3eed

[Trapped Inside]

السلام عليكم ^^ ..

كل عام والجميع بالف خير ^_^ .. وعساكم من عواده ..



العيد !!

تحبه ؟ >>>> سؤال مدري وش يبي -__-

نظامك فيه ؟

طلعاتك وخرابيطك معه ؟!


For Me

صراحه .. ما احب العيد كثير .. احسه نكد -__- .. لازم اروح افصل .. وشماغ جديد .. ونعله او جزمه جديده .. وعلك جديد بعد -_- ..

وليتني امبسط بعد ..

يعني الحين بقولكم وش اسوي بيوم العيد ..

اول شي لازم يوم العيد اكون سهران .. وحالتي حاله -__- .. انام 7 او 8 واقوم 11 او 10 ( ونفس الشي بيصير بذا العيد ) ..

طبعا لازم اتروش .. واتلبس .. واشخص .. هذا كله .. وانا عيوني تقل الي توه قايم من النوم >>>> عشان كذا اجل P: ..

المهم .. اهلنا .. من الاهالي الي يجتعون على الظهر ( في عوائل على الصبح يجتمعون ) ..

وعلى الساعه 1 او 2 .. نطلع من البيت .. نوصل هناك ( بيت جدتي " اكبر وحده بكل عائلتي .. امي جدي ! " ) ..

سلام وتبريكات والخرابيط ذي .. تمر ساعتين كذا .. وانا ما اسوي شي .. لان اغلبهم ما اشوفهم الا بالسنه مرتين وباليالله .. يعني انواع الطفش -__- ..

الساعه 4 .. ارجع البيت .. وما كأن صار شي !

بالله ذا عيد .. حتى عيديه ذي السنه الظاهر ما فيه >>>> زين نتايجك وبعدين تكلم -__- ..

يعني حتى خرابيط الاستراحات .. والمهرجانات حقت العيد .. ما نروحلها -___- ..

بس هذا العيد .. يمكن اطلع مع صديقي .. ان شاء الله استانس -__-


عيد ايام اول !

هو الي كان فله .. يعني قبل 3 سنوات وتحت .. كنت استانس ..

تقريبا نفس النظام .. بس اذا خلصنا الساعه 4 .. اروح لبيت جدي .. وانواع اللعب مع عيال عمي وعمتي ..

واغلب الاحيان كنا ننام هناك .. عاد يوه انواع اللعب بالبلايستيشن ( الله يرحمك يا كراش >< ) ..

وطبعا نسهر .. وعلى الصبح يكون جدي توه قايم .. وياخذنا معه ويقعد يمشينا ^^ ..

بصراحه كان هذا يكفيني .. اما الحين -__- .. يقالي كبرت وما اقدر اقعد عندهم .. ( سوحقن للبنات ) >>> ما يقولها من قلب P: ..

ايام حلوه .. والعيد كان حلو


Sooo What About U ?!

[Dark Man]

السلام عليكم

انا بلعيد طبعا ازور الاهل ثم مجمعات ثم مطاعم ثم البيت >< أكره العيد

و العيادي لو اجمعها كلها تجي 20 دينار = 200 ريال
والله ماتسوة

و السلام عليكم

[Yamato]

صراحه .. ما احب العيد كثير .. احسه نكد -__- .. لازم اروح افصل .. وشماغ جديد .. ونعله او جزمه جديده .. وعلك جديد بعد -_- ..

وليتني امبسط بعد ..

يا اخي والله انك عارف شعوري.. :31:
انا مثلك ما احب سوالف العيد ابدا...
اكره شي عندي هي سالفة الزيارات بين الاهل والمعارف.. وحتى يوم يقولولي تعال انت كبرت الحين ولازم تزور الناس اقولهم مب فاضي حق هالسوالف.. اسير العب لي السوني ابرك لي.. ويا ليتني اتهنا بلعبي.. اخواني موجودين وما عندهم غير.. يللا خلونا نلعب دوري .___.

ما بيكون عندي مكان غير اني اروح للنت اتجول فيه...

يعني بالمختصر.. انا انسان مب عيداوي.. انا اكره العيد.. >,<


سلام (. , .)

[King Sarab]

بسم الله الرحمن الرحيم
السلام عليكم ورحمة الله وبركاته
صلة الارحام واجبة على المسلمين

[Master ArNab]

,وعليكم السلام . ومن العايدين


تقريباً نفس الكلام ينطبق علي ... اللهم ما عدا إني ما أشتري ملابس جديده ولا يحزنون ... ملابسي , نعالي ... شماغي المقطع :p ... كلها نفسها ... ما لي نفس - __ -

نفس الشيء , أحس بالحزن في العيد ...

توني قاعد أفطر بعد المغرب وأخوي الصغير جاي يركض من الدرج ... عيد !!! عيد !!! وأنا :31:

أنا أحس العيد يمكن للصغار ... هم اللي ينبسطون وبس .. الكبار ما تفرق معهم , بالعكس بعضهم حزين لفراق رمضان :(

even though i feel gloomy i still have my anime to keep me warm

^
sad ....i know

ماعلينا , الواحد لازم يتفائل ويحاول يصل الرحم وينوي الخير , حتى يكتب له أجر ^^

إبتاهي جو :jester:

[Angel whisper]

هههه الصراحه استغرب يوم حد يقول ان العيد نكد .. اسمه عيد فكيف يكون نكد؟
عموما .. ليلة العيد نكون سهرانين وسوالف ووناسه وجيه ... نرقد قرب الفجر ونقوم عالساعه سبع ونصلي العيد ونتعدل ونتلبس ويعني ..
نستقبل اليهال ونعطهم عيدياتهم .. وعقب نطلع ونزور اهلنا ونرد البيت عقب الظهر .. نرقد ونرتاح شوي وبعدين ممكن نستقبل حد في البيت او نزور ربعنا .. الخ
يمكن الاشا اللي قلتها اشيا عاديه ونسويها دوم .. بس يكون لها طعم ثاني في العيد ..
ولو انه هالعيد بيكون غير لانه ما فيه زايد .. رحمة الله عليه..
ومبروك عليكم العيد مقدما :)

[D0WN~T0WN]

ياخي شايل هم بكرة كأن علي اختبار نهائي

ليلة العيد حلوووة وانواع الفلة اللين الصبح ثم بعدها يبدا القلق خاصة اذا طلعت برا وتشوف المحلات مقفلة تحس انهم مايبونك :boggled:

احسن الله عزاكم

[NsaN]

انا شراتكم..ما احب الزيارات..
بس الحمدلله ان احنا ساكنين باللي يسمونه "البيت العود"..
عايلتنا و عايلة عمومي و خوالي و خالاتي و جدي كلنا ساكنين ببيت واحد..
فبالتالي..ما في زيارات :D

باستثناء عايلة قوم عمتي..و شوي من معارفنا..بس هم اللي يزورونا بكل عيد..
الا ببعض الاعياد..

بشكل عام العيد ما يعنيلي اي شي..
مجرد يوم عادي لازم اسلم فيه على ناس وايدين..
بس احلى ما فيه..النفسيات الحلوة..
الكل مبتسم و يسلم على الثاني..
تحس ان محد في قلبه شي على الثاني..
شعور حلو والله..

بس يوم اني صغير كان غير..كنت اطلع ويا عيال عمتي اللي بعمري..و نسير نعيد عالبيوت..
بس ما كنا نخبر حد من البيت..فضيحة :08:
كنا دايماً في كل عيد بعد لازم نروح نشتري شرايط سوني..او حتى نروح السينما (بس هذا عقب ما كبرنا شوي)..
يوووووووووه..ايااام والله T_T..

مشكور على الموضوع..
و كل عام و انتو بخير..

P.S: متى العيد بالضبط؟؟ ()^^

[NsaN]

انا شراتكم..ما احب الزيارات..
بس الحمدلله ان احنا ساكنين باللي يسمونه "البيت العود"..
عايلتنا و عايلة عمومي و خوالي و خالاتي و جدي كلنا ساكنين ببيت واحد..
فبالتالي..ما في زيارات :D

باستثناء عايلة قوم عمتي..و شوي من معارفنا..بس هم اللي يزورونا بكل عيد..
الا ببعض الاعياد..

بشكل عام العيد ما يعنيلي اي شي..
مجرد يوم عادي لازم اسلم فيه على ناس وايدين..
بس احلى ما فيه..النفسيات الحلوة..
الكل مبتسم و يسلم على الثاني..
تحس ان محد في قلبه شي على الثاني..
شعور حلو والله..

بس يوم اني صغير كان غير..كنت اطلع ويا عيال عمتي اللي بعمري..و نسير نعيد عالبيوت..
بس ما كنا نخبر حد من البيت..فضيحة :08:
كنا دايماً في كل عيد بعد لازم نروح نشتري شرايط سوني..او حتى نروح السينما (بس هذا عقب ما كبرنا شوي)..
يوووووووووه..ايااام والله T_T..

مشكور على الموضوع..
و كل عام و انتو بخير..

P.S: متى العيد بالضبط؟؟ ()^^

[Y a z e e d]

.




عـيـد .... ؟!
وشـو هـذا ؟!

:31:






.

[Yamato]

مب كانه يقولون انه العيد باكر... >,<

كل عام وانتم بخير.. وعساكم من عواده... :31:

[tidusxxx]

لا والله ما احبه من يوم انا صغير....يصحونا غصب واحنا قد سمرنا طول الليل على اثر رمضان...البس غصب شماغ وعقال:12: ثم يقعدون يرصونا ويصورونا..ليه؟؟ ما ادري :bigeyes: واقعد متنشي طول اليوم ..


نظامي فيه اقعد مواصل طبعاً واعايد على امي وابوي وانا منتفش وحالتي حالة من اليوم اللي قبل...ثم اتجهز للصلاة ويوم نرجع من الصلاة احط راسي وارقد....بعدين تجي امي تصحيني للغدا....واللي هو غالبا عزيمة عند احد والاغلب انه عندنا:33: اخذ عيديات من ابوي وخالاتي:31: بس ذا السنة شكلي ما باخذ الا تراب في في وجهي لاني صرت كبر البعير....مالي وجه اخذ عيدية:tongue2:

طلعات ما ظنيت.....ساقضي العيد في النوم:icon6:

[mod]

ههههه

الله يهداكم ... الظاهر فاهمين العيد بالغلط :p

كل عام وانتم بخير

[الموهوب]

.




عـيـد .... ؟!
وشـو هـذا ؟!

:31:






.
صديق


ماتعرف العيد الظاهر انت منتب في وعيك








المهم

العيد اسمه عيد ترا

مهوب قلق ونكد :P

[aoks]

العيد ايام الطفولة كان من احلا الأيام الي ممكن تمر علي في السنة

كنت اروج بيت جدتي على العصر .. وما ارجع إلا على اذان الفجر .. كنت العب من عيال خوالي وخالاتي ;)

بس عيد هالأيام صراحة ما ينطاق -_____- ...

كله سلام على الناس وخلاص .. تروح تسلم وترجع وتروح بيت ثاني وتسلم إلخ..

وفي نهاية اليوم يصكونها باستراحة وهذا صراحة من اكره الحاجات عندي

الله ياخذ الاستراحات

[Rytamu]

أقبلت يا عيد والأحزان أحزان .. والقلب من طول الأسى خربان <<<<<<< سارقها من واحد عندي بالمسنجر :tongue2: ..


بالنسبة لأول يوم بالعيد , شوفوا وش سويت ..


يجب علي أن أكون سهران ليلة العيد .. طبعاً سهرت ويوم جاء الصبح قوّمت أهلي للصلاة وآخرتها ما راح إلا أنا وأخوي الصغير .. رحت صليت واستمعت للخطبة وبعد ما خلصت ضعت .. :boggled: قاعد أدوّر السيارة و بصعوبة لقيتها .. رجعت للبيت واتصلت على ناس أعايد عليهم ما رد علي إلا واحد :08: .. ومن القهر فتحت النت .. ! ..


عاداتي في أول يوم ..

بعد ما أجي من الصلاة أروح أنام إلى الساعة 12 الظهر .. أقوم أصلي وأروح مع الوالد للعزيمة ومثل ما قال أوكس ..


كله سلام على الناس وخلاص .. تروح تسلم وترجع وتروح بيت ثاني وتسلم إلخ..

لا ونصّهم ما أعرفهم .. :boggled: .. أرجع للبيت على أذان المغرب وأنا هلكااان وما أدري وش أسوي .. يأذن العشاء وأروع لعزيمة ثانية .. وكل ايام العيد الباقية عزايم .. ويا ربيييه على الفاطيح .. !! ..



يا زين العيد يوم كنت بزر .. من صباح الله خير طراطيع ودوجة بالشوارع إلى العصرية .. :biggrin:

[tidusxxx]

الا على فكرة...


كل عام وانتم بخير


:biggrin:

[Lezard Valeth]

كل عام وانتم بخير :D , وعيدكم مبارك جميعا

[Tomb raider]

يوم العيد الصبح اول ساعتين تكون فرحان
وبعدين ------------.------------ ما أعرف وش يجيك
وكلعاده ارجع من صلاة الفجر وعلى طول نووم
مثلا الحين انا فيه نوم :31:
اول شي انزل تحت اسلم على الوالده
ولحد ما يجي الوالد انتظره<<للحين ما سلم عليه ><
اسلم على اخواني < وتكون فيه ظحكه ههههه
الظهر (أكره شي عندي ما أسوي شي ) اجلس في الغرفه
وكلهم تحت جايين يسلمون وانا جالس على النت
وحت العصر نفس الشي ويجون ربعي نطلع وياهم انا وأخوي
ونروح السينما او نحاوط وبعدين نتعشى ونرجع , وان شاء الله اليوم بروح السينما بطالع فلم انجلينا جولي اليديد :09: :tongue2: :p

يعني السنه ذي العيد فيها مو لين هناك

ايام اول غير :D تروح ويا أهللك تطلع وياهم
او نجلس في المجلس اللي برع نلعب بلاي ستيشن 1
(اتذكر ذاك اليوم كنت العب تومب ريدر 3 )

شمكور سعودي على الموضوع وخلنا نشوفك في منتدى الننتندو ^^

[Dr.Lucifer]

.




عـيـد .... ؟!
وشـو هـذا ؟!

:31:






.
:biggthump :biggthump

[The Noble]

يا رجال اليوم العادي عندي أفضل من العيد :أفكر:

والعيد بدون أهل وحبايب ماله طعم ولا له نكهة ..

الصراحة بالنسبة لي العيد نكد في نكد هالسنة ..

[Rewayah]

عووووووووووووووووووووووووووووووووووووووووووووووووع...
<== داش عرض...


العيد !!

تحبه ؟ >>>> سؤال مدري وش يبي -__-
- يمكن يبي جواب لا مؤآخزة؟ :D
أحبه؟

... .. .

طبعاً...

عيل شو أحب؟
الشجرة, فالانتاين, ديفوالي, كريسميس ولا راس السنة؟


نظامك فيه ؟
- روتيني جداً...
أوزع بيزات على يهال الأهل والقرايب...
أبوس خشم هذا وذاك... بخشمي... (طبعاً... عيل بريولي؟).
أوايه أهلي وألوي أمي وأبوي (كما هي العادة في العيد وغيره).
الله يخليهم ويجعلهم من طال عمره وحسن عمله - وأهلكم كذلك, آمين.
كذلك رسم... ورسم وإنتصارات وإنجازات كثيرة من تعلم وغيره... تأثراً بجو العيد...
لعب... ولا سيما حالياً ليجيند أوف ليجايا 1 وباراسايت إيف 1... لأني ما خلصتهم...
براسايت ألعبها على مضض وتوزراً... لعبة خايسة...


طلعاتك وخرابيطك معه ؟!
- لين ألحين ما سويت شيء يذكر...
خذت رضيعتي الكبرى ناكل سوشي في ‘سومو بنتو‘ الياباني ورجعنا (لأنه كان خاطرها فيه)... هالطلعة الوحيدة اليوم...
Very odd for the first day of Eid... I know...

والأغرب, ممكن باكر ثاني العيد, نروح المزرعة أنا وربعي, أربعة أيام.. لعب سوالف وحواطة... :أفكر:


هذا وعيدكم أمبارك أجمعين. :)

[Rytamu]

من يوم ما كليت المفطّح وأنا بطني ماغصني .. :(

[Angel whisper]

يا ناس تحمدو الله على النعمه .. وتراه عاطنكم العيد عشان تستانسون مب عشان تكتئبون وتخلون الناس تكتئب وياكم ..
be optimistic people ..
ترى الدنيا فانيه.. وما في شي في هالدنيا يسوى ان الواحد يقول عن العيدين اللي الله عطانا اياهم عشان نستانس فيهم انهم نكد في نكد ..

[The Noble]

يا ناس تحمدو الله على النعمه .. وتراه عاطنكم العيد عشان تستانسون مب عشان تكتئبون وتخلون الناس تكتئب وياكم ..
be optimistic people ..
ترى الدنيا فانيه.. وما في شي في هالدنيا يسوى ان الواحد يقول عن العيدين اللي الله عطانا اياهم عشان نستانس فيهم انهم نكد في نكد ..

عاد كل واحد وظروفه ... :31:

[Argandir]

عـــــــــــــيـــــــــــــــــــــــــــــــــــــــــــــــد :17:

باركولي بكرة بعيد...

الحمد لله قبل شوي افطرت اليوم الثلاثين من رمضان وبكرة بنروح نصلي...



نرجع للموضوع بالنسبة لكوني احب العيد فاكيد احبه...وكيف ما احبه وهو يوم فرح المسلمين... :أفكر:

بالنسبة لنظامي في العيد...

فالله يرحم ايام السعودية...جمعة الاهل وعزايم...واكل مالذا وطاب...والعيديات...و ال:cray: (مافي داعي اتذكر)

اما هنا فعيدنا مختلف نوعا ما...

بكرة اول يوم نصلي العيد ان شاء الله...بعدها نمر على النادي ونسلم على الجماعة...وفي الليل نطلع نتعشا مع الشباب بعدها نروحلنا السينما...

ثاني يوم......نرجع نداوم في الجامعة :08:

[أفلاطون]

سبحان الله زاد احساسي بطعم العيد بعد ما قريت المآسي حقتكم :31:

والعيد مبارك على الجميع :reporter: