المساعد الشخصي الرقمي

مشاهدة النسخة كاملة : الجهاز و القطع مساعدة ضروري جدا هل كمبيوتري بشغل العاب


Night Road
09-10-2004, 05:34 AM
السلام عليكم ..

كيفكم شباب ان شاء الله تمام ;) ..

المهم شباب انا عندي كمبيوتري بس قديم شوي له كم سنة :o ..

فأبي اعرف اذا مواصفاته تخليني اقدر اشغل العاب مثل : كاونتر 1.6 او جينرالز زيرو اور او فاينل فانتسي :D ..

المواصفات :

Intel Pentium III Proccesor
500 MHz
256 Mg of RAM

طبعا لازم راح اشتري كرت شاشة فأنا افكر في
5500 GeForce السرعة 256 بـ575 ريال
5700 GeForce بـ 750 ريال
5900 GeForce ( ممكن احد يقولي كم سعره :06: ) ..

وطبعا هارديسك بين 40 الى 80 ميغا ..

شباب في شغلة مني عارف فيها وهي كيف اعرف المذر بورد واذا ينفع او لا :D ..

هذي القائمة هل في شي ناقص :أفكر: ..

ياليت ارد بسرعة علشان نكسر روس في كاونتر :biggthump ..











................................................
محارب-أرض
09-10-2004, 06:33 PM
وعليكم السلام

بالنسبة للالعاب إلي ذكرتها نعم بتشتغل ليك ,لاكن الالعاب الجديدة مثل دووم3 وغيره
بتشتغل ليك بس ما عتقد بقوة الاجهزة الحديثة

نعم انصحك بواحد من الكروت الشاشة الثلاثة لنهم كلهم زينين

وهاردسك 80 جيجا (خاصة إذا عندك دي اس أل والعاب)


بس تحتاج ذاكرة على الاقل 512 ميجا

ومعالج سريع 1000 او 1500 (تراهم رخصو لان المعالجات وصلت لين 3600)


عن المثربورد فيه شركات معروفة للمثر بورد
انا براي المثر بورد يكون اوكي إذا كان فيه منافذ كثيرة:

مثلا USB 2.0 ( الاصدار الثاني لليو اس بي وسرعته 480 ميجا بالثانية)
منفذ FireWire (للفيديو)
منفذ AGP او PCI Express وهو إلي يوصل لكرت الشاشة
منفذ شبكة( 100/10 ميجا او فوق)
منفذ للمايك والسماعات
فتحات توسعة PCI
يدعم للمعالج المطلوب (هذي الايام صعب تحصل مثر بورد لل p3, كان عندي كمبيوتر سرعته الف بي3 اخترب المثر بورد فما حصلت مثر بورد يدعم مالي Socket )
منافذ الهاردسك( الهاردسكات القديمة تستخدم منفذ IDE أو الجديدة منفذ ATA or SATA)
يدعم الذاكرة مالك( القديم SDRAM او DDR الجديد)

فيه تقنيات بالمثر بورد يقولو انها تقلل استهلاك الكهرب والحرارة
The King Of Roma:Totti
10-10-2004, 01:43 AM
أخوي اذا بتطور جهازك فأنصحك بشراء جهاز جديد بدل التطوير.

فخسارة انك تشتري كرت شاشة قوي و هارديسك جديد على جهاز سرعته 500 MHz فقط ومعالج بنتيوم 3 القديم .


و في الأخير القرار قرارك :33:
Night Road
10-10-2004, 02:53 PM
مشكورين كلكم على الردود ..
محارب-أرض مشكور والله على المعلومات بس امس عديت على شارع خالد بن الوليد (يعرفوه الي في جدة) وسألت على القطع ..
بانتيوم 4 3.0 غيغا بـ 700 ريال ..
هارديسك 40 غيغا بـ 200 ريال ..
جي فورس 5700 بـ 300 ريال ..
مذر بورد غيغا بايت بـ 200 ريال ..

وش رايكم :) ..










.........................................................
M@jN00N
10-10-2004, 04:38 PM
هلا اخوي "oBaD1BoYo"

انا مع رائ الاخوين انك تغير جهازك الي جهاز جديد + ان الهاردسك الي عندك لا ترميه ركبه مع الجهاز معن اذا كان سرعة الهاردسك بطئيه ممكن تاثرلك على سرعه الجهاز والله اعلم :)

بالنسبه لاسعار القطع الي ذكرتها صراحه رخيصه

معنك ذكرت في ردك الاول ان سعر 5700 ب 750 ريال و في ردك الاخير ب 300 ريال ان شاء الله مايكون خطا مطبعي :D

بالنسبه للمذربورد مادري عن رقم المذربورد من جيجا بايت الي بتاخذها ولكني اتوقع انها من ارخص الانواع الي بينقصها كثير من المميزات المهمه

فانصحك اذا بامكانك تدفع شوي اكثر خذلك مذربورد من شركة اسوس بيكون الشبست يا 875 او 865 ويفضل الاولي
واذا ماحصلت من اسوس خذ من msi بنفس الشبست واذا ماحصلت خذ من جيجا بايت ونفس الشبست كذلك :)

بالنسبه للهادرسك زيد شوي وبتاخذ 80 جيجا اتوقع مايفرق كثير بالسعر
البروسسر لا تعليق 3 جيجا جدا ممتازه :) وبتحس بفارق كبير بالسرعه :)

بالنسبه للرام بتحتاج الي قطعتين 256 المجموع يكون 512

وهذا ماعندي واي استفسار حياك الله اخوي

سلام
Night Road
11-10-2004, 08:56 AM
M@jN00N هلا اخوي ، كرت الشاشة القيمة الي في الرد الاول من موضوع واحد من الشباب اما في الرد الثاني فهي يوم رحت انا سالت على القطع :) ..

بس اخوي لو شريت جهاز جديد راح يكون اغلى !! بعدين وش الفرق ؟؟ لاني بركب هارد ديسك ومذربورد ( الرجال قالي جيجا بايت افضل واحسن شي ) !! والمعالج تمام (بس في ناس يقولون سيراليون افضل ؟؟ ( سرعة السيراليون اسرع شي 2.8 ) !! ..

غير كذه انا عندي كل شي سيدي رايتر ـ سيدي روم ـ شاشة ـ case ..









..........................................................
M@jN00N
12-10-2004, 12:20 AM
M@jN00N هلا اخوي ، كرت الشاشة القيمة الي في الرد الاول من موضوع واحد من الشباب اما في الرد الثاني فهي يوم رحت انا سالت على القطع :) ..

بس اخوي لو شريت جهاز جديد راح يكون اغلى !! بعدين وش الفرق ؟؟ لاني بركب هارد ديسك ومذربورد ( الرجال قالي جيجا بايت افضل واحسن شي ) !! والمعالج تمام (بس في ناس يقولون سيراليون افضل ؟؟ ( سرعة السيراليون اسرع شي 2.8 ) !! ..

غير كذه انا عندي كل شي سيدي رايتر ـ سيدي روم ـ شاشة ـ case....

هلا اخوي بالنسبه لو شريت جهاز جديد اكيد بيكون اغلي
الفرق ان جهازك الحين سرعتة 500 ميجاهيرتز و الجهاز الجديد بيكون 3000 ميجاهيرتز لاحظ الفرق
وكذلك الفرق بالرام باداء ديول شنل ddr400 مع سنجل شنل sdr100 !!!!
اكيد هناك فرق شاسع بين الجهازين
وبالنسبه لتركيب كرت شاشه من الجيل الجديد على جهازك اغلب الاحتمالات انه لن يركب او لن يشتغل لان المذربورد الي عندك agp 2x واغلب الكروت الحاليه agp 8x
فانصحك انك تفكر بجديه بتغير جهازك ...
اما بالنسبه لسؤالك عن المذربورد جيجا بايت ان لم اقل انها سيئه ولكن في افضل منها و بالنسبه للمذربورد الي ذكرتها وصاحب المحل يمدحها اكيد بيمدحها لانه صاحب محل ولكن ممكن تزيد شوي وتاخذلك مذربورد محترمه وفيها بعض المميزات الي بتفيدك مثل الديول شنل للرام و sata و كرت صوت يدعم 5.1 وغيرها من المميزات
اما بالنسبه ل سيليرون فماانصحك فيه اذا تفكر بالالعاب هو مخصص للستخدامات البسيطه مثل الانترنت و الاوفس
اما بالنسبه للسيدري روم و الفلوبي و الهاردسك والشاشه تقدر تركبهم على جهازك الجديد فمابتحتاج تغيرهم وكذلك المودم ولكن الكيس فبتحتاج تغيره لان مابتركب المذربورد الجديد عليه ...

وهذا ماعندي وان شاء الله افدك :)
واي استفسار حياك الله
سلام
Night Road
12-10-2004, 08:18 PM
مشكور اخوي وان شاء الله اشوف الميزانية كيف :) ..

ماقصرت ياغالي وكل الي ردوا علي ..








................................................
M@jN00N
12-10-2004, 11:12 PM
العفو اخوي وحياك الله باي استفسار :)

سلام
Night Road
13-10-2004, 09:35 PM
شباب اليوم كلمت محل واعطاني هذا السعر ..

1710 ريال ..

المواصفات :

CPU Intel 3 GHz P4

Mother Board Intel (لاحظوا غيرت رأي علشان اخوي مجنون قالي جيجا بايت مو قد كذه) :) ..

H.D.D 40 GH 7200

RAM 512

طبعا مع الصندوق (case) ..

وش رايكم ؟؟ ..








...................................................
Night Road
13-10-2004, 09:38 PM
شباب اليوم كلمت محل واعطاني هذا السعر ..

1710 ريال ..

المواصفات :

CPU Intel 3 GHz P4

Mother Board Intel (لاحظوا غيرت رأي علشان اخوي مجنون قالي جيجا بايت مو قد كذه) :) ..

H.D.D 40 GH 7200

RAM 512

طبعا مع الصندوق (case) ..

طبعا كرت الشاشة موب محسوب لاني راح اجيبه انا ..

وش رايكم ؟؟ ..








...................................................
Night Road
13-10-2004, 09:41 PM
شباب انا بعد بركب DSL انا كنت افكر بين نسما وسعودي نت وش رأيكم انتم ؟؟ ..












............................................................
M@jN00N
15-10-2004, 04:35 PM
هلا اخوي معليش شكلي تاخرت عليك بالرد

السعر حلو بس انا ماقلتلك ان جيجابايت مو قد كذا انا الي اقوله ان في افضل منها عموما انتل تنتج مذربوردات جيده بس انا عندي ماافضلها ابدا مادري ليه ممكن عشان موضوع كسر السرعه ....
الاهم في الموضوع شوف الشبست للمذربود ياتكون 875 او 865 هذي اهم شي
وتكون من الشركات هذي يا اسوس او abit او msi او جيجابايت اي وحده منهم جيده
هو بيزيد عليك السعر شوي اكيد بس الزياده من صالحك :)
وهذي صور للستكر الي يكون على علبة المذربورد لتعرف منه الشبست
http://www.asus.com/products/mb/socket478/p4c800-d/875p.gif
ياتشوف على علبة المذر بورد هذا الشكل وبتعرف منه ان الشبست 875
او
http://www.asus.com/products/mb/socket478/p4p800-d/865PE.gif
وبتعرف منه ان الشبست للمذربورد 865

شوف اي مذربورد عليها الاستكرين هذولي ومن النوعيات الي ذكرتها لك وتوكل على الله :)
ان شاء الله اكون افدك
سلام
Night Road
15-10-2004, 09:14 PM
مشكور اخوي والله انك 100% ماقصرت ابد .,.

بس حبيت اتأكد اذا اخذت الكمبيوتر بالمواصفات هذي هل راح يشغل الالعاب 100% .,.

وكل عام وانت رمضان قصدي بخير D: .,.










.,.
M@jN00N
16-10-2004, 01:38 AM
هلا اخوي
العفو هذا واجبنا :)

ان شاء الله اذا اخذت المواصفات ان شاء الله بتشتغل الالعاب ولكن يعتمد على كرت الشاشه الي بتاخذه وعلى قوته
فكل ماكان الكرت اقوي كل ماكان تشغيله للالعاب بشكل ممتاز

سلام
Night Road
16-10-2004, 02:36 AM
5700 GEForce قلت انا في البداية :) .,.











.,.
الخيال المتلاعب
16-10-2004, 09:59 PM
what is happening guys
أسف أخوي أني وصلت متأخر الموضوع أنتها بس سؤال فضولي أنت وش تشتغل غريبه كل هذي المعلومات
الصراحه أنا ما أعرف شي في المثربورد ما أعرف إلا في المعالج والرام وكرت الشاشه
أسف أخوي على القافه بس عادي جاوب
Night Road
16-10-2004, 10:54 PM
اخوي انت تقصدني ولا اخوي مجنون ؟؟ .,.

المهم انت اذا بغيت تشري كمبيوتر راح تعرف هذي المعلومات يوم تروح تسأل وراح يعطوك معلومات اصحاب المحلات .,.













.,.
M@jN00N
17-10-2004, 12:00 AM
what is happening guys
أسف أخوي أني وصلت متأخر الموضوع أنتها بس سؤال فضولي أنت وش تشتغل غريبه كل هذي المعلومات
الصراحه أنا ما أعرف شي في المثربورد ما أعرف إلا في المعالج والرام وكرت الشاشه
أسف أخوي على القافه بس عادي جاوب

اهلين وسهلين اخوي :)
مادري اذا كنت تقصدني ولكن عادي بجاوبك ( لقافه ) :tongue2:

بالنسبه لوش اشتغل ( سر سر ) :09: ماله اي علاقه بعالم الكمبيوتر :أفكر:

ولكن من نعومت اضافري <--- بدا يبي يحكي قصص :D

كنت متعلق بالكمبيوتر وماحصلت اني اتخصص فيه من ناحية الدراسه فاخذتها هواية
طبعا بدت قبل النت بتصفح المجلات المختصه و تخريب الكمبيوترات الي امتلكها ولا كمبيوترات الشباب :D (سوفت وير )
الي ان بديت حبه حبه اتعلم شوي شوي بس الي الحين ماوصلت الي مراحل متقدمه الي الحين نحوس ونحوس في عالم الهاردوير الي صار الحين عالم ووووووووين ايام زمان كان كل الموجود في السوق نوعين ولا ثلاث انواع الحين صارت بالمئات الواحد مايدري وين الزين من الشين طبعا استفدت كثير من المواقع وخلافها ..

بالنسبه للمحلات انا مااثق فيها كثير لان عادتا البائع يروج بضاعته فاكيد بيمدحها حت لو كانت سيئه الا ماندر
ونادرا تاخذ من اصحاب المحلات معلومات دقيقه الا اذا كان صاحبك فبينصحك من باب الصداقه :)

عموما انا لي كمن يوم اجهز تقرير بسيط عن اخر الشبست والمذربوردات الي نزلت في الاسواق والي بتنزل قريبا
بس الي الحين ماحصلت عنوان للموضوع :33:
وبسبب دخول رمضان و انشغلت شوي بس ان شاء الله يرى النور قريبا وطبعا محتاج الي نصائحكم ومشاركاتكم :)
ماكاني طولت ;)

السلام عليكم ورحمة الله وبركاته
Nero
17-10-2004, 05:20 AM
جي فورس 5700 بـ 300 ريال ..




اكيد انه النسخه LE بسبب سعره الافضل عنه الابتعاد و تأكد من رمز LE انه مش موجود لان تردد GPU هو 250 ميجاهيرتز وتردد الذاكره 400 ميجاهيرتز ....لو كان الكرن يحمل الرمز Ultra ستجد الامر مختلف جدا سوف يرتفع كل شيء بيكون التردد GPU هو 475 ميحاهيرتز و الذاكره تقريبا 900 ميجاهيرتز حتى السعر بيكون تقريبا 900 درهم !!!
Night Road
17-10-2004, 08:11 PM
M@jN00N لول ;) .,.
Nero اخوي انا اسأل هل هو يشغل 100% تمام ولا لا ، لانه لو على الجودة يوصل السعر 2000 ريال (طبعا كثير شوي) فعلشان كذه لو عندي 2000 حق كرت شاشة كان شريت الترا 6800 ماكان سألت على 5700 :D .,.

ومشكورين شباب على الردود ، بس ابي الرد اشري الكرت 5700 ولا 5800 او 5900 اذا فيه فرق كبير بينهم قولوا لي .,.








.,.
M@jN00N
17-10-2004, 09:28 PM
السلام عليكم
هلا اخوي :)

بالنسبه هل يفرق اكيد يفرق اذا كان في فرق بين 5900 و 5900 الترا

عموما مرعلي موضوع الاخ ADSL وبيفيدك ان شاء الله :)
على الوصله هذي (http://www.montada.com/showthread.php?t=296909)

سلام