مصرقع اس اس
11-10-2004, 02:58 AM
قلت خلن اكتبلكم قصة مصرقعة من زمان ماكتبتلكم قصه مصرقعه
المكان : أحد شوراع منفوحة
الزمان : 4 العصر
الايقاعات : ولا شي كلنا ساكتين
انا وخويي وخويه في جلسه غراميه متبطحين على الارضيه ونسولف سوالف العصريه
انا : ياشباب ماتحسون انه طفش
العيال بصوت واحد : ايه طفش بقوة يا اخي
انا : طيب ولعنه واحد يتكلم والثاني ينطم ولا امسكو سرا بالكلام لازم يعني تخاطمون على بعض حتى بالكلام :D
العيال : طيب خلاص مهيب مشكله
انا : ياهووووه وش قلنا
خويي : طيب لاتدقق يا اخي
خويه : خلاص لاتبلشنا
انا : وشو ياعيال اللي منيب قايل
غبره في الجو
صوت لكمات خطافيه
مزاعق
المخرج يدخل ركضا عشان يفرق
ويشيلون با اقرب سيارة اسعاف وانا اقول ( يلعن ابو المزح اللي تعرفونه ياشيخ )
بعد كم يوم !
نفس الجلسه
نفس المكان
نفس الزمان
بس هالمره صرنا خمسه !!
أنا وخويي وخويه و ولد خالته و ولد عمة خويه !! زحمه صح !!
بدأنا بالسوالف
وبدأو العيال بالتحدث :
ولد عمة خوي خويي : يا فلان ( خوي خويي ) خوياكم شكلهم طعوس
انا : طعوس بس رجاجيل ( في دقه واضحه على طريقه لبسه للجنز حيث ان اللي لابس جنز في حارتنا يعتبر ( خنـ ... ) ;) )
ولد عمة خوي خويي : يووه تصدق يوم تكلمت احس انه طلعت ريحه غنم من حلقك
انا : تطلع ريحه غنم ولا تطلع ريحه .... اللي ..... !! (<<< كل واحد يترجمها على كيفه )
خوي خويي : يا فلان ( خويي ) شف خويك يا اخي فكنا من الحرش
خويي : فكنا من الحرش يا ابومصرقع
أنا : ترى والله عشان يا مارتي ولا مهب عشان هالكمخ
خويي : الله لايهينك ياحبي لك
سكتنا قليلا وتكلم الصلخ ولد عمة خوي خويي مرتن اخرى قائلا : ياعيال مادريتو وش صار امس ؟
أنا : لا مادرينا ولا نبي ندري
خويي يخزني بعينه وبكل حقد
انا : اووه نسيت خلاص علمنا يالله
ولد عمة خوي خويي ( بعد ان تنحنح وسكت قليلا ) : والله يالانترنت ياعيال فله من جد
انا ( دقني الحماس ) : أيوه
وناظر فيني الرجال بحقد واكمل حديثه قائلا : فيه اشياء كثيره ماتقدرون تتخيلونها
انا (مرتن أخرى ) : ايوه كمل كمل :bigeyes:
وناظر فيني للمرة الاخرى بحقد وضغينه واطرق قائلا : تخيلو تقدرون تخشون على اجهزة العالم وتنبسطون وتشوفون وش يسووون
انا ( مرتن ثالثه ) : يعني حركات حراميه وعيالات كلبب
وناظر فيني وناظر بخوياي : وقال بتسكتون ذا التيس ولا لا
انا : منهو التيس يا ابن الكلب ؟
فلم يجبني هذه المره بل جاوبني بلكمه خطافيه على وجهي سدحتني ارضا والدماء تنزف من خشتي بغزارة وحملوني للمستشفى وانا اتمتم واردد واقول ( يلعن ابو المزح اللي تعرفونه ياشيخ ) !!!
بعد بضعه ساعات وبعد ان تدخل المخرج وصالحنا مع بعض عدنا مرة أخرى لتكمله باقي المشهد
نظر فيني ولد عمة خوي خويي وقال لي : ليس كذلك ياعزيزي
انا : فا اطرق بالحديث قائلا : افرض انك حقدت على واحد بالحاره وش تسوي به ؟
فرددت انا بكل طفاقه : أحجر له بزاويه والعن والدين والدينه
فرد علي قائلا : وتركز على نقاط الضعف صح ؟
فرديت انا : ايه اركز على ......
فرد قائلا : طيب درينا وهذا حنا نسوي مثله ونضرب بمناطق حساسه بس بلغه الكمبيوتر
أنا : أها
المكان : مقهى انترنت في الدخل المحدود
الزمان : الساعه 4 الفجر والساعه بعشره ريال
الايقاعات : صوت طقطقه الكيبورد وضحك البعض منهم وتميلح راعي ددسن وراي بالمايك
أنا : السلام عليكم ياشباب
خلود : انزل من سطحي ياوقح ياقليل الادب
أسير رمش عيونك : منيب نازل يا ...... وارقي لا افضحك
أنا : السلام عليكم مرة ثانيه
أسير رمش عيونك : كل تبن انت تراك فاضي محد راد عليك
خلود : تكفى يا مصرقع ابي فزعتك شف ذا الوصخ ازعجني بالخاص :mad:
انا : يا اخي وش تبي بخاصها تعال بخاصي انا واعلمك الادب
أسير رمش عيونك : استح على وجهك ياغبي ولا تخرب انا وياها متصالحين بدونك
أنا : اقول ورى ماتنطم لا العن واالدينك قسم بالله لا سوي لك حركتين هكر اخليك تعرف ان الله حق
اسير رمش عيونك : هكر ياغبي ! انت كفو شي اسمه هكر !!
أنا : ايه يادلخ
أسير رمش عيونك : برب
أنا : هاه خلود وشرايك فيني وانا كرشته وفكيتك من شره
خلود : ياليتك جاي من زمان ياشيخ
انا : هذاني الحين هنا من وين انتي
خلود : انا من الرياض
انا : سبحان الله حتى انا
خلود : كم عمرك
انا : انا عمري 26 سنه ومتوظف بالديوان الملكي :D
خلود : واااااااو ماشاء الله انا عمري 22 سنه وطالبه في كليه عليشه للعلوم التقنيه
انا : ايه عرفتها احيانا امر من هناك لاجيت راجع من الدوام
خلود : اجل خلنا نشوفك يوم
أنا : اب .....
وفجأه طفا الجهاز وتأججت ملامح العصبيه فيني
و ألتفت وراي وقلت بشير يا ابن الكلبب (بشير العامل الهندي بالمقهى ) وما امداني التفت الا وحيد القرن اللي واقف وراي ويقول اجل هكر يالدلخ
قمت اتنافض انا وقلت وقسم بالله اني ما استخدمت اجهزة المقهى للتهكير وتراني عارف ان الاجهزة غاليه وانتم تخافون عليها احسبه راعي المقهى
فجاوبني الدلخ قائلا : وش اجهزته يا ابو الشباب ماعرفتني
قلت انا : الا راعي المقهى
قال : لا انا اسير رمش عيونك ياعيوني
قلت : كل ذا الجدار اللي قدامي واسير رمش عيونك !!
ما امداني كملت كلمتي الا اخونا بالله تالن سلك الماوس والكيبورد وملطخني فيهم حتى انطبعت حروف الكيبورد ورى ظهري حتى بالماريه بالحاره قاموو ينادوني أسدف كنايه بحروف ASDF واللي طولت مطبوعه بظهري لفتره طويله من الزمن :D وقمت اصيح انا وادربي راسي وانا اهج من عنده وانا اقول ( يلعن ابو المزح اللي تعرفونه ياشيخ )
عدت الى البيت اجرجر اذيال الهزيمه وانا اصيح:17: و وصلت بيتنا ودخلت على أبوي قلت يبه أبي انترنت قال ضف وجهك ومالك الا الددسن مالي طاقه على غيرها من المواتر قلت يبه ابي الانترنت وتراها مهيب سيارة قام ابوي بوجهي وانزل العقال كعادته الكريمه بالتعامل معي وتلطف علي بالقليل من التمحيط على خشتي وهو يردد وتبي تاخذ اجنبيه يا ابن الكلب وبنت عمك مارقريت من لها ياملعوون الثوى ايا الردي انا داري انك من يوم طحت بالكوكا كا وانا داري انك بتدشر ياللعين قمت اصيح ابي امي تفزع وتدخل امي الله يصلحها مدرعمه بكل قوة تقول وشفيه وشفيه يا ......
قال ابن اللذينا يبي يتزوج اجنبيه فردت امي بكل ذهانه جبها لنا شغاله فناظرت با امي نظرات حقد وانا قافله معي واقول لا ابوي اضرب كمل يالله اضرب
رحت راكضا لغرفتي وانا اردد ( يلعن ابو المزح اللي تعرفونه ياشيخ )
في اليوم الثاني رحت لمقهى في العليا يقال لي ولد نعمه بعد ان سرقت من مخبات ابوي خمسين ريال و دخلت المقهى وانا حالف اني ما اطلع الا وانا هكر ومهب اي هكر بعد واخش المقهى خبري بي الصبح ويوم جيت با اطلع الا الجو ليل والدنيا ظلمه والشوارع فاضيه :D يوم جيت ابا اطلع وبحاسب واجي عند الحساب وادفع الخمسين وامد يدي احتري الباقي الا الهندي يناظر فيني ويقول صديق حساب انت 15 ساعه 150 ريال وحساب 6 بيبسي 8 كتكات يجي 50 ريال يعني كله 200 ريال قلت وشو واناظر فيه قلت هات الخمسين شوي واخذها وماعاد شاف الا غبرتي
مرت الايام وانا متوزي في بيتنا خايف من راعي المقهى ومن الفضيحه اللي صايره :D وبعد فتره طلعت لمقهى من المقاهي وخشيت متلطم وانا اتلفت ادور صورتي وتحتها WANTED لكن بعد فتره اكتشفت اني ما احد داري عني بالعربي ماجابو خبري وخذيت راحتي وفكيت اللطمه الا شوي الا اللي وراي يناظر فيني بنص عين ويقول انت مصرقع؟ قلت لا غلطان يالغالي احسبه راعي المقهى . قال معاك اخوك جيمس باولو من جميعه رعايه الموهوبين والصراحه الشي الي سويته أمس شي غير طبيعي قلت وقسم بالله مهب قصدي بس مامعي دراهم ولا كان الوضع ماصار كذا قال مدري عنك وش انت مسوي بس شغله انك تخترق موقع القوقل وتدمره خلال ساعه ونص وبحركات نص كم شي غير طبيعي ما احد قبلك قدر على هاالشي وقتها تذكرت اني جالس أدور في موقع القوقل حق الصور وكاتب بالبحث جبهه أمي وارصع بحث من يوم جلسه بالمقهى الين ماطلعت منه خخخخخخخخخخ ويحلفون السيرفر انتحر وكتب بحبر الطابعه اللي جنبه على الجدار ( الله يلعن ابو البحث اللي تعرفونه ياشيخ ) وقتها حرمت قوقل دخول العرب والايبيات اللي تبدى 212 من السعوديه لخطرنا الهكري الكبير وخذاني راعي الموهوبين و وداني للمركز ودخلني على شله دوافير وجلست انا اقلب دمجتي وراهم ومسكني مصري وقال تعالا يا ابني انا عايزك بشغله مهمه أسمع يا ابني انا ايميلي انسرق وعايزك ترقعوه ليا خصوصا اني سامع انك هكر كبير اوي وحركه تدمير القوقل مش بسيطه يا ابني وانا ادربي راسي وابتسم قلت خلاص عطني ايميلك وخلال سبع ايام انشالله يكون عندك ويعطيني المصري الباسورد والايميل واروح لم جهازه واتبحثر وازرف صورته وصورة اهله واحطهم بديسك واطلع واروح للسعودي اللي خذاني اول مره وقلت له انا تعبان ودي اروح اريح بالبيت وبمر عليكم بكره :D قال الله معك ولا يهمك وترانا نحرص على اللي مثلك قلت طيب ولا يهمك
وانقز ثاني يوم لمقهى انترنت واخش على المقهى وافتح قوقل يوم طلعت لي صفحه مكتوب فيها ( يرحم امك فكنا من شرك ) ومكتوب تحت ( ملاحظة : يلعن ام المزح اللي تعرفه ياشيخ ) وادخل على القوقل واحط ايميل المصري الا لقيته الخسيس مشترك بقروبات نص كم وحركات بايخه اوي وانا اللي اصفطه واسحب عليه وادخل شاتات اشتشت . وبعد فتره شليت نفسي ورحت لمركز رعايتي انا حق الموهوبين وادخل على المصري قلت اسمع يا اسطا انا عارف انك مسوي كذا ومسوي كذا ومسوي كذا وتراني رجعت ايميلك وشفت الخمبقة واللعانه اللي فيه وانا بستر عليك بس بشرط قال وشو قلت انك تعطيني الايميل هديه قال خلاص هو لك مش عايزه وانا طالع من عند المصري اكركر شوي الا خوينا ابو الموهوبين اللي امس جايني ويقول كرستيان ومصرقع سلمو على بعض ويقول لي اسمع هذا صحفي جاي يبي يسوي معك مقابله بالمجله ويبيك تحكي له عن قصتك مع الهكر والانترنت في مقابله صغيره راح تنشرها المجله لك وبالتعبير عن مواهبك العديده خصوصا انك احد الموهوبين اللي نتشرف فيهم قمت اتبسم انا وقلت بس اهم شي الصور قال تم
أخ مصرقع نبي نعرف بدايتك مع الانترنت والكمبيوتر ؟
والله بدايتي مثل بدايه ايه شاب يتدرج بالمعرفه بدايه من الاتاري الاسود مرورا بكمبيوتر العايله والسوني بالاي ستيشن وصولا للكمبيوتر والكمبيوتر المشيول :bigeyes: وانا صراحه عرفت الانترنت بالصدفه ولا طموحي كان اشتغل عارض ازياء
ماسر تفوقك على اقرانك من الجيل في مجال الانترنت والكمبيوتر ؟
والله مهب ذنبي انهم ( حمير)
<<< الله من زين الاجابات
وما هو طابع العلاقه بينك وبين الهاكينق خصوصا انك اول عربي يهكر موقع القول ؟
والله علاقه شريفه تخلو من كل المآرب الغير شريفه
طيب شكرا اخ مصرقع على هالمقابله والشرهه مهيب عليك الشرهه على مراكز الموهوبين اللي ترعى مثل هالاشكال المعوقه
ابتسمت انا على بالي انه يمدح خصوصا اني مافهمت شي وقلت الشكر موصول لكم ولجريدتكم الفاضله واللي تتميز بالمصداقيه والوضوح
مرت الايام وانشرت المقابله وصرت انا معشوق البنات:biggthump الاول واكبر هكر عربي على مستوى النت والعالم كلهم لابغوو يخوفون بعض بالنت يقول وخر بس لا اجيب لك ابو لوبيز يهكر مندوبك
وفي يوم من الايام !!! جائني للبيت خطاب من رعايه الموهوبين يطلبوني فيه لسفره لا اسكتلندا لحضور مسابقة لعباقره الكمبيوتر في العالم و وقع الاختيار علي في تلك المسابقة و وافق ابوي وصار يحتك فيني ودفني على متن الرحله متمنيا لي التوفيق بعد ان زبن لنفسه محل و رافقني للرحله واخر خبري به المطار ومن عقبها ماشفته تهقون وينه فيه ؟
بدأت المسابقة وكانت عباره عن عدة أسئله كانت كما يلي :
ما الهدف من الهاكينق ؟ وهل تهكر لكي تخرب ؟
ماذا تعني كلمه HACKER ؟
ماهو ال PORT ؟
ماهي علاقه الهاكر بالمجتمع من حوله ؟
هل انت هكر ولا ماعند امك سالفه ؟
وشرايك با الاسئله السابقه ؟
لم اجب على الاسئله ونطلت الورقة بوجه اللي موزعها واعتذرت عن الاجابه على الاسئله بحجه انه اقل من مستواي وقام الحضور بالتصفيق لي تصفيقا حادا وبدأو بالترديد مصرقع مصرقع هيه هيه وفجأه من بين الحضور خرج علي صوت شجي يردد مصرقع ياااااااااكلك حبه حبه وياااااااكلك حبه حبه أكل البرشوومي حبه حبه وياجمالوووه ياجماالوووه ومصرقع حالتووه حالوووه وانا اتراقص على المسرح واردد معهم وفي اليوم التالي مباشره !! صدر القرار السامي بحل تلك اللجنه واعطائي الصلاحيات لا احلال اللجنه المناسبه مكانها مع تغيير الاسم واختيار الاعضاء المناسبين فتم اختيارنا كما يلي :
اسم المؤسسه ZJHC
الاعضاء المؤسسسين : أنا و خويي و خوي خويي ولد خاله خويي و ولد عمة خوي خويي و أبوي لزوم السفرات
شعار المؤسسه ( الهاكينق كخه !! فتجنبووه )
مع تحيات ZJHC ZALAYB ALJARADYAH HACKING COMPANY
المكان : أحد شوراع منفوحة
الزمان : 4 العصر
الايقاعات : ولا شي كلنا ساكتين
انا وخويي وخويه في جلسه غراميه متبطحين على الارضيه ونسولف سوالف العصريه
انا : ياشباب ماتحسون انه طفش
العيال بصوت واحد : ايه طفش بقوة يا اخي
انا : طيب ولعنه واحد يتكلم والثاني ينطم ولا امسكو سرا بالكلام لازم يعني تخاطمون على بعض حتى بالكلام :D
العيال : طيب خلاص مهيب مشكله
انا : ياهووووه وش قلنا
خويي : طيب لاتدقق يا اخي
خويه : خلاص لاتبلشنا
انا : وشو ياعيال اللي منيب قايل
غبره في الجو
صوت لكمات خطافيه
مزاعق
المخرج يدخل ركضا عشان يفرق
ويشيلون با اقرب سيارة اسعاف وانا اقول ( يلعن ابو المزح اللي تعرفونه ياشيخ )
بعد كم يوم !
نفس الجلسه
نفس المكان
نفس الزمان
بس هالمره صرنا خمسه !!
أنا وخويي وخويه و ولد خالته و ولد عمة خويه !! زحمه صح !!
بدأنا بالسوالف
وبدأو العيال بالتحدث :
ولد عمة خوي خويي : يا فلان ( خوي خويي ) خوياكم شكلهم طعوس
انا : طعوس بس رجاجيل ( في دقه واضحه على طريقه لبسه للجنز حيث ان اللي لابس جنز في حارتنا يعتبر ( خنـ ... ) ;) )
ولد عمة خوي خويي : يووه تصدق يوم تكلمت احس انه طلعت ريحه غنم من حلقك
انا : تطلع ريحه غنم ولا تطلع ريحه .... اللي ..... !! (<<< كل واحد يترجمها على كيفه )
خوي خويي : يا فلان ( خويي ) شف خويك يا اخي فكنا من الحرش
خويي : فكنا من الحرش يا ابومصرقع
أنا : ترى والله عشان يا مارتي ولا مهب عشان هالكمخ
خويي : الله لايهينك ياحبي لك
سكتنا قليلا وتكلم الصلخ ولد عمة خوي خويي مرتن اخرى قائلا : ياعيال مادريتو وش صار امس ؟
أنا : لا مادرينا ولا نبي ندري
خويي يخزني بعينه وبكل حقد
انا : اووه نسيت خلاص علمنا يالله
ولد عمة خوي خويي ( بعد ان تنحنح وسكت قليلا ) : والله يالانترنت ياعيال فله من جد
انا ( دقني الحماس ) : أيوه
وناظر فيني الرجال بحقد واكمل حديثه قائلا : فيه اشياء كثيره ماتقدرون تتخيلونها
انا (مرتن أخرى ) : ايوه كمل كمل :bigeyes:
وناظر فيني للمرة الاخرى بحقد وضغينه واطرق قائلا : تخيلو تقدرون تخشون على اجهزة العالم وتنبسطون وتشوفون وش يسووون
انا ( مرتن ثالثه ) : يعني حركات حراميه وعيالات كلبب
وناظر فيني وناظر بخوياي : وقال بتسكتون ذا التيس ولا لا
انا : منهو التيس يا ابن الكلب ؟
فلم يجبني هذه المره بل جاوبني بلكمه خطافيه على وجهي سدحتني ارضا والدماء تنزف من خشتي بغزارة وحملوني للمستشفى وانا اتمتم واردد واقول ( يلعن ابو المزح اللي تعرفونه ياشيخ ) !!!
بعد بضعه ساعات وبعد ان تدخل المخرج وصالحنا مع بعض عدنا مرة أخرى لتكمله باقي المشهد
نظر فيني ولد عمة خوي خويي وقال لي : ليس كذلك ياعزيزي
انا : فا اطرق بالحديث قائلا : افرض انك حقدت على واحد بالحاره وش تسوي به ؟
فرددت انا بكل طفاقه : أحجر له بزاويه والعن والدين والدينه
فرد علي قائلا : وتركز على نقاط الضعف صح ؟
فرديت انا : ايه اركز على ......
فرد قائلا : طيب درينا وهذا حنا نسوي مثله ونضرب بمناطق حساسه بس بلغه الكمبيوتر
أنا : أها
المكان : مقهى انترنت في الدخل المحدود
الزمان : الساعه 4 الفجر والساعه بعشره ريال
الايقاعات : صوت طقطقه الكيبورد وضحك البعض منهم وتميلح راعي ددسن وراي بالمايك
أنا : السلام عليكم ياشباب
خلود : انزل من سطحي ياوقح ياقليل الادب
أسير رمش عيونك : منيب نازل يا ...... وارقي لا افضحك
أنا : السلام عليكم مرة ثانيه
أسير رمش عيونك : كل تبن انت تراك فاضي محد راد عليك
خلود : تكفى يا مصرقع ابي فزعتك شف ذا الوصخ ازعجني بالخاص :mad:
انا : يا اخي وش تبي بخاصها تعال بخاصي انا واعلمك الادب
أسير رمش عيونك : استح على وجهك ياغبي ولا تخرب انا وياها متصالحين بدونك
أنا : اقول ورى ماتنطم لا العن واالدينك قسم بالله لا سوي لك حركتين هكر اخليك تعرف ان الله حق
اسير رمش عيونك : هكر ياغبي ! انت كفو شي اسمه هكر !!
أنا : ايه يادلخ
أسير رمش عيونك : برب
أنا : هاه خلود وشرايك فيني وانا كرشته وفكيتك من شره
خلود : ياليتك جاي من زمان ياشيخ
انا : هذاني الحين هنا من وين انتي
خلود : انا من الرياض
انا : سبحان الله حتى انا
خلود : كم عمرك
انا : انا عمري 26 سنه ومتوظف بالديوان الملكي :D
خلود : واااااااو ماشاء الله انا عمري 22 سنه وطالبه في كليه عليشه للعلوم التقنيه
انا : ايه عرفتها احيانا امر من هناك لاجيت راجع من الدوام
خلود : اجل خلنا نشوفك يوم
أنا : اب .....
وفجأه طفا الجهاز وتأججت ملامح العصبيه فيني
و ألتفت وراي وقلت بشير يا ابن الكلبب (بشير العامل الهندي بالمقهى ) وما امداني التفت الا وحيد القرن اللي واقف وراي ويقول اجل هكر يالدلخ
قمت اتنافض انا وقلت وقسم بالله اني ما استخدمت اجهزة المقهى للتهكير وتراني عارف ان الاجهزة غاليه وانتم تخافون عليها احسبه راعي المقهى
فجاوبني الدلخ قائلا : وش اجهزته يا ابو الشباب ماعرفتني
قلت انا : الا راعي المقهى
قال : لا انا اسير رمش عيونك ياعيوني
قلت : كل ذا الجدار اللي قدامي واسير رمش عيونك !!
ما امداني كملت كلمتي الا اخونا بالله تالن سلك الماوس والكيبورد وملطخني فيهم حتى انطبعت حروف الكيبورد ورى ظهري حتى بالماريه بالحاره قاموو ينادوني أسدف كنايه بحروف ASDF واللي طولت مطبوعه بظهري لفتره طويله من الزمن :D وقمت اصيح انا وادربي راسي وانا اهج من عنده وانا اقول ( يلعن ابو المزح اللي تعرفونه ياشيخ )
عدت الى البيت اجرجر اذيال الهزيمه وانا اصيح:17: و وصلت بيتنا ودخلت على أبوي قلت يبه أبي انترنت قال ضف وجهك ومالك الا الددسن مالي طاقه على غيرها من المواتر قلت يبه ابي الانترنت وتراها مهيب سيارة قام ابوي بوجهي وانزل العقال كعادته الكريمه بالتعامل معي وتلطف علي بالقليل من التمحيط على خشتي وهو يردد وتبي تاخذ اجنبيه يا ابن الكلب وبنت عمك مارقريت من لها ياملعوون الثوى ايا الردي انا داري انك من يوم طحت بالكوكا كا وانا داري انك بتدشر ياللعين قمت اصيح ابي امي تفزع وتدخل امي الله يصلحها مدرعمه بكل قوة تقول وشفيه وشفيه يا ......
قال ابن اللذينا يبي يتزوج اجنبيه فردت امي بكل ذهانه جبها لنا شغاله فناظرت با امي نظرات حقد وانا قافله معي واقول لا ابوي اضرب كمل يالله اضرب
رحت راكضا لغرفتي وانا اردد ( يلعن ابو المزح اللي تعرفونه ياشيخ )
في اليوم الثاني رحت لمقهى في العليا يقال لي ولد نعمه بعد ان سرقت من مخبات ابوي خمسين ريال و دخلت المقهى وانا حالف اني ما اطلع الا وانا هكر ومهب اي هكر بعد واخش المقهى خبري بي الصبح ويوم جيت با اطلع الا الجو ليل والدنيا ظلمه والشوارع فاضيه :D يوم جيت ابا اطلع وبحاسب واجي عند الحساب وادفع الخمسين وامد يدي احتري الباقي الا الهندي يناظر فيني ويقول صديق حساب انت 15 ساعه 150 ريال وحساب 6 بيبسي 8 كتكات يجي 50 ريال يعني كله 200 ريال قلت وشو واناظر فيه قلت هات الخمسين شوي واخذها وماعاد شاف الا غبرتي
مرت الايام وانا متوزي في بيتنا خايف من راعي المقهى ومن الفضيحه اللي صايره :D وبعد فتره طلعت لمقهى من المقاهي وخشيت متلطم وانا اتلفت ادور صورتي وتحتها WANTED لكن بعد فتره اكتشفت اني ما احد داري عني بالعربي ماجابو خبري وخذيت راحتي وفكيت اللطمه الا شوي الا اللي وراي يناظر فيني بنص عين ويقول انت مصرقع؟ قلت لا غلطان يالغالي احسبه راعي المقهى . قال معاك اخوك جيمس باولو من جميعه رعايه الموهوبين والصراحه الشي الي سويته أمس شي غير طبيعي قلت وقسم بالله مهب قصدي بس مامعي دراهم ولا كان الوضع ماصار كذا قال مدري عنك وش انت مسوي بس شغله انك تخترق موقع القوقل وتدمره خلال ساعه ونص وبحركات نص كم شي غير طبيعي ما احد قبلك قدر على هاالشي وقتها تذكرت اني جالس أدور في موقع القوقل حق الصور وكاتب بالبحث جبهه أمي وارصع بحث من يوم جلسه بالمقهى الين ماطلعت منه خخخخخخخخخخ ويحلفون السيرفر انتحر وكتب بحبر الطابعه اللي جنبه على الجدار ( الله يلعن ابو البحث اللي تعرفونه ياشيخ ) وقتها حرمت قوقل دخول العرب والايبيات اللي تبدى 212 من السعوديه لخطرنا الهكري الكبير وخذاني راعي الموهوبين و وداني للمركز ودخلني على شله دوافير وجلست انا اقلب دمجتي وراهم ومسكني مصري وقال تعالا يا ابني انا عايزك بشغله مهمه أسمع يا ابني انا ايميلي انسرق وعايزك ترقعوه ليا خصوصا اني سامع انك هكر كبير اوي وحركه تدمير القوقل مش بسيطه يا ابني وانا ادربي راسي وابتسم قلت خلاص عطني ايميلك وخلال سبع ايام انشالله يكون عندك ويعطيني المصري الباسورد والايميل واروح لم جهازه واتبحثر وازرف صورته وصورة اهله واحطهم بديسك واطلع واروح للسعودي اللي خذاني اول مره وقلت له انا تعبان ودي اروح اريح بالبيت وبمر عليكم بكره :D قال الله معك ولا يهمك وترانا نحرص على اللي مثلك قلت طيب ولا يهمك
وانقز ثاني يوم لمقهى انترنت واخش على المقهى وافتح قوقل يوم طلعت لي صفحه مكتوب فيها ( يرحم امك فكنا من شرك ) ومكتوب تحت ( ملاحظة : يلعن ام المزح اللي تعرفه ياشيخ ) وادخل على القوقل واحط ايميل المصري الا لقيته الخسيس مشترك بقروبات نص كم وحركات بايخه اوي وانا اللي اصفطه واسحب عليه وادخل شاتات اشتشت . وبعد فتره شليت نفسي ورحت لمركز رعايتي انا حق الموهوبين وادخل على المصري قلت اسمع يا اسطا انا عارف انك مسوي كذا ومسوي كذا ومسوي كذا وتراني رجعت ايميلك وشفت الخمبقة واللعانه اللي فيه وانا بستر عليك بس بشرط قال وشو قلت انك تعطيني الايميل هديه قال خلاص هو لك مش عايزه وانا طالع من عند المصري اكركر شوي الا خوينا ابو الموهوبين اللي امس جايني ويقول كرستيان ومصرقع سلمو على بعض ويقول لي اسمع هذا صحفي جاي يبي يسوي معك مقابله بالمجله ويبيك تحكي له عن قصتك مع الهكر والانترنت في مقابله صغيره راح تنشرها المجله لك وبالتعبير عن مواهبك العديده خصوصا انك احد الموهوبين اللي نتشرف فيهم قمت اتبسم انا وقلت بس اهم شي الصور قال تم
أخ مصرقع نبي نعرف بدايتك مع الانترنت والكمبيوتر ؟
والله بدايتي مثل بدايه ايه شاب يتدرج بالمعرفه بدايه من الاتاري الاسود مرورا بكمبيوتر العايله والسوني بالاي ستيشن وصولا للكمبيوتر والكمبيوتر المشيول :bigeyes: وانا صراحه عرفت الانترنت بالصدفه ولا طموحي كان اشتغل عارض ازياء
ماسر تفوقك على اقرانك من الجيل في مجال الانترنت والكمبيوتر ؟
والله مهب ذنبي انهم ( حمير)
<<< الله من زين الاجابات
وما هو طابع العلاقه بينك وبين الهاكينق خصوصا انك اول عربي يهكر موقع القول ؟
والله علاقه شريفه تخلو من كل المآرب الغير شريفه
طيب شكرا اخ مصرقع على هالمقابله والشرهه مهيب عليك الشرهه على مراكز الموهوبين اللي ترعى مثل هالاشكال المعوقه
ابتسمت انا على بالي انه يمدح خصوصا اني مافهمت شي وقلت الشكر موصول لكم ولجريدتكم الفاضله واللي تتميز بالمصداقيه والوضوح
مرت الايام وانشرت المقابله وصرت انا معشوق البنات:biggthump الاول واكبر هكر عربي على مستوى النت والعالم كلهم لابغوو يخوفون بعض بالنت يقول وخر بس لا اجيب لك ابو لوبيز يهكر مندوبك
وفي يوم من الايام !!! جائني للبيت خطاب من رعايه الموهوبين يطلبوني فيه لسفره لا اسكتلندا لحضور مسابقة لعباقره الكمبيوتر في العالم و وقع الاختيار علي في تلك المسابقة و وافق ابوي وصار يحتك فيني ودفني على متن الرحله متمنيا لي التوفيق بعد ان زبن لنفسه محل و رافقني للرحله واخر خبري به المطار ومن عقبها ماشفته تهقون وينه فيه ؟
بدأت المسابقة وكانت عباره عن عدة أسئله كانت كما يلي :
ما الهدف من الهاكينق ؟ وهل تهكر لكي تخرب ؟
ماذا تعني كلمه HACKER ؟
ماهو ال PORT ؟
ماهي علاقه الهاكر بالمجتمع من حوله ؟
هل انت هكر ولا ماعند امك سالفه ؟
وشرايك با الاسئله السابقه ؟
لم اجب على الاسئله ونطلت الورقة بوجه اللي موزعها واعتذرت عن الاجابه على الاسئله بحجه انه اقل من مستواي وقام الحضور بالتصفيق لي تصفيقا حادا وبدأو بالترديد مصرقع مصرقع هيه هيه وفجأه من بين الحضور خرج علي صوت شجي يردد مصرقع ياااااااااكلك حبه حبه وياااااااكلك حبه حبه أكل البرشوومي حبه حبه وياجمالوووه ياجماالوووه ومصرقع حالتووه حالوووه وانا اتراقص على المسرح واردد معهم وفي اليوم التالي مباشره !! صدر القرار السامي بحل تلك اللجنه واعطائي الصلاحيات لا احلال اللجنه المناسبه مكانها مع تغيير الاسم واختيار الاعضاء المناسبين فتم اختيارنا كما يلي :
اسم المؤسسه ZJHC
الاعضاء المؤسسسين : أنا و خويي و خوي خويي ولد خاله خويي و ولد عمة خوي خويي و أبوي لزوم السفرات
شعار المؤسسه ( الهاكينق كخه !! فتجنبووه )
مع تحيات ZJHC ZALAYB ALJARADYAH HACKING COMPANY