{ .. نَصْنَصَ يَتَنَصْنَصُ تَنَصْنُصاً !!! .. }

[ثريول]

http://www.trustdot.com/images/bismilah.gif





أخباركم ياشباب؟ , من زمان عن المواضيع في العام :)..

أرسين لوبين كتب موضوع عن معنى كلمة بجلي, اللي شافها كلمة غريبة مثل نص الأعضاء. حالها حال مئات الكلمات المنتشرة في مناطق في الخليج أو في الوطن العربي, بس متى ما يسمعها أحد من غير أهالي المكان اللي منتشره فيه الكلمة, يصير وجهه مثل هذا >> ( :boggled: ).

فكرة الموضوع, هي أن الأعضاء يكتبون بعض الكلمات الغريبة اللي سمعوها, أو يمكن منتشرة عندهم بس هي غريبة على الأغلبيّة.. يعني فرصة لإثراء الـ"فوكاب" الخليجي أو العربي. آنا بابدأ :

الكلمة : تنصنص .. وتعني "تحنطم".. وتعني "تحندى" .. وتعني "يتذمّر بالفصحى".

هالثلاث كلمات وبالذات الأولى من الكلمات قليلة الإستعمال "تنصنص" .. يعني أقدر أقول أنها "شبه منقرضة" لكن بعض الأسر اللي عايشة في جو "شيّاب" مازالوا يستعملونها في النادر هنا في قطر. الثانية "تحنطم" شوي أكثر انتشار, وأظن أنهم يستعملونها في الكويت والبحرين. تحندى كلمة أقوى في الــ"تحنطم", مثال في جملة مفيدة : هالشيبة سندرنا (1) على أدنات الدون (2) يتحندى , مادري يحسبنا ملائكة !.

(1)- سندرنا = أزعجنا.
(2)- أدنات الدون = على أقل شي.

يالله, الباقي عليكم :).

[Angel whisper]

غريبه الكلمه ..
بس احنا ترانا نقول "تحرطم"
بس على فكره .. مب احسن لو كبدايه نحدد كلمات ونطلب طريقة نطقها باللهجات المختلفه وبعدين نتوسع بالموضوع؟
وتشكر عالموضوع حلوه الفكره ^^

[.Atlas.]

وتعني "تحنطم"..


بس احنا ترانا نقول "تحرطم"
عندنا ننطقها (تحلطم ) باللام:)

اما عن الكلمات ..فية كلمة (سحله ) بتسكين السين وفتح الحروف الباقية ...وهي تعني طاسة ...وتعني قرشة...اعتقد تعرفون معناها:D
مادري صراحة ...بس ماعاد اشوف احد يستعملها

[golden_sky]

أهلن أهلن :o


فكرة الموضوع, هي أن الأعضاء يكتبون بعض الكلمات الغريبة اللي سمعوها, أو يمكن منتشرة عندهم بس هي غريبة على الأغلبيّة

فيه كلمة ( سنَـايدِي ^^ )

كثير يسألوني عنها :boggled:

مالها معنى محدد :33:

تجي بمعنى " ما فيه مثله " و " سنافي " و " بايعها :31: " و " راعي مواقف " ... etc

حسب موقعها بالجملة :o

على كل حال .. تُــشكر على الموضوع ^^

ومثل ما قالت آنجل .. الفكرة حلوة ^^

سلام ^^

[The Noble]

بس على فكره .. مب احسن لو كبدايه نحدد كلمات ونطلب طريقة نطقها باللهجات المختلفه وبعدين نتوسع بالموضوع؟

يس يس :reporter:

[Mada Mada Dane]

http://www.trustdot.com/images/bismilah.gif





الكلمة : تنصنص .. وتعني "تحنطم".. وتعني "تحندى" .. وتعني "يتذمّر بالفصحى".






اول مره اسمعهم , تحنطم :31:
انا الي اعرفها يتحلطهم وهي الي نقولها :)

مشكور على الموضوع اخوي

[NsaN]

احنا نقول يتحلطم و في روايات اخرى..يتحرطم..

سندرنا = قذانا (القاف تنطق G)....او حتى أذانا..

بس حتى عندنا بالامارات و بين سكان الامارة و المدينة الوحدة..اللهجات تختلف..
في الفاظ معينة ما يقولونها الا شباب من عايلة فلانية..فيوم تسمع شخص يقولها تعرف انه من ذيك العايلة..
تقريباً كل قبيله لها مصطلحاتها..

مثال:

احنا نسمي (المنشفة): فوطة
في عايلة ثانية تسميها: فودة

و نفس الشي البودر (Powder)..في ناس يمونه فودر..

شكراً على الموضوع المميز..و بانتظار المزيد..

[ثريول]

ههه, السلام عليكم..

أنجل ويسبر ,
هلا بمراقبتنا أنجل, بالنسبة للأقتراح.. أظن أنه طريقة النطق "ناتجة" عن الموضوع, بمعنى أني لقيت أن كلمة "تحنطم" مثل ما أقولها هي "تحرطم" عندكم, وتحلطم عند بعض الشباب هنيه.. وتشكّرات على المرور.

لتل أنجل ,
سْحَلَهَ .. ما دري أحس أنها مرت علي من قبل :33: .. وشكراً على الرد أختي.

قولدن سكاي ,
سَنَايدي.. أنا سمعت ناس يقولون "سنايد راسي" , وبنفس المعنى.. سنايدي يعني أنه -أي اللي تمدحه- ينشد به الظهر.. هذا اللي أعرفه, مادري إذا كان نفس المعنى عندكم.
وتشكر على الرد أخوي :) .

مادا مادا دان -عليك أسم :tongue2: - ,
مثل ما قلت لك, فرصة أنا نعرف شلون طريقة نطق الكلمات من منطقة للثانية -لاحظ كلمة منطقة, لأن كلمة "دولة" غير دقيقة مثل منطقة-. وشكراً.

ناسان -مبروك تغيير الإسم:)... بس السابق أحسن :tongue2: - ,
بالنسبة لقذانا .. أحنا نقول قثانا , بالقاف العاديّة ..
وصحيح كلامج عن الاختلاف بين القبايل , عندنا مثلاً أهل شمال لهم كلمات خاصة, وطريقة في الكلام. مثل "ربّك بخير" هذي الكلمة "شبه" حصريّة للعبدالرحمن ال ثاني أهل الوكير.
فودة ..حسب معلوماتي أنها كلمة لأهل ابوظبي.. صح ؟, والبودر أحنا نقول له فودر :).
شكراً على الرد, رد مفيد حقيقة.

____________

لي فترة أفكر في طريقة وفترة اختفاء الفصحى وحلول العامية محلها .. وأتوقع أن أكبر تغيير صار في ما بعد 1400 ميلادي, وبالشكل التدريجي. والملاحظ أن التغيير شمل كل الدول العربيّة بلااستثناء.

مثلاً منطقة الخليج, تأثرت بالثقافة الهندية والفارسية والبلوشيّة والبرتغاليّة والبريطانيّة.. واللي بيلاحظ في الكلمات الغريبة بالمقارنة مع الفصحى بيلقى أن غالب الكلمات أصلها من هذه اللغات.. والنادر قادمه من مناطق ثانية. -باحاول أبحث عن بعضص الكلمات وأصولها-.

لكن للي بيبحث, بيلاحظ أن منطقة الخليج بشكل عام و"نجد" بشكل خاص أقل المناطق تأثر بالألفاظ الدخيلة.. وأكثر الألفاظ الغير فصيحة جذورها فصيحة.. يعني كلمات عاديّة تلقى أصها كلمة عربية فصيحة ,.

يرجع ذلك بدون شك لأن منطقة نجد متوسطة, وبعيدة عن الساحل, وماجاها أي احتلال إلا في فترات بسيطة .. هذا غير أن نسبة كبيرة من أهل نجد بدو رحّل.. والمجتمعات البدويّة مجتمعات مصغّرة مكونة من القبيلة إتصالاتها بالقبائل الأخرى بسيط جداً, وهذا يجعل اللغة مصانة في الإطار القَبَلي. لذلك نشوف أن بعض القبائل في نجد وغيرها لها كلماتها الخاصة , ولو أن هذه الكلمات "ذابت" في المجتمع الكبير بصورته الحديثة, فبعضها ببساطة "أختفى" وبعضها أنتشر في المجتمع كله. وموضوع الكلمات القبلية يبغيله بحث كذلك.

هذا بالنسبة لنجد والخليج بشكل عام, لكن لو أخذنا كمثال مصر , فهي تأثرت بألف ثقافة , هذا غير أنها -أي الدولة- أصلاً كانت تحت يد غير العرب, وهذا سبب منطقي مستتر. ومصر مطلة على البحر المتوسط, تأخذ من اليونان والإسبان والطليان والأتراك -الذين حكموها فترة مب بسيطة- وغيرهم وغيرهم ؛ هذا غير الحكم الإجنبي للدولة على مر سنين طوال من أيام المماليك ثم العثمانيين ثم محمد علي وذريّته -وهم من اليونان- إلى الحكم البريطاني.

فلو قارننا بين هذين القُطرين.. لكان من المنطقي لنا أن نرى أن لللغة الفصحى جذورها قوية هنا , وضعيفة هناك.

[NsaN]

ناسان -مبروك تغيير الإسم:)... بس السابق أحسن :tongue2: - ,
بالنسبة لقذانا .. أحنا نقول قثانا , بالقاف العاديّة ..
وصحيح كلامج عن الاختلاف بين القبايل , عندنا مثلاً أهل شمال لهم كلمات خاصة, وطريقة في الكلام. مثل "ربّك بخير" هذي الكلمة "شبه" حصريّة للعبدالرحمن ال ثاني أهل الوكير.
فودة ..حسب معلوماتي أنها كلمة لأهل ابوظبي.. صح ؟, والبودر أحنا نقول له فودر :).
شكراً على الرد, رد مفيد حقيقة.



الله يبارك فيك..عقبالك.. :tongue2:
بس اسمي ينطق انسان.. :boggled:

قثانا هل هي نفسها غثانا؟؟
يعني من كلمة غث؟؟

لاحظت انكم بقطر و حتى بالكويت و البحرين وايد تعكسون بين القاف و الغين..
البرتقال يصير عندكم برتغال..
و صغير تصير صقير..
بس تصدق انها قامت تنتشر شوي شوي عندنا هني بالامارات بعد؟؟
بس هالتغييرات البسيطة مالها علاقة باختلاف اللهجات..
هي مجرد تحويرات بسيطة ابتدعوها الشباب اللي قبلنا..
شراتنا احن ببوظبي..ما نقول "مب" (بمعني ليس) نقول "هب"..

و على فكرة..حتى احنا عندا ببوظبي يقولون "ربك بخير"..سبحان الله امس كنت ويا واحد من الربع و كنا نحاول نفسرها..
اغلب اللي يقولونها من العين..و من المنطقة الشرقية (ليوا..بدع زايد)..

بس اكثر اللمصطلحات الغريبة عندنا تكون صادرة من الامارات الشمالية..
لدرجة انه صاروا معروفين بكلمات معينة..
يعني كدعابة قمنا نطلق بعض الالقاب على الشباب اللي من هناك..مثل قوم الـ"عاد نحط اي كلمة من عندهم"..

بالنسبة للقسم الثاني..الخاص بأسباب التغير..انا معاك..
و اشوف اكثر لغة تأثرت بها اللغة العربية عندنا هي الفارسية..
في الكثيييييييير من الكلمات العربية (الخليجية بشكل خاص) انصدمت يوم عرفت انها بالاساس من فارس..
و اعتقد السبب في هذا مثل ما ذكرت..كون مناطقنا ساحلية..
و بحكم التجارة الي كانت تتم بينا و بين ايران كان يصير اختلاط..و احياناً كثيرة زواج من هالبلاد..و بالتالي تتأثر اللهجات..

حتى بعض الاسامي جاية من هناك..مثل اسم المذيعة المتكويتة "حليمة بولند"..

بولند بالعيمي (و بالنطق السريع..حيث انك ما تمد الواو وايد) معناها رفع (As In Lift)..
و اكتشفت بعدين انها اسم منطقة بايران..و اعتقد انها بالاساس من هناك..


احم..حاس اني طلعت شوي عن الموضوع..
اشكرك مرة ثانية على موضوعك المميز..و السموحة عالاطالة..

[ODIN]

غظارة


هههههه هذي الكلمة يجيني اشمئزاز لما اسمعها .. الحروف ابد مو راكبه مع بعض مدري مين الرايق الي الفها


هذي مصطلح ثاني للي قالته ليتل انجل طاسه او سحلة .

[Lena]

حنا نقولها تحلطم مثل ليتل انجل :tongue2:

في موضوع ارسين طرحت انا كلمة وشحيثه ..انتا نفر في معلوم ايس معنى؟


نغْبِقّة ><.. ( ياربيه يا هالنغبقة) للبنت نطقها الي كتبته
يع الكلمة مقرفه نطقاً ...بس تعرفون وش معناها؟؟ هي نطلقها على بنت اختي الصغيره :p


ابجيكم انشالله بعدين واقول معنى الكلمتين هذا اذا ماعرفتوه
وبعد ابجي ومعاي كومة من الكلمات الغريبه..انشالله.. القصمان عندهم كنز وافي منها ^^ سلام

[أفلاطون]

في موضوع ارسين طرحت انا كلمة وشحيثه ..انتا نفر في معلوم ايس معنى؟


هل تعني.. وش قصة اهل امّه؟ :tongue2:

ـــــــــ

(خَنْبِقَهْ) القاف تنطق زي القاف في (برجر)..

استعمالها: كلامك خنبقه..وش قاعد تخنبق

معناها..كلام موب مفهوم..خرابيط ..الخ

[eyes4ever]

اما عن الكلمات ..فية كلمة (سحله ) بتسكين السين وفتح الحروف الباقية ...وهي تعني طاسة ...وتعني قرشة...اعتقد تعرفون معناها:D
مادري صراحة ...بس ماعاد اشوف احد يستعملها

:09: سحـــــــــــلة...قبل كـــاانت تنطق بمعنى (االطـــااسة)... أالحين االكلمة دارجه لــوصف نوعــية من االشبـــااب.
:biggthump لـــو جــااء وااحـــد وقــاال لك (أانــت سحـــلة)!!.. فلاا تجـــااوبــه إالاا بطـــرااق!!..
سحـــلة في (سلم االشبـــااب)... يعني مـــاا عنـــدك أاحـــد..




يرجع ذلك بدون شك لأن منطقة نجد متوسطة, وبعيدة عن الساحل, وماجاها أي احتلال إلا في فترات بسيطة .. هذا غير أن نسبة كبيرة من أهل نجد بدو رحّل.. والمجتمعات البدويّة مجتمعات مصغّرة مكونة من القبيلة إتصالاتها بالقبائل الأخرى بسيط جداً, وهذا يجعل اللغة مصانة في الإطار القَبَلي. لذلك نشوف أن بعض القبائل في نجد وغيرها لها كلماتها الخاصة , ولو أن هذه الكلمات "ذابت" في المجتمع الكبير بصورته الحديثة, فبعضها ببساطة "أختفى" وبعضها أنتشر في المجتمع كله. وموضوع الكلمات القبلية يبغيله بحث كذلك.
:biggthump كــلاامك صحيح..


في (االجنــوب)..أاي جنــوب نجـد، نحصــل قــباائل (قطحـان) و(الدواسر).. يسمــون (الأاطفــاال)... (عـــواال)!.
في (الوســط).. نجـد قبـائل مثل (عتيبة) و(مطير)... يسمــون االأاطفــال ( ورعــاان)..
شمـاال نجـد.. منطقة القصيم.. عنــدك (االقصمــاان).. يقــاال للأاطفـاال.. (غــراان).. ومفـردهـاا.. (غــر)..

:09: في االغــاالب االإاختــلااف بين هـذه االقبــاائل يكــون بسبب (تضخيم بعض الحـروف).. مثـلاً هنــااك بعض القبــاائل التي تنطق االيــااء مضخمــاًا.. فتشعــره أانــه أالف... لتصبح كلمة مثل بيض إالى (بــااظ).. وليس (بـااض)..!! والله أاعــلم!.

[Electro M]

عندنا ننطقها (تحلطم ) باللام:)
و في رواية اخرى
يبرطم
مأخوذة من البراطم و هي الخشة :09:

[.Atlas.]

في موضوع ارسين طرحت انا كلمةوشحيثه ..انتا نفر في معلوم ايس معنى؟


نغْبِقّة ><.. ( ياربيه يا هالنغبقة) للبنت نطقها الي كتبته
يع الكلمة مقرفه نطقاً ...بس تعرفون وش معناها؟؟ هي نطلقها على بنت اختي الصغيره :p
مو كأنه هالكلمة مركبة ..وش حيث
وأعتقد ان معناها ..(شمعنى أو ليش)<<<أدري تحليل عبيط :09:

اما الثانية أعتقد أن معناها ...مزعجة :D



غظارة


هههههه هذي الكلمة يجيني اشمئزاز لما اسمعها .. الحروف ابد مو راكبه مع بعض مدري مين الرايق الي الفها


هذي مصطلح ثاني للي قالته ليتل انجل طاسه او سحلة .
نفس المعنى عندنا...مادري شلون نسيتها:09: ...ونستخدمها قبل..بس اللحين هالكلمة شبة منقرضة



و في رواية اخرى
يبرطم
مأخوذة من البراطم و هي الخشة :09:

معروفة عندنا..بس استخدامها أقل من كلمة تحلطم :tongue2:

مادري إذا تعرفون كلمة (أرضخ )<<ماني متأكدة من طريقة الكتابة :tongue2:
بس معناها ...أضرب او أطق :D

[HArb200]

كيفكي .. وشلونكي ؟

هذي من الكلمات الدايخة هذه الايام .

وبرضه خخخخ .. لاسمعت واحد يقول برضه .. ادر انه من جنبهااااا .

انا اعجبتني كلمة .. يرمس .. احس ان لها علاقة بالمشاعر والشعور .

[NsaN]

انا اعجبتني كلمة .. يرمس .. احس ان لها علاقة بالمشاعر والشعور .

يرمس عندنا معناها يتكلم..



(خَنْبِقَهْ) القاف تنطق زي القاف في (برجر)..

استعمالها: كلامك خنبقه..وش قاعد تخنبق

معناها..كلام موب مفهوم..خرابيط ..الخ

ههههههههه..تصدق بغيت احطها..بس ما كنت متأكد من معناها و خفت انها تطلع سبة.. :bigeyes:
هي شكلها ابداً مش شريف.. :boggled:

و بمناسبة الحديث عن الطاسة..حنا نسمياها "ملة" (بفتح الميم..و شد اللام)..بس ما اعتقد انها منتشرة وايد عندنا..
يا ريت اذا حد من الامارات يقولي اذا هي مستخدمة و لا لأ..

[Angel whisper]

هلولو ..
مله .. مستخدمه ومنتشره جدا جدا عندنا في الشارجه..
وعلى طاري المله .. تقولون انتو "غنجه و طبقه" ؟؟
وحتى ارضخ .. او اكفخ ..بعد منتشره ..
مثلا .. رضخت بالباب ..

ههههه ورمسه . احسها عاديه .. بس عيبني رد حرب الصراحه XD

عندنا كم كلمه اتوقع بعد الكل يعرفها .. مثلا ..
اتحسب او تحسبت بمعنى ظنيت ..

شرات = مثل ..

كنديشن = مكيف ..

بنكه = مروحه

واحلى كلمه في العالم والوحيده اللي احس اني نو واي اقدر اشرحها ..

اونـــــــــه ؟!!!

[NsaN]

هلولو ..
مله .. مستخدمه ومنتشره جدا جدا عندنا في الشارجه..
وعلى طاري المله .. تقولون انتو "غنجه و طبقه" ؟؟


قود قود..يعني في حد ثاني يستخدمها...كنت اتحرى حقوقها محفوظة لعايلتنا.. :reporter:

غنجة؟؟؟ :bigeyes:

هاي كلمة عيمية معناها صينية (Trace)!! :boggled:
و طبقة ما احيد اني سمعتها..


بنكه = مروحه

بنكة كلمة عيمية مادري هندية بالاساس.. :)


اونـــــــــه ؟!!!

ههههههههههههههههه...الكلمة هاي لغز ازلي..
صدق هاي كيف تنشرح؟؟ :boggled:

اقول ويسبر لا تشرحينها..خل نشوف شو ردودهم عليها :tongue2: <<< هذا اذا محد كان يعرفها بالاساس :31:

[أفلاطون]

اقول ويسبر لا تشرحينها..خل نشوف شو ردودهم عليها :tongue2: <<< هذا اذا محد كان يعرفها بالاساس :31:

طيب عطونا استخدامها على الاقل :31:

[ez2dj]

موضوع حلو عندي وايد مصطلحات غريبة واللي نتداولها في الامارات وخاصة في أبوظبي

مثلن نحنا نقول إذا كنا بنسافر " ولم أكشارك وسامانك ورانا مرواح"

ولم معناتها لمم وأجمع

الكشار والسامان ..نفس المعنى تقريبا واللي هواه المتاع والأغراض وأعتقد كلمة سامان أصلها تركي ..ومستغرب أن في بعض الكلمات تركية بس وصلت للخليج يمكن بسبب أيام الحكم العثماني

المرواح معناته يروح أو سيرة

يرمس معناها يتكلم أو يتحدث


زخوه (تشديد الخاء) ومعناه صادوه أو مسكووه

يزقر (القاف تنطق G): معناتها ينادي ..وأعتقد أن اصلها يرجع لكلمة يزجر أو الزجر .. ويمكن تحورت

لبيــه : تستخدم إذا واحد نادى على الثاني وكان عزيز عليه يرد عليه ..لبيــه ..أما رد الكلمة "من الشخص الاول" لبيــت في منى ..ويقصد في الحج

خلاف : كلمة يستخدمونها البدو عندنا ..وهي معناها بعد ذلك بفترة حدث شيء ..

سييدة : يعني أمام .. مثال : أمشي سييدة بتحصل مبغاك

أحييد : يعني أذكر

وهذي بعض اسامي الحيوانات أو الحشرات عندنا "بيكرهكم اليوم" :biggrin:

أبو يعل ..واعتقد أهل الكويت يقولونها "أبو جعل"<----أذكر طارق العلي في مسرحية قالها ...والي هي حشرة متواجدة في البر ودايما تكون مع الأبل ... وتتغذا على فضلات الأبل "كرم السامعين"

البوش ..وهي مجموعة من الجمال أو البعارين ماعرف إذا احد يتداولوها غيرنا في الخليج ..أعتقد أهل عمان يقولونها بعد

رويلي : هذا ولد عم الضب :D

الشبث أو بوشبث : عنكبوت كبير يعيش في البر .. ياكل العقارب


عنسلان : بعد يعيش في البر سحلية تدفن نفسها في الرمل

دعيليياه : معناها القنفذ



هذا بعض الكلمات وماحبيت أزيد بعد ... ولو في وحدة بعد تحتاج شرح أكثر حاضريين :tongue2:


Angel whisper : أوننه ماتعرف معناها أحيد أني شرحتلها المعنى :31:

[Doel]

اونـــــــــه ؟!!!

هههههههههههههههه...الكلمة هاي لغز ازلي..
صدق هاي كيف تنشرح؟؟

اقول ويسبر لا تشرحينها..خل نشوف شو ردودهم عليها <<< هذا اذا محد كان يعرفها بالاساس
همممم ... خلني أحاول أشرحها مثل ما سويت قبل حق أخوي أبو معاذ (ياخي وينك ما تبين عالمسنجر؟ :( )

أونه .... كلمة و الله أعلم مشتقه من "أو أنه" .. و أغلب الظن أنها اختصار اـإلى "إما أنه يكذب، أو أنه ....."
<<<< عاشت الفلسفه .. لحد يصدق :08: ..

و معناها صعب ... بس عادة تستخدم للتشكيك في شي ما

اسهل طريقة لشرح الكلمة هي انكم تشوفون كم مثال عملي :p

"محمد يقول بيسير يتضارب ويا عبود"
"اونه يقدر عليه؟"

في هذا المثال السوقي :p :p .... استخدام كلمة "أونه" يمكن تقريبه إلى ما يعني به القائل التشكيك في قوة محمد :p

"وين محمد اليوم؟"
"يقولون أونه تعبان و ما يقدر يداوم"

أعتقد شوي وضح معني الكلمة.... عادة كلمة أونه تعطي معني سلبي و تشكيك في صحة العبارة

ان شاء الله بس أكون قدرت أفيد حد بشي ..

أخوكم

Doel

[AL-MuHaiRi]

اونه دول

يشرح ومسوي عمره سيبويه^^

اتمنى انكم عرفتوا معنى اونننننه


لكم التحيه

ومشكورين على الموضوع الحامي

المهيري

[AL-MuHaiRi]

كلمه من عندي

اذا حد يعرف معنى ..


هزرك

[alamal13]

همممم ... خلني أحاول أشرحها مثل ما سويت قبل حق أخوي أبو معاذ (ياخي وينك ما تبين عالمسنجر؟ :( )

أونه .... كلمة و الله أعلم مشتقه من "أو أنه" .. و أغلب الظن أنها اختصار اـإلى "إما أنه يكذب، أو أنه ....."
<<<< عاشت الفلسفه .. لحد يصدق :08: ..

Doelاونه يالس يشرح...اقول سكر حلجك شراتي وخلك مؤدب لاننفضح..وسلملي على بو شقن:tongue2:
يا حلاة رمستنا...جوموا عنها اتخججت..



هزركهزرك شو معناتها؟؟؟ اممم معناتها تعتقد

[alamal13]

اونه يالس يشرح...اقول سكر حلجك شراتي وخلك مؤدب لاننفضح..وسلملي على بو شقن:tongue2:
يا حلاة رمستنا...جوموا عنها اتخججت..



هزرك
هزرك شو معناتها؟؟؟ اممم معناتها تعتقد

[ثريول]

السلام عليكم مرتن ثانيتن..

NsaN ,

سوري, الاسم مب واضح..
صحيح, وايد يعكسون بين الغين والقاف, لدرجة أن الحرفين صاروا مثل بعض عند البعض, أحيان تكون برتغاله وأحيان برتقالة. والغمارة تصير بعض الأحيان عند بعض الناس قمارة. وهلم جراً.

أحنا ترى نقول "هب" و "مب" .. الثنتين لهم نفس الإستعمال... باذكر نقطة بخصوص قطر واللغة في آخر الرد... شي لاحظته بخصوص لهجة قطر.

اللغة الفارسيّة لها تأثير كبير, والكلمات الفارسيّة أغلبها دخلت في فترة النصف الأول من القرن العشرين, عن طريق النشاط الإقتصادي بين الخليج وفارس واللي جاب في غالبه كلمات سلع.
وذي الفترة اللي رجعوا فيها بعض الهولة -الهْولةْ=عرب فارس, اللي يكنوا هناك في فترة من الفترات ثم رجعوا- وهناك في بيئتهم في فارس خذوا من كلماتهم أكيد, واستعملوها هنا ثم انتشرت وشاعت... يروي لي أحد عمامي الكبار عن جدوده أنهم كانوا يعصبون إذا سمعوا مثل بعض الكلمات اللي كانت مستغربه والحين صارت منتشرة.
شكراً مرة ثانية وثالثة ورابعة وخامسة :).

أودن ,
ياكثر أسامي الملال -جمه ملّة- .. غظارة, طاسة, ملّة, سحلة, غنجة -الجيم بين الشين والجيم- .. -___- ..
مرحبنبك دوم.

لينا ,

في موضوع ارسين طرحت انا كلمةوشحيثه ..انتا نفر في معلوم ايس معنى؟
أتوقع أن المعنى وش سالفته.

وبالنسبة للـ"نغْبِقّة " بالشدّة ؟!! .. أقرأ ورقة كاملة ولا أقرأها .. "-____- ..
وشكراً على المرور.

أفلاطون ,
خنبقة كلمة منتشرة واستعمالها شبه يومي, مثلاً تقول فلان خنبق السالفة.. يعني موضوعه أعتفس, أخترب.
وهلا بالفيلسوف :33: .

عيون للأبد ,
نفس الشي عندنا, البوكوّارة كمثال لهم مصطلحات ينعرفون منها, ولهم أسماء ينعروفون منها كذلك.. وأركّز على جزئيّة الأسماء.
شكراً على الرد.

لتل أنجل ,
أرضخ معروفه ومنتشرة بشكل واسع في الخليج كلّه ,حسب معرفتي.. شكراً على المشاركة.

محارب200 -ماتحس أن أسمك أحلى مع M في البداية؟ وبه ينقلب المعنى فوق تحت :tongue2: .. فكرة حلوة :33: -,
أما عن اللي تغسل يدك منهم, فهذا موضوع لحالة عن الكلمات اللي ماتدري من أي كوكب جاية .. عندك اللي يقول نعالتي بدل نعالي أغسل يدي منه بديتول ألترا.

رمسة.. أحس أنها كلمة حصريّة للإمارات.. ما أتوقع غير أهل الإمارات يقولها.
والمهلي مايولي.

أنجل ,
ملة وغنجة ووو .. زيدي من الأسماء المطبخية تحت.. وشارنا وشمشاركم , ومقصنا ومقراضكم .
وشكراً .

ez2dj ,
الكلمات اللي ذكرتها كلها متواجده عندنا غير : يزقر, أحيّد.
وبخصوص بويعل.. أحنا نسمّيه قبّان -بالقاء- , وبو زنّة.. بس أظن أن أسمه في الفصى جُعْل.
أما البعارين, أساميها اللي أعرفها: الرجاب -الجيم بين الشين والجيم- , المطايا, الأبل, النوق, البعارين, وبالنسبة لألوانهم لهم أسامي أذكر أن السود الغير غامقين ينسمون عمانيات, والبيض إذا ماخاب ظني وضح.
والدْعَليْ أسم مستخدم, ألا هو الأسم الوحيد للقنفذ.
مشكور على المشاركة.

دويل, المهيري, الأمل .. شكراً على التواصل :).

________________


بعض الكلمات المطبخيّة :
علولم : بطاطس.
عنصنص: أناناس.
همبا: منجا.
معاميل: أغراض الضو والطباخ -أسم يستعمل في الغالب في الرحلات-.
زمزميّة: حرّارة الشاي, دلّة.
بياله: قلاص الشاي.
فنيال: قلاس القهوة الصغير.
حَبْ : شي انقرض كانوا يحطون به الماي عشاب يبرد.
طابي : اللي يقلون به البيض -كمثال-.
وووو .. ماعندي وقت أفكّر :tongue2: .

________________

لعل موضوع اللهجات المختلفة من النوع الذيب ما إن تتعمق فيه حتى تضيع في لججه؛ ويمكنني القول أن كل شخص له لهجته الخاصة المكونة من مفرداته التي تشكل بشكلها الكلي شكلاً متميّزا متفرّداً تماماً كالبصمة!!.

بالنسبة لدولة قطر.. أعتقد أن أقرب لهجة للهجة القطرية هي لهجة أهل الكويت , وخاصة الكويتيين القدامى؛ فيه تشابه في طريقة نطق الحروف والكلمات , وفي المفردات الدقيقة .. وللهجة البدويّة القريبة من النجدية تواجد في البدو هنا, ولها تواجد كبير في أجدادنا , لأنهم في ذاك الوقت مازالت عروق نجد فيهم لأن هجرتهم منها كانت في نهاية القرن السابع عشر. واللهجة البدوية مازالت عند البدو لأنهم قبائل بدوية عاشت في مجتمعاتها الخاصة.

وبشكل عام.. هناك كلمات وعبارات من الإمارات, وهناك عبارات مشتركة مع البحرين .. ولعل لوجود قطر في وسط الخليج العربي تأثير في ذلك.

في المجمل .. للبحرين -وأعني هنا المنطقة الشرقية من السعوديّة وقطر والكويت والبحرين- لهجة شبه مشتركة أثرت عليها عوامل كثيرة كالإتصالات مع الغير والجيران جغرافيّاً , والعمل شبه المتشابه وغيره وغيره. دولة الإمارات -والتي كانت تذكر كعمان المتصالحة أو المستقلة "الخطأ مني"- وعمان لهم تقريباً نفس اللهجة غير أن أهل الإمارات بحكم إطلالهم على الخليج والإتصالات مع البحرين كانت ومازالت لهجتهم مابين اللهجة الخليجيّة البحرينية والعمانيّة التي لا أعرف عنها الكثير .

هذا بالنسبة لمنطقة الخليج, نجد لها لهجتها الخاصة, والحجاز لها لهجتها التي تأثرت كثيراً باللهجة المصريّة القديمة والحديثة ودخلت عليها كلمات وتعبيرات كثيرة من الحجاج والوافدين بالدرجة الأولى , ومن التجارة مع أفريقيا ومصر بالدرجة الثانية. لكن يمكننا أن نضع اللهجات الخليجية في "مخلاة" واحدة, أما نجد والجحاز فكل واحدة منهن "مخلاة" لحالها.

[Angel whisper]

انسان:
عيل غيركم شو يستخدمون بدال مله؟
احس ماشي كلمه شراتها ..
طبقه .. حد يسميها "حراره" بالشد على اول راء .. بس هي اللي يحطون فها الاكل عشان ما يبرد وتكون مغطايه طبعا ..

ايزي:
خلاف احنا كلنا في الشارجه نقولها .. يعني مب مالت بدو XD
هههه عنسلان و دعيلياه اول مره اسمع فيهن ..
وصدقني ما اتذكر شرحك .. سوري ><

المهيري:
معناها مثل ما قالته الامل ^___^

ثريول :
عيل عايبتنك الكلمات المطبخيه .. تمام عيل بكمل ^^
عيولم: البطاطس
عنص: الاناناس
همبا: المانجا
دله: دله ^^
تاوه: اللي هي يقلون فيها البيض ^^
قلاص: كاس
جيله: اممم اللي هي بالفصحى "مكيال"
يونيه: خيشه
خاشوقه: ملعقه
صنطره: اليوسفي
يح: البطيخ الاحمر
سح: التمر
ادري هذا اللي على بالي الحين ..

بس اشوف الموضوع كامل استوى عن لهجتنها XD

بس وناسه ..

[Doel]

بس اكثر اللمصطلحات الغريبة عندنا تكون صادرة من الامارات الشمالية..
لدرجة انه صاروا معروفين بكلمات معينة..
يعني كدعابة قمنا نطلق بعض الالقاب على الشباب اللي من هناك..مثل قوم الـ"عاد نحط اي كلمة من عندهم"

دنقو؟ :p :p :p :p :biggthump



اونه يالس يشرح...اقول سكر حلجك شراتي وخلك مؤدب لاننفضح..

هذا اللي المفروض أني اسويه .... بس أنا ما أتوب :08:

ملاحظه : الدنقو (بالـ G ) اسم للنخي في الإمارات الشمالية... اذا كنت متذكر صح :p


النخي هو الشي اللي يسوون منه الحمص ... حد يساعدني و يقول شو اسمه بالعربي الفصيح (لا يكون بذور الحمص بس :أفكر: :أفكر: )

ما ادري شو ذكرني بأسامي الحيوانات الحين



الحمسه (و حسب كتاب العلوم مال خامس ابتدائي "الأحمسه" ;) ;) ) هي السحفاة البحريه و تنطق بتسكين كل الحروف اللي في البدايه و كسر الميم و فتح السين << رجع سيبويه :أفكر:
اللوه : طائر النورس

واحد يقول شو الجاشع ... بسرعه :rolleyes: :rolleyes: :rolleyes:

Doel

[alamal13]

عيولم: البطاطس
عنص: الاناناس
همبا: المانجا
دله: دله ^^
تاوه: اللي هي يقلون فيها البيض ^^
قلاص: كاس
جيله: اممم اللي هي بالفصحى "مكيال"
يونيه: خيشه
خاشوقه: ملعقه
صنطره: اليوسفي
يح: البطيخ الاحمر
سح: التمر



اينجل نحنا نقول كل هالكلام في بوظبي الا العيولم والتاوة اول مرة اسمع فيها!!:boggled:

[Doel]

اينجل نحنا نقول كل هالكلام في بوظبي الا العيولم والتاوة اول مرة اسمع فيها!!:boggled:

أنا بعد صراحة .... أنا اعرف الطابي و البطاط :D :D

شككتني بنفسي أينجل :p

[Angel whisper]

الجاشع:
واحد من الاشيا اللي امي تتخبل عليها وهي عباره عن سمج مجفف ومطحون XD

والنخي هو نفسه الدنقو وهو نفسه الحمص XD

الامل احنا عادي نقول العيولم والتاوه دوم ..
ههههه والله ما توقعت انه لهجتنا ولهجتكم يا هل بوظبي بتكون مختلفه هالكثر ><

وشو الطابي؟؟

[alamal13]

وشو الطابي؟؟come on !!!!:boggled:

معقولة ما تعرفين الطابي...

الطابي سلمج الله هو اللي يخبزون عليه خبز الرقاق...هذا اللي اعرفه ما ادري يا بن شقن انتوا نفس الشيء عندكم؟؟

[Doel]

come on !!!!:boggled:

معقولة ما تعرفين الطابي...

الطابي سلمج الله هو اللي يخبزون عليه خبز الرقاق...هذا اللي اعرفه ما ادري يا بوشقن انتوا نفس الشيء عندكم؟؟


تبين الصراحه ... بو شقن ما يعرف لأدوات المطبخ وايد .... بس اللي حاطه في راسي عشان اثبت الأسماء ... الطابي هو الشي اللي يقلون به البيض (المقلاة) ... و التاوه هي الشي اللي يسوون عليه خبزالرقاق ...

ترا جوفوا .... انا ما اعرف أي شي في المطابخ ... و لين شهر ... ما كنت أدري ان السمج فيه شحم :boggled: :D .... بالتالي ... لا تعتمدون كلامي كمصدر موثوق لما تكون السالفه لها علاقة بالمطابخ :p


هممم ... خلوني أطلع شي هب مال المطابخ (بس المشكله اني يوعان و ما أقدر اتريا -_-"" )

القطو: ذكر القطط <<< قول والله!!! :09: :09: :09:

هممم

هيه صح .... السيايير ^_^

أول شي .. السكان : بالعربي الفصيح المقود
الرنجات : الإسطوانه المعدنيه المحاطة بالإطارات (ما حصل وصف أحلي) ... بالإنجليزي Rims
التواير: مفردها "تاير" و هو اطار السياره
القيج : (بالـ G )كلمة تأتي من الكلمة اللإنجليزية Gauge .... و هي عدادات السياره

[Lezard Valeth]

الاحظ في كلمات وايد من الامارات تشابه اللهجة الكويتية :33: ,

مشكور على الموضوع المفيد ثريول ^^ , عاد عندنا باللهجة الكويتية كلمات وايد غريبة :p , والحال كله مع اللهجات العربية كلها , اصلا المفروض لهجتنا كلنا العربية الفصحة لولا التغريب :أفكر: <<< اخاف قاط شي يديد بس :31:

هذه الكلمة الي جت على بالي الحين :31:

تهقه : يعني تعتقد او تتوقع

تلفظ : ت , ( شدة عند الهاء ) , gha

[Angel whisper]

come on !!!!:boggled:

معقولة ما تعرفين الطابي...

الطابي سلمج الله هو اللي يخبزون عليه خبز الرقاق...هذا اللي اعرفه ما ادري يا بن شقن انتوا نفس الشيء عندكم؟؟احنا ما نسميه طابي .. نسميه مخبز (&)
انزين خل اكمل ..
درام = اسطوانه/تنكر .. يعني وتنقال للواحد المتين XD
متين = سمين
دريشه = نافذه
مادري ياخي ما عندي كلمات ><

[The Noble]

عليكم اسماء وكلمات غريبة :laughing:


طيب مين يعرف معنى كلمة جاط؟ :09:

[Lezard Valeth]

درام = اسطوانه/تنكر .. يعني وتنقال للواحد المتين XD
متين = سمين
دريشه = نافذه
مادري ياخي ما عندي كلمات ><

نفس المعنى ل هل كلمات باللهجة الكويتية :D , وما ادري حتى انا مخي مفضي صعبة تقول كلمات من غير موقف :boggled: , جت على بالي هل كلمة الحين ,

يقزر : يعني يدور له على اي شي يضيع فيه او يقضي عليه وقته لمن يكون بوقت ما عنده شي او فاضي

تلفظ : ي , gha , زر




طيب مين يعرف معنى كلمة جاط؟ :09:

شو هيدا حلاو ؟ :09:

[Lena]

وشحيثه..معناها وش معنى هو..وش حيثي..وش معنى انا..



نغبقة..معاناها حوسة..تفتش كل شي ماتخلي شي الا تلمسه وتقعد تتفحص فيه وتحوس به..


انجل..صراحه كلماتك خرافية @@ وااااوك (خرافية@@ وااااوك) ههههههههه

[عاشقة الخيال]

السلام عليكم و رحمة الله و بركاته

شكراً لك أخي الكريم في الله على هذا الموضوع:)
لأني أنا أعاني من فهم بعض الكلمات:06: و الأن بعد أن رأيت بحر الكلمات الغريبة :أفكر:
تأكدت إني ميح في فهم هذه الكلمات:p
لما قرأت الموضوع قمت أتهجاها زي أولى إبتدائي، بس إيش معناها؟
حتى هذي الكلمات الغريبة أيضاً قمت أتهجاها، الله يعني.
أنا بين عائلة بسيطة في كلامها
و بعد ما تخرجت من الثانوية و بداءت ألتقي بالمجتمع الكبير
تعرفت على و حدة و الله ما أفهم منها إلا كلمات بسيطة و أحياناً أفهم كلامها من جملتها:D
يعني مثل الإنجليزي ما نفهم المعنى إلا بالجملة.
أذكر لما كنت صغيرة كنت أتكلم معى بنت خالتي إلي قدي
فقالت لي أنا توني ....ما أذكر الباقي بصراحة
بس إلي شدني كلمة توني فسألتها إيش يعني توني؟
فجاوبتني بطريقة و اثقة من نفسها: توني يعني توني.:o
أهل أمي في نجد و هم يتكلموا تقريباً نجدي
لكن بصراحة تشكر على الموضوع إلي راح يفيدنا في فهم هذه الكلمات، عشان ما ننحرج.
و ممكن يكون كمعجم لهذه الكلمات الصعبة .
لكن لي تعليق فيما قلت بخصوص أن المنطقة أدق من الدولة.
بصراحة أنا لا أتفق معك بهذه النقطة و أعذرني.
لأن كلمة منطقة جزء من شيء، أي أن المنطقة جزء من الدولة، و الله أعلم
و شكراً لك أخي

[The Noble]

نفس المعنى ل هل كلمات باللهجة الكويتية :D , وما ادري حتى انا مخي مفضي صعبة تقول كلمات من غير موقف :boggled: , جت على بالي هل كلمة الحين ,

يقزر : يعني يدور له على اي شي يضيع فيه او يقضي عليه وقته لمن يكون بوقت ما عنده شي او فاضي

تلفظ : ي , gha , زر





شو هيدا حلاو ؟ :09:


هههه لا جاط معناها الوعاء اللي على شكل زورق.. :tongue2:

[الموهوب]

زبدها في وجهه

يعني عطاها ايه في وجه (((اللي هي الكلمه او الجمله)))

وووووووووو يشلح بشد الــ ش يعني يسرق


يفقش ........... ينصب............يكذب....

[Kunio-Kun]

هذا الكلمات اللاحظ عندنا في الكويت إلي يستخدمونها اعمرهم بين
14 إلى 16 تقريباً من فيئة الشباب اعرف انها كلمات قاسية .. لكن اتمنى ان لايقوم احد
بستعملها :)


كمخة = المقصود بها هو انك لا تفهم شيء يعني غبي
- مثال ( والله انك كمخة!! )
أثول = ايضاً المقصود بها غبي او لا يفهم شيء
- مثال ( يا أثول الطريق مو مني )
مصرقعو رقلة = :09: المقصود بها أحمق بالعربية
-مثال ( انت مصرقع ؟؟ )
بايعها و أقشر = المقصود بها الشخص الذي لا يهمة شيء لا يخاف ( أقشر = الشخص القاسي او الذي لا يهمة شيء )
- مثال ( والله انك بايعها !! )
مصبنجي = أي متعجرف بالعربية :)
- مثال ( أيوا يالمصبنجي ^^ )

هذا إلي جاااء على بالي اليوم :09:

:biggrin:

[الموهوب]

اغلب الكلمات هذي مشهورة عندنا بالسعوديه وبالتحديد بالرياض

[kakashi]

السلام عليـــــــــكم :reporter:


صراحة الموضوع أعجبني وفكرته بعد عجبتني , ومشكور أخ ثريول على الموضوع

وبغيت أشارك بكم كلمة عندنا في الإمارات

:::::::::::::::::::::::::

يُوَدي : يوصِــل

يُوَدِر : يترك أو يستغني عن الشي

خقاق : مغرور وشايف نفسه

مب = هب : تستخدم للنفي

تاوة : المقلاة

يدعة : قطعة كبيرة و سميكة من الخشب

زايغ : خــــايف

فودة : فوطة

البوش : الجمال

عوف : بايخ ,,,, مثال : فلان عوف في التعـــامل :tongue2:

خاشوقة : ملعقة >>>> الأخ يوعـــان ويتريا الفطور :08:

يتريـــا : ينتظر


:::::::::::::::::::::::::

وسلامتكم :)

ولي رجعة بإذن الله ;)