة عجبتنى هى تبعة الكلاسكية رااائعة.
انا مش هاقدر ارسم لسببين الاول انى مش هاعرف ارسم رسم رائع زيكم و الثانى انه صدر قرار منزلى ان النت لا يفتح الا يوم فى الاسبوع .:17:
المهم استمروا انتم فى ابداعتكم و فى انتظار المزيد.:D

[الكلاسيكيه]

ليش ياسانوسوكي ؟؟؟؟ .. (× .× )
حتى لو خفت دخلاتك للنت ، تقدر ترسم لما يكون عندك وقت فراغ ولما تدخل تحط رسمتك ..
وبعدين الفكره من الموضوع هي المشاركه والاستمتاع بالرسم ، انا شفت رسماتك من قبل وعندك الموهبه اللي لازم ماتقلل من اهميتها مهما كان .. لا تـتردد وقوي قلبك .. وبانتظارك حتى لو تأخرت ..
وسعيده جدا جدا جدا ان رسمتي عجبتك ، وكل المشاركات احلى من بعض ..

[سانوسوكى]

السلام عليكم

مشكوورة اختى الكلاسكية على تشجيعك ليه :p , خلاص بنزل الرسمة و ان شاء الله احاول ارسمها .

يعنى على الخميس الجى ان شاء الله لو كنت خلصتها بنزلها .

و انا شاكرة لاهتمامك :p :) :D

[الكلاسيكيه]

السلام عليكم

مشكوورة اختى الكلاسكية على تشجيعك ليه :p , خلاص بنزل الرسمة و ان شاء الله احاول ارسمها .

يعنى على الخميس الجى ان شاء الله لو كنت خلصتها بنزلها .

و انا شاكرة لاهتمامك :p :) :D
العفو ياسانوسوكي ..;) .. وبانتظار مشاركتك ، وحلو التحدي .. وخصوصا تحدي النفس ..
وبالتوفيق ..:biggthump

[abeeressa]

أوووووووووووووووه :bigeyes:

في رسمة يديدة !!!!!


أسفة على التأخير يا جماعة ..... :08:

خلاص بابدأ اليوم ان شاء الله ....
وقت ما اخلص باحطها ..... أوكيه :biggthump

[The Black Sad]

أعزائي الفنانيين
سامحوني على التأخير أولاً
وثانياً احب اخبركم اني راح أتأخر في الرسم لأن بصراحة عندي ضروف
قاهرة ويمكن تكون دخلاتي على النت قليلة وحتى وقتي قليل فأرجو منكم
المسامحة وإنشاء الله لما ألاقي وقت فراغ بسيط راح أرسم الرسمة وأحطها بالموضوع على
طووووووول
وتحياتي لكم يا أحلى اعضاء بالمنتدى

[Sander]

سانوسوكي ثانكس! :laughing:

يظهر ان الكل راح يتأخر بهي الرسمة :أفكر: ...

انا عندي كم طلب توقيع و كذا رسمها يبون من يخلصهم :biggrin:

يعني راح انشغل شوي.. عموما انا بحاول اخلص الرسمه المطلوبه باقرب وقت :08:

اعذرونا عندنا مشاغل خخخخخ معليش استحملوني شوي :biggrin:

[auronxxx]

السلام عليكم (غريب عليكم ولا اعرفكم ولا تعرفوني لكن جاي من طرف واحد)

طلب مني العضو
oni devil
انني ارفق له الرسمة اللي رسمها (ثقيلة شوي)

و يبغى رايكم

http://www.geocities.com/issss4/scan.jpg

[kabamaru_igano]

حياك يا auron

بس خسارة الرسمة ما ظهرت !

[Sander]

و انا كمان ماطلعت معي!؟ :31:

[The Black Sad]

حياك أورن وأنا بعد الرسمة ماطلعت معي

بس هذي رسمة أنا دازها لـسـااااااااااااااااااندر حبيبي
أول رسمة ألونها بالفوتوشوب تعرف ماعندي خبرة
انشاء الله تعجبك

[The Black Sad]

الأخ ساندر لي طلب بسيط منك

وهو شفت رسمة hellsing

اللي أنا مرفقها فوق

خطوط تحديد الرسمة ابي اعرف كيف اخليهم انسيابيين

وكيف انظف الفراغات عشان اضيف الألوان وكيف اسوي تناسق بالألوان

وتحياتي لك

[The Black Sad]

سؤال ثاني يا ساندر لما أعدل على الصورة وأبي أحفظ التغييرات

يقوم ويحفظ الصورة على انها جديدة يعني كل ما أعدل شي أحفظ صورة

جديدة ويش الحل من وجهة نظرك

معليش استحملني

[Sander]

كتير حلوووووووة الرسمة! تسلم يدك عليها خيو :rolleyes:

بس راح اعطيك عليها انتقادات بسيطه.. اكيد تقدر تعدلها بالمرات الجايه ^^

اخوي.. عندك فراغات بالتلوين.. "يظهر انك لاحظت هالشي و تبيني احله المشكله" ايه تكرم عيونك.. ولووو :08:

و عندك الظل انت عامله بأداة Shadow.. كتير حلو توزيعك للظلال و حركه ذكيه منك انك تستعمل Shadow :33:

و اخيرا عندك الخطوط عريضه شوي..

اول شي.. انا راح اعدل على الرسمة تبعك عشان تلاحظ الفرق ^^

و اما مسألة التعليم فراح اضبط لك درس هلأ.. معليش بدي الكل يستفيد :biggthump

و اخيرا الحفظ! "انته بتستعمل الفوتوشوب صح!" بصراحه انا نادرا اذا استعملته.. مدري عنه كيف يحفظ الرسوم.. بشوفه هالحين و برد عليك..

* عالعموم فيك تحفظ الرسمة بنفس الاسم كل مره و بنفس المكان و بكذا راح يصير عندك الاسم مكرر
فبتعمل "replace" للموجوده اصلا و تحفظ مكانها الصورةالجديده..

مشكور عالرسمة الممتازه و ابشرك! انته لك مستقبل بالفوتوشوب :fing02:

خذ راحتك اخوي.. انا تحت امرك "ايه ولو انته بتحكي مع ساندر :icon16: " شو لسه ما عرفتني :laughing:

[الكلاسيكيه]

رسمه حلوه يابلاك .. وزين انك بلشت واكييييييد تلوين رااااااااااائع ..( ^ . ^ )
واخونا ساندر مابيقصر ، وبتستفيد من خبرته مثل ماانا استفدت ..
وبالتوفيق للجميع ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
ومرحبا باارون ..
ومثل ماقالوا اخواني الرسمه ماطلعت ..
ياريت ترفقها مره ثانيه عشان نشوفها .. واهلا وسهلا فيك ..

[Sander]

تسلمين يا الكلاسيكية :rolleyes:

اخوي بلاك شف الرسمة.. لاحظ تلوين الشعر انا اضفت عليه :أفكر:

شوفه و انتبه لاختياري للالوان.. اختيار الالوان لوحده فن! وانا اكيد انك راح تتقن ذا الفن :wink:

[The Black Sad]

تسلم اخوي ساندر وهذا مو غريب عليك
فعلاً الرسمة بعد تعديلك حلوه
وعجبني تدرج الشعر
وخصوصاً الدرجة الفاتحة
على العموم انا جالس اشتغل في رسمة ثانية بس انا الآن في طور التلوين
راح احط الصورة قبل التلوين وبعده
والحكم راح يكون لكم
وتسلمين اختي الكلاسيكية على ردودك الحلوه
تحياتي لكم

[الكلاسيكيه]

كيف الحال يااعضاء التحدي ؟؟:)
انا رسمتي جاهزه .. بس خليتها بالابيض والاسود :D .. لانها بالالوان صعبه شويه ، لا مش شويه كثييييييييييييييير .. اتمنى تعجبكم

[abeeressa]

:bigeyes: WOW ..... WOW .....WOW

Your drawing is breath taking calssicia ! i don't know what to say

i really am speechless ................. that's why i am writing in english :wow:



i quit i wont draw any more :17:

:17: :17: :17: :17: :17: :17: :17: :17: :17:

[الكلاسيكيه]

abeeressa والله .. قولي والله.. :love: ..
تسلمي لي ويارب يخليكي :slaphappy ..سعادتي لا توصف ..آهى آهى ..:17: ...
ــــــــــــــــــــــــــــــــــــــــــــــــــــــــــــــــــــــــــــ
وانتي لااااااااااااازم ترسمي ..لاتحاولي ..مابي اعذااااااااااااااااار :viking:

[auronxxx]

انا طلعت عندي وما عليها كلام؟
ما فكرتوا تشوفون رابط الصورة

ولا عليكم بارفقها

[الكلاسيكيه]

واااااااااااااووووووووو..الرسمه اكثر من رااااااااااائعه..( ^ــ^ ) ياارون
واضح ان اللي رسمها متمكن ، وخطوطه نظيفه ومرتبه .. تسلم يمينه
ياترى ممكن نشوفها كمان مره بالالوان ..

[oniAkuma]

مشكور يا اورن على المساعده الجميله انك اظهرت رسمتي

ولا يفهمون غلط الاعضاء لاني مبتدأ على المنتديات

واشكر الكلاسيكيه على الاطراء وانا اصلا يسراوي علشان بس تعرفون
وشكراً

[oniAkuma]

ابي انصحكم نصيحه تبون ترسمون عدل روحوا المكتبه واشتروا اوراق ايطاليه وهي احسن اوراق للرسم للموهوبين مثلكم

[oniAkuma]

هذي الرسمه مالت المسابقه الثانيه وارجوا انها تعجبكم




http://www.arab3.com/images12/13611964.jpg

[الكلاسيكيه]

اهلا بك oniDevil .. نورت الموضوع .. وماشاءالله على الرسمه الثانيه .. تــــــــــــــحـــــــــــــــــــــفـــــــــــــــــــه ..
شو هالابداااااااااااااع ، فعلا فنااااااااااااااااااان ..
وياريت تستمر معانا في تحدي الاعضاء ( ^ ـــــــ ^ )..

[kabamaru_igano]

صراحة إبداع يا أخ oniDevil ...............
مستواك متقدم وايد ... ماشاء الله عليك ...
هييييييييييييه عقبالي يوم أصير مثلكم بعد عمر طويل إن شاء الله :D

[oniAkuma]

اشكركم يا الكلاسيكيه ويا كبامارو


كبامارو نسيت شيء يوووووبي

[سانوسوكى]

السلام عليكم

اونى ديفل رسمك رائع حقيقى يجنن ماشاء الله عليك.
و الله كلكم رسمكم رائع و يابلاك ساد رسمتك الاخيرة روعة و يا كلاسكيه رسمتك تجنن و يا ابريسا
رسمتك فوق رائعة .
خلاص كده لا تنتظروا منى رسمة و الا هاتضحكوا على .:jester:

[oniAkuma]

اشكر ك يا سانوسوكى وكلامك كله صح وعادي حط رسمتك والفنان هو الي بيخطأ

[The Black Sad]

ما شاء الله ويش هالردود آسف على تأخري
وبصراحة رسمتك يالكلاسيكية تجنن واااااااااااااااااااااايد
بصراحة وايد حلوه وانتظر التلوين منك
وتسلم يمينك
ثاني شي أحب أشكرك على قيامك بالموضوع في غيابي لأن بصراحة
صادتني ضروف قاهرة ماقدر ادخل المنتدى
واسمحو لي على التأخير انا حتى ما رسمت الرسمة الثانية من الزحمة اللي عندي

abeeressa
وينك ؟!!

oni devil بصراحة رسمك وايد حلو وينك عن موضوعنا من زمان
الحين صار الموضوع احلى واحلى
بالتوفيق ونتمناك معانا

كابامارو وسانوسوكي
لازم تشاركون الفنان لازم يخطأ عشان يتعلم
من اللي قال اني ارسم كويس لا انا احاول وكله على الله
ويالله نبيكم معانا

وتحياتي للجميع

[Sander]

الكلاسيكيه
رسمتك إبداااااااع!!! ياالله شو حلوة هالرسمه هيي!!! :33:
تسلم يمينك,,

oniDevil
ماشاءالله الرسمة الاولى رهيييييييبه!!! :icon6:
تسلم يدك خيو,, كتير حلوووه لوحتك و رسمك مرتب كتير كتير^^

و الرسمه الثانيه ممتازة جدا!
والله و انضم لنا مبدع ماشاءالله ^^ لاتحرمنا من لوحات اخي و حياك بمسابقتنا المهضومه هيي :08:

* انا واحد كسول و على طول مشغول رسمتي ماخلصتها ولاراح اخلصها :09: >>اخس عليا بس :D

ههههههههه شوفوها لحد وين وصلت.. ماعطيتها كتير اهتمام>>ايوا عشان عندي زحمه @@

ملاحظه: لاحد يمسك ضحكته :tongue2:

[The Black Sad]

شكراً ساندر

بصراحة مسافات الرسمة وايد ممتازة
بس الدقة الداخلية يمكن عشان انت مو فاضي لها

بس يالله تسلم إيدك يا فنان

[Sander]

الله يسلمك و مشكور عالمجامله :D

خخخخ عارف ان الرسمه تعبانه لا و حاطها بعد :p >> قايلكم اخص عليا :D

[الكلاسيكيه]

[QUOTE=The Black Sad]ما شاء الله ويش هالردود آسف على تأخري

عذرك معاك يابلاك وشفت كيف نور المكان بوجودك ، وكان بينور اكثر لو كنت حطيت رسمتك :) .. خذ وقتك بس لا تهملها اذا امكن ..والله يعينك على الزحمه اللي عندك

ثاني شي أحب أشكرك على قيامك بالموضوع في غيابي لأن بصراحة
صادتني ضروف قاهرة ماقدر ادخل المنتدى

ولو يابلاك :) وعلى ايش اخوان ..الفرد للجميع , والجميع للفرد ( على قولة الفرسان الثلاثه ) :D
وان شاء الله الظروف القاهره اللي صارت لك تكون خلصت ..وبالتوفيق

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــ
وكابامارو ابيك تتشجع وتحاول من اجل المتعه والتحدي :biggthump
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــ
واختي سانوسوكي ماعاش اللي يضحك عليج :vereymad: ..ولا تقللي من قدراتك عزيزتي ، وحاولي ومع المحاوله والعزيمه الواحد يتعلم .. المهم لا تترددي :)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــ
اخ ساندر هلا فيك :) وتشكررررررررررررررر ..
ورسمتك انا عارفه انها لا تظهر قدراتك اللي نعرفها جيدا ..وهذا لم يخفي الخطوط الجميله اللي فيها وهذا يرجع للوقت اللي لم يسعفك ، مو مشكله خذ راحتك وننتظر ابداعاتك اللي عودتنا عليها :shock22:

[Sander]

عفوا عفوا!!

مشكوووووووووره ياليدي اوسكار :laughing:

والله كلامك درر بس انا الي مش مقدر :08: المفروض عطينا الرسمه وقتها لانها بتستاهل بس شو اعمل..

عندي زحمه و وراي سفر و غيره و غيره>>> احلى على طول بيزي الاخ :09:

لما افضى راح احاول اضبط الرسمه و اعرضها لكم,, ميرسي كتير لـ إلكن :D

[abeeressa]

هااااااااااااااااي

كيفكم - شحالكم - شخباركم - شعلومكم - شلونكم - شو مسويين - ؟؟؟؟؟؟؟؟؟؟؟؟؟؟؟؟؟؟؟؟

أحم أحم :09: :-

أنا آسفه على تأخيري ، كنت منتظرة حتى أركب السكانر ، بس شكله الموضوع بيطول -!!! :06:

لذلك قررت أبدا ارسمها - بـالمـاوس - بس لأنه الرسمه صعبة وفيها كثير تفاصيل بتكون متعبة وايد :17: :17:
وبتأخر فيها شوي والسموحة منكم على القصور يا جماعة . :08:

فناننا sander
رسمتك ضابطة الوضعية تمام ..... وزاوية الوجه 100 على 100 ..... التفاصيل أغلبها موجودة وفي المكان الصح ....... بيكفي شعره وملامح وجهه الرهيبين
وإذا هذه وهي مو مضبطة ، عيل كيف لما تضبطها ... بتصير تحفة أكييد - من دون مجاملة والله أتكلم -


الأخ بلاك سايد .. آسفة على التأخير ... وأنا أقولك بعد أنت وينك ..:laughing:

وهذه عربون اعتذار .. بداية الرسمة .. يعني لسه باقي عليها وايد بس حبيت أبين لكم
إني موجودة معاكم قلباً وقالباً - حلوة هذي - :D :D

[The Black Sad]

شكراً الكلاسيكية وانشاء الله قربت اخلص منها

ساندر تسلم وهذي حقيقة ان المسافات حلوة كتيييييييير

abeeressa
صحيح اني ما انشاف بس وش اسوي والله الزحمة
بس رسمتك حلوة كمليها
وبالتوفيق

[oniAkuma]

اخجلتوني والله كلكم فنانين واشكركم جداً



صيحتوني بكلامكم الحلو:17:

[The Black Sad]

وأخيراً بديت في الرسمة وهذي أولها
تدرون أول مرة أرسم بالفارة
إنشاء الله تضبط
طبعاً لسة التلوين بعدين الحين ألقو نظرة عليها
وعطوني آرائكم الحلوة
باااااااااااي

[oniAkuma]

وااااااااااااااااااااو والله بدايه فوق الممتازه واستمر على هذا الشيء



والله يوفقك

[The Black Sad]

شكراً أخوي أوني وانشاء الله اخلص منها قرررررررريب

تسلم

[kabamaru_igano]

اخوي بلاك ساد ....صراحة اتفشل ....اني ارسم بين فنانين مثلكم لكن ان شاء الله بأكون من المتابعين :D :D oniDevil خلاص باقول علشانك يوبيييييييييييييييييييي

[The Black Sad]

كابامارو تسلم لي هاليوووووبي

بس ودي تنظم معنا
ومرحباً بك اخ عزيز

[kabamaru_igano]

اخوي بلاك ساد...:D باحاول اول اطور رسمي عقب اشارك :biggrin: ..ان شاء الله ;) باي يوبيييييييي

[Sander]

abeeressa
شكرا شكرا!!! والله ذوقك الحلو هيدا ^^
تسلمين عالكلام العسل و الشهادة الحلوه الي اعتز فيها :icon6:

والله شجعتيني كتير! خلاص.. بدي ألون الرسمه متى ماصار عندي وقت و اعرضها عشان خاطر عيونكم ^^

بلاك سايد: الرسمة ممتازه و التلوين ابداع.. تابع :33:

[The Black Sad]

السلام عليكم ورحمة الله وبركاته
أخواني مباركين بالشهر الفضيل
واسمحوا لي لأني ما راح اتواجد خلال هذا الشهر وذلك لمشاغلي
الزايدة اللي ما تخلص
اشششش الحين بيقولون رجل اعمال
المهم حبيت اسلم عليكم وابارك لكم بالشهر و
كل عام وانتم بخير

[Tokimeki]

بصراحة فكرة النحدي بالرسومات وايد حلوة ...
و ماشاء اللة عليكم كلكم بلا استثناء موهوبين و عندكم مهارات الواحد يفتخر فيها ^^
بس انا عندي اقتراح او فكرة حق الاعمال الياية يمكن يعجبكم ..
يعني بدل ما اتحطون صورة و الكل يقلدها ....شرايكون اتحطون اسم الشخصية و كل واحد و عندة ستايلة الخاص و افكارة يؤسمها و هني راح انشوف الابداعات ^_____^
و راح انظم الي مجموعة التحدي عن قريب بس خل يتعدل رسمي اكثر :D