يا غريبه

[سحر الكون]

يا غريبه

وشكثر أمشي على دربي

شايل اهمومي الفرح

درّاب ما مرّه سألني



وشكثر غيماتي بشتا

نخّطن

أو دغدغن عشبي

شكثر ضحكت مع ورودي بوجهها

ضحكة مني



وآني احسج ويا قلبي آنا احسج

آخذ أحزاني نصيبي

واقسم الفرحه التجيني

نصها حظي ونصها حظج

يا غريبة ياغريبة يا غريبة



يا غريبة وانتي مني

وانتي صحوي

لو غفت عيني

يا بسمة تشتعب دوم اعلى سني

يا غريبة

إنتي مو قلبي أبد

لا

إنتي دقات القلب

لمن القلب

يشتاق لاهله

ويمتحنّني



آني منج لاني عايش ويا حلمي

خطوة مني وخطوة منج

وحده تبعد

لاخرة تدني

بعيني أشوفج

عل شفايف

بالصدر

لا بالقلب

وك مدري جسمي قطعة منج

ياولف

لو قطعة مني



يا غريبة اشلون أعوفج

وآني مجبول على شوفج

عوّدت عيني على شوفة

عينج الخضرة التهادى

جل نخل لمّن تهادى

ويّا صفحات النهر

من يحظن اخيال الشواطي

اشلون أضمج وآني منج

لا أبد لا إنتي مني

هذا سنّج

لا أبد لا هذا سنّي

هذا قلبي

لا أبد لا هذا قلبج

يا غريبة بالله عونج

خربطت بيني وبينج

عمرج بقلبي

واشو مني عمر

لعبة بإيدينج





إسمعت صوت وندهلي

لملمت حالي على مهلي

رد ندهلي

أتأكدت مني على مهلي

وابعدت ويا التمني

والبشر تنظر عليه

استغربت وش تبغي مني

دحقت زين على حالي

واضحكت مني على بختج

عيني أمشي وما دريت

إن نصي مني

ياولف

أونصي

منج