برمجة لل كونتر ستريك

[SanDan]

انا بديت اتعلم على لغة السكربتات لل WWW.AMXMOD.NET
AMXMOD برنامج يتيح كتابة سكربتات للعبة.
مثل للي لعب في السيرفر صرخة HEADSHOT كل ماحد ضيع راسة بفعل فاعل...
او قائمة العقاب اللي تطلع للمغدور عند ال TEAM KILL...

بأرفق ملف ال HELP حق اللغبة (مرقعة احد مبرمجيها ولا يعتبر ملف رسمي)

وباكتب في هذا الموضوع تطورات سكربت باكتبه انا يعطي مكافئات مختلفة للي يذبح الخصم بالسكين :28:

اذا ذبحت احد بسكين بتطلع لك قائمة على الصلاحيات المتاحة لك. مثلا:
1- اخذ قرييشات الفقيد؟؟؟
2- اعطائة قريشات؟؟ :08:
3-تحويلة لدجاجة للجولة القادمة (لتحجيم المنافخية)
4- هذي صعبة لكن اتمنى اني اجد طريقة لعملها (كتم صوته للمرحة القادمة) :biggthump

اللي يبي يتعلم او يساعد ياهلابه.
اذا نجحت في هذا السكربت ان شاء الله بكتب سكربت مذكر الصلاة للعبة :)

[GaMeHaCk]

اهلين سان دان

والله الفكره تمام وممكن اساعدك ماعليك بسرعه اتعلم ولي في البرمجه شوي يعني راح يسهل الامر بس

كيف السكربت سهل والا صعب تدري كيف خليني اشوف الملف المساعد بعدين اسئل اذا سهل والا صعب

[empires]

..........................!!

[SanDan]

هنا بعظ الوصلات للمبتدئين
http://djeyl.net/forum/index.php?showtopic=24281

[SanDan]

اهلين سان دان

والله الفكره تمام وممكن اساعدك ماعليك بسرعه اتعلم ولي في البرمجه شوي يعني راح يسهل الامر بس

كيف السكربت سهل والا صعب تدري كيف خليني اشوف الملف المساعد بعدين اسئل اذا سهل والا صعب
لا سهلة جدا
خاصتأ اذا فتحت ملاف المبرمجين)

هذا الملف تو كتبته (نسخته مع التعديل من احد المبرمجين)

الفكرة انه يصيد حدث event القتل بالسكين ويكتب على الشاشة kinfe test اذا صار
باقي اضي قائمة العقاب واربطها بال chekin :D





#include <amxmod>

public plugin_init() {
register_plugin("KnifePunish","0.1","SanDan")
register_event("DeathMsg","DeathMsg","a","4&kni")
return PLUGIN_CONTINUE
}

public DeathMsg(id){

new victim
new killer
new bool:enemykill

/* These are sent by the game in the DeathMsg event */
killer = read_data(1);
victim = read_data(2);

/* Make sure its not Team Kill */
enemykill = (get_user_team(killer) != get_user_team(victim))
if (!enemykill) return PLUGIN_CONTINUE

new killer_name[33], victim_name[33]

get_user_name(killer,killer_name,32)
get_user_name(victim,victim_name,32)

set_hudmessage(200, 100, 0, -1.0, 0.30, 0, 6.0, 6.0, 0.5, 0.15, 1)
show_hudmessage(0,"Kinfe test!!!",killer_name, victim_name)

return PLUGIN_CONTINUE
}

public plugin_precache()
{
//precache_sound("misc/humiliation.wav") /* normal knifekill sound */
return PLUGIN_CONTINUE
}

[SanDan]

قدرت اجرب السككربت على السيرفر
ولأظافة كتم الصوت للظحية اظطريت لعمل upgrade لل amx الى النسخة 0.9.9

انطباعي عن البرمجة انها سهلة جدا (وممتعة) لكن العلة في معرفة كيف يعمل محرك half life والمود اللي بتكتب له في تراسل ال events

لكن الصراحة فلة!

[خير السماء]

السلام عليكم و رحمة الله و بركاته
أنا توني يديد على السيرفرات
أريد أركب الحين مودات و شوي شوي نطور إن شاء الله
الحين نزلت
AMX Mod for Steam:
AMX Mod 0.9.9 - Windows (http://amxmod.net/dl.php?file=amx-0.9.9-steam.zip)
الحين بحاول أركبه و أشوف شكله
إذا ضعت برجعلكم إن شاء الله :)

[Dremo]

عليك مخ يا سندان p:

انا اقدر اساعدك كثير وانا عندي موقع في ملاااااييين السكربتات اضن هذا هو الرابط اذا خطأ بعطيك رابط اخر

www.csscript.net (http://www.csscript.net)

[Dremo]

هذا هو الرابط الصحيح

http://dynamic4.gamespy.com/~counter-script/index.php

[empires]

سؤال sandan

أنا عندي network هل اقدر اسوي سيرفر؟؟!

ما اقصد سيرفر في ال network اقصد في الإنترنت !

[خير السماء]

السلام عليكم و رحمة الله و بركاته
ركبت الamx mod الحين
بس ما فيه الأشياء اللي كنت أريدها
أنا بغيت أسوي تقريباً نفس السيرفر السعودي(سيرفرك)
ما بغيت كل الأشياء
بس كنت أريد معاقبة اللي يقتل ربيعه
و إذا واحد ما تحرك فترة ينقص من دمه لين يموت
و طريقة الأصوات لما يصير شي مثل headshot
إذا ممكن تشرحلي شو المودات اللي أحتاجها و وين أقدر اييبها أكون ممنون لك
و السلام عليكم

[SanDan]

هذا هو الرابط الصحيح

http://dynamic4.gamespy.com/~counter-script/index.php
الموضوع هذا عن سكربتات على السيرفر نفسة لتغيير او الأضافة على اللعبة.
الموقع اللي انت حاط اغلبة سركبتات على الكلاينت (اللعبة االي تشبك فيه على السيرفر)

على فكرة انا اعتبر استخدام هذا النوع من السكربتات غش. يعني اذا بظغطت زر تلف على الخصم وترميه بكل الأسلحة اللي عندك, كلها بظغطت زر وحدة من اللي يلعب انت ولا الكمبيوتر؟ :33:


خير السماء

لاضافة هذه الأشياء يبيلك تركب Plugins وممكن modules بعد لل amx mod 0.9.9
تلقاها في الموقع www.amxmod.net

empires
هذا الموضوع عن برمجة سكربتات لل amx mod ارجو قصر الردود هنا علي هذا الموضوع بس.

[خير السماء]

السلام عليكم و رحمة الله و بركاته
مشكور على التوضيح
حمستني زيادة عن اللزوم رحت خربت اللعبة :17:
أنا ركبت الأشياء التالية
halflife-admin-2.50.60-win.zip
chickenmod-1.0.5.1.zip
HTB_v0[1].3.zip
amx_atac.zip
head_shot_locational_announcer.zip
بالاضافة إلى الamx
أمس كنت بس حاط amx كان شغال عادي
اليوم حطيت هذيله ما قمت أقدر أدش اللعبة
أقدر أدش الصفحة الرئيسية بس لما أريد أسوي سيرفر أو أدش على سيرفر يسكر اللعبة علي و ما يطلعلي لا error ولا شي
بس تتسكر اللعبة
أنا حطيت الملفات حسب ما هو مكتوب في الملفات الموجودة معاها
هل في نقطة لازم أسويها غير المكتوبين ؟؟:06:

[خير السماء]

خلاص حليت المشكلة و الحمدلله
العلة كانت في الshortcut
حيث إنه تغير شوي لأني أمس سويت سيرفر باستخدام الستيم نفسه
و راح غير على الشورت كت
الحين شغال و الحمدلله
كل شي شغال بس باقي الدياية :)

[SanDan]

خلاص حليت المشكلة و الحمدلله
العلة كانت في الshortcut
حيث إنه تغير شوي لأني أمس سويت سيرفر باستخدام الستيم نفسه
و راح غير على الشورت كت
الحين شغال و الحمدلله
كل شي شغال بس باقي الدياية :)

الدجاجة تشبك مع ال metamod مو مع ال amx mod
تقدر تكتب سكربتات تتعامل معها من ال amx mod

او ماتشغل السيرفر رح لل CONSOLE واكتب
meta list لازم small

بيعرضلك اذا كانت chekin mod شغالة

بالنسبة للسكربتات حقت ال amx mod اكتب
amx list

حط صورة ان حبيت؟

[البوعينين499]

السلام عليكم

يااخ سان دان اذا حملت ملف الهيد شوت اللي اذا ضربت واحد يطلع صوت هيدشوت ممكن تعطيني المسار اللي احطه فيه ؟

ولك جزيل الشكر

[SanDan]

السلام عليكم

يااخ سان دان اذا حملت ملف الهيد شوت اللي اذا ضربت واحد يطلع صوت هيدشوت ممكن تعطيني المسار اللي احطه فيه ؟

ولك جزيل الشكر
سؤالك غير واضح
اي سكبرت لل amx بتلقى شرح عن كيفية تركيبه يجي معه.
عطنا اسم السكربت على الأقل؟

[البوعينين499]

هلا اخوي سان دان قصدي سكربت الدجاجه واللي يعطيك مثلا الترحيب فيك في السيرفر وانا افقت واحد ابي اعرف المسار اللي احطه فيه.
ويعطيك العافيه

[خير السماء]

السلام عليكم و رحمة الله و بركاته
سؤالي عن الadminmod
(إذا مب لازم يكون في هذا الموضوع ما عندي مانع أحطه في موضوع مستقل)
الحين لما أريد أثبته
هو يحدد مكان اللعبة بروحه
بس اللي عندي أنا نسخة مب أصلية
نزلتها من موقعك بس ركبت عليها ستيم (شغال عدل)
الحين شو المغزى من هذا الكلام
لما أريد أثبته يعطيني سيرفر ستيم dedicated server
أنا ما أريد أستخدم هذا السيرفر
أريد الطريقة العادية عن طريق اللعبة بعدين sv_lan 0 في الconsole
حاولت أثبته بإني أحط مسار الملف hl.exe
ما نفع
حاولت مع hlds.exe
بعد ما نفع
أنا ما أريد أحطه على سيرفر الستيم لأنه ذاك السيرفر ما قدرت أشغل فيه الmetamod
مع إني حطيت السكربت فيه بس يقولي إنه مب قادر يحصل الملف في المسار الفلاني مع إنه المسار صحيح بس هو شكله عمي ما يشوف زين :)
يعطيني إرور
Host_error:couldn't get DLL API from .\cstrike\addon\metamod\dlls\metamod.dll!
ملف الستيم موجود داخل valve في نفس المكان الموجود فيه ملف cstrike
أنا مب متأكد إذا النقطة تعني خطوة لورى في تحديد المسار
لما أشغله عن طريق اللعبة (new game)
يكون المود عادي شغال
بس عن طريق ستيم ما يشتغل
أنا أريد بالقليل جواب واحد :)
كيف أشغل metamod على سيرفر ستيم dedicated server
أو
كيف أركب adminmod على السيرفر العادي
و السلام عليكم

[خير السماء]

السلام عليكم و رحمة الله و بركاته
آخر الأخبار
عرفت أشغل metamod على dedicated server
الطريقة هي إني حطيت ملف addon داخل فولدر ستيم حيث إني وجدت ملف cstrike خاص بستيم داخله
الحين بجرب أركب أدمن مود على هذا السيرفر
لو في طريقة أركبها على السيرفر العادي أكون ممنون لك لو خبرتني عنها
و السلام عليكم
(آسف لكثرة الأسئلة - توقع المزيد من الأسئلة قريباً إن شاء الله:p)

[SanDan]

ليه تركب admin mod وانت مركب amx mod???
كلهم يسوون نفس الشغل تقريبا.

[خير السماء]

أحتاج أدمن مود عشان أشغل plugin الدياية
مكتوب في المطلوبات هذا المود بالذات
ممم
ما جربت أشغله بالamxmod
ليش
ما فكرت في هذا الأمر وقته
بس الحين خلاص ركبته
عرفت أركبه على السيرفر العادي
سويت الطريقة اليدوية :)
الحين باقي شي واحد:33:
ما نجحت في إني أسوي روحي أدمن على هذا المود adminmod
حطيت اللي طلبوه مني
المشكلة إني مخربط في الباسوورد المطلوب
هل هذا الباسوورد هو نفسه set_infopw اللي استخدمناه عشان ندخل السيرفر السعودي ؟؟
ولا هذا واحد ثاني
بتم أحاول معاه إن شاء الله لين يضبط أو أخرب المود و اللعبة و عقبال الكمبيوتر يخترب:p
<==خطر على سلامة الكمبيوترات
أنا بقولك شو سويت أنا
فتحت ملف users.ini الخاص بالمود
و حطيت هذا الكلام
STEAM_0:0:4269380::131071
STEAM_0:0:4269380 هذا هو إشتراك الستيم steamID
:: هو مكان الباسوورد أنا حاطنه فاضي لأني ما حاط باسوورد حسب علمي
131071 هو مقدرة هذا الشخص على استخدام أي من الأكواد
أنا حاط حقي كل الأكواد طبعاً :)
بس شكله غلط لأنه ما يعتبرني أدمن للحين
على الamxmod كان سهل لأنه شرح بصور كامل
أما هني فالكلام ما تفهمله
مب مشكلة بحاول مرة ثانية إن شاء الله
إذا تعرف الطريقة يا ريت لو تخبرني:D

[خير السماء]

أووووه شكله شي تضارب بين المودين
لما أكتب nextmap
كل مود يقول خريطة شكل
واحد يقول de_aztec
و الثاني يقول de_dust
الحين أصدق أي واحد فيهم ؟؟
للحين ما جربت إذا يتسكر السيرفر ولا أي مود يغلب الثاني و يحط خريطته لأنه قبل لا يخلص الوقت بثلاث دقايق يشتغل vote و اللي يلعبون يختارون الخريطة
ما أدري إذا أكثر من مود يخرب السيرفر أو يصير تضارب بينهم ولا عادي يمشي الحال
(ملاحظة:يا ريت لو باقي الأعضاء ما يتحرون إنه الموضوع خاص فيني أنا و ساندان و يشاركون معانا لأني ما أشوف حد غيري خخخخخخ:D )

[SanDan]

خير السماء افهمها بالشكل هذا
فكرة السكربتات هذي كلها مبنية على الاتصال بال METAMOD
يعني ال AMX MOD وال ADMIN MOD كلها تطبيقات تستخدم خصائص ال META MOD

http://metamod.org/


http://metamod.org/plugins.html

الMETA MOD برنامج (DLL بالأصح) تحمل نفسها بدل DLL اللعبة. ويقوم بالتحكم بكيفية عمل محرك اللعبة. يعني هاك على مستوى قوي اوي اوي.

المود حق الدياية على قولتك (دجاجة) مود يرتبط بال META MOD على طول
http://djeyl.net/chickenmod.php?lang=en

لكن الصفحة اللي فوق اوردت ذكر ADMIN MOD لنه واحد كتب سكربت لل ADMIN يسهل استخدام الدياي.

انا على سيرفري ما ركبت ال ADMIN MOD
مركب AMX MOD
ومركب ال ChickenMod
اقدر انفذ امر تحويل اللاعب الى دياية مباشرة عن طريق الأمر
c_chicken
وارجعة بامر
c_uchicken

وكتبت سكربت لل AMX MOD يخلي اللي يذبح بالسكين يقدر يخلي الضحية دياية الجولة القادمة بدون استخدام ADMIN MOD
نصيحتي ركز على واحد منهم بس يا AMX MOD او ADMIN MOD

[البوعينين499]

السلام عليكم

اخوي خير السماء ممكن تعلمني كيف اركب المود بالخطوات مثل مود الدجاجه والتصويت لختيار الخريطه وغيرهم لاني تعبت وانا ادور طريقه موب عارف ياليت تسوي خير وتشرح لنا الطريقه



وجزاكم الله الف خير انت والاخ سان دان صاحب الموضوع

تحياتي

[foxhourz]

واضم صوتي لصوت الأخ يا ليت حد يشرحلنا الطريقة كاملة

وشكرا

[خير السماء]

تصدق أنا كنت أفكر فيها بهذا الشكل من أمس بعد ما سكرت الكمبيوتر و سرت أرقد:)
طول الوقت أفكر فيها
حتى في المدرسة أول حصتين أو ثلاث يمكن أنا أفكر بعيييييد عن اللي يشرحه الأستاذ :)
بس زين إنه شوي هني و شوي هني تفكيرنا عشان إذا الأستاذ سألني أجاوبه ما أتفشل :p
الحين بشيل الأدمن مود (إن شاء الله يكون سهل مب مثل تركيبه:أفكر: )و بجرب أشغله بالamxmod
أنا عندي سؤال إنزين
الحين كيف أقدر أقرى السكربتات اللي داخل الملف amx
أقصد الصيغة مب المود
مثلاً plugin الheadshot
هذا اللي يطلع صوت في المكان اللي صار فيه هيد شوت
أريد أشوف تركيبه عشان أعرف شو هو الملف الصوتي اللي هو يستخدمه عشان مثلاً لو بغيت أغير الصوت أقدر أبدل الملف أو أغير اتجاه السكربت:)
و سؤال ثاني
الأصوات هل تنرفع بروحها نفس طريقة الخرايط ولا أحتاج لplugin عشان يرفع الأصوات
و سؤال ثالث أخير للحين(لهذا الرد مب اليوم:p)
ملفات الwad
هل فيه طريقة إني أخلي ملف الwad ينرفع مع الخريطة عبر السيرفر للي يريد يلعب في خريطة تحتاج ملف wad غير موجود عنده
مثل خريطة cs_thunder في السيرفر السعودي تحتاج لملف wad غير موجود
و السلام عليكم
(برجع للموضوع بعد ما أعدل شوي على المود عشان أرد على الباقي لأني متحمس زيادة عن اللزوم :))

[خير السماء]

ضبط و الحمدلله
بالنسبة للي طلبوا شرح لتركيب المود
حالياً ما عندي شرح عدل من عندي
عندي الموقع الخاص للمود (أخذته من ساندان للأمانة)
http://amxmod.net/doc/
فيه شرح حلو
اللغة المستخدمة هي الإنقليزية
لو تبون عربي و مستعيلين عندي تسجيل لمحادثة صارت بالمسنجر كنت أشرح فيها لإثنين كيف يركبون المود هذا amxmod
كل ما في الأمر إني كنت أترجم من الموقع يعني مب من عندي اللي مكتوب :)
أفكر أسوي قريب موضوع عن كيف تلعب كاونتر سترايك على سيرفرات ستيم و كيف تسوي سيرفر في كاونتر سترايك و كيف تضيف عليه مودات كله في موضوع واحد إن شاء الله بس يباله شغل عدل :)
إذا تنتظرون أسوي الموضوع على راحتكم أو إذا يكفيكم الموقع بعد على راحتكم و إذا تبون التسجيل للمحادثة ما عندي مانع :)
والسلام عليكم
(ما أدري ساندان شو يقول بس هذا من طرفي أنا :))

[خير السماء]

سؤال زيادة
شو هو الplugin اللي استخدمته لتعديل الفريق ؟؟
يعني إذا فريق أقوى عن الثاني يجري بعض التعديلات
أنا اللي حصلته بس بنقل واحد بدون ما يبدله مع واحد ثانية
جذي يستوي إذا كانوا أربع يلعبون يصير ثلاثة على واحد
بعدين يروح يقول هذاك الفريق ضعيف و يبدل مرة ثانية و ما نكون استفدنا شي:أفكر:

[البوعينين499]

السلام عليكم
يعطيك العافيه اخوي خير السماء مشكور على الموقع ايضا اللي فيه دروس بس للاسف دخلته مافهمت الا
20% واذا انت تشوف انا المحادثه فيها الشرح الواضح اللي ينفعنا اللي تشوفه انت بس انشاء الله نلقى
شرح بالعربي عن طريقة تركيب المود من البدايه الى النهايه

تحياتي

[SanDan]

انا استخدم (دليل و مجلد لنفس المعنى FOLDER)

بلانسبة لملفات ال AMX فهي ملفا ت التشغيل للسكربت.
محتوى السكربت (الكود) تلقاه في ملف SMA بنفس الأسم في العادة. تقدر تلقى محتوى ال pLUGINS اللي جي مع ال amx mod في دليل
C:\Program Files\Valve\cstrike\addons\amx\examples\source

انسخ اي سكربت جديد من الموقع. او اكتبه انت :) وحطه في ملف SMA وحطه في الدليل اللي فوق
رح لدليل ال
C:\Program Files\Valve\cstrike\addons\amx\examples

وشغل ال BATCH FILE اللي اسمه COMPILE وهو بيحاول يحول الملفات من لغة السكربت الى ملفات تشغيلية بتلقاها هنا اذا نجحت العملية. اذا لقا اخطاء بيعطيك error.
C:\Program Files\Valve\cstrike\addons\amx\examples\compiled

انسخ ملفك بعد ال COMPILE وحطة في مجلد ال
C:\Program Files\Valve\cstrike\addons\amx\plugins

واضف اسمه زي اي PLUGIN ثانية في ملف ال PLUGINS.INI في مجلد
C:\Program Files\Valve\cstrike\addons\amx\config
-=-=-
رفع الأصوات تقصد به تحميلها الى جهاز الاعب؟ هي تتحمل على طول. لأن السكربتات تقول للسيرفر pre cache الأصوات فا السيرفر يقوم بارسالها للاعبين اذا ماهيب عندهم.
-=-=-
بالنسبة لل wad مادري عنه. مره ينرفع ومرة لا. فماقدر اجزم لك.
-=-=-=

تسوية الفريقين اسمه PTB
http://djeyl.net/forum/index.php?showtopic=24903
-=-=-=-

خير السماء
اذا كنت بتكتب طريقة التركيب ياليت تحط صور في موضوعك لأن فيه ناس حتى العربي عنهدم صعوبة في فهمه. ولازم يشوفها بالصورة علىشان يفهم. :shock22:

[البوعينين499]

السلام عليكم
يااخ سان ادن انت ذكرت المسار

C:\Program Files\Valve\cstrike\addons\amx\examples\source

ملف addons والى اخر المسار هذا احنا نضيفه والا هو موجود من الاصل

ننتظر الشرح بافارغ الصبر

وعلى فكره انا انشأت اختصار لملف الhlds على سطح المكتب وبعدين اضفت اليه الجمله اللي احطها في خانة الهدف اللي فيها game+maxplayer-2037 مو ذاكرها علشان اسوي سيرفر وبعدين شغلت السيرفر وقلت لواحد من اصحابي ان يدخل عليه قالي ان السيرفر مايظهر عنده يعني كأن السيرفر ماله وجود بس انا اللي اقدر ادخله شو المشكله ؟؟؟؟؟؟؟؟؟؟؟؟؟؟؟؟؟؟؟؟؟
مادري؟؟؟؟؟؟؟
انشاء الله يشرح لنا الاخ خير السماء طريقة عمل السيرفر بالكامل وارجوا اذا في ملفات نركبها ان يكتب المسار لاني ماعرف وين احطهم

ويعطيكم العافيه.

يمكن ازعجتكم اشوي اسسسسسسسسسسسسسسسف:jester:

[خير السماء]

السلام عليكم و رحمة الله و بركاته
إنت فهمتني نوعاً ما غلط يا ساندان
أنا كنت أقصد
كيف أقدر أقرى ملف الplugin
يعني أريد أفتحه
ما قدرت أفتحه ببرنامج الnotepad
يطلعلي لغة غير مفهومة كلها رموز
بس صراحة استفدت من عدم فهمك لسؤالي:D
الحين يعني لو إختربوا أو ضاعوا لا سمح الله ملفات الamx هذي أقدر أسويها من ملفات الsma اللي تكون موجودة معاهم
مشكور على المعلومة هذي
أنا كنت أشوف هذي الملفات مع البجات بس ما كنت أدري شو فايدتهم
الحين اللي أنا كنت أريد أعرفه
كيف أقدر أعدل على السكربتات ؟؟
لحظة لحظة
المثال اللي عندي اتضح إنه ما يخصه في الموضوع :)
مب مهم
أنا سؤالي يقول كيف أقدر أشوف السكربت ككتابه و مب كملف amx
ملف الamx هل شي طريقة إني أفتحه ؟؟(أفتحه للتعديل مب للتشغيل:))
بالنسبة للشرح ترى الشرح اللي عندي الحين يمكن يكون مب مفهوم و تتحروني مينون إذا قريتوه لأنه الطرف الثاني كان يتكلم بالصوت و أنا أرد عليه كتابة:D
فبتشوفون كلام غريب خخخخخ
أحسن شي أقول لو أسوي موضوع شامل إن شاء الله بيفيدكم بس ترى هذا مب وعد لأنه يمكن ما ألحق أسويه بسبب الظروف:)
بالنسبة لتعديل ملف hlds
فأنا ما جربت هذي الطريقة
كل ما في الأمر إني أركب ستيم أول شي (حتى لو كانت اللعبة غير أصلية -مثل اللي عندي- :D)و بعدين إما أشغل اللعبة من ستيم أو أسوي new game و أشيل الحظر المحطوط عن إنه يكون بس للنت وورك هذا السيرفر
sv_lan 0
تكتبونه في الconsole

[البوعينين499]

السلام عليكم

ياشباب انا موب عارف وش سالفة السيرفر اللي انا مسويه انا سويت السيرفر على طريقة الاخ ساندان

اللي ذكرها في احد المواضيع السابقه بس الظاهر هو ماكمل الموضوع (مشغووول)

انا كل اللي اعرفه انا نقوم بعمل نسخه لملف الhlds وبعدين نحطه على سطح المكتب ونضيف عليه في خانة الهدف جمله

ونشغل السيرفر وبعدين شالسالفه ارجوا الاخ ساندان يرد علينا علشان احنا متشويقن للتركيب المودات على سيرفراتنا (انا لين الحين ماعرفت اركب المود:17: )


ياأخ خير السماء انت السيرفر اللي عامله تقدر تلعب مع اصحابك والا ماتقدر؟

.........اتمنى المساعده......
تحياتي.

[خير السماء]

السلام عليكم و رحمة الله و بركاته
هييه يكون شغال على الانترنت
أي واحد من أي مكان يقدر يدش
بس بالنسبة لسيرفري ما أقدر أستقبل أكثر من أربعه من الانترنت
يعني أكثر شي يوصل سيرفري 6 لاعبين بينهم أنا و أخوي لأنه على نت وورك منزلي
هذا هو الآي بي (المؤقت) لليوم
217.164.80.173:27015
يمكن تحتاج ستيم عشان تدخله ما أدري مب متأكد للحين
بالمناسبة
هل فيه طريقة لتخفيف التعليق عشان أقدر أستقبل لاعبين زيادة ؟؟
و كيف ....
مممممممممممم
شو كان السؤال :S
نسيته !!
:06:
برجعلكم لما أذكره إن شاء الله:أفكر:

[البوعينين499]

السلام عليكم
اخوي خير السماء اتمنى انك ماترد طلبي .....ز:p
ممكن تعلمني كيف اسوي سيرفر والعب مع اصدقائي على الانتر نت وانا ماعندي الا ثلاثه يلعبون كاونتر بالعب معاهم يعني مو اكثر من سته مع العلم ان عندي اديسل 530 kb يعني ممتاز .....

انتظر ردك بفارغ الصبر

اخوك البوعينين499

[empires]

السلام عليكم
اخوي خير السماء اتمنى انك ماترد طلبي .....ز:p
ممكن تعلمني كيف اسوي سيرفر والعب مع اصدقائي على الانتر نت وانا ماعندي الا ثلاثه يلعبون كاونتر بالعب معاهم يعني مو اكثر من سته مع العلم ان عندي اديسل 530 kb يعني ممتاز .....

انتظر ردك بفارغ الصبر

اخوك البوعينين499

"C:\Program Files\Valve\hlds.exe" -console -game cstrike -insecure
+port 27016 +maxplayers 20 -nomaster +sv_lan 0 +map de_dust


:08:

[empires]

http://www.whatismyip.com/

[البوعينين499]

السلام عليكم

اخوي empirs مشكور على الرد انا فاهم اني اسوي شورت كات (انشاء اختصار) للملف hlds وبعدين اضيف عليه

-console -game cstrike -insecure
+port 27016 +maxplayers 20 -nomaster +sv_lan 0 +map de_dust

في خانة التارغيت او الهدف بعدين اشغل السيرفر بس محد يقدر يدخل عليه غيري انا
قلت مادام اخوي خير السماء مسوي سيرفر ويقدر يدخل عليه هو واصحابه يعلمنا الطريقه الصحيحه
لاني انا متأكد ان سيرفري ناقصه شي يمكن ملف؟ او غيره؟ الله اعلم

اشكرك اخوي امبيرس مره اخرى وانشاء الله يحطلنا الاخ خير السماء الشرح لانشاء سيرفر

تحياتي.

[empires]

أممم .. شنو الخطأ؟؟

ويبي لك كراك الي هو ملف swds.dll تستبدله بواحد ثاني..

بعدين ادخل الموقع وانسخ الايبي وحط بعده
:27016
يعني مثلاً

193.188.97.152:27016

[البوعينين499]

السلام عليكم

الكراك من وين احصله ؟

والسيرفر يعطيني اي بي يعني يعني ماستخدم اي بي السيرفر؟



يعطيك العافيه.:jester:

[خير السماء]

تذكير:الموضوع لمناقشة برمجة الكاونتر سترايك من مودات و إلى ما غير ذلك و ليس للسيرفرات :)
يمكن نكون إنجرفنا مع التيار ولكن رجاءً دعونا نعود لموضوع الحديث الأصلي
يمكن فتح موضوع ثاني مستقل خاص بسيرفرات اللعبة
و السلام عليكم(لا إهانة)

[البوعينين499]

السلام عليكم
اسفين اذا غيرنا الموضوع
بس حبيت اعرف الطريقه اللي اقدر اسوي فيها سيرفر العب فيه عبر الانترنت صحيح اني مصختها شوي
والله لاني شفت الموضوع يشمل طرق انشاء السيرفر وطرق تركيب المودات وانشاء الله بنرجع حق الموضوع الاصلي .
;)

[البوعينين499]

اخر سؤال بالنسبه للنشاء السيرفر ممكن حد يحط متطلبات السيرفر مثل الكراك وطريقة تركيبه ومن وين اقدر احصل على لاي بي مال سيرفر عشان يدخلون على اصحابي



تحياتي.

[empires]

شوف الموقع..

http://www.ladt.us/servers/hldsCStrike.htm
How to setup a non-Steam Counter-Strike server

[البوعينين499]

مشكور اخوي امباير على الجهد اللي تبذله بس انا مو لذيك الدرجه في اللغه الانجليزيه مالي الا ان انتظر شرح الاخ خير السماء:o

والله قريت الموضوع اللي في الموقع اكثر من مره بس مو فاهم شالسالفه على العموم ماقصرت ويعطيك العافيه

[د.محمد]

السلام عليكم ورحمة الله وبركاتهيسرني المشاركه في هذا المنتدى الرائع (الزبده):09:

انا حبيت اساهم بمساعده للاخوان انا دراستي لغات البرمجه c++ وغيرها وشفت الموضوع عن السكريبتات قلت اساعدكم فيه وانا كنت العب قبل دراستي في الجامعه كاونتر سترايك وانا الحين حبيت ارجع لها المهم اي سؤال في البرمجه انا حاضر.
تحياتي. د.محمد

شباب اتمنى انكم ماتردوني انا اتمنى انكم تعلموني طريقة انشاء سيرفر علشان العب فيه على الانترنت انا وزميلي انتظرك ياأخ سان دان وياأخ خير السماء لاني لما قريت الموضوع لاحظت ان عندكم خبره في هالشي
واتمنى ان يكون بدون ستيم steam
تقبلوا خالص الشكر والاحترام.

[البوعينين499]

السلام عليكم

يا د.محمد مشكور على المساهمه في الموضوع

طريقة انشاء سيرفر هي انك تنشئ اختصار لhlds وبعدين تضيف عليه الجمله اللي ذكرها الاخ امباير في خانة الهدف.؟؟
للاسف هذا كل اللي اعرفه اتمنى ان احد الاخوان يشرح لنا الطريقه كامله

[د.محمد]

السلام عليكم

اخوي البوعينين499 مشكور على الشرح

انا سويت الاختصار على سطح المكتب وبعدين اضفت عليه الجمله


-console -game cstrike -insecure
port 27016 +maxplayers 20 -nomaster +sv_lan 0 +map de_dust

وشغلت السيرفر وقلت لصحابي يدخل

انتظرته والا الربع ساعه بعدين قالي ان مايظهر له شي يعني (السيرفر غير موجود)

ممكن شرح من احد الاخوان اللي يعرفون الطريق المثاليه

انتظر استفساراتكم بشأن البرمجه بلغ:17: ة السكريبتات

[البوعينين499]

السلام عليكم
د.محمد
هاذي نفس مشكلتي اللي اعاني منها ويمكن يعاني منها اغلبية اللي حاولوا انهم يسون سيرفر

:p ننتظر شرحك ياأخ (خير السماء)بفارغ الصبر

;) وانا حاس ان المشكله في (firewall)هو اللي معطل السيرفرات اللي ينسويها لو عرفت اشلون اعطل الفايروول باجرب اقول حق صديقي يخش معاي السيرفر وانشاء الله تضبط السالفه


خير السماء ننتظررررررررررررررررك.

ارجوك لاتقطع الموضوع.:( وتروح ساعدنا

تحياتي

[خير السماء]

السلام عليكم و رحمة الله و بركاته
افتح الconsole بعد ما تسوي السيرفر
و شوف ثاني سطر على طول
بتحصل ip السيرفر
عطه حق ربيعك و خله يضيفه في المفضلة (في اللعبة)
إذا ما قدر يضيفه يعني المشكلة من الحماية
افتح البورت 27015
إلا في حال إنت كنت مغيرنها مثل اللي حاطنها أخونا محمد 27016
و السلام عليكم

[البوعينين499]

السلام عليكم

اخوي خير السماء اسمحلنا تعبناك معانا بس يعني اشلون افتح البورت؟
اشرحلي هالنقطه من فضلك

وجزاك الله الف خير.:D

[البوعينين499]

اه نسيت شي

اخوي خير السماء ماعليك امر ممكن ترفق الكراك (swds.dll) وتحط المسار اللي نحطه فيه.


يعطيك العافيه.:biggthump

[د.محمد]

السلام عليكم

مشكور اخوي خير السماء

والله ياريت توضح النقطه اشلون افتح البورت وكيف احل مشكلة الحمايه؟



وياريت ترفق الكراك زي اللي عندك في ملف مضغوط



(اسمح لنا تعبناك)

اذا عندك اي سؤال بخصوص amx او c++ حاضر بس ترى ماعندي خبر اشلون اركبه بس عندي خبر اشلون ابرمج (تخصصي) ههههههههههه

يعطيك العافيه.:wow:

[البوعينين499]

السلام عليكم

اخوي خير السماء هاذي شاشة السيرفر حقي شوفها يمكن تعرف شالمشكله

[خير السماء]

master server comunication disabled
أعتقد من هني المشكلة
إنت سو اللي قلتلك عنه
عط ربيعك الآي بي للغرفة و خله يجرب إنه يضيفه في المفضلة عنده
طريقة فتح البورت تختلف من مودم لمودم
لحظة بشوفلكم موقع شفته قبل كم يوم
http://www.portforward.com/routers.htm
عندك مودمات حتى الإشباع :)
تذكير:الموضوع مب للسيرفرات أتمنى فتح موضوع يديد;)
---
بالنسبة للكراك أنا ما حطيت ملف معين
عشان جذي أنا ما أريد أشرح طريقة السيرفر قبل لا أشرح كيف تلعب على سيرفرات ستيم
يعني أريد أمشي بخطوات مثل خطواتي قبل ما بديت أسوي سيرفر عشان لا يكون في شي طوفته :)

[د.محمد]

السلام عليكم
اخوي خير السماء ماقصرت بس ممكن تقولي بعد كم يوم ممكن تبدأ الشرح
(الظاهر عندك اختبارت الله يوفقك)

المهم ننتظر شرحك الكامل وانا باحول ادخل المنتدى لان عندي ظروف بسبب الجامعه

انتظرك على احر من الجمر ياأخ خير السماء

تقبلوا تحياتي:icon6:

[البوعينين499]

السلام عليكم

اخوي خير السماء انا عطيت ربعي الاي بي قالوا ان مايطلع عندهم اي حاجه

وفتح البورت كيف يكون يعني شو فايدة الموقع اللي عطيتنا اياه اسوي داون لود حق اي واحد والا لازم شي محدد

المهم ننتظر شرحك



يعطيك العافيه.;)
:D :D :D

[البوعينين499]

السلام عليكم

اخوي خير السماء انا المودم حقي هذا نوعه وانشاء الله تحطلي اي واحد انزل من الموقع اللي حطيته
http://www.portforward.com/routers.htm

مكتوب عليه THOMASON SPEED TOUCH 330 سرعته 288 كيلو بايت في الثانيه
سرعة الاتصال عندي

وعندي مودم ثاني نفس الاسم (ثوماسون) بس سرعة الاتصال 530 كيلو بايت في الثانيه

شو المطلوب مني من هالموقع
http://www.portforward.com/routers.htm
اسف لاني كثرت من الاسئله الخارجه عن الموضوع بس حبيت اقول ان اذا شرحت لنا طريقة انشاء السيرفر لاتنسى توضح لنا هالنقاط الله لايهينك

جزاك الله الف خير

تحياتي:)

[البوعينين499]

السلام عليكم

شباب عندي سؤالين
1- اشلون اقدر اشغل ال(اي ام اكس)مع البوت يعني لما اشغل المود واضيف بوتات محد يدخل ولما اشيله واضيف بوت يدخلون؟

2-ممكن حد يتكرم ويشرحلي بطريقه سريعه كيف اركب الpluigns لاني نزلت اكثر من واحد من:
www.amxmod.com (http://www.amxmod.com)
وماعرفت المسارات اللي احط فيها الملفات
(كل ملف مضغوط انزله القى فيه تقريبا ثلاث مرفقات) (amx file -sma file-readme.text)

وين احط كل ملف ؟

وتحياتي.