اذا كان الجهاز pal هل يشغل DVD9 اصلي NTSC ؟؟

[ReLive MGS]

السلام عليكم ...

انا حاب اشتري لعبة ميتال قير 3 اصلية ،، لكن النسخة اللي راح تنزل الامريكية يعني NTSC وجهازي PAL...

انا جهازي يشغل كوبي لكن مايشغل DVD9 كوبي ...

استفساري ، هل راح تشتغل اللعبة الاصلية اذا كانت DVD9 نظام NTSC على اجهزة PAL ؟؟

[smigle]

ما أعتقد...بس يستحسن لو تستفسر.

بس أخوي في قطعة تقدر تركبها ومتوفره عند معظم المحلات تشغل الأشرطه الأصلية للنظامين. ركبها من الحين وريح نفسك....

[Frank Jeager]

من خلال تجربتي مستحيل يشتغل :boggled:


انا جهازي يشغل كوبي لكن مايشغل DVD9 كوبي ...
جهازي القديم نفس المشكلة

[yaser_xp]

من خلال تجربتي مستحيل يشتغل :boggled:
جهازي القديم نفس المشكلة
أنت تقصد الكوبي..صح؟! :31: أرجوك قلي انك تقصد الكوبي!

ما أعتقد...بس يستحسن لو تستفسر.

بس أخوي في قطعة تقدر تركبها ومتوفره عند معظم المحلات تشغل الأشرطه الأصلية للنظامين. ركبها من الحين وريح نفسك....
اللي فهمتك من كلامكم انه حتى لو اشتريت اللعبة الأصلية (NTCS) فانه اذا بدي أشغلها على جهازي (PAL) لازم أشتري قطعة جديدة! :31: معقولة هالكلام؟! :33:

انا جهازي شغل ال Burnout 3 الأصلية (PAL)، فهل أحتاج للقطعة اللي تكلمتم عنها؟ :33:

(لو احتاج الأمر رح أشتري جهاز جديد... بس المهم اتهنى بالMGS3:Snake Eater) :09:

[THE ROCK IS THE BEST EVER]

ليش تشتري جهاز جديد اخوي و تضيع فلوس

تقدر تركب قطعة واره البلاستيشين 2 ويغير بين النظامين بكل سهولة

ولا تحتاج تشتري جهاز بلاشتيشين 2 جديد

[Frank Jeager]

أنت تقصد الكوبي..صح؟! :31: أرجوك قلي انك تقصد الكوبي!


الأصلي يا ابن الناس :09:


انا جهازي شغل ال Burnout 3 الأصلية (PAL)، فهل أحتاج للقطعة اللي تكلمتم عنها؟ :33:

العاب الـPAL تشتغل على اجهزة PAL حتى بدون مودشيب! :tongue2: انا شغلت اونيموشا وكم لعبة PAL مافي مشكلة ، بس NTSC تعبت نفسي وما اشتغل حتى تصليح وتغيير عدسة ومودشيب مانفع :28: ، بس اتذكر انه قال مشكلة في البورد او شي من هالقبيل :boggled: اذا تبي تشغل NTSC خذ جهازه وافتك :D

[القرصان بودي]

:vereymad: :vereymad: :vereymad: :mad: :mad: :mad:
:boggled: :boggled: :boggled:
أنا جهازي نظام (PAL)
:28:


راح أركب قطعة بس عشان ميتل جير3 :biggthump

[smigle]

يا شباب أنتو ليش مكبرين الموضوع؟؟؟


روح حق أي محل وقول له بالحرف: ( بابا جهاز مال أنا PAL يبي يشغل NTSC أصلي يبي يركب قطعة)

وكان الله غفوراً رحيما..لا تشتري بلايستسشن جديد ولا هم يحزنون.

[yaser_xp]

يا شباب... شوي شوي علي! أنا ما رح أشتري جهاز جديد علشان الMetal Gear Solid 3 ( و لو انه هاللعبة صراحة تستاهل بس...... "العين بصيرة و اليد قصيرة!" :09: )

الزبدة: لازم أشتري القطعة اللي تشغل ألعاب NTCS أصلي على جهاز PAL . ("انا في معلوم انت بابا كلام" :09: )
بس أنا خايف انهم ينصبوا علي، اما بالسعر، أو انه يركب قطعة ثانية غير المقصودة و ما أكتشف هالخدعة الا في اليوم اللي أجرب فيه الMetal Gear :31:
و بعدين أنا لسه ما وفرت سعر اللعبة الأصلية (300 ريال تقريبا)، كمان لازم وفر سعر القطعة (300 ريال ثانية)! :31:

بالمناسبة؛ هو النظام اسمه (NTCS) أو (NTSC) ؟ :06:

[الوهاج]

يا شباب انا عندي استسفار ربما خارج قليلا عن الموضوع

جهازي من نوع NTCS ومركب القطعة اللي تشغل الكوبي , ولكن اشتريت لعبة سبلنتر سل ولم تعمل اللعبة على جهازي والمشكلة في المحل اشتغلت مع انه جهاز المحل نفس نوعية جهازي

فما ادري اين الخلل هل السيدي ام في الجهاز , مع انه صادفتني من قبل نفس المشكلة فكنت اشغل اي لعبة ثانية وبعدين ارجع اشغل اللعبة اللي ما رضيت تشتغل في الاول وتنجح المحاولة وتشتغل , الا لعبة سبلنتر سل

وسلامتكم

[yaser_xp]

فكنت اشغل اي لعبة ثانية وبعدين ارجع اشغل اللعبة اللي ما رضيت تشتغل في الاول وتنجح المحاولة وتشتغل
غريبة! ... أول مرة أسمع عن هذه الطريقة في تشغيل الألعاب اللي ما ترضى تشتغل :33:
أتوقع المشكلة من الجهاز و تحديدا في العدسة...............(لا تأخذ كلامي على محمل الجد، أنا قاعد أتفلسف :D )
أنصحك بزيارة هذا الموضوع للأخ النورس المعلا و يمكن تلاقي حل لمشكلتك:
صلح البلايستيشن حقك بنفسك ,,انا معكم خطوة خطوة (http://www.montada.com/showthread.php?t=288820)


و بعدين أنا لسه ما وفرت سعر اللعبة الأصلية (300 ريال تقريبا)، كمان لازم وفر سعر القطعة (300 ريال ثانية)! :31:
رحت أمس لمحل بيت الكمبيوتر في مجمع الراشد و سألته عن القطعة فاكتشفت انه سعرها 140 ريال و ليس 300 ريال مثل ما كنت متصور.(الصراحة ما بعرف ليش كان عندي هالانطباع الخاطئ :33: )

[dead_man2020]

شباب انا ابي اسال انا توي شاري جهاز pal جديد فهل يبي يشغل اللعبه ولا لا الرجاء الرد ضروري

[THE ROCK IS THE BEST EVER]

شباب نصيحة لوجهة الله تعالى الي ناوي يشتري بلاستيشين 2 جديد او جهازه البلاستيشين 2 خربان وناوي شتري

جهاز بلاشتيشين 2 جديد

يشتري جهاز بلاستيشين 2 نظام انتيسي و لا يفكر انه يشتري جهاز بلاستيشين 2 بال

لان اغلب المحلات عندنا العاب اصلية نظام حقها انتسي و محلات واجد تبيع بهل طريقة ونظام انتسي ميزته

عندنا ان العابه تنزل بسرعه والعابه اكثر من نظام البال

اما العاب نظام البال تنزل العابه بين فترة و فترة عندنا و العابه الحلوه قليلة بالنسبة للعاب انتيسي

وطبعا الي يبي يشغل جهازه العاب كوبي يركب قطعة وراه البلاستيشين 2 و قطعة الكوبي هاذي تسغل العاب

النظامين اذا كانت اللعبة كوبي طبعا

وهذا الكلام من تجربتي الخاصة مع بلاستيشين 2

[Travis]

عندي مشكلة في جهازي NTSC SCPH 30000

صار يطول في التحميل وما يشغل الالعاب الجديدة

تصليحة 400 ريال نصحني صاحب المحل اشتري جهاز جديد افضل PAL SCPH 50000

وقال هذا احسن نظام

يشغل كل العاب الكوبي والاصلي NTSC , PAL

ايش رايكم هل كلامة صحيح

صراحة متردد اشتري PAL

[dead_man2020]

شباب ما رديتوا علي اقدر اشغل اللعبه اذا كان جهازي pal

SCPH 50004



بالله شباب هل يبي يشغل اللعبه ولا لأ

[..Solid Snake..]

والله انا صارت عندي نفس المشكله و انا بعد ناوي اشتري NTSC عشان جي بغير القطعة مالتي وافتك

[boos]

اذا كان جهازك نظام (بال) فلن تستطيع تشغيل اللعبه ذات النظام الامريكي(اصلي) ابدا مهما حاولت.
الا اذا كان فيه في السوق قطعه تشغل الاصلي (امريكي) على نظام جهازك. :06:
انتظر اللعبه منسوخة على دي في دي كوبي. :06: