المساعد الشخصي الرقمي

مشاهدة النسخة كاملة : :::الرجولة الحقة......هل فقدت معناها ؟:::


.Atlas.
05-11-2004, 05:02 AM
السلام عليكم ورحمة الله وبركاته








كبرنا في مجتمع كثير مايردد كلمة (رجل )...بصيغة :

أنت رجل عيب عليك تبكي

هذي مو تصرفات رجال

لمتى بتتصرف كأنك طفل صغير؟!...أنت اللحين رجل

متى بتخلي عنك هالخرابيط وتتسنع وتصير رجال ^_^

هل أصبح الرجل ...كيان مجرد من أي إحساس او وجود..هل من المفروض ان يكون قاسيا شرسا ...عشان يحقق معنى
الرجولة الحقيقي ؟!

ليش نكون جدا قاسين بالحكم على الرجل؟ ...يمكن لأننا نتوقع الشيء الكثير من الرجل ...يمكن لأن الرجل ..كلمة ذات معنى كبير
فهل يحق لأي كان بأن ينادى برجل ؟

على العموم ..مو هذا اللي ابي أوصله ..

اللي ابي أوصله ...معنى الرجولة الحقيقي .

.ماهي الرجولة الحقة ؟...

هل تغيرت الرجولة مثل ماتغير اي شيء ثاني تبعا للزمن ؟

وهل هناك ما يسمى بأشباه الرجال ؟

وهل للرجولة الحقة سن معين ؟

اعتبروه استفتاء ^_^

استمعوا واستمتعوا :)

http://www.emanway.com/con/show_anasheed.php?do=open&id=26

إحدى تساؤلات ليتل انجل ^_^
The Noble
05-11-2004, 12:55 PM
وعليكم السلام ورحمة الله وبركاته

موضوع جميل اختي وكل الكلام اللي قلتيه بالبداية صحيح مع الأسف ..نأتي للأسئلة :reporter:


.ماهي الرجولة الحقة ؟...

الرجولة كلمة صعبة الشرح الصراحة .. لأنها تحوي أمور كثيرة ومعاني كثيرة


هل تغيرت الرجولة مثل ماتغير اي شيء ثاني تبعا للزمن ؟
الرجولة لا تزال موجودة لكن مع الأسف بدأت تفقد في هذا الزمن... :(


وهل هناك ما يسمى بأشباه الرجال ؟
أكيد طبعا في كثير منهم حاليا .. :boggled:


وهل للرجولة الحقة سن معين ؟
والله هذا لابد منه .. فلابد من بلوغ سن الرجولة والمواقف هي التي تحكم ذلك ..^^


ويعطيك العافية على الرابط ..

وشكرا على الموضوع .. :cool:
Lezard Valeth
05-11-2004, 08:27 PM
وعليكم السلام ورحمة الله وبركاته

طرح جميل واسلوب اجمل اختي ليتل انجل ,

والاشياء الي ذكرتيها بالبداية صحيحة , بهذا الزمن ضاع معنى كلمة " رجل " واقدر اقول صارت تساوي معنى كلمة " تقليد "


.ماهي الرجولة الحقة ؟...

الرجولة الحقة بكل اساسية وبساطة هي الخلق العظيم وهذا الشي لم يتحلى به احد كما تحلى به رسولنا الكريم محمد عليه اكبر الصلاة والسلام , قال الله تعالى : " وانك لعلى خلق عظيم "


هل تغيرت الرجولة مثل ماتغير اي شيء ثاني تبعا للزمن ؟

بكل تأكيد .. الرجولة صارت كلمة بس .. لان الايمان بالله ضعيف باكثر النفوس .. الا من رحم ربي .. وبهل زمن تغيرت اشياء وايد .. لو رجعنا خمسين سنة ورا بنلاقي فرق واضح على كل شي .. فما بالك في ايام الخلافة الاسلامية وما سبقها في زمن الخلفاء الراشدين والرسول عليه الصلاة والسلام


وهل هناك ما يسمى بأشباه الرجال ؟

بالنسبة لمعنى جملة اشباه الرجال هم من يحاولون بلي يقدرون عليه انهم يقتدون باقوال وافعال الرسول صلى الله عليه وسلم ويصنعون شخصيتهم بمعتقداتهم الخاصة مهتدين بحدود دينهم .. وهؤلاء وان وجدوا فاعدادهم قليلة مقارنة بالعامة من الناس ..

اما اذا كنتي تقصدين المعنى الآخر بالسؤال .. فاكيد في اشكال والوان وايد من من يسوي روحه رجل وهو خرطي :31:


وهل للرجولة الحقة سن معين ؟

الوصول للرجولة الحقة لا بد انه ياخذ زمن ووقت .. يعني ما لها سن معين على حسب اجتهاد الشخص نفسه بنفسه وهذا لا بد انه ياخذ وقت طويل .. ومحد بهل زمن يقدر يوصل لدرجة الرجولة الحقة تماما بسبب الظروف المحيطة بالعالم ..


واشكرج جزيل الشكر على هذا الطرح ^^
Angel whisper
05-11-2004, 10:43 PM
ما شاء الله عليج .. موضوع حلو وطرح احلى كعادتج اختي ^^


يلا نبدأ نجاوب..

.ماهي الرجولة الحقة ؟...
هي ان الواحد يتحلى باخلاق لا يعلى عليها ويسوي اشيا ماشي احسن عنها .. وانه يعرف كيف يغار على اهله وشعبه ويكون عنده كرامه تخليه ما يسكت عن اي اهانه توصله..

هل تغيرت الرجولة مثل ماتغير اي شيء ثاني تبعا للزمن ؟
هيه .. الرجوله الحين استوت للاسف ان الواحد يضرب خواته على اشيا هو يسويها بنفسه.. الا من رحم ربي
ومن الاساس مفهوم الرجوله يتغير من وقت لوقت ..

وهل هناك ما يسمى بأشباه الرجال ؟
yes .. منهم اللي ينافقون ويسوون عمارهم رياييل وهم ولا شي ومنهم الترللي ..

وهل للرجولة الحقة سن معين ؟
لا.. ممكن تلقين ياهل عمره 10 سنين اريل عن واحد عمره 30 سنه..

ومشكووره ^^
.Atlas.
06-11-2004, 11:17 PM
اما اذا كنتي تقصدين المعنى الآخر بالسؤال ..

هذا اللي اقصده ^_^


Angel whisper


رايج فعلا مقارب لرأيي الشخصي...... مع بعض الاختلافات البسيطة :o



ومشكورين جميعا على ردودكم ومروركم ...على موضوعي ^_^
golden_sky
07-11-2004, 12:40 AM
اشوف كثرة اسئلتك :D
بس انا اقولك ..


ماهي الرجولة الحقة ؟...
انك ما تحلق شنبك يوم الناس تحلقه :cool:


هل تغيرت الرجولة مثل ماتغير اي شيء ثاني تبعا للزمن ؟
ايه :28:
بين كل 100 شخص ما تجد إلا 10 فقط يحتفظون بشنبهم


وهل هناك ما يسمى بأشباه الرجال ؟
ايه :33:


وهل للرجولة الحقة سن معين ؟
أول ما يطلع شنب :o
Electro M
08-11-2004, 11:00 AM
احنا في مجتمعنا السعودي
البس شماغ تصير رجال
ما يحتاج تتصرف برجولة
اهم شي المنظر
أفلاطون
08-11-2004, 01:38 PM
انا اشوف انه لا يمكن ان يكون فيه معنى محدد للرجوله..

فكل فئه من الناس تنشأ في بيئه مختلفه عن الاخرى يتكون لها معناها الخاص للرجوله..

مثلا اللي يُعتبر نقص في الرجوله عند بعض سكان القرى ..لا يعتبر نقص في الرجوله عند سكان المدن..


والمعاني اللي تتكون للناس عن الرجوله تتحكم فيها امور كثيره مثل ظروف المعيشه والمستوى التعليمي والفكري..ولذلك نرى الاختلاف بين البعض تحقيقا لفهمهم والمعنى المتكون لديهم عن الرجوله..

ــــــــــــــ


أنت رجل عيب عليك تبكي

هذي مو تصرفات رجال

لمتى بتتصرف كأنك طفل صغير؟!...أنت اللحين رجل

متى بتخلي عنك هالخرابيط وتتسنع وتصير رجال ^_^
ـــ
هل أصبح الرجل ...كيان مجرد من أي إحساس او وجود..هل من المفروض ان يكون قاسيا شرسا ...عشان يحقق معنى
الرجولة الحقيقي ؟!



فعلا, كلام جميل..
.Atlas.
09-11-2004, 01:57 PM
golden_sky



اشوف كثرة اسئلتك :D

:o


وصراحة ما أقدر إلا أني اسجل إعجابي بردك ...والله اني أتكلم بجد ^_^
ما أمزح


E-Mad

جزاك الله خير أخوي ...هذي فعلا النقطة الأهم بهالموضوع
أن المهم اللحين الشكل ...بغض النظر عن الجوهر ...وللأسف تنصدم كثير برجال
يكونون منظر ...وهم من داخل مجوفين ...فيهم من التفاهة اللي يكفي ..


أفلاطون


اسمح لي اخوي أفلاطون أخالفك ^_^
اللي تتكلم عنه أخوي هي عادات وتقاليد وأفكار خاصة بأصحابها ..يختلف فيها كل مجتمع عن الثاني ...ولاتمت للرجولة بأي صله



والمعاني اللي تتكون للناس عن الرجوله تتحكم فيها امور كثيره مثل ظروف المعيشه والمستوى التعليمي والفكري..ولذلك نرى الاختلاف بين البعض تحقيقا لفهمهم والمعنى المتكون لديهم عن الرجوله..



ما ديننا ؟ من هو قدوتنا ؟^^



وارجو انك تتقبل اخوي تعليقي على ردك ^_^
golden_sky
09-11-2004, 02:32 PM
golden_sky


:o


وصراحة ما أقدر إلا أني اسجل إعجابي بردك ...والله اني أتكلم بجد ^_^
ما أمزح

أنا بعد أتكلم جد :31:
مرة في إحدى الجرائد كتبوا تصويت نفس السؤال تقريباً ..
20 % مصوتين على الشنب :)
ما قاعد أمزح أنا :أفكر:

20 أو 5 % من فاكر >_<
أفلاطون
09-11-2004, 02:44 PM
اللي تتكلم عنه أخوي هي عادات وتقاليد وأفكار خاصة بأصحابها ..يختلف فيها كل مجتمع عن الثاني ...ولاتمت للرجولة بأي صله
ــــــــ
ما ديننا ؟ من هو قدوتنا ؟^^



اتمنى انك توضحين ردك..وياليت يكون بإستشهاد مباشر على كلامي..لأني ما فهمت المقصود..


يبدو ان المفاهيم اللي عندي بخصوص هالموضوع مضروبه..لدرجة اني (شطحت ) في الرد كما يبدو..وما قدرت افهم ردك علي :p
Lezard Valeth
09-11-2004, 08:19 PM
وصراحة ما أقدر إلا أني اسجل إعجابي بردك ...والله اني أتكلم بجد ^_^
ما أمزح

:31: .. الي فهمته من رد قولدن سكاي انه لي طلع الشنب صار الواحد رجل , وايد عندهم شنبات وهم خكرية مو رجاجيل :p <<< مو عبالكم ما عندي شنب فوق الشنب عندي لحية صاير جني بو مصعب الزرقاوي :tongue2:

وان كنت فاهم غلط فوعوني , شكلي اليوم حدي مو مركز :09:
.Atlas.
09-11-2004, 09:58 PM
golden_sky

انا ماكان قصدي ان ردك مضحك او انك تقصد تمزح ...بس انا خفت انك راح تعتقد اني امزح -_-

سوري اخوي اذا كان كلامي مو واضح

سؤال اخوي قولدن ^_^

هذا رأيك الشخصي ولا اعتمدت على التصويت اللي قريته ؟^^


أفلاطون


فكل فئه من الناس تنشأ في بيئه مختلفه عن الاخرى يتكون لها معناها الخاص للرجوله..

مثلا اللي يُعتبر نقص في الرجوله عند بعض سكان القرى ..لا يعتبر نقص في الرجوله عند سكان المدن..

شنو تسمي هذي اخوي؟...مو عادات وتقاليد ..هي اللي تفرق بين مجتمع واخر...مهما صغر او كبر
اتفق معاك ان هذا اللي حاصل فعلا....بس هل هذي المفاهيم اللي تكونت ...صحيحة وتؤدي للرجولة الحقة ؟

وعلى فكرة اخوي..الرجولة معناها واحد ومايتغير على مر الزمن ...;)


D-Ken

كتبت موضوع عن الرجولة الحقة ...تعتقد اني راح اخذ شنب او غيرة من الشكل الخارجي مقياس ؟

اكيد لا....

رد الاخ قولدن سكاي...اخذته بشكل اعمق حتى من اللي قصدة قولدن نفسه :)
حاول تشوفة بشكل اعمق وشوف شنو يطلع لك ;)
Lezard Valeth
09-11-2004, 10:28 PM
Little-angel

ليتل انجل , توني قبل شوي شفت بطاقتج بموضوع انجل ويسبر وقريت انج شريرة بردج هناك :tongue2: , عشان جذي رديتي علي كاني وجهت الكلام لج عشان تطفريني ها ؟ :tongue2: <<< بدا الشر :p

اكيد تعرفين ما وجهت الكلام لج لقولدن سكاي , عشان افهم رده عدل لانه له تفرعات على حسب الي يقصده ^^ ومرة وحدة اتغشمر ماكو شي فاضي :p
أفلاطون
10-11-2004, 04:51 AM
little-angel:

ما زال كلامك غير واضح ومتداخل وقد يكون متناقض!

انت تقولين


شنو تسمي هذي اخوي؟...مو عادات وتقاليد ..هي اللي تفرق بين مجتمع واخر...مهما صغر او كبر
هنا تبينين ان كلامي يعتبر عادات وتقاليد


....بس هل هذي المفاهيم اللي تكونت ...صحيحة وتؤدي للرجولة الحقة ؟


وهنا تعتبرين ان كلامي حول مفاهيم الرجوله..!!

يعني بإختصار اوجعتي راسي :dontknow: :hmmmm2:

لكن عالعموم انا كأني فهمت قصدك :Eyecrazy:


لكن انا فكرتي بإختصار هي ..

انه يصعب تحديد معنى واحد للرجوله..فمجرد ايجاد معنى واحد هذا يعني اننا حصرنا الرجوله بأمور وصفات وخصائص معينه اللي ما يلتزم فيها يخرج من معنى الرجوله او تكون رجولته ناقصه !!..وهذا انا اشوف انه غير صحيح..لانه من غير المعقول ان الناس تكون ظروفهم المحيطه متشابهه..واختلاف الظروف ينتج عنه اختلاف الخصائص اللي تحقق المعنى..
ويدخل من ضمن اختلاف الظروف..اختلاف الطبائع والشخصيات والاهتمامات..فمجرد اننا نحصر معنى الرجوله بصفات معينه هذا يعني اننا نلغي مبدأ الاختلاف بين الناس..

وهذا الكلام اذا ما كان فيه اختلاف بيننا اعتبره رد على كلامك اللي تقولين فيه انها عادات وتقاليد..

واذا كان فيه اختلاف..فالله المستعان:Eyecrazy:
.Atlas.
10-11-2004, 05:49 AM
يعني بإختصار اوجعتي راسي :dontknow: :hmmmm2:

لكن عالعموم انا كأني فهمت قصدك :Eyecrazy: سلامات أخوي ...ماقصدت أوجع لك راسك ^^


لكن انا فكرتي بإختصار هي ..

لانه من غير المعقول ان الناس تكون ظروفهم المحيطه متشابهه..واختلاف الظروف ينتج عنه اختلاف الخصائص اللي تحقق المعنى..

ممكن اخوي تشرح لي هالجملة بشكل موسع ...واذا تقدر تضرب لي مثال...:)

واعتذر مرة ثانية على الألم اللي سببته لك ^_^
أفلاطون
11-11-2004, 03:00 AM
اللي اقصده من الجمله ان الظروف اللي يعيشها الشخص تفرض عليه مسؤوليات معينه لازم يتحملها وتحمل هذي المسؤوليات جزء من الرجوله..

وهذي الظروف والاحوال تختلف من شخص لآخر..

مثلا..شخص ابوه متوفي وهو اللي يُعتمد عليه في العائله..هذا الشخص ظروفه فرضت عليه مسؤوليات من الرجوله انه يتحملها..

هذي الظروف من الممكن انها ما تتوفر لشخص ثاني..اذن هل نعتبر ان رجولة الشخص (اللي ما توفرت له هذي الظروف) ناقصه؟


واعتذر مرة ثانية على الألم اللي سببته لك ^_^

عاد لا تاخذينها بجديه مره :tongue2: