الحلقة الثالثة من طاش ما طاش .. ودس السم في العسل ! [الأرشيف]

مشاهدة النسخة كاملة : الحلقة الثالثة من طاش ما طاش .. ودس السم في العسل !

الكونت دراكولا

18-10-2004, 02:04 PM

بسم الله الرحمن الرحيم
في البداية أحب أشير إني لست من مؤيدي ولا متابعي المسلسل التافه هذا .. كل مافي الأمر أنه سمعت الناس يتكلمون عنها ورحت شفت الإعادة ..
الكثير يقول انها حلقة دارمية .. وقصة محزنة .. وتأثرت كثير ..
المحزن في الموضوع .. انه طاش ما طاش كانت ولا تزال تمارس عملها الأزلي .. دس السم في العسل !
محد انتبه لقصة ومشهد المحكمة ؟
وش قصدهم بيه بالضبط ؟ انا اقول لكم .. يبغون يوصلون لك ان مبدأ الخلع مبدأ ظالم للمرأة .. علما بأن مبدأ الخلع هو أحد مباديء الشريعة الإسلامية وموجود في النصوص ..
وإن المحاكم عندنا أي كلام والدليل ان الزوجة تقول بأجيب لك شهود وتقارير من المستوصف ومع ذلك اصر القاضي على الخلق .. ليش ما عندنا عدل في محاكمنا ؟
بتسألوني لا ما نتوقع يا شيخ يمكن انت تتوهم .. ليه ومن متى عبدالله وناصر ما كانوا يدقون في الدين وغيره ؟ كم حلقة كانت عبارة عن استهزاء بالمطاوعة والهيئة والدين بشكل عام ؟
وغير الاستهزاء .. الحركات الماجنة الشديدة اللي بنشوفها ولا نزال نشوفها في حلقاتهم .. أحد الأخوان سمعته يعلق على مشهد الروب البرتقالي اللي على السرير ويقول ما بقى الا انهم يجيبونهم " فراغ " .. غير كذا وش اللي ظهري يوجعني و السمك ما عاد ينفع لازم نراجع الصيدليات ؟ وش المضحك في الموضوع وهل هذه كلمة تنقال ؟
ولا المجون في حركات البنت وأمها ؟
الخبث في عبدالله وناصر ومن معاهم ما راح ينتهي على كذا .. بتقولون لا عبدالله حليل واخلاق .. اقول لكم روحوا شوفوا بيته في البديعة واسألوا عنه جيرانه .. حتى أبوه متوذي منه وجيرانه ما يدانونه ويعرفون انه خبيث ..
بتقولون ناصر رهيب وأفضل ممثل سعودي .. ومن متى كان فيه أصلا عمل سعودي فني قوي حتى يكون عندنا أفضل ممثل سعودي ؟ بعدين هذا شكل ممثل ؟ طالعوا في وجهه .. واضح جدا كيف ان الـ(000) مأثر عليه وبقوة بعد ..
والله الحكي في طاش ما طاش يبغاله جلسة مطولة ..
بس المشكلة يوم الواحد يشوف أخوياه يشوفون ممثل طالع بكرش وبلحية بايخة ومسوي دور مطوع ويضحكون ولا عندهم أي مشكلة ..

FARES360

18-10-2004, 02:17 PM

الحين شنو الي مو عاجبك ... ممثل ويأدي دوره وهو ما سوى شي من عنده... هذا الواقع الي صاير الحين بس مسوينه على فكاهي شوي ... ^_×

THE ROCK IS THE BEST EVER

18-10-2004, 03:42 PM

والله انا ما اشوف مسلسل طاش ما طاش في اي عيب من اي ناحية

بالعكس الحلقة كانت هادفة جدا من وجهة نظري

بعدين المفروض انه الشيخ يطلقها منه مو يخليها تدفع له عشان يطلقها وخاصة انها ما تقدر تجيب المبلغ

وهو ما يحترمها و يطقها كل شوي

مصرقع اس اس

18-10-2004, 05:06 PM

والله انا ما اشوف مسلسل طاش ما طاش في اي عيب من اي ناحية
والله انه حركة طاش ماطاش احسن مسلسل سعودي

F I N A L

18-10-2004, 06:08 PM

والله طاش مطاش ماعليه كلام

والي موعاجبه ينتف حواجبه :p

الكونت دراكولا

18-10-2004, 06:14 PM

Far0s X : حتى لو صفت على ممثل يؤدي دوره هذه مصيبة .. لو تقول لواحد مثل دور "خنزير" ووافق .. هل يعيبه الشي هذا أو لا ؟
وبالنسبة لناصر وعبدالله هم يا أصحاب فكرة الحلقة يا مؤلفي السيناريو .. وقالها صديق لي .. ناصر وعبدالله ذابحتهم العلمانية ..

THE ROCK IS THE : مرحبا حبيبي .. تقول لي هادفة ؟ عطني الأهداف والشغلات اللي استفدتها من الحلقة ..
وبعدين انت وقعت في حفرة يقع فيها الكثير يوم قلت :

بعدين المفروض انه الشيخ يطلقها منه مو يخليها تدفع له عشان يطلقها وخاصة انها ما تقدر تجيب المبلغ

وهو ما يحترمها و يطقها كل شوي

مين قال لك انهم جابوا الحقيقة ؟ تعتقد انه هذا موقف الشيوخ في المحاكم ؟ هذا هو الهدف النجس اللي يبغون يوصلون له ..
انهم يقنعونكم بأشياء ماهي صحيحة ..
المحاكم الإسلامية اذا جبت ادلة وبراهين ان الزوجة تتعرض لظلم وتأكدوا منها وبعد البحث واعطاء فرصة للزوجين لمراجعة انفسهم يا يطلبون من الزوج انه يطلق يا يفرق بينهم القضاء ..
وانت تقول : مو يخليها تدفع له عشان يطلقها .. هذا زي ما أشرت وأشاروا اسمه الخلع ..
وما وضع في الإسلام الا عشان لا تصير كل حرمة من هب ودب تقول يا قاضي طلقني من زوجي او خلي زوجي يطلقنني .. بكذا ما راح يصير أي إستقرار أسري وبنصير مجتمع مفكك .. على كل هذا ماهو موضوعنا اذا تحب تعرف عن الخلع اسأل أي شيخ ..

مصرقع اس اس : عطني الأهداف اللي تخليه أفضل مسلسل سعودي ..
يدعوا للأسلام ؟ يأمر بالصلاة وبالحفاظ عليها ؟ يدعوا للزكاة والتصدق ؟ يعلمكم آداب الحج ؟ يعطيكم أحكام الصيام ؟ طيب نخلي الأمور الدينية وأركان الإسلام على جنب شوي ..
يعلمكم مكارم الأخلاق ؟ وحق الجار ؟ وإكرام الضيف ؟ والقول الحسن ؟ .. الخ .. طيب نخلي هذه على جنب ..
يعالج قضية اجتماعية او غير اجتماعية بصدق ويعطي السلبيات بصدق ويحط حلول مثلا ؟ .. اوكي مو مشكلة ننتقل لنقطة غيرها ..
يتكلم عن شخصيات سواء تاريخية أو معاصرة أو يمثل أدوارها بصدق ويعلمنا عنها ؟
انا ما اشوف الا استهزاء بالهنود وغيرهم .. ودعوات للإختلاط " حلقة بدون محرم " .. والخلاعة والمجون .. وتشبه بالنساء "رقية" ..
واستهزاء بالدين .. ودعوات لتحرير المرأة تحرير مزعوم لا يمت بأي صلة للتحرير .. وأنتم تضحكون وتتبسمون وتقولون ..
الله يرفع راسك يا عبدالله ويا ناصر رفعت راسنا وصحيح انك خطير ..
الظاهر باقي بس انهم يقضون حاجاتهم على رؤوس البعض .. وانا متأكد ان بعض البعض راح ينبسطون ويقهقهون ويفتخرون باللي حصل ..

الكونت دراكولا

18-10-2004, 06:20 PM

والله طاش مطاش ماعليه كلام

والي موعاجبه ينتف حواجبه :p

طلع لنا الحكيم "بودبا " .. لو انك حاط جملة مفيدة كان رديت عليك .. بس مشكلة اعضاء الترفيهي ..
وترى نتف الحواجب حرام ما يجوز .. ولا انت بعد شفت في طاش انهم ينتفون حواجبهم وقمت تنتف مثلهم .. بعدين انا اخبر الحريم هم اللي ينتفون حواجبهم :33: .. والـ(...) .. ما اقصد الرجال طبعا ..
انت يا ترى من الـ(...) :33: ؟

Sweden

18-10-2004, 07:30 PM

مسلسل تافه لابعد درجة وخاصة حلقة فؤاد افرض انك حول بس وش بيكون شعورك... اتكلم جد ماجيت امزح

mod

18-10-2004, 07:32 PM

بعدين المفروض انه الشيخ يطلقها منه مو يخليها تدفع له عشان يطلقها وخاصة انها ما تقدر تجيب المبلغ

على العموم لا أنا ولا انت يجوز لنا نفتي في أمور زي هذي
لأن القصة يقال انها واقعية
فأكيد ان المؤلفين ما غطوا الأمور الي خلت الشيخ يتجه الى الخلع بدل الطلاق .
والرقابة ما قصرت ... حذفت بعض التطاول الي جرى في المحكمة .

وأنا ما أقول ان طاش ما فيها سموم بالعكس فيه تطاول ملحوظ على الدين .
فيه برضه في الحلقة الاولى لما عطى السدحان المملك فلوس وكأنها رشوة أو ما شابه ذلك .

وطاش ما طاش هو مسلسل زي أي مسلسل فلا تحللون وتحرمون على كيفكم
انت لو تلاحظ بتلاقي ان كل المسلسلات فيها موسيقى وفيها عنصر نسائي وفيها .. وفيها ..

ما أقول الا الله يهدينا الى الصراط المستقيم .

وعلى فكرة :
من ترك شيء لله عوضه الله بخير منه .

الكونت دراكولا

18-10-2004, 07:34 PM

مسلسل تافه لابعد درجة وخاصة حلقة فؤاد افرض انك حول بس وش بيكون شعورك... اتكلم جد ماجيت امزح

صدقت والله .. وهذا طبعا من باب الاستهزاء بالأخرين وبشدة ..
وغير كذا الاستهزاء بأهل الحجاز وأهل الجنوب وأهل الشرقية ..

الكونت دراكولا

18-10-2004, 07:40 PM

على العموم لا أنا ولا انت يجوز لنا نفتي في أمور زي هذي
لأن القصة يقال انها واقعية
فأكيد ان المؤلفين ما غطوا الأمور الي خلت الشيخ يتجه الى الخلع بدل الطلاق .
والرقابة ما قصرت ... حذفت بعض التطاول الي جرى في المحكمة .

وأنا ما أقول ان طاش ما فيها سموم بالعكس فيه تطاول ملحوظ على الدين .
فيه برضه في الحلقة الاولى لما عطى السدحان المملك فلوس وكأنها رشوة أو ما شابه ذلك .

وطاش ما طاش هو مسلسل زي أي مسلسل فلا تحللون وتحرمون على كيفكم
انت لو تلاحظ بتلاقي ان كل المسلسلات فيها موسيقى وفيها عنصر نسائي وفيها .. وفيها ..

ما أقول الا الله يهدينا الى الصراط المستقيم .

وعلى فكرة :
من ترك شيء لله عوضه الله بخير منه .

التطاول للأسف على الدين موجود منذ البداية في طاش .. بس محد لمك
وبعدين حكاية القصة واقعية هذه مجرد تلفيقة .. تحصل قصص كثير بس شبيه بهذه .. ومهما حصل ما راح القاضي يحكم بما فيه ضرر شديد لأحد الطرفين .. لكن هذه زودوها فيها حبتين ..

وفيه نقطة أخوي ذكرتها :

فيه برضه في الحلقة الاولى لما عطى السدحان المملك فلوس وكأنها رشوة أو ما شابه ذلك .

ماهي حكاية رشوة يجوز إعطاء المأذون بعض النقود لكن بعضهم يأبى ياخذها لكن هم صوروها بطريقة سخيفة وكيف عبدالله عطاه الفلوس كأنه شي ما يجوز والمأذون أخذها وسكت وانبسط .. هذا مافيه استهزاء بعد ؟

والله المستعان

ملاحظة : أخوي على فكرة توقيعك حاس أبو القريحة عندي .. مع اني مفطر فطور جيد بس احس اني جوعان :أفكر:

DE NILSON

18-10-2004, 07:45 PM

الكونت دراكولا

18-10-2004, 07:45 PM

سمعتها من أحد الشباب جيران عبدالله السدحان ..
مرة من المرات يقول انه السدحان "العائلة" مسويين عزيمة لجميع العائلة .. ومن الحاضرين كان الشيخ السدحان
على العموم حضر عبدالله السدحان وزعلوا الشيبان والشيخ السدحان وقال يا انا يا هو ..
طبعا كرشو عبدالله السدحان من المجلس ..
وهذا ان دل علي شيء فقد دل على ان الشيخ واقاربه ما يدانونه وحضرتكم تقولون .. منقذ الشعب السعودي من مستنقع الفن .. هيء

الكونت دراكولا

18-10-2004, 07:49 PM

ياخي لا تسوي فيها

على الاقل طاش ماطاش مايقدم ولا مشهد مخل

حتى النساء يكونون محتشمين وليس مثل باقي المسلسلات المصرية وبعض الكويتية

لاتحاولون تصطادون عليهم اقل شي

ياخي اذا انت مطوع ياخي لاتتفرج تلفزيون اما انك تتفرج طاش ماطاش وتعلق على كل صغيرة وكبيرة فمالك داعي

وبعدين المحاكم ايوة فيها قضاة اغبية و اسالو المجربين

وش الخشة الغريبة هذه .. لا احم ولا دستور .. يا اخي على الاقل اضرب بوري او اكبس بالنور ..
الحين انا صرت اسوي فيها ؟ ومافي ولا مشهد مخل .. اجل البنت ترقص وتتفنن والأم تتدلع بغنج ومجون وهذا مافيه اي شي مخل ؟
هذا غير بقية الحلقات السابقة واللاحقة ..
وبعدين تسمي هذا احتشام .. احتشام بأي مفهوم ؟ مفهوم بوش ولا شيراك ؟
محنا حقين اصطياد ولا غيره يالطيب .. ما عجبك الكلام محد ضربك على يدك
ولا تجيب كلام من عندك .. انت بنفسك حصل لك موقف في محكمة ؟ انا اعرف قضاة وحضرت محاكم وقضايا في ديوان المظالم وحاليا انا طالب بقسم القانون فلا تحاول تلفق وتقول قضاة أغبياء ..
القاضي دارس قانون وشريعة بتصير اعلم وأعرف منه في الدين والتحكيم ؟

كلمة كنت اقولها ولا تزال في بالي .. الله يخلف على 80% من شباب الحجاز .. بس في منهم ناس ان قلتوا رجال فهم رجال والنعم فيهم ..

RPG_master

18-10-2004, 08:23 PM

بالله اطلع منها يا دينيلسون وخلك على ردود السطر ونص ابرك لك وابرك للجميعhttp://myweb.saudi.net.sa/nathaniel/jed.gif

Lucky guy

18-10-2004, 08:23 PM

ياخي الشكوى على الله :) ..

ما دام تلفزيونا السعودي المحترم بأول أيام رمضان الكريم يعرضون حلقه مال امها داعي من المسلسل التافه هذا ..

صراحة أنا ما شفتها لي يومين :31: ما اتابع التلفاز بس سمعت أنها مصخره ..

اما الحلقه التي يتحدث عنها الأخ كونت أنا ما دققت بالامر هذا بس جزاه الله خير فتح عيونا ما دامه يعرف قوانين الشريعه الاسلاميه وما يحصل في المحاكم يعني ما قال شيء غلط ..

الغلط أن يجي واحد يرد بهذا الموضوع ويدافع وهو من جنبها أهم شيء يتابع ويستانس وما همه أحد ..

هذا اللي أقوله بس والله يهدي الجميع ..

الكونت دراكولا

18-10-2004, 08:26 PM

بالله اطلع منها يا دينيلسون وخلك على ردود السطر ونص ابرك لك وابرك للجميعhttp://myweb.saudi.net.sa/nathaniel/jed.gif

هههههههه .. لا تعليق

ياخي الشكوى على الله :) ..

ما دام تلفزيونا السعودي المحترم بأول أيام رمضان الكريم يعرضون حلقه مال امها داعي من المسلسل التافه هذا ..

صراحة أنا ما شفتها لي يومين :31: ما اتابع التلفاز بس سمعت أنها مصخره ..

اما الحلقه التي يتحدث عنها الأخ كونت أنا ما دققت بالامر هذا بس جزاه الله خير فتح عيونا ما دامه يعرف قوانين الشريعه الاسلاميه وما يحصل في المحاكم يعني ما قال شيء غلط ..

الغلط أن يجي واحد يرد بهذا الموضوع ويدافع وهو من جنبها أهم شيء يتابع ويستانس وما همه أحد ..

هذا اللي أقوله بس والله يهدي الجميع ..

في البداية افتخر برد انسان مثلك اخوي لاكي قاي .. كلامك على العين والراس .. جملة في ردك اعجبتني ..

الغلط أن يجي واحد يرد بهذا الموضوع ويدافع وهو من جنبها أهم شيء يتابع ويستانس وما همه أحد ..

الله لا يحرمنا منك

Angel whisper

18-10-2004, 08:43 PM

انا وحده الصراحه ما شفت ولا حلقه من المسلسل ..لكن معقوله انها وصلت فيهم لهالدرجه؟؟
والله اني مب عارفه حتى كيف اعلق ..
وعلى اي اساس ينعرض المسلسل ما دام يتعرض للدين ورجاله بهالطريقه؟
الله يعين بس ..

the nait

18-10-2004, 08:45 PM

صدقني المسلسل كان حلو بس بدا يفقد رونقة ;)
وهم مساكين ما عندهم سالفة ولا موضوع :D ...
بعدين بصراحة هو أفضل مسلسل سعودي ^^ لأنه هو المسلسل السعودي الوحيد :أفكر:

الكونت دراكولا

18-10-2004, 08:59 PM

Angel whisper : أحسن لك والله انك ما تابعيه لأنه قمة في الإسفاف ..
وعلى قولتك الله يعين بس ..

the nait : من ناحية كونه مسلسل سعودي .. ما اتشرف كونه مسلسل سعودي ويعرض على قناة سعودية

أفلاطون

18-10-2004, 09:45 PM

فيه عدة نواحي ملخبطه ويبيلها ترتيب..

اولا راح اتكلم عن طاش بشكل عام..

طبعا الكل يعرف ان الهدف العام من طاش هو عرض المشاكل اللي في المجتمع ومحاولة عرض المعاناة اللي يمر بها المواطن او المقيم وعرضها بقالب كوميدي وهذا الطابع اللي يغلب على طاش مع بعض الحلقات اللي تعالج جوانب اخرى..او هذا اللي يقولونه على الاقل!!

يبدو ان الكلام اللي راح كلام جميل جدا وراح يكون صوت المواطن لدى الجهات المختصه..==>وهذا الكلام اللي راح هو (العسل) على قولت دراكولا..

واللي شاهدناه في طاش خلال السنوات الماضيه نجد فيه فعلا عرض للمشاكل اللي يتعرض لها المواطن والمعاناة اللي يمر فيها..وانا اتوقع هذا من اهم الاسباب اللي خلت طاش محبوب لدى الناس..لأنه يلامس المشاكل اللي يمرون فيها..

وهذا السبب هو اللي جعل الناس تغفل او تتقبل الرسالات الغير مباشره (واللي اصبحت في بعض الاحيان مباشره خصوصا في الفته الاخيره!!) اللي تكون موجوده في الحلقه واللي يكون فيها بعض الاحيان مخالفات شرعيه (صارخه!) ويعرضونها بشكل مستفز جدا بدون ما يكون فيها موضوعيه تامه!

وهذي المخالفات نجد ان الناس يتكلمون فيها ويناقشونها على الاساس اللي طُرحت فيه في الحلقه(واللي يكون فيه العديد من الاشياء المغلوطه)

___

الان نجي الى اللي يقولون ان اللي يطرحونه هذا هو الواقع فعلا..!

اولا ابسأل كم سؤال للي يقولن كذا..

*هل انت مُلم بال(واقع) هذا اللي يطرحونه؟ وهل انت تدري تفاصيله وملابساته عشان تحكم انه صحيح؟

وللأسف ان اغلب الناس يتكلم في الموضوع وهو غير ملم بالموضوع..

مثال على هالكلام..قضية الخلع والطلاق اللي صارت..

يا اخوان هذي قضيه ميب سهله وقضية شريعه واحكام..موب اي واحد يجي ويقول (اي والله المفروض انه مطلقها) المفروض على اي اساس؟ ..على اساس انك دارس شريعه ؟
___

*هل كل ما هو (واقع) لا بأس ان يطرح؟

يعني اذا كان فعلا موجود مطوع بثر..او مطوع صفاته زي اللي يجيبونه في حلقاتهم..هل عادي انهم يستهزؤون فيهم؟

اذا كان بعض الحجازيين صفاتهم كذا..وبعض اهل الجنوب صفاتهم كذا..هل عادي انهم يستهزؤون فيهم؟

اذا كانت جهه معينه(مثلا الهيئه) حصل منها بعض المخالفات..هل عادي انهم يعرضونها وشوهون صورتها عند الناس رغم الجهود العظيمه اللي تقوم فيها؟ والا الافضل(هذا اذا كان نيتهم الاصلاح فعلا:أفكر: ) ان التوجيه يكون بعيد عن الناس؟

سؤال لأصحاب العقول.. هل تتوقع انه يوجد شيخ دارس شريعه ورجل دين وقاضي(مع اني متأكد ان ما فيه الا القليل اللي يعرف المعايير الموضوعه عشان يصير الرجل قاض!!) انه ما يتعمد الظلم؟ او انه ما يريد الحل الامثل؟==>قمة العجب فعلا!!

اعتقد ان الاجوبه ما يبيلها حتى اله حاسبه!

_____

نقطه اخيره..

للأسف اصبح (المجون والخلاعه) عند البعض مقتصر فقط على معنى(الاباحيه)!

هل عرفتم يامن يسمعون الكلام ويستهزؤون بعضا من معاني الغزو الثقافي والفكري؟!

الكونت دراكولا

18-10-2004, 09:54 PM

لا فض فوك يا أخي الكريم / أفلاطون .. جزاك الله ألف خير على ردك البليغ الهاديء ..وانا معاك في كل جملة كتبتها ..
وفعلا نقطتك الأخيرة توزن بالذهب ..

F I N A L

18-10-2004, 10:31 PM

انا زعلت منك :(

لكن الله يسامحك :p

بس ويش قصدك بـ (...)

الكونت دراكولا

18-10-2004, 10:33 PM

انا زعلت منك :(

لكن الله يسامحك :p

بس ويش قصدك بـ (...)

الله يسامحنا اجمعين ..
اما (...) اقصد بها الإنسان الخلوق المؤدب .. :)

F I N A L

18-10-2004, 10:48 PM

اشكرك على لطفك ;)

Sweden

18-10-2004, 11:02 PM

شوفوا وش حصلت بالمنتدى السياسي في منتديات القلعة

F I N A L

18-10-2004, 11:31 PM

بل:bigeyes:

اللهم لك الشكر

لكن انا سمعت ايضا بان قناة mbc هددت من قبل المجاهدين وهي ان عرضو مسلسل" العودة الى كابل"

سوف يقتلون

لكن لماذا المسلسل يتحدث عن افغانستان والدفاع عن ارضهم :31:

بلاي ستيشن 2

18-10-2004, 11:46 PM

صراحة يا اخوي الكونت كلامك انت والشباب كافي ووافي ولا اقدر ازود عليه بشي

ويا افلاطون كلامك عسل صراحة وجاي على الجرح

انا بس اشارك عشان اايد الشباب واشد من عزمهم والله يوفقنا ويهدينا الى سواء السبيل

Mada Mada Dane

19-10-2004, 12:10 AM

مشكور على الموضوع , لكن انا شخص مااتابع شئ صراحه ولا حول مسلسلات

طاش شفت منه الحلقه الاولى بس وماكملته , والطريق إلى كابل الحلقه الثانيه

بس ّ! ماني حول مسلسلات ولا أعتقد يمديني اتابعها أصلا

انا مااجلس على التلفزيون عموما برمضان او غيره إلا ناااادرا ...

DE NILSON

19-10-2004, 01:18 AM

بالله اطلع منها يا دينيلسون وخلك على ردود السطر ونص ابرك لك وابرك للجميعhttp://myweb.saudi.net.sa/nathaniel/jed.gif

سلمووولي على خريش :reporter:

DE NILSON

19-10-2004, 01:25 AM

وش الخشة الغريبة هذه .. لا احم ولا دستور .. يا اخي على الاقل اضرب بوري او اكبس بالنور ..
الحين انا صرت اسوي فيها ؟ ومافي ولا مشهد مخل .. اجل البنت ترقص وتتفنن والأم تتدلع بغنج ومجون وهذا مافيه اي شي مخل ؟
هذا غير بقية الحلقات السابقة واللاحقة ..
وبعدين تسمي هذا احتشام .. احتشام بأي مفهوم ؟ مفهوم بوش ولا شيراك ؟
محنا حقين اصطياد ولا غيره يالطيب .. ما عجبك الكلام محد ضربك على يدك
ولا تجيب كلام من عندك .. انت بنفسك حصل لك موقف في محكمة ؟ انا اعرف قضاة وحضرت محاكم وقضايا في ديوان المظالم وحاليا انا طالب بقسم القانون فلا تحاول تلفق وتقول قضاة أغبياء ..
القاضي دارس قانون وشريعة بتصير اعلم وأعرف منه في الدين والتحكيم ؟

كلمة كنت اقولها ولا تزال في بالي .. الله يخلف على 80% من شباب الحجاز .. بس في منهم ناس ان قلتوا رجال فهم رجال والنعم فيهم ..

ياخي تقارن النساء اللي في طاش ماطاش بنساء المسلسلات الاخرى !!!!

وبعدين انا جربت المحاكم وشوفت قضايا نسائية مشابهة والله القاضي مايدري عن القضاة

وبعدين برافو عليك طالب قانون وانا ما لفقت شي والصكوك في يدي

وبعدين حنغلط على شباب الحجاز ولا ايه

80 % وما 80% والله مادري مين اللي قاعد يلفق

ومو انتا اللي حتقول شباب الحجاز رجال ولالا

:)

RPG_master

19-10-2004, 01:28 AM

سلمووولي على خريش :reporter:
Thats more like it..

DE NILSON

19-10-2004, 01:30 AM

Thats more like it..

عربي عربي يابووو

حنا لسا ماوصلنا العنجليزي

antonio

19-10-2004, 04:40 AM

:p

كيف الحال ؟ نسيت اسمك ياخي

من ناحية السخافه :31: المسلل ماله داعي ابدا :33:

D0WN~T0WN

19-10-2004, 06:00 AM

سبحان الله حلال على المسلسلات الثانية (الحمود) وحرام على طاش

مشكلة عندنا انهم يعاملون اللي له لحية على انه من الملائكة وهذا اللي خلى ضعاف النفوس يتوزون ورا اللحية
وصارت درع بالنسبة لهم

اعرف لك واحد مطوع قدام الناس مسوي لي فيها ويسابق الامام بالمسجد حتى انه بعض الاحيان يعركف له عشان مايسبقه :D
لكن يوم عايشته طلع جايب العيد
اخبر مرة ركب معي وبنص الطريق شغلت FM وطبعا كان وقتها اغاني تدري وش زين؟
قام طول على الصوت >>>زحف مطاوعة :D
ويوم اننا بالمدرسة كان مسؤول عن جماعة
وكل يوم الثاني ناط لي يقول تعال اوريك ذا المزيون وذاك الحلو سلامات ياحبيبي
^
^
^
هذي السالفة لو انحطت حلقة بطاش راح يعترض عليها المطاوعة والداجين من المجتمع
لانهم ببساطة مايقبلون النقد ابدا يعني يعتبرون نفسهم منزهين عن الخطأ وهذي يؤدي لاعتبارهم من الملائكة بشكل غير مباشر

ايه صح مادريتو عن سالفة المطوع اللي بجدة؟؟
هذا خويي يقولها لي و اثق فيه اكثر من نفسي وللمعلومية هو مايرضى احد يحكي عن الملتحين لكن السالفة اكبر من كذا
يقولكم ان ذا الملتحي شاف ولد صغير يعني بحدود ال12 سنة او اكبر بشوي وقام استدرجه الوصخ على اساس ينصحه طبعا الولد ماكان يدرك وش اللي بيجيه على اساس انه يثق فيه اللين ماوصلو مكان منعزل شوي وقام باغتصابه :( والسالفة صارت بالمخازن الكبرى

داري اني طلعت عن الموضوع شوي
ولكن اتمنى ان مااحد يعتبر ردي ذا تحامل على الملتحين لا والله اني اقدر الصدقي منهم موب المزيف

golden_sky

19-10-2004, 06:46 AM

الكونت دراكولا

19-10-2004, 07:17 AM

Sweden : بيان خطير ووراني إياه واحد على الماسنجر اليوم ..
يلا ونشوف اخرتها مع الخبثاء هذولي ..

DE NILSON : انا قارنت نساء بنساء ؟ يخوي اقرى ردي زين قبل لا ترد ..
اجل الصكوك في يدك ؟ وش مكتوب فيها ؟ انا القاضي فلان الفلاني اعلن اني نصاب واني خرابيط واني هشك بشك ؟
اتق الله يا رجل .. وبعدين وش اللي انا جربت المحاكم وشفت قضايا نسائية ؟ انت رايح تطلب خلع لنفسك ولا كيف ؟ الأخ ولا الأخت دينيلسون معاي ؟
المهم روقنا واذا انت جاي ترد عشان تزيد عدد المشاركات رح الترفيهي ولا شف لك صرفة .. ناقش زي العالم والناس واكتب كلمات صحيحة بدون أخطاء املائية ولنا تفاهم ثاني ..

antonio : مرحبا عزيزي .. المسلسل سخيف مافي اختلاف وكل ماله بيصير اسخف واسخف ..

D0WN~T0WN : أنا حللت مسلسلات الحمود ولا احد بالموضوع حللها ؟ او حتى حرمت اي مسلسل ؟
والله انه فيه عينات غريبة هنا ؟
طيب حتى لو حرمت ؟ عشان احرم شيء لازم احرم كل شيء شبيه مثله واقول يا شباب ترى البرتقالة حرام والمسلسلات حرام والأفلام الاباحية حرام والدخان حرام والسرقة حرام وفيه العاب في البلاي ستيشين حرام ؟؟؟
شغلة بسيطة بس .. وش دخل مطوعك الداج ومطوع جدة في موضوعنا ؟
وبعدين :

لانهم ببساطة مايقبلون النقد ابدا يعني يعتبرون نفسهم منزهين عن الخطأ وهذي يؤدي لاعتبارهم من الملائكة بشكل غير مباشر
مين اعتبر نفسه منزه عن الخطأ ؟ يخوي الله يخليك لا جيت تحكي احكي بكلام منطقي وسليم ولا تقعد تسوي نسخ ولصق من مواقع وتجيب كلمات غريبة وتحطها على انها رد .. روقنا

golden_sky : الله يوفقك يا رب .. فضلت يهودي على مسلم .. احسنت يا بطل الإسلام

D0WN~T0WN

19-10-2004, 07:28 AM

يخوي الله يخليك لا جيت تحكي احكي بكلام منطقي وسليم ولا تقعد تسوي نسخ ولصق من مواقع وتجيب كلمات غريبة وتحطها على انها رد .. روقنا

ههههههه
تدري وش مشكلتك؟
انك تظن ماحد احسن منك وكل اللي ضدك دلخ وغبي ولاهو فاهم بشي
اجل تدرس قانون؟
يبيلي احول لقسمكم عشان اجاري عقليتك

اذا نزلت لمقامنا طال عمرك قلي عشان ارد عليك

اللهم اني صائم

Angel whisper

19-10-2004, 01:25 PM

الموضوع كان للنقاش .مب عشان كل واحد يتعدى عالثاني وتوصلون الموضوع للـracism حتى ..
سوري بس LOCKED..

جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .