مشاهدة النسخة كاملة : السلام عليكم
أخواني و أخواتي في المنتدى.... فكرت كثيرا قبل أن أضع هذا الموضوع ... و فكرت أكثر في المنتدى الذي سأضع فيه الموضوع و استقر تفكيري على المنتدى الذي احبه أكثر من أي منتدى آخر .... منتدى الأنمي
أغلب الإخوة اليداد ما بيعرفوني .... لأني عضو أكل عليه الدهر و شرب... و حتى يمكن اخواني القدامى ما يذكروني لأني ما اشارك وايد
المهم .... اخواني ..... انا حبيت اودعكم ... الدراسه ماخذه مني وقتي كله و مب قادر الحق أسوي شي .. و كان لازم أتخلى عن كمن شي.... و منهم المنتدى
في الحقيقه .... هالفكره كانت موجوده في راسي من فتره طويله ... و لكن داركتيب و كايتو هم اللي خلوني موجود للحين ^_^
بس حبيت أشكر كل أصدقائي في المنتدى .... شكرا لكم كلكم على صداقتكم .. والله انها كانت شرف لي
داركتيب ... شكرا ياخي على كل اللي سويته لي و للمنتدى... و شكرا للمقالب اللي سويتها فيني ايام الترفيهي... سامحني لأني ما حطيت موضوع الشرح للحين ... بس باذن الله بحطه .... لأني ما برجع في كلمتي
كايتو .... أشكرك من كل قلبي على كل مواضيع التحدي و التصاميم في منتدى الماكس .... انت كنت السبب الوحيد اللي خلى مستواي يوصل لما هو عليه ( لا تخافون .. زفت)
ولد البوكواره .... انت انسان انا احترمه بشكل مب طبيعي .... اشكرك على صداقتك الغالية و اعتذر منك لأني بطلع من المنتدى و من الجروب
Empress UAE ..... أختي العزيزة و ضمير كل من في المنتدى.... شكرا لنصائحك الغالية.. و الله انها وسام على صدري
الأمل.... مراقبتنا العزيزة و اختنا الكبرى ... شكرا لتحملك سخافتي و سخافات كل الاعضاء الباقين.. و شكرا لك أكثر على بقائك معنا للآن
يونا ..... اختي انتي التي بدأتي موضوع الترجمه ... و انتي اللي حمستينا لهالشي .... شكرا من كل قلبي
بويند .... مراقبنا و التايمر العزيز مالنا ..... شكرا على شغلك معاي و تحملك لبطئي و حركاتي الغبية
Puprle ..... شكرا للتعب اللي تعبته معاي...... You are the best.... ما اعتقد في حد محظوظ مثلي انه حصل فريق مثلكم
سايق الخير..... اغذرني اخوي عن كل ما بدر مني .... و الله بوفقك دنيا و آخره
المهيري .... انت ما اعرف شو اقول لك والله ... :(
توكي ..... اسمحيلي.. ما قدرت اوفي بوعدي ... بس انشالله بيوصل لج اللنك
أرجو من أخواني الذين خانتني ذاكرتي في ذكرهم انهم يسامحوني ....... انا فعلا آسف
شكرا لكم على كل اللي قدمتوه لي ....
أخواني في جروب VIII ..... اعذروني لأني خليتكم فس وسط الشغل ...... بس والله مب بايدي ..... اتمنى من كل قلبي انكم تسامحوني ...
أخوكم
Doel
AL-MuHaiRi
22-10-2004, 11:46 PM
حرام عليكم يا دول
ليش ؟؟
انزين ليش تقول الوداع
ياخي قول الى اللقاء
بس مب بهالطريقه
كلنا ما نقدر ندخل وايد
كلنا لاهتنا الدراسه
بس ياخي اول ما نفضى لازم ندش هالمنتدى
لازم نرجع
انته بهالطريقه تقول انا مالي رجعه للمنتدى
اخويه والله اتنى انك تقول الى اللقاء
وانشالله يكون في القريب العاجل
واسأل الله ان يوفقك في دراستك
ويوفقنا كلنا وياك
انا ما اعرف شو اقولك
بس خلني احصلك
الله يعلم متى
بس لك حساب ثاني
اخوك المهيري
TNT-BOY
23-10-2004, 12:22 AM
ياخي الكل يقول هل كلام بس مايقدرو يطولو على احبابهم :08:
هذا وانت القائد :31:
ما اقول اله
C ya ;)
Naru Narusegawa
23-10-2004, 12:39 AM
أنا عضوه يديده ومو متعرفه على كل الأعضاء عدل بس اقولك
C Ya:biggthump
كايتو
23-10-2004, 12:40 AM
يافرحة ما تمت بوصولك يا رمضان :31: !...
اخي الحبيب Doel ليش بدك ترمي كل الذكريات الحلوة لنا جميعا في المنتدى وراء ظهرك , فمهما كان عندك من دراسة يمكنك ان تركز عليها و ترجع لنا في وقت لاحق ...
على كل حال انا ناوي ان شا الله التقي فيك بس توصل ابوظبي , وقتها بشدك من ايدك وبوديك على انترنت كافيه وتكتب موضوع رجوعك شئت ام ابيت :09: , لأن المنتدى لا طعم له من دون وجود اصدقائي الاعزاء داخله ( وعلى رأسهم انت وداركتيب و آخرون ) :) ...
وان شا الله الى لقاء قريب يا عزيزي ...و موفق في دراستك ;)
Purple
23-10-2004, 12:43 AM
dude you never told us your leaving.. :(
well man.. I really had fun working with you.. and I hope to see you soon
best of wishes
Purple
P-Mononoke
23-10-2004, 12:46 AM
السلام عليكم ورحمة الله وبركاته
أخي العزيز Doel
لا داعية للإعتذار , فنحن في النهاية إخوة و ما في بيننا أي زعل أو حرج.
وأنا أعرفك كعضو من موضوعك عن ترجمة الانيمي.......
و أفضل أن تقول إلى اللقاء لا وداعا...... لأننا بإذن الله سنتقابل و ستكون لك مشاركاتك الرائعة والمميزة وردودك التي عودتنا بها....... ومواضيعك المشوقة.
ومثل ما قال الأخ AL-MuHaiRi كلنا عندنا دراسة وشاغلة أكثر وقتنا ... وأي فرصة تتاح لنا ندخل للمنتدى .
وعل كل حال أرجوا أن تفكر في قرارك وأنا متأكدة أنك لن تتخلى عن المنتدى ولا عن أعضائه وأصدقائك.
وأتمنى لك التوفيق والنجاح في دراستك ..... وإلى سائر الأعضاء.
وفي الختام أنا أسفة لو كنت أزعجتك بأي شيء ........... خصوصا في موضوعك عن ترجمة أحد الانيميهات.........
مع تحياتي...............:biggthump
C.........Y.........SOON
DarkLordDragon
23-10-2004, 01:08 AM
السلام عليكم و رحمة الله و بركاته... الأخ Doel كيف هي أحوالك! إن شاء الله بخير و بصحة... بصراحة ما أعرف شو أقول بعد الذي قرأته, صحيح لم نحتك مع بعض كثير لكن بصراحة يؤسفني أنه عضو رائع مثلك رايح يترك المنتدى, و في الواقع المنتدى رايح يخسر عضو رائع, لن أقف في طريقك فهذا خيارك و أنت حر فيه و أنا واثق أن سيأتي نحن جميعا سنمر بهذا الموقف, لكن يسعدني جدا أني على الأقل تعرفت على عضو مثلك و لي الشرف عزيزي الغالي, سنشتاق لك و لكن الحمدلله ستكون في الذاكرة إن شاء الله, و ما أقول سوى الله يوفقك في دراستك و يجعلك من المتميزين و المتفوقين و الله يوفقك في دنياك و آخرتك و تكون سعيد أينما كنت و ذهبت و اتمنى أن أقول كلمة يقولها الكثير منا: "أخي لا تقل للوداع, فخرنا الإجتماع" و إلى اللقاء عزيزي و الله يحفظك... و السلام عليكم...
Midou Ban
23-10-2004, 02:11 AM
! Go get the yankees XD
Try to get some japanese courses as well to do some real translation guy
I will keep a good souvenir of that short period anyway
Good luck
Midou Ban
alamal13
23-10-2004, 02:20 AM
اخوي العزيز جداا جداا على قلبي Doel
والله دمعت عيني لما قريت هذا الموضوع ... اخوي ما عليه انتبه لدراستك بس مو تهدنا للأبد... طيب ادخل في اجازة العيد او اجازة نصف السنه او اي يوم اجازة... ارجوك لا تحرمنا من طلتك لانك فعلا عضو نادر وجود مثله هالايام...
ارجوك راجع نفسك اخوي...
Griffiths
23-10-2004, 02:25 AM
مع السلامة
Tokimeki
23-10-2004, 03:03 AM
اخوي Doel
بصراحة ضاق خلقي لما سمعت هذا الخبر ...
اللة يوفقك بدراستك ...بس مثل ما قالوا باقي الاعضاء حاول انك ما اتطول الغيبة و تروح و ترجع لنا ان شاء اللة بالسلامة ^__^
مرة ثانية فرصة سعيدة و اللة يوفقك ^___^
QataR NighTMarE
23-10-2004, 05:47 AM
بنفتقدك يا دول ;__; :( :( :( :( :( :( :( :( :( :(
بس على فكره انا قريت كلامك بالـ Mirc :p وللأسف ...... :D <==((ويقول للأسف صج انك نذل :biggrin: )
أعتقد كلامي كله الغاز ومحد بيفهمه غيرك :D
hungry wolf
23-10-2004, 06:34 AM
قرار موفق ^_^
لا تظن إني أريدك تترك المنتدى :) !!
لكن الدراسة أهم الحقيقة ..
الواحد هذي الأيام يحتاج معدل عالي عشان يضمن الوظيفة ..
موفق بإذن الله ^^
وأيام الإجازة شيك علينا ;)
golden_sky
23-10-2004, 06:46 AM
قرار موفق ..
لا تعتقد إني أريدك تترك المنتدى :)
لكن الواحد لازم يجيب معدل عالي عشان يضمن الوظيفة ..!!
موفق بإذن الله ^^
وشيك علينا أوقات الإجازة ;)
نسيت أسوي تسجيل خروج لـنِك أخوي http://198.87.87.86/vb/images/smilies/dead.gif
alamal13
23-10-2004, 07:17 AM
نسيت أسوي تسجيل خروج لـنِك أخوي http://198.87.87.86/vb/images/smilies/dead.gif
انت واخوك فيكم البركة..:)
لا حول ولا قوة الا بالله..
ليش تتركنا يا رجال؟ :( والله حزنتني..
على العموم بالنجاح في الدراسة :أفكر:
وان شاء الله نشوفك في المنتدى ولو للحظات..:)
اخوي خالد..
A.N.G.E.L
23-10-2004, 02:38 PM
بالتوفيق ان شاء الله بدراستك^^....
ولا تحرمنا من شوفتك بالمنتدى*_*....
-----------------------
QaHir
23-10-2004, 03:09 PM
القرار الاول والاخير بيدك ولو اني ماتمنيت هالشي >_< ..
ويكون شرف لنا انك ترجع للمنتدى وتكتب فيه لان ماشاء الله كل حرف منك جمل ابداعية ..
وأكيد ان ابداعك ماراح ينتهي بهالنقطة ^_^ ..
ونشوفك على الف خير .. والمنتدى فقدت اسطورة :)
Ultralest
23-10-2004, 04:14 PM
المهم تخلص وترجعلنا بالسلامة ;)
bae66
23-10-2004, 04:42 PM
انتبه لدراستك ولاتطول الغيبه بنشتااااااااق لك
THE_MATRIX
23-10-2004, 06:30 PM
:: السلام عليكم ورحمة الله وبركاتة ::
اخي العزيز : Doel
اوف شو هاذا الخبر المفاجئ بتترك المنتدى معقوله :bigeyes: ...
اخوي العزيز اقولك اهتم بدراستك احسن شي لأنها مستقبلك هو بيحدد مصيرك..
وياليت ترجع لنا بسرعة و الكل ان شاء الله بنتظارك اخي العزيز..
أوكي ....... أدري اني بتصفع اليوم .... و يمكن احصل لي ايقاف :p
بس .....
كانت معاكم الكاميرا الخفية .... كل عام و انتوا بخير :D :D
أخوني ... و الله ما اعرف كيف اعتذر لكم ..... كان قصدي اني اسوي موضوع كاميرا خفيه يخلي الناس يضحكون شوي .... بس ما توقعته يكون لها الدرجه جاد ..... وفعلا أنا آسف و توبه ما بعيد الحركة هذي مرة ثاني... أرجو منكم انكم تسامحوني لأني بس بغيت اخفف الجو في المنتدى.... و الحين انا حاس اني صدق كنت بطلع -_-""
اعذروني على سخافاتي...
AL-MuHaiRi : لا تخاف .... بتحصلني بتحصلني ..... يوم برجع في الكرسمس ^_^
ياخي الكل يقول هل كلام بس مايقدرو يطولو على احبابهم
هذا وانت القائد
ما اقول اله
حبيبي TNT Boy .... أنا ما اقدر اصبر عن المنتدى يومين ..... كيف تباني اطلع منه؟ :) و فريقي ما اطلع منه لو الكل طلعو ^_^
أنا عضوه يديده ومو متعرفه على كل الأعضاء عدل بس اقولك
C Ya
انزين شوي شوي .... والله كأنك يالسه تطرديني اختي :p و اهلا و سهلا بيك و حياك معانا ^_^
يافرحة ما تمت بوصولك يا رمضان !...
اخي الحبيب Doel ليش بدك ترمي كل الذكريات الحلوة لنا جميعا في المنتدى وراء ظهرك , فمهما كان عندك من دراسة يمكنك ان تركز عليها و ترجع لنا في وقت لاحق ...
على كل حال انا ناوي ان شا الله التقي فيك بس توصل ابوظبي , وقتها بشدك من ايدك وبوديك على انترنت كافيه وتكتب موضوع رجوعك شئت ام ابيت , لأن المنتدى لا طعم له من دون وجود اصدقائي الاعزاء داخله ( وعلى رأسهم انت وداركتيب و آخرون ) ...
وان شا الله الى لقاء قريب يا عزيزي ...و موفق في دراستك
اليوم 01:39
حبيبي كايتو .... الذكريات الحلوة اللي قي المنتدى وسام على صدري ..... و ما أقدر أرميها ورا ظهري.... و الله يخليك يوم أرجع بوظبي خلني اجوفك .... لأني اصلا عمري ما تلاقيت وياك ^_^ تعال و بوديك المارينا مول (شسوي .. ما عندنا غيره :08: )
Purple : نجوفك عالأي أر سي ^_^
السلام عليكم ورحمة الله وبركاته
أخي العزيز Doel
لا داعية للإعتذار , فنحن في النهاية إخوة و ما في بيننا أي زعل أو حرج.
وأنا أعرفك كعضو من موضوعك عن ترجمة الانيمي.......
و أفضل أن تقول إلى اللقاء لا وداعا...... لأننا بإذن الله سنتقابل و ستكون لك مشاركاتك الرائعة والمميزة وردودك التي عودتنا بها....... ومواضيعك المشوقة.
ومثل ما قال الأخ AL-MuHaiRi كلنا عندنا دراسة وشاغلة أكثر وقتنا ... وأي فرصة تتاح لنا ندخل للمنتدى .
وعل كل حال أرجوا أن تفكر في قرارك وأنا متأكدة أنك لن تتخلى عن المنتدى ولا عن أعضائه وأصدقائك.
وأتمنى لك التوفيق والنجاح في دراستك ..... وإلى سائر الأعضاء.
وفي الختام أنا أسفة لو كنت أزعجتك بأي شيء ........... خصوصا في موضوعك عن ترجمة أحد الانيميهات.........
مع تحياتي...............
C.........Y.........SOON
اختي الأميرة مونونوكي ... و عليكم السلام و رحمة الله و بركاته
ان شاء الله بتعرفوني اكثر ^_^ و بشارك أكثر ..... بس شي واحد ... اختي لا تعتذرين عن مشاركاتك في موضوع ترجمة الأنمي، بالعكس ... أنا كنت اتمنى اني اشوف ردود مثل ردودك في هذاك الموضوع ^_^
السلام عليكم و رحمة الله و بركاته... الأخ Doel كيف هي أحوالك! إن شاء الله بخير و بصحة... بصراحة ما أعرف شو أقول بعد الذي قرأته, صحيح لم نحتك مع بعض كثير لكن بصراحة يؤسفني أنه عضو رائع مثلك رايح يترك المنتدى, و في الواقع المنتدى رايح يخسر عضو رائع, لن أقف في طريقك فهذا خيارك و أنت حر فيه و أنا واثق أن سيأتي نحن جميعا سنمر بهذا الموقف, لكن يسعدني جدا أني على الأقل تعرفت على عضو مثلك و لي الشرف عزيزي الغالي, سنشتاق لك و لكن الحمدلله ستكون في الذاكرة إن شاء الله, و ما أقول سوى الله يوفقك في دراستك و يجعلك من المتميزين و المتفوقين و الله يوفقك في دنياك و آخرتك و تكون سعيد أينما كنت و ذهبت و اتمنى أن أقول كلمة يقولها الكثير منا: "أخي لا تقل للوداع, فخرنا الإجتماع" و إلى اللقاء عزيزي و الله يحفظك... و السلام عليكم...
حبيبي دارك لورد دراجون.... صحيح اننا ما احتكينا وايد ... بس انت عضو بالفعل الواحد يتشرف بمعرفته و باذن الله نحتك مع بعض اكثر في المستقبل ^_^ .. بس لا تخاف .. انا مب ناوي اطلع من المنتدى لين 4 سنين على الأقل جدام ... و بمكن بعد اكثر ^_^
Go get the yankees XD
Try to get some japanese courses as well to do some real translation guy
I will keep a good souvenir of that short period anyway
Good luck
Midou Ban
Hey dude, why did you disappear suddenly man....i will try to get some moore jap, latin and russian :p
anyways.... i'll deal with you later :p monster is waiting for you
اخوي العزيز جداا جداا على قلبي Doel
والله دمعت عيني لما قريت هذا الموضوع ... اخوي ما عليه انتبه لدراستك بس مو تهدنا للأبد... طيب ادخل في اجازة العيد او اجازة نصف السنه او اي يوم اجازة... ارجوك لا تحرمنا من طلتك لانك فعلا عضو نادر وجود مثله هالايام...
ارجوك راجع نفسك اخوي...
اختي العزيزة الأمل ..... والله ان قلبي عورني و انا اقرا ردك .... انتوا حرام الواحد يسوي فيكم مقلب لأنكم بتخلونه شوي و يصيح :09:
و بالنسبة لوجودي ... ما عليج ... جدامكم سنين من وجودي المتطفل .... الله يعينكم بس :D
Griffiths : الله يسلمك .... يعني اخوي.... شو أقول لك ... هذا موضوع وداع ... يعني لو ما تعرفني حتى .. و تبا ترد .. حط شوية مشاعر ... مب تشوتني برع :(
^_^
اخوي Doel
بصراحة ضاق خلقي لما سمعت هذا الخبر ...
اللة يوفقك بدراستك ...بس مثل ما قالوا باقي الاعضاء حاول انك ما اتطول الغيبة و تروح و ترجع لنا ان شاء اللة بالسلامة ^__^
مرة ثانية فرصة سعيدة و اللة يوفقك ^___^
كل اللي أقدر أقوله .. آسف اختي .. و انشالله نعوض اللي سويته بكمن لنك حق مانجا :p
QataR NighTMarE : ردك هو واحد من الردود اللي كنت ابا جوفها ........ بس شو اسوي ... صدتني -_-""
قرار موفق ..
لا تعتقد إني أريدك تترك المنتدى
لكن الواحد لازم يجيب معدل عالي عشان يضمن الوظيفة ..!!
موفق بإذن الله ^^
وشيك علينا أوقات الإجازة
شكرا عالطرد اخوي جولدن سكاي :p
بس أنا اصلا مخلص ثانوية و بمعدل الحمدلله ... في الجامعه المعدل ما يهم ;)
لا حول ولا قوة الا بالله..
ليش تتركنا يا رجال؟ والله حزنتني..
على العموم بالنجاح في الدراسة
وان شاء الله نشوفك في المنتدى ولو للحظات..
اخوي خالد..
لا تخاف ... كي جي عف .... أنا ما في يطلع من هزا منتدى لين كلو ناس في يطلع ;)
((The King Of Anime)) : الله يوفقك ان شاء الله... و من ناحية شوفتي ... بتكرهوني من كثر ما تشوفوني باذن الله :p
QaHir : شوي شوي علي ياخي ... و الله اني ما استاهل حتى نص الكلام اللي قلته... احرجتني ياخي
و بنكمل ابداعاتتنا الحين :08:
King Of Hearts : انا ما اقدر اصلا اهد المنتدى .... يوم يمر علي بدون ما أدخل المنتدى يكون يوم فيه شي غلط ^^
bae66 : مشكور اخوي ^_^ (جريفيث .... جذي الردود... تعلم منه ياخي :08: )
:: السلام عليكم ورحمة الله وبركاتة ::
اخي العزيز : Doel
اوف شو هاذا الخبر المفاجئ بتترك المنتدى معقوله ...
اخوي العزيز اقولك اهتم بدراستك احسن شي لأنها مستقبلك هو بيحدد مصيرك..
وياليت ترجع لنا بسرعة و الكل ان شاء الله بنتظارك اخي العزيز..
شكرا اخوي The matrix .... و بالنسبة للدراسه بالفعل شي مهم ... بس مهما الواحد كثر من دراسته .. أكيد بيكون عنده وقت للمنتدى ^_^
و في النهاية حبيت أكرر اعتذاري للجميع.. و اطلب منكم تسامحوني ^_^
و اقول Welcome للإيقاف كمن يوم :D (بتكون أول مرة يوقفوني فيها طول عمري في المنتدى)
و شي واحد .... أنا لو بكتب موضوع توديع حقيقي ... بيكون عالأقل 20 مشاركه مني أنا اذكر فيها كل اخواني و اصدقائي و اللي اعرفهم و ما يعرفوني في المنتدى ^_^
Doel
Z-Fighter
23-10-2004, 07:25 PM
في امان الله ياخوي للأسف حتروح وما نقدر نقول الا ان يوفقك الله في دراستك ونتمنى عودتك بعد انتهاء دراستك ....
واعذرني على عدم مساعدتك في موضوع الترجمة الاخير الي وضعته بشكل كافي ...
وشكرا على جهودك المميزة في المنتدى
•Katana•
23-10-2004, 07:27 PM
في امان الله ياخوي للأسف حتروح وما نقدر نقول الا ان يوفقك الله في دراستك ونتمنى عودتك بعد انتهاء دراستك ....
وشكرا على جهودك المميزة في المنتدى
شكلك ماقريت الرد الى فوق :reporter: :biggrin:
شكلك ماقريت الرد الى فوق :reporter: :biggrin:
الظاهر :09: :أفكر:
TNT-BOY
23-10-2004, 07:42 PM
حبيبي TNT Boy .... أنا ما اقدر اصبر عن المنتدى يومين ..... كيف تباني اطلع منه؟ :) و فريقي ما اطلع منه لو الكل طلعو ^_^
http://cool0072007cool.jeeran.com/893032_154_143.gif
آآآآآآآآآآآآآخ >_<
ايش المزحة البايخة دي ؟ http://cool0072007cool.jeeran.com/CAA6B1FK.gif
انا علقت آمال على كلامك
انا فرحت لما قلت انك بتطلع :17: ........ وكنت مخطط اجتاح قروبكم واصير القائد بالقوة http://cool0072007cool.jeeran.com/Dream.gif
يافرحة ماتمت :09:
هيهيهيهيهيهي نعيش وناكل غيرها <<<<<< مو تصدقو http://cool0072007cool.jeeran.com/CA8NMDAV.gif
ومبروك عليك التوقيف مسبقاً <<<< انت بس لا تشغل الواسطات :tongue2:
ياليت لو كل الاعضاء زيك ........ خارجين عن القانون :biggthump
واتوقع اليوم "المبروك:tongue2: " اله راح تترك فيه المنتدى
راح توضع موضوع طبعا عن هل شي
بس راح تشوف ان مافي احد راح يرد عليك :D لانهم بيقولو هذا مقلب ثاني <<<< يشيش الاعضاء عليك :09:
زي سالفت راعي الغنم والذيب :biggthump <<<< انت راعي الغنم :tongue2:
كانت معاكم الكاميرا الخفية .... كل عام و انتوا بخير :D
اموت واعرف.........
ويش دخل الكاميرا الخفية ؟؟؟؟؟؟؟؟؟؟ :p
وانت بخير وكل سنة وانت طيب وكل سنة لاتعيدها -_-"
=-=-=-=-=-=-=
DX
او او او
ابو الشباب !!!!
تعال قرب هنا تعال لاتروح بعيد :biggrin:
Z-Fighter
23-10-2004, 07:53 PM
انا موجود لاتخاف يا TNT ....
بس خليني ارد على اخونا عامل نفسه داهية :D
أوكي ....... أدري اني بتصفع اليوم .... و يمكن احصل لي ايقاف
بس .....
كانت معاكم الكاميرا الخفية .... كل عام و انتوا بخير
شكلك ماقريت الرد الى فوق
الظاهر
كنت ادري انك تمزح ,صدقت ردي ؟؟؟ :09:
ياشيخ انا مستعجل وقارئ آخر رد وحسبت انك تودعهم قلت خليني ارد وامشي بس كان علمت الكلام بوضوح
الا انك عملتها صح الله يسامحك واحب اقولك الكاميرا الخفية تبعك تمت بنجاح :D :D :D.....
يعني كنت تمزح اوه الحمدلله انه الخبر مش حقيقي خليني بس ابلع البنادول
بس معليك من ردي الاول كان ممكن امسحه بس اخليه عشان يضحك الواحد
تحسب نفسك مبسوط يادول :mad: ....
يلا عقبال ماتقول انك رايح خلاص وماعد نصدق كلامك ههههه :biggthump ( انتقمت منك على الاقل:biggthump )
حياك الله معنا
P-Mononoke
23-10-2004, 08:39 PM
إقتباس :
أوكي ....... أدري اني بتصفع اليوم .... و يمكن احصل لي ايقاف :p
بس .....
كانت معاكم الكاميرا الخفية .... كل عام و انتوا بخير :D :D
لا حول و لا قوة إلا بالله.............حرام عليك تلاعبت بأعصابنا.......
على أي حال أهلا و سهلا .........
YOU WELCOME ANY TIME
وكل عام وأنت بخير
:biggthump
Anime Guy
23-10-2004, 09:53 PM
حسيت :أفكر:
لكن راح أفتقدك فعلا <<< و لحد الان يعاني :31:
DarkLordDragon
23-10-2004, 11:01 PM
السلام عليكم ^_^
TNT:
ياخي الكل يقول هل كلام بس مايقدرو يطولو على احبابهم
من بداية الموضوع و أنا أفكر فيها, و كنت أقول في نفسي الأخ لن يستطيع تحمل قراءة كلمات الإخوة الآخرين و مشاعرهم لفراقه n_n
Doel:
حبيبي دارك لورد دراجون.... صحيح اننا ما احتكينا وايد ... بس انت عضو بالفعل الواحد يتشرف بمعرفته و باذن الله نحتك مع بعض اكثر في المستقبل ^_^ .. بس لا تخاف .. انا مب ناوي اطلع من المنتدى لين 4 سنين على الأقل جدام ... و بمكن بعد اكثر ^_^
أهلا عزيزي... شكرا لك على كلماتك لكن الشرف لي يا غالي, و إن شاء الله نتعرف أكثر عليكم في الأيام القادمة و اتمنى أن أفضي لكي أستطيع المشاركة و الإحتكاك مع الأعضاء الأعزاء كما في السابق, و لكن يسعدني أنك مازلت في هذا المنتدى و إن شاء الله تبدع فيه كما كنت تبدع دائما...
Doel:
أوكي ....... أدري اني بتصفع اليوم .... و يمكن احصل لي ايقاف
بس .....
كانت معاكم الكاميرا الخفية .... كل عام و انتوا بخير
كاميرا الخفية هههه ^_^ من جد جعلت الأعضاء يحزنون لفراقك n_n; لكن بتطفل, هل حقا هي كانت كاميرا خفية أم أنك لم تستطع تحمل كلمات الأعضاء الرائعة عندما علموا أنك ستفارقهم, إعترف!؟ ^_~ أمزح...
على العموم حياك الله أخي من جديد في المنتدى و بالفعل كما قال أحد الإخوة, يصعب على عضو كان يشارك هنا لمدة أن يترك المنتدى بسهولة و لو أنه لا يستطيع المشاركة كثير إلا أنه يتركه بشكل نهائي فهذا أمر صعب حقيقة n_n و بالتوفيق للجميع...
alamal13
24-10-2004, 12:23 AM
Doel :vereymad: :vereymad: :vereymad: :vereymad: :vereymad: :vereymad:
:vereymad: :vereymad: :vereymad: هذا اول انذار لك واذا عدت وسويت هالحركات فيها طرد يومين انت فاهم :vereymad: :vereymad: :vereymad:
الله يهديك ... ما احب المقالب اللي من هذا النوع.. :vereymad: :vereymad: :vereymad:
The Noble
24-10-2004, 12:34 AM
ياخي مقلب مدري وش يبي كويس اني ما رديت لأني أمس كتبت رد لكن انمسح لما علق المتصفح معي :tongue2:
كنت ابي اقولك بلا دراسة بلا زفت اسحب سيفون دامك تقدر تنجح فخلاص لازم يعني تكون الأول :tongue2:
يعني بالعربي الدراسة يا شباب حطوها في آخر القائمة بس في ثالث ثانوي شدوا حيلكم شوي اما الباقي حرام تضيعوا وقتكم عليها :o <<< ناوي يخرب العقليات
تصدق ودي اتهاوش مع أحد الحين وافش خلقي مدري انت تصلح ولا ؟ :icon6:
darkitp
24-10-2004, 12:43 AM
Doel :vereymad: :vereymad: :vereymad: :vereymad: :vereymad: :vereymad:
:vereymad: :vereymad: :vereymad: هذا اول انذار لك واذا عدت وسويت هالحركات فيها طرد يومين انت فاهم :vereymad: :vereymad: :vereymad:
الله يهديك ... ما احب المقالب اللي من هذا النوع.. :vereymad: :vereymad: :vereymad:
هههه , يا اختي طولي بالج :p انا كنت عارف المقلب
و بدل ما اطيح فيها طيحت قلبه بمقلبي هههه :tongue2:
و خليت الموضوع علشان اشوف الردود الحلوة :biggrin:
على العموم خيرها بغيرها يا دويل .. :09: ما قدرت تصيدني ..
كايتو
24-10-2004, 01:43 AM
حلو ..
ان شا الله بس تيجي على ابوظبي رح تشوف مافيا العين بانتظارك :)
Al-RaQmi
24-10-2004, 02:06 AM
الله يهديك الحين التلفزيون مليان من الكميرات الخفيه تجي بعد وتحط هنا وحده :09:
بس اعتقد من خلال هذا الموضوع صرت مشهور اكثر واكثر ولفت الانظار= :33: شكلي بسوي مثل ها الموضوع ^_^ :tongue2: =
امنيتي الوحيده ان جيمع اعضاء المنتدى يبقوا مع بعض والى الابد &_& :icon6:
بالتوفيق لك وللجميع ولا تعودها
Griffiths
24-10-2004, 02:30 AM
السلام عليكم
هو ذا القسم سبهللة, وش كامرا خفية وكلام فاضي , الله يحييك يامللّي :أفكر:
خلاص الموضوع ذا ينقفل لان ماله داعي بالأنمي الله لايهينكم
والله غريبة المواضيع السخيفة يرد فيها كل الناس وغيرها تقارير واراء زينة مافي حتى واحد يرد... والله عجيبة :31:
The Noble
24-10-2004, 02:46 AM
السلام عليكم
هو ذا القسم سبهللة, وش كامرا خفية وكلام فاضي , الله يحييك يامللّي :أفكر:
خلاص الموضوع ذا ينقفل لان ماله داعي بالأنمي الله لايهينكم
والله غريبة المواضيع السخيفة يرد فيها كل الناس وغيرها تقارير واراء زينة مافي حتى واحد يرد... والله عجيبة :31:
طيب ليه انت راد فيه ببداية الموضوع اذا معتبره سخيف؟
بعدين وين التقارير اللي ما تم الرد عليها وأخذت حقها ؟ :33:
TNT-BOY : اليوم المبروك اللي بطلع فيه من المنتدى ما بيوصل قريب :أفكر: :أفكر: .... بس سالفة الجروب ... تعال ويانا حياك ;) ... و الغنم و الذيب .... أنا الذيب من زمان :cool: :cool:
D@RK ALEX : صباح الخير و مشكور عالمرور ... و انشالله تعيش و تاكل غيرها ^_^
DarkLordDragon : شكرا على مرورك ^_^ ... و صراحه.. لو كنت بطله صدق ... كلام الإخوان كان بيسحبني للمنتدى مرة ثانيه ^_^
alamal13 : خلاص توبه ... والله ما أعيدها .. :D (بس شو كان بيكون الموقف لو سجلت بعضوية ثانية و قلت أني مت؟ :09: )
The Noble: خرب الشباب عادي .... أنا في الجامعه و معدلي ما يهمني وايد :p :p
darkitp : لا منو قال؟ .. أول شي انت صدقت :أفكر: لين أنا قلتلك you've been PUNK'D .... بعدين سويت فيني هذا المقلب اللي من الدرجه الأولى .... You are the boss man
كايتو : و شو يوصل مافيا العين لبوظبي؟ ... خلهم أييون و شباب بوظبي ما يقصرون .. و الله ما تطلعون لين تشربون قهوه :tongue2:
Al-RaQmi: والله ما سويته للفت الأنظار .... بس حبيت اسوي مزحة صغيره ويا أصدقائي (انت يبالك تصبر 3 شهور لين ينسون بعدين تحاول :biggrin: )
Griffiths : والل ياخي ما أدري شو أقول لك ... يعني تباني أقول اذا ما عاجبك الموضوع لا ترد؟.. ياخي كانت مزحه خفيفه ... و الموضوع مصيره ان الناس ينسوه.. انت ليش زعلان؟ الله يهديك بس :31: و اذا كان في مواضيع تستاهل .. صدقني ما بسوي هالموضوع .... و الأنمي شي الناس يشوفونه for fun ... واللي انا سويته كان For fun ... ما اشوف في مشكله
Doel
Xellos
24-10-2004, 05:26 AM
هذا الكلام خاص فيني وودي أقوله :)
صراحة اصلاً محد مهتم سواءاً رحت ولا جيت...
كل العالم يجاملونك:)
بعدين ماشفناك سويت شي يذكر
ولا الأمل مسويتلي انها حزينه وهي اصلاً ماعطتك خبر بس قالت أجامله
ولا قروبكم اللي واحد تايمنق والباقين يصيحون يبون احد يسوي انكودينق
ولا حلقاتكم اللي الصوت سابق الصوره
لا بعد من زود البجاحه تنزلون الحلقات بعدين لما يخلصون الناس منزلينه تقولون نعتذر عن المشكله....
واقولك بكل صراحه انا ماهضمتك من شفتك لأنك انسان تتفلسف الحين تجي تقول ناروتو انمي جربان وتترجمه هذا ان دل على شي يدل انك فقط تحاول تبرز نفسك قدام الناس:08: ...
وفي النهاية حبيت أقولك لما تسوي مقلب تحمل عواقبه.
ملاحظة:
تصدق يمكن أنا الحين جاد بكلامي ويمكن اسوي مقلب سخيف زي مقلبك فبشطارتك افهمها زي ماتبي:reporter:
ولا قروبكم اللي واحد تايمنق والباقين يصيحون يبون احد يسوي انكودينق
ولا حلقاتكم اللي الصوت سابق الصوره
ههههه ... حلوة اخوي شوي و اشرب المقلب ... المهم .. احنا اللي نسويه هو انا دايما نبا المزيد من الأعضاء :p :p :p ... و بس أبشرك، عمرنا ما كان عندنا نقص ^_^
شكرا لانتقاداتك البناءه .. و حبيت أبشرك ان هالمشكله انحلت ^_^
Doel
يلعن ام البندول.. خلص -___-
الله يهديك دويل.. وانا كل يوم قبل ما انام افكرك متت.. وكنت تجيني على شكل ملاك :(
على العموم المقلب صادني 120%.. والله يخليك لا تعيده.. ترانا برمضان والواحد يعصب حيل لما ينصاد بمقلب! :p
ومثل ما قال دارك لورد, افكر انك رجعت بسبب ردود الاعضاء :D
The Noble
24-10-2004, 12:08 PM
Xellos
صراحة اصلاً محد مهتم سواءاً رحت ولا جيت...
كل العالم يجاملونك
بعدين ماشفناك سويت شي يذكر
ولا الأمل مسويتلي انها حزينه وهي اصلاً ماعطتك خبر بس قالت أجامله
كيف حكمت على الجميع انهم يجاملون يا شدشد؟<<< مش هذا اسم الدلع :reporter:
Purple
24-10-2004, 01:03 PM
هذا الكلام خاص فيني وودي أقوله :)
صراحة اصلاً محد مهتم سواءاً رحت ولا جيت...
كل العالم يجاملونك:)
بعدين ماشفناك سويت شي يذكر
ولا الأمل مسويتلي انها حزينه وهي اصلاً ماعطتك خبر بس قالت أجامله
ولا قروبكم اللي واحد تايمنق والباقين يصيحون يبون احد يسوي انكودينق
ولا حلقاتكم اللي الصوت سابق الصوره
لا بعد من زود البجاحه تنزلون الحلقات بعدين لما يخلصون الناس منزلينه تقولون نعتذر عن المشكله....
واقولك بكل صراحه انا ماهضمتك من شفتك لأنك انسان تتفلسف الحين تجي تقول ناروتو انمي جربان وتترجمه هذا ان دل على شي يدل انك فقط تحاول تبرز نفسك قدام الناس:08: ...
وفي النهاية حبيت أقولك لما تسوي مقلب تحمل عواقبه.
ملاحظة:
تصدق يمكن أنا الحين جاد بكلامي ويمكن اسوي مقلب سخيف زي مقلبك فبشطارتك افهمها زي ماتبي:reporter:
You guys have no sense of humour..
And about that comment you made about the group. I personally like it when we get complaint and sugestions. The main reason of this fansub group is to provide a service to you people
All we want is your support ^_^
Purple
TNT-BOY
24-10-2004, 02:08 PM
بس سالفة الجروب ... تعال ويانا حياك ;)
مستحيل من بعد ماطلعت فضايحكم :tongue2:
Xellos
ضربت على الوتر الحساس :biggthump
شدشد ؟
هل لقب قديم الحين هو زي زي <<<<<< خلاص الماضي ودعته -_-"
كل العالم يجاملونك:)
امممممممم :33:
لو انت قايل "معظم العالم يجاملونك"
كان بيكون ادق :biggthump
الحمد لله انا ماجاملت احد ^^
والكلام اله قلته كان عام :o
يعني حتى انت لا تتوقع يوم من الايام اني اجاملك :tongue2:
ملاحظة : انا مانا حاط نفسي الحين في موقف الدفاع :31: بس حبيت ازود مشاركات :biggthump
=-=-=-=-=-=-=
توصلنا الى قرار وهو :
Doel انسان غير شعبي :09: :biggthump
خيرها في غيرها وعقبال ماتلقى الناس اله يحبوك عن جد <<<< مو زيي :tongue2:
سلاااAــم
Naru Narusegawa
24-10-2004, 02:31 PM
مقلب يبط الجبد وانا من صجي راده يعني صايره مؤدبه:vereymad:
bae66
24-10-2004, 03:43 PM
ههههههههههههههههههههههههههههههههههههههههههههههههههههههههههههه :D :D :D
حلوه حلوه حلووووووووووووووووووووووووووووووووه بس لاتعيدها فاهم :tongue2:
Naru Narusegawa
25-10-2004, 03:41 AM
انزين مو المفروض توقفونة لمدة معينة علشان يتعلم ولا شرايكم؟؟؟؟
وانا خابر ان الجذب برمضان حرام.
CoCo_0007
25-10-2004, 04:06 AM
انزين مو المفروض توقفونة لمدة معينة علشان يتعلم ولا شرايكم؟؟؟؟
وانا خابر ان الجذب برمضان حرام.
انا رايي من رايكي يانارو
فين جالس تحسبنا لعبه في ايدك اذا كان بعض الناس تستقبل احنا ما نستقبل انت تشوه سمعة المنتدى كذا :vereymad:
الا على فكرة كم طول خشمك ؟
كايتو
25-10-2004, 04:29 AM
Doel مش اول واحد بيمزح هالمزحة مع اعضاء المنتدى...Get Real Guys :أفكر:
وبما انه بعض الاعضاء اساء فهم المزحة او اخذها بشكل جدي زيادة ...فالموضوع مغلق :)
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .