Finally a Clash .. Trapped Inside VS Angel's Knight !!

[Trapped Inside]

الســــلام عليــــكم ورحمــــة اللــــه وبركـــــاته ^^


اخباركم .. عساكم طيبين .. هاه قضيتوا خرابيط العيد ولا لسا -__- .. للكسولين مثلي .. الله يعينكم >< ..

في البدايه .. اكيد الكل مستغرب من عنوان الموضوع .. ( وللي يعرفون ناروتو .. وشافوا حلقة 107 .. راح يستغربون اكثر ) ..

بس لا تخافون .. العنوان .. مو مقصود منه اننا تضاربنا .. بالعكس .. انا والعضو انجلز نايت اخيرا تقابلنا !!!


الموهم .. ان هنا انا وانجلز نايت ,.. راح نكتب قصة حايتنا .. وكيف كانت مجريات اللقاء .. وما الى ذلك من خرابيط ! ..


Chapter One
Lets Get Started

في البدايه .. كيف تعرفنا ؟

طبعا انا من اول كنت اشوف مشاركات يزيد ( انجلز نايت ) .. واقول مشالله عليه .. ما عنده الا شعر وخواطر وخرابيط الفوتوشوب .. يعني ابد مب حولي .. ..

ومرة من المراريت .. كنت ابي توقيع كوول لي .. وكنت اكلم العضو Crazy بالماسنجر .. وقالي عن يزيد .. وانه يعرف يصمم .. وعطاني ايميله ..

وانا بدوري اضفته الى احبابي بالماسنجر .. وكلمته .. وشوي وشوي وتظهر الـSparks >>> ولله لو انه حب :09:

بصراحه ما كنت اتوقع ابد .. اني اصادقه الى هذي الدرجه .. اشكر Crazy لانه هو السبب بعد الله ^_^ ..

والرجال ( يزيد ) .. عرف حقيقتي .. ( النقيه جداً :D ) .. وازعج امي يبي يقابلني :tongue2: ..

End of Chapter One >>>> ترا كلها كم شابتر .. لا تتحمسون :09:

[Y a z e e d]

" Chapter Two . Suddenly , a clash "



طبعاً هذه ثاني مرة أقابل عضو من المنتدى بشكل مرتب مسبقاً ، لكن كان لي لقاءات مع أعضاء آخرين على وجه الصدفة مثلاً " Naf " أو تشاندلر حالياً ، كانت المقابلة صدفة بحتة ، أيضاً مقابلتي مع " Da S.O.S " أو SoLiD SnAkE سابقاً ، وقبلها ركيشي ( وقابلته في بريطانيا في مدينة تسمى بـ بلاك بول ، أما اللي رتبت لقائي معه كان " Dark Matter " لأني كان بيني وبينه in common كبير من ناحية الفلك قابلته في ستار بكس ، وكان فيه عزم على موقع ، واللحين تغيرت فكرتنا تجاه اتجاه الموقع ( طلعت عن الموضوع ! ) .. ، وفيه عضو عزيز علي كذلك، إن شاء الله أقابله ، كان فيه ترتيب قبل بس ماتوفقنا ، وبعد على ستار بكس ،،، وهو رشين ،،
بالنسبة لمحمد ( Trapped Inside ) ،، طيب ، وحبوب ، ولي حوالي السنة أكلمه لفترات طويلة ، المهم بعد فترة أقنعته اني اقابله ، وكل يوم و الآخر يتأجل الموضوع ..
إلى أن اتصل علي مرة " ليلة سبت " ، وطلب مني أطلع ، يبي يقابلوني ، واعتذرت .. :28: ..
بكرة ، اتفقت مع "محمد" ،،
المهم اتفقنا على ستار بكس اللي على الأمير عبدالله ، وقلنا الساعة " 10 " بالليل ..
- ما تلاحظون شيء ؟
كل لقاءات الأعضاء تصير بستار بكس ، لا هنا .. ولا بالشرقية ، مدري وش العقد اللي بين الإدارة وبينهم :31: ، المشكلة الإقتراح من الآخر مو مني دائماً يعني ! من ..
طبعاً تعرفون الأمير عبدالله وزحماته ، صارت معي مشكلة اضطرتني اتأخر بالطلعة إلى 9.50 دقيقة ، و الرياض على خبري مو ذيك الزحمة ( ما يطلع أبداً ) ..
زحمة الطريق مسكتني .. إلى 10.20 ،، ! ..
يعني من أولها .. انضباط فائق بالمواعيد ،،
وصلت ،، ولا ادري وين أنا رايح بالضبط ، نويت أخذ لي كأس موكا ، وأجلس بأي مكان ، دخلت و انتبهت لمجموعة شباب على اليمين وقفوا " عن بعد " :tongue2: ..\
قربت ، و كانوا ثلاثة ، تقريباً بنفس الطول ( 1.7 إلى 1.75 ) << جايب معي متر ترى ! ...،،
سلمت ، و أنا متلخبط شوي ، و جلست ، و بعد فترة استأذنت آخذ لي كأس الموكا ( حاط عيني عليه :31: ) ، هو مو عن كذا ، بس بغيت افتك بأي طريق ، حسيت اني شوي مضغوط بالجلسة وانا مدري وش الموضوع ..
و آخذت الموكا ، :
بعدها جلسنا ، وكانت سواليف اعتيادية ، وجاء واحد من الشباب ( معارفي ) الساعة 10.45 ، وجلسنا نتكلم بعد ، وكأس الموكا المسكين كما سُلم لي ( ما لمسته :laughing: ) ،المميز في محمد انه طول الوقت مبتسم ، واضح انه محبوب، و طيب ما شاء الله :) ،
تكلمنا كلام قليل ، مقارنةً بمدة الجلسة ، وكل اللي سولفنا عنها ، مسولفين عنه قبل ، بس دائماً الواحد اذا صار أول لقاء يدور موضوع سبق تكلم عنه عشان يضمن الأجوبة :) ،،
الساعة 11 وكسر تقريباً ، طلعنا ، و على أمل لقاء ثاني يا رب ..

إحتراماتي للجميع ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

* تعليق : الظاهر هذي أول مرة أرد بالعامية ، ولا ؟ .

[Trapped Inside]

احم ..

بعد كل هذا ..

خرابيطي >>>> يا حبك للخرابيط .. عن اللقاء !

في البدايه كنت متوتر شوي .. انا من النوم اذا عزيت الواحد اتوتر معه .. شعوري كان مثل ما تنتظر دورك بحضة الادب .. كل ما يقرب .. كل ما تنقلق اكثر -_- .. >> اموت على المثل :D

واخيرا حانت لحظة الصفر .. ودخل واحد بالمقهى باين عليه الارتباك .. وقلنا يمكن هو ( المشكله ان يزيد قايلي ابلبس كذا .. وجا بلبس ثاني .. تباً لك يا يزيد -_- ) .. وشافنا قمنا .. وجا وسلم .. سواليفنا .. كانت جدا سطحيه -__- . ( اخبارك والدراسه والاجازه )

بس شوي شوي .. ونسولف اكثر .. واحسيت براحه اكثر ..

بالبدايه كان صديقي هو الي يسولف .. بعدين انا .. بس يوم جا صديق يزيد .. كلنا مسكنا خط ^^ ..

ما طلبنا شي -__- .. يزيد طلب موكا وما شربه .. خخخخخ -___-

اكيد راح اشوفه ثانيه ان شاء الله ^_^

عرفت اشياء كثيره عن يزيد يوم قابلته .. تصرفاته طريقة كلامه .. رداة فعله ..


Yalla Peace All ^^ ..

[Angel whisper]

يحليلكم والله وناسه ^^

حلو جيه يوم الناس تبغي تتعرف in real life من عقب ما تتعرف بالنت ..

بس مادري احس الارتباك شي طبيعي في مثل هالموقف ..

يلا ان شاء الله نسمع عن مقابلات ثانيه بينكم وبين ناس ثانيين ^^

[The Noble]

مبروكة المقابلة ^^

بس أحسها تخوف وبالذات لم جاء يزيد وشافك مع اكثر من شخص اكيد صابه اضطراب انا لو بداله ما اعرف اقول شي ارتبك :afraid:


ما طلبنا شي -__- .. يزيد طلب موكا وما شربه .. خخخخخ -___-

وشلون تبيه يشرب وانت جايب له 3 نفر معك :flute: وكمان ما طلبوا شي ما أحد باشر يعني :biggrin:

بس كويس جاء صديق يزيد خفف من الإرتباك شوي :icon16:

تحياتي لكما واذا تبون تقابلوني اتصلوا على السكرتير حقي وخذوا موعد منه :sheep:

على فكرة يزيد فعلا أحس اسلوبك تغير ولما شفت الملاحظة اللي كاتبها آخر شي عرفت شو اللي تغير :006:

بس حديثكم كان مرة كوول :cool2: .. وشكرا على الموضوع

[Justine]

خخخخخ كاني اتفرج على رواية قيس و ليلى مجسمة :tongue2:

وناسة كان عزمتونا معاكم :jester:


كل لقاءات الأعضاء تصير بستار بكس ، لا هنا .. ولا بالشرقية ، مدري وش العقد اللي بين الإدارة وبينهم
في الشرقية و الغربية هذا الكلام -____- شوف كيف الاماكن السنعة ..

كل اللي مقابلاتي كانت عند البيك ( مطعم بروست :cool: ) .. ما عدا ديدمان و شين كيو .. فقابلتهم في صالة البولينغ في المساعدية .. الاول شربت معاه ببسي بعدين شرينا انمي و تعشينا .. و الثاني تحدينا بعض في تكن و اكلت على راسي شر هزيمة في تاريخي لالعاب القتال T___________T


ما تعيشتوا ... بالعكس لازم يكون بينكم عيش و ملح في اول لقاء -____- <<< افكار غريبة :tongue2:

[theway]

مبروك عليكم اثنينكم ( ها سعودي اخيرا تلاقيت مع احد ^^ ) الا اقول مين الثلاثة الي كانوا معاك ( لو تعتبرها لقافة مو لازم ) من كلامكم يبين ان كنتوا منحرجين ؟؟ عقبال ما تشوف الخطيبة( نشوف الخجل وقتها لاي درجة وصل :tongue2: ) ..

انا قط مرة تقابلت مع واحد بالنتدى ( بس غير هذا ) المسألة جات مخربطة .. قلت له بجي بثوب و لبست بلوزة حمرة ، و قالي بقعد على الكرس قدام هذا المحل و بكون حاط سمعات ، الا اشوف قدام المحل كله هنود !! قعت ادور عن واحد لابس سماعات للاسف ما حصلت .. الا رسلي مسج يقول انت وصلت ولا لا ؟؟ بالاخير شفت واحد يمه CDz قلت اكيد هذا هو ( لان كنت متفق معاه على كم انمي ) و طلع هو ^^ .. لكن الفرحة ما تمت لان ما شفته مرة ثانية -_____- ( الاخ مشغول بالجامعة )

[Yamato]

ذات از فري كوول..^^

والله صدق وناسة لما ناس يعرفون بعض عبر النت ويتقابلون بالحقيقة.. وصارلي انا نفس الشي مع عضو بس كنت اعرفه في الواقع من قبل معرفة بسيطة بس عالنت كنا زي الورد.. للاسف مقابلاتنا كانت قصيرة وهو تخرج وما عاد عندي خبر عنه.. الله يوفقه.. ^^

والله شعور الارتباك هذا ضروري لازم يكون موجود بمثل هالمواقف ( اسال مجرب >,< )

ان شاء الله تتقابلون اكثر اند تو هاف أ جود ريلايشين..^^

[DE NILSON]

انشالله انبسطتو واتونستو

والله يديم الصداقة اللي بينكم

[الكونت دراكولا]

اووه يزيد خجول ، حركات عرفنا المزيد عن شخصيتك :D
يلا عقبال ما نتقابل ان شاء الله .. بس لا تسوي سوات اللي لبس بلوزة حمرا :P
بالنسبة لي ، بيني وبينكم تعودت على مقابلة الناس من النت فصار شي عادي .. بالعكس صارت هوايتي احرج اللي قدامي :P
اوه على فكرة .. القو نظرة
[rl]
ومن الحين اقول لكم ..
المشرف اللي بيعدل ردي يكتب اسمه بالخط العريض .. حتى يصير ما اتهاوش مع مشرف ثاني واطلع غلطان .. ما احب اطلع غلطان ابدا >__< ..


هع هع هع ثاني رد احرره لك يادوب :biggthump ولا تنسى الي وصيتك عليه ذاك اليوم بالفجر :28:

[Mada Mada Dane]

إرتباك ّ !

أي إرتباك هههه

انا قابلت اشخاص كثير من الانترنت وفي واحد قابلته خجول ماودي اذكر اسمه لوول اخاف يستحي :p

بس دقيقتين وانا اسولف معه راح الخجل , انا عادي من النوع الي ماانحرج ولا شئ واسولف كاني اعرفه الشخص من مده ماكاني اول مره اقابله , كذا يروح الخجل منه


وبعد في شخص تعرفت عليه من الانترنت اغلبكم يعرفه هتلر از باك وتمام اعرفه الحين من 3 سنين ويوميا اكلمه و اشوفه خشته :p

[theway]

وبعد في شخص تعرفت عليه من الانترنت اغلبكم يعرفه هتلر از باك وتمام اعرفه الحين من 3 سنين ويوميا اكلمه و اشوفه خشته :p


تصدق حتى انا ، صار لي ثلاث ايام ورى بعض شايفه ، ما ادري شيبي ؟؟ الحمد لله اليوم مو طالع عشان اشوفه .. فكه :tongue2: