المساعد الشخصي الرقمي

مشاهدة النسخة كاملة : :: أحب الناس إلي من رفع إلي عيوبي ::


.Atlas.
15-10-2004, 11:15 PM
السلام عليكم ورحمة الله وبركاته^_^






بالبداية ....مبارك عليكم الشهر الكريم ...وكل عام وانتم بخير :)





أحب الناس إلي ..من رفع إلي عيوبي













جملة جدا جميلة ...قرأتها اليوم في كتاب يتناول سيرة الصحابي الجليل عمر بن الخطاب ...رضي الله عنه..صاحب الشخصية القوية الفذه


عبارة قد نطق بها ... عمر بن الخطاب :)




جميعنا يعي ويعلم علم اليقين ان به عيبا ...مهما كان صغيرا ام كبيرا..

فنحن بشر ...




ولكن هل نملك تلك الصفة الجميلة ...في تقبل من يقوم بتوضيح عيوبنا لنا ؟!!




أخواني واخواتي ^_^



سؤالي لكم هو الاتي




ماهي ردة فعلكم امام من يقوم بتوضيح عيوبك ...هل ستتقبلها برحابة صدر ام انك ستكره ذلك ؟
أفلاطون
16-10-2004, 12:27 AM
انا اشوف ان الانسان يختلف مدى تقبله لهذا الشي على حسب اسلوب الشخص الاخر..

يعني مثلا ما يجي واحد قدام العالم والناس ويقول انت مشكلتك كذا وفيك كذا وكذا..مثل هذا ما يبي يقول لي عيوبي عشان احاول اتفاداها..هذا يقول لي اياها عشان يفضحني عند الناس..او هذا اللي الواحد بيفهمه من اسلوبه هذا!!

لكن اللي يجي للشخص على انفراد ويقول له عيوبه بأسلوب ما فيه وقاحه..هذا اتوقع انه يلاقي قبول عند الاكثريه..
The Noble
16-10-2004, 12:49 AM
وعليكم السلام

وانت بخير ..

بخصوص الموضوع ..

والله أختي هالشي يتوقف على الشخص الي قاعد يقدم النصيحة


هل هو جد يبي ينصحني لمصلحتي ولا يبي بس يحط علي وحدة!!!


أو انه فعلا يريد لي الخير ولا بالعكس يبي يفضحني !!


على كل في نصائح ممكن تنقال أما الجميع وأقصد نصائح بسيطة أو مجرد تنبيهات سريعة عادي يعني مافيها شي

وفي نصائح المفروض تكون بين الشخص الناصح والمنصوح فقط


وأسلوب تقديم النصيحة هو أهم شي ..

قال تعالى : ( ادع إلى سبيل ربك بالحكمة والموعظة الحسنة )

وقال تعالى : ( ولو كنت فظاً غليظ القلب لا نفضوا من حولك )


شكرا على الموضوع..

من راقب الناس.....مات هماً

ههه أمس والله قلتها لواحد :أفكر:
Lezard Valeth
16-10-2004, 01:38 AM
وعليكم السلام ورحمة الله وبركاته , ومبارك علينا وعليج هذا الشهر الكريم وعساج من عواده اختي الكريمة ,

بالاول احب اهنيج على الطرح الرائع والتقديم الجميل له ,

اما بالنسبة للسؤال , فاجابته مو ثابتة , لانها تعتمد على الموقف نفسه , مثلا لو شخص اظهر عيوب فعلا موجودة فيني او لا جدام الناس ما اتضايق ولا ازعل ^^ بالعكس اردها عليه باسلوب ساخر , لاني اعرف نفسي زين والحمدلله , واذا كان العيب فيني فعلا , فاتقبله واحاول اني احسن من نفسي لانه هذا حق علي ^^

واشكرج على الموضوع اختي الكريمة ,
Angel whisper
16-10-2004, 01:17 PM
امم انا اتقبل هالشي عادي .. لانه في كل الاحوال بينفعني ..
أما ان هالشخص اسلوبه يكون كريه ويمسكني تهزيء جدام الناس فهذا شي ثاني ..
وطبعا اذا هالاشيا اللي قالها مب موجوده فيني بحاول اوضح هالشي له واعرف ليش هو قالها من الاساس ^^
ومشكوره اختي عالموضوع ^^
Trapped Inside
16-10-2004, 02:55 PM
هممم .. اذا كان من شخص اعزه واعرفه زين .. اكيد راح اتقبلها .. لانه يبي مصلحتي ^^ ..

بس من واحد ما اعرفه وشاف فيني عيب .. يمكن يكون يستهزء .. بس راح اتقبلها بكل حال ..

والاهم .. اني احاول اغير هذا العيب ^^ .. واتجنبه ^^ ..

مشكوره على الموضوع .. وحيالك الله بالعام ^_^ ..