المساعد الشخصي الرقمي

مشاهدة النسخة كاملة : سعابيل مصرقع


مصرقع اس اس
30-09-2004, 02:52 AM
بسم الله والصلاة على رسول الله




اما بعد <<< احس اني لابس بشت

سيكم بالخار حيالله كلن بيوزره

المشكله لاصار حاجتك بيدين البخيل :bigeyes:











في يوم من الأيام البايخه الي زي الايام الباقيه زي قلتها :D وتوني صاحي من النوم مفجوع احسب السقف يخر من المطر

ولا احد كاب على وايت مويه مادريت اني غرقان بسعابيلي ابتداء بالمخده وانتهائ بصالة الحريم الدور الارضي

<<<< تكفي يالي ساكن في ناطحه :biggthump كسرو علي اهلي الباب ودخلو يحسبوني ميت سمعو صوتي وانا اصايح

والاطم امواج السعابيل واصرخ بصوت شديد (هيلب مي) :p دخل علي ابوي وقعد يشوتني

وامي تهاوشه تقول لاتعقد الولد يامناحي قال رجال كبر الحمار سعابيله تخرخر علينا شارع بيتنا

صار شارع تجاري كله سباكين بسبتك يالثور انت وهالغدد البايخه ركب لك عوامه وفكنا باللحجي


طبعا انا ساكت له لانه يمون وبينا عيش وملح فماودي اقلب عليه لاني انا الخسران بالنهايه ومادريت الى اخوي









الصغير جايب له سناره وسطل وكرسي بلاستك ومتكي عند الباب يحسب انه في بحر الله العالم ماينلام والله

من كثر السعابيل واخوي الكبير مستغل الموقف وقاعد يصور بجواله ويقول عمك من الابطال عيال مين :D

وانسرق من بينهم واقوم والبس صريوييلي وفنيلتي

(ترا الحوار الي فوق كله وانا مفصخ ) وانا منتعود من كثر مايمر علي هالموقف مبزرة الحاره يتجمعون في غرفتي والعالم

والتلفزيون السعودي والسي ان ان والبي بي سي والسارس <<< وشي ذي :p

متعود الملم شتاتي واطلع من البيت والحاره كلها ما ارجع الى اخر الليل















دقيت سلف الدتسن حقي (غماره 98) نسافات بلاستيك تتكسر ترى لاحد يشتريه

طالع ما ادري وين قرنبعي بينطلني:D ماوعيت الى انا في شارع الحمرا في دبي (قويه صح ماتمشي)

خلوها اجل على الدايري وماشي مكيم على الدايري وماسك سيد الطوارئ ومشغل رضا عبدالله بعدك حبيبي:17:

وقاعد افكر في نفسي وفي حضي المتنكس والمسجل مقروش امي كل شوي يقول طق طق طق





وكسرت ظهري هالمرتبه

نصيحه:- تبي مرتك تالد بسرعه ركبها وهي في الشهر السابع اي دتسن ويستحسن يكون غماره وخذ فيها لفتين

بشوارع السويدي ويستحسن لو تخليها تسوق في البر عشان تحرك جميع عضلات الجسم

مع التعشيق وتحريك اليدين والكلتش عشان تورم رجلها اليسار

والي يبي خويته تصقط يركبها وهي في بدايات حملها ورب الكعبه لفتين بس تلقى الورع محضر عند الرجلين :D















المهم نرجع لناقة حديثنا وانا افكر في حضي الردي ومشكلة سعابيلي وادعي على امي :vereymad: تقولون ليه تدعي على امك ؟؟

بلاكم ماتدرون منهي امي ؟؟ امي تعتبر اجمل جميلات تركيا توجت لمكة جمال العالم عام 1978 م ;)

لوها ماخذه تركي من جنسها مهوب اصرف لي ولكم وش دخلكم انتم اصرف لي انا بس

لوها ماخذه حلاق ولا كهربائي مهوب اصرف كان ماتلقوني اسعبل كل هالسعابيل ولاقاعد ادور في هالشوارع

مدري ويني فيه

وانا غارق في خيالي الفاشل مر علي راعي كامري وحلت علي غرشة صحه :bigeyes: مكتوب عليها مياه هنا

دخلت علي مع الدرشه لاني كنت خاش جو مع صوت الهوا عشان يغطي على صوت طقطقة المسجل

واخذ الغرشه واشوف مافيها الى نص قلت مالت عليهم امحق دعايه واناضر فيها احس انها وصخه

فيها قطيعات صغاااااااار لونها بني وبيج قلت اكيد هذولي ينغفون ويحطون بالغرشه

<<<< عاقل مايعرف وشو العرق :D على قولة مزيونه تقول جنفر لوبيز يوم زواجها تحشش هروين

ههههههههههههههه بالله مزيونه زقارة عرق الله لايهينك ولا نص ربع بلاك



على طاري النغاف :D سقف الدتسن كله نغاف طب وتخير بس

الواااان واشكاااال

وانشالله في المستقبل القريب ناوي البس الموتر كله من داخل نغاف بمافيه الطبلون الدركسون والبيبان

هذولي احسن مني ينغفون بغراش















المهم وانا كمل دوراني وصولاتي وجولاتي ماخليت شارع في منفوحه مامريت عليه ماخليت صبه ماجلست عليها

شوي ويدق علي الجوال رقم غريب :bigeyes: <<وشفيك خايف مسوي قوي انت ووجهك:D رديت الاه صوت وحده يهفهف شعرها طويييييييييل لين هناك قالت انت مصرقع قلت تفضلي طال عمرك وصلتي خير :) قالت بالله يامصرقع المويه مقطوعه عندنا وعندي قطوه ابيك تسبحها بسعابيلك واسمع اصوات عندها ضحك

ووحده تقول سجلتي سجلتي والثانيه تقول بالله قربي السماعه بتغر في وجهه





واقفل السماعه بوجهها وادق لطمه وبغيت اطب من كبري على الدايري مالها داعي العالم تتريق علي بسبة سعابيل :vereymad:

خلهم بكره يقولون انتحر بسبة سعابيله

واتعوذ من بليس واخذ لي زقارة حشيش واهون ماطبيت وارجع للبيت الساعه ثلاث واشوف لماب البيت كلها مولعه

من يوم دخلت الحاره وانا اشوف سطعة الكبس حقنا واشوف وايتات شفط وصرف صحي واسعاف



واشوف ابوي واقف عند الباب لابس سروال سنه وفنيله علاقي :D يوم شافني وياشر لي بعصا المسلته

قاعد يسلت الحوش المسيكين يوم شفت ان الدعوه كذا وانا الي اعفط ام الطاره واعود مع دربي











مايستفاد من الموضوع:-

1-السعابيل تتمدد وتتكاثر مع الحراره وتنكمش بالبروده

2- لاتزوج امك من سعودي مهما كان لا يجيك عيال عاهات مثلي

3-وش حيلة المشتاق غير الرسايل

4-نام بكير واصحا بكير وشوف الصحة كيف بتصير :D

5-باركولي حطوني عضو مصرقع:biggthump
TiTaN
30-09-2004, 03:24 AM
شكرا على القصة العجيبة :biggthump


و النصائح المفيدة جدا و اللي حنا شايفين ايش يسير لمن ما تتبعها :laughing: :laughing:
اهــ 100 ــم
30-09-2004, 04:10 AM
وعلااااااااااااكم السلااااام ...
هذا اول احتكاك لي معك <<<< داخل مباراة كوره خخخخخخخ
وانا من النوع اللي يحب يعلق على المواضيع ويفصفصها ... مثل ما تفصفص الدجاجة عن العظم خخخخخخخ

في يوم من الأيام البايخه الي زي الايام الباقيه زي قلتها :D

هينا يجيك سؤال يسدح نفسه .. وش وله عايش ؟؟... شف لك اقرب تريله وانسدح تحتها
<<< بدأ يخش جو مع الموضوع هههههه



وتوني صاحي من النوم مفجوع احسب السقف يخر من المطر

ولا احد كاب على وايت مويه مادريت اني غرقان بسعابيلي ابتداء بالمخده وانتهائ بصالة الحريم الدور الارضي

شكلك شايف شيء في الحلم ... ولا مهوب معقوله سعبولتك واصله اخر الحاره .... تقول انه مار سيل بعد مطر خخخخخخخخ



:biggthump كسرو علي اهلي الباب ودخلو يحسبوني ميت سمعو صوتي وانا اصايح

والاطم امواج السعابيل واصرخ بصوت شديد (هيلب مي) :p دخل علي ابوي وقعد يشوتني

وامي تهاوشه تقول لاتعقد الولد يامناحي قال رجال كبر الحمار سعابيله تخرخر علينا شارع بيتنا

صار شارع تجاري كله سباكين بسبتك يالثور انت وهالغدد البايخه ركب لك عوامه وفكنا باللحجي

خخخخخخخخ احس انها جايه في الصميم خخخخخ

ترا عندي محل اسباكه خل ابوك يراجعنا نشوف لك حل مع سعابيلك خخخخخخخ مع ان حلها سهل كلها شوتين مع برطمك التحتي ... عشان ينتفخ ويسوي سد طبيعي خخخخخخخخ


الصغير جايب له سناره وسطل وكرسي بلاستك ومتكي عند الباب يحسب انه في بحر الله العالم ماينلام والله

من كثر السعابيل واخوي الكبير مستغل الموقف وقاعد يصور بجواله ويقول عمك من الابطال عيال مين :D

انا خبر السعابيل لونها شفاف ... بس انت سعابيلك خضراء ... شكلك تكثر من الكراث خخخخخخخ

وعلى فكره سعابيلك تقوم مقام الاسيد ( المويه الحاره )خخخخخخخ ما تمر على شيء الا وتصهره ... الله يعين ابوك على الديه خخخخخخ


قيت سلف الدتسن حقي (غماره 98) نسافات بلاستيك تتكسر ترى لاحد يشتريه

شكل الددسن حققك يشتغل بهندل خخخخ ... واكيد بدون بيبان عشان تترك مجال للسعابيل تطلع هههههه<<<<< قويه هذي خخخخخ


ما ادري وين قرنبعي بينطلني:D ماوعيت الى انا في شارع الحمرا في دبي (قويه صح ماتمشي)

خلوها اجل على الدايري وماشي مكيم على الدايري وماسك سيد الطوارئ ومشغل رضا عبدالله بعدك حبيبي:17:

ملاحظه على الهامش <<<< ابوك يالمثقف خخخخخخ

سيد الطواري = الخط الاصفر <<< جاء بيكحلها عماها خخخ

يمكن هالسالفه كاتبه قبل ما يشيلون نصه .... خلو الشارع مرقع <<<< افلقني اذا ما كان مدير ا لمواصلات لحجي خخخخخخ


نرجع لناقة حديثنا وانا افكر في حضي الردي ومشكلة سعابيلي وادعي على امي :vereymad: تقولون ليه تدعي على امك ؟؟

بلاكم ماتدرون منهي امي ؟؟ امي تعتبر اجمل جميلات تركيا توجت لمكة جمال العالم عام 1978 م ;)

انا صراحة تأثرت بكلامك ومعانتك النفسيه ... عشان كذا بخفف عنك بقصه ...

<<< راعي طويله خخخخخ

يقول فيه واحد شين مثلي ومثلك ... بس ذكي ..طبعا صفت الذكاء معدومه مني ومنك خخخخ المهم يبغى يتزوج وحده زينه ... بس يبيها تكون ذكيه مالقى ...واذا لقى ما بغته لانه ذكيه ... المهم ذكروا له وحده زينه بس غبيه ... اهو فكر ان اعياله بيصيرون زيون على امهم واذكياء طالعين على ابوهم .. طبعا جاه اعيال شيون .... واغبياء ههههههههه

<<< لا عاد تخفف عن احد خخخخخ <<< اتوقع عقب ما يقرى القصه بينتحر خخخخخخ بيولع في نفيه والددسن والكشف حقه ههههههه



لوها ماخذه تركي من جنسها مهوب اصرف لي ولكم وش دخلكم انتم اصرف لي انا بس

لوها ماخذه حلاق ولا كهربائي مهوب اصرف كان ماتلقوني اسعبل كل هالسعابيل ولاقاعد ادور في هالشوارع

مدري ويني فيه

شكل واحد داعي عليك من قبل لا تنولد خخخخخ

<<< وش دخل الدعاء في الموضوع خخخخخ


<<<< عاقل مايعرف وشو العرق :D على قولة مزيونه تقول جنفر لوبيز يوم زواجها تحشش هروين

وشو العرق ؟؟؟

<<< من جد على نياته خخخخخخخخ


رديت الاه صوت وحده يهفهف شعرها طويييييييييل لين هناك قالت انت مصرقع قلت تفضلي طال عمرك وصلتي خير :) قالت بالله يامصرقع المويه مقطوعه عندنا وعندي قطوه ابيك تسبحها بسعابيلك واسمع اصوات عندها ضحك

وش هالسعابيل متعددت الاغراض...ششكل ما فيه فرق بين سعبولتك ونغافتك خخخخخخخ

<<< خربها خخخخ

احس انها ... واهي تكلمك حاطه يدها على السماع ... عشان ماتطلع سعابيلك عليها خخخخخخخخخ



مايستفاد من الموضوع:-

1-السعابيل تتمدد وتتكاثر مع الحراره وتنكمش بالبروده

صايره فطريات مهوب سعابيل خخخخخ



2- لاتزوج امك من سعودي مهما كان لا يجيك عيال عاهات مثلي

هذي علامة الجوده عند كل مواطن خخخخخخخخ



5-باركولي حطوني عضو مصرقع:biggthump


ومبروك الرتبه الجديده ...مع انك من زمان تستاهلها ...:icon6:
ويعطيك العافيه على الموضوع ...
TEDUSE 1=BAGGIO
30-09-2004, 01:42 PM
ماوعيت الى انا في شارع الحمرا في دبي

افا ليش ما مريت علي :09:


واشوف ابوي واقف عند الباب لابس سروال سنه وفنيله علاقي

ههههههههههه نحن عندنا يسمونه سروال شرعي .



مايستفاد من الموضوع:-
1-السعابيل تتمدد وتتكاثر مع الحراره وتنكمش بالبروده
2- لاتزوج امك من سعودي مهما كان لا يجيك عيال عاهات مثلي
3-وش حيلة المشتاق غير الرسايل
4-نام بكير واصحا بكير وشوف الصحة كيف بتصير :D

دايما انطر الاستفاده ياخوك عجيبه مره :biggthump


5-باركولي حطوني عضو مصرقع:biggthump

مبروك و تستاهل كل خير .
مصرقع اس اس
30-09-2004, 02:04 PM
شكرا على القصة العجيبة :biggthump


و النصائح المفيدة جدا و اللي حنا شايفين ايش يسير لمن ما تتبعها :laughing: :laughing:
العفووووووو

ومبروك الرتبه الجديده ...مع انك من زمان تستاهلها ...:icon6:
ويعطيك العافيه على الموضوع ... احمممممم
الله يسلمك
.بصراحة ردك الطويل هذا يذكرني بدراك قبل مايصير مراقب
زتسلم على الرد الحلو


العفووووو تيدوس وينك منزمان ماشفتك بالماسنجر((قلبها شات))
Mista Koo
30-09-2004, 03:10 PM
كمشور على القصة الحلوة

ورمبوك على الرتبة الجديدة (عقبالي)
اهــ 100 ــم
30-09-2004, 04:40 PM
العفووووووو

احمممممم

الله يسلمك

.بصراحة ردك الطويل هذا يذكرني بدراك قبل مايصير مراقب

وتسلم على الرد الحلو

ترا هذي الظاهر تحصل في احسن العوائل خخخخخخخخخ
* مطلع الشمس *
01-10-2004, 09:25 PM
انت عضو مصرقع من حق وحقيق

انا مستغرب من وين تخترع هذي القصص الصرقعيه

شكلها تستويلك من صدق :09:

تسلم مصرقع اس اس

على القصه
مصرقع اس اس
02-10-2004, 01:37 AM
كمشور على القصة الحلوة

ورمبوك على الرتبة الجديدة (عقبالي)
العفووووووووووو

ترا هذي الظاهر تحصل في احسن العوائل خخخخخخخخخهههههههههههههههههه
الله يرجك

انت عضو مصرقع من حق وحقيق

انا مستغرب من وين تخترع هذي القصص الصرقعيه

شكلها تستويلك من صدق :09:

تسلم مصرقع اس اس

على القصه
احمممممممممممم الله يسلمك
مـــلـــك رومـا
02-10-2004, 01:44 AM
والله انك تستاهل اكثر من عضو مصرقع :biggthump
NZ.Citizen
02-10-2004, 12:14 PM
ما عجبتني القصة


لأني ما فهمت كلمة سعابيل http://montada.com/images/smilies/new_icons/31.gif





و انت ما خليت جملة إلا و كتبت فيها هذي الكلمة http://montada.com/images/smilies/new_icons/12.gif




شو معناتها؟ http://montada.com/images/smilies/new_icons/08.gif
A.N.G.E.L
02-10-2004, 02:49 PM
تسلم يمناك على الموضوع الحلو والف مبروووك الصرقعه:biggthump
A.N.G.E.L
02-10-2004, 02:50 PM
ما عجبتني القصة






لأني ما فهمت كلمة سعابيل http://montada.com/images/smilies/new_icons/31.gif





و انت ما خليت جملة إلا و كتبت فيها هذي الكلمة http://montada.com/images/smilies/new_icons/12.gif




شو معناتها؟ http://montada.com/images/smilies/new_icons/08.gif
أختي العزيزه معناها اللعاب:D أو الماء الخارج من فم الأنسان;)
اهــ 100 ــم
03-10-2004, 01:14 AM
[CENTER]

ما عجبتني القصة


لأني ما فهمت كلمة سعابيل http://montada.com/images/smilies/new_icons/31.gif





و انت ما خليت جملة إلا و كتبت فيها هذي الكلمة http://montada.com/images/smilies/new_icons/12.gif




شو معناتها؟ http://montada.com/images/smilies/new_icons/08.gif
----------------------------------------------
<<< جاكم المعجم اللغوي خخخخخخخخخ
سعابيل هو اللوعاب الخارج من الفم ....ويدحدر اما عن طريق اليسار او اليمين من البرطم خخخخخ... ولكن في الغالب ينزل من جهة اليمين خخخخخخخخخخخ

واهو عدة انواع بختلاف الناس .... منهم من يكون لعابه ( سعبولته خخخخ) شبيه بالماء وهذا النوع هو الاخف ... مهم من يكون لزج واذا سقط على الارض ودست عليه بجزمتك ربما ما تقدر انك تطلعها فهو يعمل مثل عمل الصمغ ... بل اقول انواع الصمغ ... وهذا ربما تستطيع السيطره عليه ... ومنهم من يكون مائل الى الخضار... وعند رؤيتك له ربما تلوع كبدك (يسد نفسك خخخ) واهو ذو رائحه جميله ينصح بعدم شمها هههههههه لانك اذا شميتها راح يطيح خشمك من الرائحه الجميله هههههه :icon6: ومنهم ما يكون لعابه لونه عادي ولكنه يعمل عمل الاسيد ( المويه الحار ههههههه) يعني اذا سقط البعض منه عليك ربما يحترق جلدك منه خخخخخخخخ ومنهم ما يكون مائل الى الصفار وهذا هو اخطر نوع فهو يعمل عمل سم الكوبرا :bigeyes: اي اذا دسته عليه او سقط بعض منه اعتبر حياتك منتهيه خخخخخ :laughing: وااخونا مصرقع هو من اخر صنف خخخخخ ينصح بالابتعاد عنه خخخخ
طرق الوقايه من السعابيل ( اللعاب بمضم اللام الثانيه وفتح العين :D )
هو تركيب عوامه ( هي شيء شبيه بالكوره لونها برتقالي وفيها عصار طويله تساعد على حفظ توازن المياه في الخزان المنزلي :cool: ) في فم المفرط في السعابيل لكي تحافظ على توازن السعابيل المتدفقه من الفم ههههه وتحفظها داخل الفم وتمنعها من الخروج الى الخارج ومن ثم أيذى الناس والاخرين .... فهي داء غددي اجتماعي اقتصادي <<<< ما تجي هذي خخخخخخ
واذا اردتي يا اختي الاستزاده عن السعابيل .. فانصحك بكتاب :

( المهابيل في شرح السعابيل ) للعلامه اهميه ههههههههههههههههه

ارجو اني افدتك
aisrb 4
03-10-2004, 02:30 AM
والله موضوع وناسه يا مصرقع:D



الله يزيدك صرقعه يزيدنا معك:D
Sander
03-10-2004, 10:17 AM
مايستفاد من الموضوع:-
1-السعابيل تتمدد وتتكاثر مع الحراره وتنكمش بالبروده
اهاا.. بصراحه كنت عم بشرب قهوة وانا اقرأ الموضوع.. بطلت اشربها والسبب سعابيلك ذي :o
مدري احسها بكل مكان :tongue2:

2- لاتزوج امك من سعودي مهما كان لا يجيك عيال عاهات مثلي
الله يستر.. نحن ماجانا عاهات لحد هلأ بس ماتدري يمكن اقلب بكره و اكتشف فيني عاهه ولا شي :bigeyes:

3-وش حيلة المشتاق غير الرسايل
ياشيخ خلها على الله..

4-نام بكير واصحا بكير وشوف الصحة كيف بتصير
طيب :08:

5-باركولي حطوني عضو مصرقع
الف مبروك و عقبالي ^^ "عضو مصرقع بالمنتدى الترفيهي" :icon6:

مشكور عالموضوع خيوو و يسلم عليك "عوكل" يقولك: نام بكير و بحلقك فوطه و فكنا من سعابيلك ولو مره :08:
Yamato
03-10-2004, 10:27 AM
يا خي المرة الجاية حط لنا ديكشينيري مع الموضوع..


ومنهم ما يكون مائل الى الصفار وهذا هو اخطر نوع فهو يعمل عمل سم الكوبرا اي اذا دسته عليه او سقط بعض منه اعتبر حياتك منتهيه خخخخخ
ايه والله صدقت... انا هالايام عندي من هالنوع... والصراحة عملية اخراجه معقدة... يبالك اول شي تصك حلجك من العومق.. وبعدها تاخذ نفس خرائي قصدي خرافي... وبعدها تشغل التوربيد عكسيا.. :08: .. وتفتح حلجك... ما بتشوف غير نيزك طاير من حلجك الى الارض مخلفا ورائه على البراطم ما لذ وطاب من المخلفات (ويوصل الخشم بعد) واما على الارض... ولا هيروشيما...... :31:



ومبروك عالتصرقع الرسمي يا مصرقع...... :biggthump
-=Sum3@h=-
04-10-2004, 03:52 AM
ماني رايق ......و نعسااااااااااااااااااان....مافيني اكتب تعليقات
..........
لكن تخيل انك جالس تدغدغ واحد نعسان................................................................ايوه بالضبط وصلت خير هذا انا
<<<<<<<<<<<لحد الان يضحك
..............
ايوه .........في تعليق واحد

4-نام بكير واصحا بكير وشوف الصحة كيف بتصير :D
........
وراك مع النوم البكير.....شقصدك هاع؟؟....كل صرقعه تفتحها فيها هذي الملاحظه
خخخخخخخخخخخخخ
تسلم اخوي.......مواضيعك.......ولا احلى.....زي التامين ولا اسهل خخخخخخخخخخخخخخ
سلام
NZ.Citizen
04-10-2004, 11:50 AM
[CENTER]

----------------------------------------------
<<< جاكم المعجم اللغوي خخخخخخخخخ
سعابيل هو اللوعاب الخارج من الفم ....ويدحدر اما عن طريق اليسار او اليمين من البرطم خخخخخ... ولكن في الغالب ينزل من جهة اليمين خخخخخخخخخخخ

واهو عدة انواع بختلاف الناس .... منهم من يكون لعابه ( سعبولته خخخخ) شبيه بالماء وهذا النوع هو الاخف ... مهم من يكون لزج واذا سقط على الارض ودست عليه بجزمتك ربما ما تقدر انك تطلعها فهو يعمل مثل عمل الصمغ ... بل اقول انواع الصمغ ... وهذا ربما تستطيع السيطره عليه ... ومنهم من يكون مائل الى الخضار... وعند رؤيتك له ربما تلوع كبدك (يسد نفسك خخخ) واهو ذو رائحه جميله ينصح بعدم شمها هههههههه لانك اذا شميتها راح يطيح خشمك من الرائحه الجميله هههههه :icon6: ومنهم ما يكون لعابه لونه عادي ولكنه يعمل عمل الاسيد ( المويه الحار ههههههه) يعني اذا سقط البعض منه عليك ربما يحترق جلدك منه خخخخخخخخ ومنهم ما يكون مائل الى الصفار وهذا هو اخطر نوع فهو يعمل عمل سم الكوبرا :bigeyes: اي اذا دسته عليه او سقط بعض منه اعتبر حياتك منتهيه خخخخخ :laughing: وااخونا مصرقع هو من اخر صنف خخخخخ ينصح بالابتعاد عنه خخخخ
طرق الوقايه من السعابيل ( اللعاب بمضم اللام الثانيه وفتح العين :D )
هو تركيب عوامه ( هي شيء شبيه بالكوره لونها برتقالي وفيها عصار طويله تساعد على حفظ توازن المياه في الخزان المنزلي :cool: ) في فم المفرط في السعابيل لكي تحافظ على توازن السعابيل المتدفقه من الفم ههههه وتحفظها داخل الفم وتمنعها من الخروج الى الخارج ومن ثم أيذى الناس والاخرين .... فهي داء غددي اجتماعي اقتصادي <<<< ما تجي هذي خخخخخخ
واذا اردتي يا اختي الاستزاده عن السعابيل .. فانصحك بكتاب :

( المهابيل في شرح السعابيل ) للعلامه اهميه ههههههههههههههههه

ارجو اني افدتك




ألحين كل هذا عشان تقول شو معناة كلمة سعابيل





قاموس شنو هذا





إحساسي يقولي انك نقلت القاموس كله من غير ما تدري http://montada.com/images/smilies/tongue2.gif





بعدين يععععع شو اخضر و شو اصفر و شو خفيف و شو ذا رائحة حلوة يعععع





اخوي مابي الأستزادة عن السعابيل





و مشكووووووور على المعلومات








(( The king of Anime))


مشككووور اخوي على المعلومة المفيدة و المختصرة http://montada.com/images/smilies/new_icons/biggthumpup.gif
اهــ 100 ــم
04-10-2004, 01:22 PM
ألحين كل هذا عشان تقول شو معناة كلمة سعابيل





قاموس شنو هذا





إحساسي يقولي انك نقلت القاموس كله من غير ما تدري http://montada.com/images/smilies/tongue2.gif





بعدين يععععع شو اخضر و شو اصفر و شو خفيف و شو ذا رائحة حلوة يعععع





اخوي مابي الأستزادة عن السعابيل





و مشكووووووور على المعلومات







[/right]


انا اسلوب مثل اسلوب الجاحظ اللي هو االاستطراق والشرح بالتفصيل <<< مادح نفسه كذاب خخخ
ملاحظه صغيره :
انا اشبه الجاحظ بالاسلوب ... اما الشكل فاقول معليش يالجاحظ دور لك واحد ثاني يشبهك :icon6: :icon6:

<< قال ايش قال الجاحظ ... حدك تطلع في مضارب البدايه ... وتخب عليك بعد خخخخخخخ
معاند
04-10-2004, 01:31 PM
ههههههههههههااااااي

صرقعة من قلب ...


ومشغل رضا عبدالله بعدك حبيبي
داخل جو صح...


وانا غارق في خيالي الفاشل مر علي راعي كامري وحلت علي غرشة صحه :bigeyes: مكتوب عليها مياه هنا
ههههههههههههههه كسرت خاطري


والثانيه تقول بالله قربي السماعه بتغر في وجهه
ههههههههههههههاااااااااي


3-وش حيلة المشتاق غير الرسايل
ما شاء الله عند احساس خخخخخخخخخ




5-باركولي حطوني عضو مصرقع:biggthump

مبروووووووووك والله تستاهلها من زمان

ويعطيك العافية ضحكتنا في زمان قل فيه

الضحك << :31:


( المهابيل في شرح السعابيل ) للعلامه اهميه ههههههههههههههههه


هههههههههههههههههههههههههههههااااااااااي
^^^
مات من الضحك :laughing:

,,,,,,,,,,,,,,
بدر الزمان
05-10-2004, 01:05 AM
السلام عليكم

والله انك مصرقع فعلا ويش هالعبقرية :D :D :D من البداية من اللى ما يدخل ياويلى
مصرقعة. قصة كلها صرقعة من السعابيل للداتسن والله ذكرتنى بقصص طاش ما طاش
منور دائما يالمصرقع :D :D :D
لك تحياتى :biggthump
(the rise)
31-10-2004, 06:35 AM
مشكور اخوي على موضوعك