قلب حزين ..... ؟!

[*Ran*]

السلام عليكم ........


هذا أول موضوع لي هني …. أبي منكم تقرونه وتفهمونه بقلبكم قبل عقلكم -_-


هل من الممكن يكون هناك قلب حزين بشكل دائم ؟

أكيد الكل راح يقول لا …… هو صح لا لكن في كثير من الناس

أساس قلوبهم حزن …. لأنهم من هم صغار تعذبوا من هذي الحياة …..

فكل ما افرحوا يحسون بشي في داخلهم وكأن أحد يقول لهم هذا وهم في الأخير

راح تنصدم بالشخص إلي أنت فرحان ومستانس معاه أو راح تستنتج إن الشي

إلي أنت فرحان فيه وهم …… باختصار راح تستغرب إنك فرحان .




لما تفقد شخص عزيز عليك ( توفى يعني ) راح تحزن صح ؟ …… وهذا شي

طبيعي لكن تخيل لو تفقد شخص عزيز عليك بس مو لأنه توفى …. السبب هو

إنك اكتشفت إن ما يستحقك …. بتقولون إذا ما يستحق أحسن إنه ذلف …. لكن في

ناس ما يكرهون إلي يحبونهم مهما طلع منهم من أفعال …. فراح يتعذبون أكيد

أنا بقولكم مثل وأبي رايكم …..



تخيلوا لكم عدد من الأصدقاء إلي حبيتوهم واعتبرتموهم أخوان لكم ….. خانوك

واكتشفت إن صداقتكم كانت خدعة لأنهم عمرهم ما حبوك لكن استغلوا ثقتك فيهم -_-

شنو راح تسوي ….. راح تروح تاخذ حقك منهم وتخلي بينكم كراهية أو راح تقطع علاقتك

فيهم بهدوء عشان تحافظ على الذكرى إلي بينك وبينهم حتى لو كانت كلها خداع ….

لو تفكر بالحلين كلهم فيهم حزن كبير لكن الثاني أحسن …… لأنك لو تناقشت معاهم راح

يقولون كلام يخليك تحزن أكثر ….. في ناس كثار راح يقولون أخليهم يولون وما أفكر فيهم

مرة ثانية …. اسمحولي أقولكم إنكم باردين في مشاعركم …


أنا حبيت أقول إن من أسوء الأمور هو الخيانة فأتمنى منكم وأرجو مهما كان السبب لا تخونون

احد لأنكم ما تعرفون شنو يشعر الشخص لما يكتشف إن شخص واحد كان يعتبرهم أخ له

خانه ….. شلون لو كانوا أكثر من شخص -_-

ألحين كلام خاص للبنات …


شنو يعني لو كانت بنت أحلى منك … أو أذكى منك …. أو حظها أحسن منك … أو أو أو إلخ

لازم تروحين تخلينها حزينة عشان ترتاحين ….. الله لا يوفق أي بنت تفكيرهم من هذا النوع ^_^



سؤالي بعد هالكلام ….. بشنو راح تحس لما تنصدم بربعك وبعض اهلك ؟ * بكل صراحة *


أنا أتمنى من إلي يبون يردون على الموضوع إنهم ما يقلبون الموضوع ضحك .... وأتمنى

يبعدون عن الأسئلة الشخصية ^_^



يلا أنا انطر آرائكم ..... يعني نقاش عن الحزن والخيانة بين الأصدقاء والأهل .....

ترى أنا كتبت الموضوع وعلى طول بحطه يعني ماراجعته .... طالع من القلب :08:

[البــاحث]

والله فاهم عليك وكلامك مافيه شي غلط

ومقدر كلامك جدا لأني من النوع هذا اذا حبيت شخص أحبه بصدق حتى وان سوا فيني شي شين لكن ما اقدر أكره

مدري ليه صعب علي هالشي وبالذات اذا هالشخص كان غالي علي جدا وحسسني مرات اني سعيد جدا لكونه بقربي

لكن نجي لنقطة انك تبعدي عنهم لأنهم خانوك فهذي نقطة فيها عذاب الصراحة وبالذات اذا هالأشخاص كنتي معتبريتهم أغلى ماعندك وتسالين عنهم دايما


لكن الدنيا كذه نادرا ما تلاقين شخص بيرفكت والكمال لله سبحانه لكن اقصد نادرا ما تحصلين شخص وجهة تفكيره واحاسيسه اصيلة مثل الي عندك ما ممكن تتغير حتى مع حصول مشاكل


والحقيقة في مثل هذه الحالة اذا ما نفع معهم الطيب وشرح الموقف زين وحسيتي ان الطرف الثاني خلاص مب زي أول فالأفضل البعد والسكوت برأي مع الحفاظ على مافي القلب من معزة لهم ومحاولة تتبع اخبارهم عن بعد لأن البعد بيجنبك أمور كثيرة منها انك قد تحسين ان كرامتك طاحت اذا رجعتي تكلميهم بدون ما يعتذروا منك او قد يمكن تحسين انهم مب زي أول معك يعني يجاملوك بس

وضعي بذهنك انك انسانة رائعة وعندك قلب كبير ولازم تفرحي ان عندك قلب كبير ما احد يمتلكه الا قلة
والي حاسة فيه يعبر عن مدى اصالة روحك وتفكيرك فمن منا يقدر الصداقة والعلاقة في هذا اليوم قليل جدا


وسلمي الأمر لله سبحانه وتوكلي عليه وادعي دايما لأن الله هو مقدر كل شي وهو أعلم بالنوايا

[*Ran*]

مشكور أخوي الباحث على ردك ..... ^_^
بكل صراحة كلام جميل لكن في شي قلته أنا نسيت أقوله مع إنه مهم وهو .....


رجعتي تكلميهم بدون ما يعتذروا منك

الاعتذار ...... هذا الشي لو صار أعتقد بالنسبة لي يرجع كل شي طبيعي .... لكن في ناس
لما يعرفون إنك دريت بنواياهم مايصدقون إنهم يقدرون ألحين يطلعون كل حقدهم أمامك ...
يعني ما يفكرون بالاعتذار.....


والحقيقة في مثل هذه الحالة اذا ما نفع معهم الطيب وشرح الموقف زين

انا من النوع إلي يبين للشخص الثاني إني عرفت وابتعد ..... لأن النقاش مع شخص حاقد
يخلي السالفة تكبر ويمكن يطلع منك كلام إنت مو متعود تقوله ....

[البــاحث]

لأن النقاش مع شخص حاقد يخلي السالفة تكبر ويمكن يطلع منك كلام إنت مو متعود تقوله


هذي نقطة صحيحة مع الأسف

[Electro M]

طنش تعش تنتعش
من افضل الحكم اللي اقتديت فيها بصراحة
ما في شي يستاهل الزعل الا وضع المسلمين في هالزمن
و الا غيره كله توافه
وش يعني خانك واحد ما راح و الا جا؟
فيه 1000 واحد غيره
الدنيا عمرها ما وقفت عشان خاطر اي شخص
لكن المشكلة في اللي يكبر الموضوع و يستمر يفكر فيه
صحيح بتمر عليك لحظات تتحسر فيها على بعض الايام... لكن
اللي يعيش في الماضي راح يفقد الحاضر و المستقبل
للاسف.. كنت من هالنوع
لكن بعد ما تغيرت نظرتي للامور ارتحت بشكل كبير فعلا
و على قولتهم
اضحك يضحك العالم كله معك:D :D :D :D :D < اول واحد هو انا و الباقي ما اعرفهم :tongue2:
و ابكي تبكي لوحدك:17:

[*Ran*]

طنش تعش تنتعش

:biggthump


ما في شي يستاهل الزعل

هذا كلام سهل تقوله لكن لو يصير لك شي ماتقدر تبعد عن الوضع وتنسى لأنك
راح تحس بشي قي قلبك لانك ماكنت تتوقع شي من هذول الناس لأنهم قراب
لك .......


اللي يعيش في الماضي راح يفقد الحاضر و المستقبل لا أنا الحمدالله مو من هالنوع لكن في لحظات تحزن فيها لأنك كنت مثل الغبي يوم كنت
طيب مع ناس مايستاهلون ..... ^_^

عموماً مشكور اخوي على الرد +_ ^^_+

[Electro M]

انا ما قلت لا تزعلين :o لا تحورين كلامي على كيفك
قلت ما في شي يستاهل الزعل يعني انك تستمرين زعلانة طول الوقت و تتحسرين كل ما تذكرتي هالشخص

[*Ran*]

انا ما قلت لا تزعلين :o
أخوي أنت قلت ما في شي يستاهل الزعل يعني مافي معناها لانزعل وانا ماقلت
شي بردي على إنك قلت لا تزعلين ممكن تقولي شلون استنتجت ......


لا تحورين كلامي على كيفك

شنو هالأسلوب ؟؟؟ ...... أخوي أنا ماحورت شي أنت إلي فهمت غلط ممكن تقولي شنو قلت


ما في شي يستاهل الزعل يعني انك تستمرين زعلانة طول الوقت

شفت مافي شي يستاهل الزعل يعني لو صارلك موقف تنساه على طول ..... انا تكلمت عن هالنقطة
وعن أزعل على طول انا قلت بردي إني مازعلت على طول .....

[Electro M]

خرشتك :tongue2:
يا بنت الحلال الدعوة تراها نت لا تدققين في كل شي
من ردة فعلك على ردي يبدو انك فعلا سريعة الانفعال:33:

[Techno]

موضوع حلو مع أنني تمنيته يكون عكسي ، يعني شنو تحس لما تتعرف لشخص جديد ميوله قريب من ميولك ...^_^

بالنسبة لي ...
اشوف ان الصَديق الحَقيقي لايخُون ، وهذا شيئْ لا يمكن يختلف عليه أثنين ،،،
راح أفْرض أن صديقْ عَزيز علي خانني ، بهذي الحالة الخيانة أنواع ممكن يكون "هِجاء" وومكن "تشويه صورَه" وبعد ممكن يكون مايستاهل الصداقَه اللي بنيتها ويتضح هني أنني بنيتها بنفسي وهو ماتعَّب نفسة بوضع حجر لهذه الصداقة ، بهذه الحالة أحس وكأني بنيت بيت فأسقطه أو أتى شخص فأسقطة دونما مبرر ودونما أخذ أعتباري ...

الحمد لله لم يخني صديق ولم أخن صديقاً حتى الآن العقبة الوحيدة بيني وبين بعض أصدقائي هي الزمن ، فبعضهم لايكلف نفسة عناء الإتصال أو حتى السؤال مع هذا فهو صديقي ويحترمني وأحترمه ،،
البعض يضن أن أنشغال المرء عنه يمحي كل مابينهما وكأن هذا الصديق ملك له ويريد تواجدة معه ليل نهار ، وكَأنّه دمية بين يديه وهنا تأتي صداقة مرّة وأحياناً كثيرة لاطعم لها ...
أرى أيْضاً أنه لما يتزاعَل صديقين على أمر إن عادى وتصالحا فهي صداقة قويّة بينهم وإن لم يعودا فعلى طرف ثالث التدخل والإصلاحُ بينهما لأنهما ومهما حدث كانا صديقينْ لاعدووين وأيضاً سيعودان بصداقة قويّة .

........، أَدري لفّيت وردّيت لنَفْس المَكانْ لَكن هذا مابَدى مني ^_^ ، ومشكورة أختي على موضوعكِ(جْ)