هذه القصيده جزا للي حب طفلة صغيره

[كافي]

السلام عليكم ورحمه الله وبركاته.... اود ان تقبلوني صديق جديد وهذه اول مشاركتي

هذه القصيده ... جزا للي حب له طفله صغيرة



يمه.. اذنبت .. ونزحت من العشيره

وان تمنوا توبتي مانيب تايب

ما بي لدنيا الغنادير أي سيره

طايح من عام الأول في مصايب

يمه.. اللي حب له طفله صغيره

وش يسوي لاغدا فيها طلايب

طفلةٍ ماكانت بحبي جديره

بس كانت غير عن كل ألحبايب

كنت اسميها العنود المستذيره

ليت اهلها العام سموها عجايب

كنت اجيها مثل الامطار الغزيره

كنت أضيع بجوها مثل الهبايب

واطلب الله هي متى تصبح كبيره

تفهم وشلون المكان يصير ذايب

ان تغنت صارت الطرقه قصيره

وان تغلت صارت جروحي عطايب

وان بكت ناش الفضا طهر الستيره

وان شكت صار الحكي مثل الذهايب

وان توارت مثل الاسرار الخطيره

صار لوني مثل الايام العصايب

ديره ماهي بها ماهيب ديره

لو ثراها عشب واعلاها سحايب

يمه.. تحبين..طيلة الظفيره

آه..والله ياعليها اشقر ذوايب

ان تبعثر له سواليف كثيره

وان ركد روّح مثل لمه القرايب

عرفتني الليل ونجوم الظهيره

بللتني باغنيات ورحت طايب

كل عرقٍ في خفوقي تستثيره

خايف تصبح مراجيحه نصايب

صنتها مثل البحر لا بعد جزيره

ماتركت علومها لأهل الركايب

قالت ان جاء الراس شايب فيه خيره

قلت يابنت الناس الراس شايب

قالت الا الحب وش هو؟ وش مصيره؟

قلت أنا استاهل وانا كل السبايب

ماجزا اللي حب له طفله صغيره

غير... قبر وضحكها فوقه... نصايب

.............. اها من عنا الووووقت لجاااااااار

:أفكر:

[* مطلع الشمس *]

تسلم اخوي كافي على القصيده الجميله


والله يعطيك العافيه