المساعد الشخصي الرقمي

مشاهدة النسخة كاملة : ماذا فعلت اول يوم العيد وماذا ستفعل بقية ايام العيد الكل يشارك لو سمحتم


ألمستشار
13-11-2004, 10:26 PM
السلام عليكم ورحمة الله وبركاته


كيف حال الشباب والصبايا


وكل عام وانتم بخير


حبينا ناخذ ارائكم عن العيد وعن ماذا ستفعلونه في ايام العيد


ويالله كل واحد يكتب ايش سوا في يوم العيد اليييين مايخلص العيد:09:


بالنسبة لي اول شيء رحنا نصلي العيد في المسجد


ورحنا نشتري فطور من المطعم

ونحن رايحين للعزيزه بنده صار لنا موقف

الشمس كانت ضوئها ظارب على اشارة المرور وماعرفنا هل هي حمراء ولا خضرا:boggled:

قلنا بسم وعدينا ونشوف من الشارع الثاني سياراات ويييييييييي:shock22:

ويالله صاحب الجيب فحط ولا كان راح يدخل في السياره بقوة

واااه الحمدلله على السلامة:icon6:


وبعدها رحنا نسلم على الاهل والاقارب


ومن ناحيتي ماطلعت مع الشباب اليوم:31:


يالله ارائكم يا اخوان:biggthump
ألمستشار
14-11-2004, 07:35 AM
شباب ايش الحكاية

جا عندكم العيد ولا لسه :D

يا اخوان المشاركة مارح تضركم شيء والله :)
DREAMCATCHER
14-11-2004, 08:12 AM
مشكور على الموضوع الحلو مثلك واسفين على التأخير :pat:



بالنسبة لي اول شي طبعا سلمنا على الاهل:grouphug: والاقارب :hug: :shakehand



بعدين باليل رحت مع اخواني الاصغار:baby: شرينا اشرطة PS2


وانشاله ناوي بعد اشتري PS2 جديدة لان


الي عندي مادري اشفيها قامت اتخرف :albertein



وشريت بعد كم شريط انمي وبقرزها عليهم لين القه مكان اروح له :biggthump


وبس ..:hello:
ألمستشار
14-11-2004, 09:22 AM
هلا اخوي DREAMCATCHER (http://www.montada.com/member.php?u=110403) مشاركة حلوه منك

ولا تأخير ولا شيء لان العيد السنة هذه ما ادري كيف جاي ناس امس عيدوا وناس يحليلهم اليوم:D
الكونت دراكولا
14-11-2004, 10:31 AM
نمت .. وتوي صاحي .. ياللحماس
Snake Eyes
14-11-2004, 01:35 PM
اليوم الاول كله نوووووووووووووووووووووووووووم وبس
واشتريت شريط PS2 وما اشتغل
The Noble
14-11-2004, 03:05 PM
اليوم الأول في البيت والثاني بالبيت واكيد الثالث بالبيت :o

مافي شي اسويه أهلي مسافرين اصلا :17:
Al Bhed Girl
14-11-2004, 03:18 PM
ألمستشار

مشكور على الموضوع الحلو ..

:33:
شسويت .. قلت لأمي من قبل العيد إنه راح أنام من الساعة عشرة ..

عشان أقعد الصبح .. :) وانعيد مبكرا :D :09:

وأشوف الناس يذبحون الخروف ! .. ( أي خروف إنتي بعد :bigeyes: إحنا بعيد الفطر مو عيد إضحية !! :09: :D )

و..........إلخ .. وصلاة العيد بالتلفزيون ...

بس مانمت إلا ساعة 3 الفجر تقريبا .. ( إي صح :31: هذي إللي تبي تنام الساعة عشرة الليل :D )

وما قعدت إلا الساعة 12 الظهر :17:

تدري شلون كان شعوري :17: قمة الإحباط ......... :12: :12:

بس بعد فترة قالت لي أمي أروح أبدل ثيابي عشان نروح الساعة 4 للناس ..

جاني إحباط مرة ثانبة :mad: ورحت ألعب FFx-2 :D خلصت اللعبة العام بس كنت أبي أشوف

يونــــــــــا وهي تغني تحت المطر أغنية ألف كلمة ، :D وأشوف ليبلانك النحيسة وهي تغني في عرض البداية.

بعدين سكرت الجهاز .. :) وغيرت .. وعيدنا ... ورجعنا بالليل .. وقعدت على النت أشوف هالمنتدى الحلوا ..

وبعدين شفت فلم ( روش هاور ) على إم بي سي 2 فلم قديم :tongue2: بس حلو يضحك جاكي تشان

وكريس تكر ... بعدين تصبحون على خير ...

وبعدين قعدت و ....................... بس ما صارت :09:
ألمستشار
15-11-2004, 02:26 AM
شكرا شكرا اخواني والله ردودكم حلوه جدا وتعبر عن اشياء تحصل في العيد لبعض منا

من ناحيتي انا اليوم طبعا ثاني يوم العيد الاهل طلعوا وانا....
طبعا نووووووووم الييييييييين الساعة 9 ودق على صاحبي وقال بيجي علشان نطلع
جا صاحبي الساعة10 ليل وجلسنا نلعب انا وياه ويننج اليفن8
وحنا في عز الحماس الا شوي جا ناس من الاهل يزورونا ودخلوا علينا ونحن جالسين هههههههههه كككككككككك
المهم سوينا فيها مهذبين شوي ورمينا اليدات على جنب شوي وجلسنا معاهم
والين الساعة 10 ونص طلعنا ورحنا على البحر وياااااااااه ياذيك الزحمة ورحنا وتعشينا سندوتشات
والمهم لفلفة بالسيارة الين الساعة 3وربع ورجعت البيت
يعني اليوم اشكل من امس:)
Dr.Lucifer
15-11-2004, 02:36 AM
حنا الحمدلله أول يوم عيد عندنا كان ممتاز جدا ..
الحمدلله نزل عندنا ثلج يحبه قلبك ( صاير كريسماس على غفلة.. ما ناقص غير أحط شجرة و أعلق عليها نجوم و تحتها هدايا ... ) و برد ممتاز يخليك تطلع و أنت لابس 5 كيلو ملابس و لسا يلسع فيك ...
صحيت الساعه 4 العصر و رحت شريت لي قهوة .. و سلمت لي على كم واحد ..
و الحين جالس أذاكر ...
و إنشالله الأيام الباقية كلها مذاكره و لله الحمد ( و ياليت بتنفع يا رجال هالمذاكرة :p )
فعيد ولا أحلى منه .. حماس على الأخر ..
و كل عام و أنتم بخير :biggthump
Chandler
15-11-2004, 08:29 AM
حنا الحمدلله أول يوم عيد عندنا كان ممتاز جدا ..
الحمدلله نزل عندنا ثلج يحبه قلبك ( صاير كريسماس على غفلة.. ما ناقص غير أحط شجرة و أعلق عليها نجوم و تحتها هدايا ... ) و برد ممتاز يخليك تطلع و أنت لابس 5 كيلو ملابس و لسا يلسع فيك ...
صحيت الساعه 4 العصر و رحت شريت لي قهوة .. و سلمت لي على كم واحد ..
و الحين جالس أذاكر ...
و إنشالله الأيام الباقية كلها مذاكره و لله الحمد ( و ياليت بتنفع يا رجال هالمذاكرة :p )
فعيد ولا أحلى منه .. حماس على الأخر ..
و كل عام و أنتم بخير :biggthump


حظكم..نزل ثلج :12: <-- حنا عندنا برد يشق العظم..بس بدون ثلج :(

انا كنت مواصل من اليوم اللي قبله..عاد هالسنة العيد كان عندنا بعيدين...
كل مساجد المدينه قالت يوم السبت عيد ما عدا مسجد الجامعه.. قالوا العيد يوم الاحد..
وتشوف نص المسلمين صايمين يوم السبت والنص الثاني معيدين :p..
طبعا احنا اخذنا على كلام الاغلبيه وافطرنا السبت..

يوم العيد... درجة الحراره صفر مئويه وهوا يحبه قلبك..
رحنا نصلي العيد (عادتنا نصلي في مسجد الجامعه بس لأن عيدهم الاحد رحنا لمسجد ثاني)..
واحد من الشباب يقال له بيدلنا وضيعنا.. وصلنا متأخرين وصلينا برا المسجد :31:..
عاد صلاة العيد وبعدها خطبه في جو بااااااارد وهوا..<-- انواع الامراض في اليوم الثاني :09:

بعدها... كل الشباب الخليجيين اجتمعوا في ستار بكس (احتلينا المحل..ما فيه ولا اجنبي..كلهم عرب :D)..
وبعد ما تقهوينا وتعايدنا..اخذنا لنا لفة في السيتي سنتر..
وبعدها توزعنا..وكل واحد راح على شقته..



وكل عام وانتم بخير جميعا :)
Angel whisper
15-11-2004, 02:12 PM
اممم طبعا انا تفجأت بان العيد يوم السبت عقب ما اكدولنا انا لعيد يوم الاحد ..
ركضت السوق ويبت عباتي وعقب الصالون وسويت شعري .. بس اعوذ بالله في عمري ما شفت زحمه جيه ><
في العاده ما آخذ اكثر من كم دقيقه عشان اوصل السوق وهالمره خذت ساعه ونص :|
المهم.. رديت البيت الساعه 3 وشوي بالليل !_! وما في مجال للنوم .. شغلت التلفزيون وشفت الحلقه الاخيره من بعد الشتاات .. رقدت عالساعه خمس وقمت الساعه سبع ..
ويعني تعدلت وكشخت وسلمت عالاهل .. وعالساعه 9 بدينا نلف على قرايبنا .. وفي بيت عموتي قمنا ناخذ صور جماعيه .. يحليلنا والله اذن صورنا قوق الثمانين صوره باربع كاميرات :|
ما ردينا البيت الا الساعه 4 تقريبا .. رقدت من وقتها الين 8 بالليل .. قمت ودخلت النت وصدعت وطلعت .. تعشيت ويلست اطالع rush hour بعد هههههه .. وعقب رقدت .. وبس
ادري ان الاشيا اللي سوتها عبيطه بس كانت حلوه ووناسه
][-][Mr.ZeNoN][-][
15-11-2004, 06:17 PM
أخس عيد في حياتي

سوينا حادث بسيارتنا قبل العيد بساعات :vereymad: :vereymad: :vereymad: :vereymad:

وشوفوا كيف صار :vereymad: :vereymad: :vereymad: :vereymad: :vereymad: :vereymad:
Dr.Lucifer
15-11-2004, 06:45 PM
أخس عيد في حياتي

سوينا حادث بسيارتنا قبل العيد بساعات :vereymad: :vereymad: :vereymad: :vereymad:

وشوفوا كيف صار :vereymad: :vereymad: :vereymad: :vereymad: :vereymad: :vereymad:
يا رجال مشي حالك الحديد يتصلح :p
الحمدلله على السلامة :D
ألمستشار
15-11-2004, 08:29 PM
كل عام وانتم بخير من جديد
واالاصدقاء اللي عايشين في المناطق الباردة والله واحد من اصحابي كان في بريطانيا
وقال ياذاك البرد وشكله ماتحمل وجا عندنا يعيد وبعد ماسوا عملية في ركبتة:)
مشرفتنا القدير شرفتي الموضوع وصحيح والله العيد اعلانه كان فجأه خلاني ليلتها اخذ عشر اكياس في يد واحده
ولسه ناسي باقي الاشياء:D
الاخت لوسي اذا كان زايد قد فارق الحياه
فهو لم يفارق قلوبنا ... وكل عام وانت بخير

اخوي Busta Rhymes حمدلله على السلامة وزي مايقولوا في المال ولا في العيال
بس والله من جد قهر وخاصة على العيد العالم يالله تلحق تسمكر الدحشات الخفيفة قبل العيد
وانتوا ماشاء الله ماقصرتوا:D وكمان في الواجهه واللمبات
يالله حمدلله على سلامتك اخوي

الحين انا:D
اليوم طلعنا الصباح على البحر قلنا نمشي والجو هادي
المهم ياطلعنا ونشوف العالم سيارات وزحمة ؟؟
ايش اللي صاير هذولا من ماناموا من امس ولاكيف :D
ولا مثلنا حبوا يطلعوا والجو هادي
المهم تمشينا ولفينا على البحر وسيارات البلدية عزكم الله تلم القمايم حق الليلة الماضية
مكسرات وعلب فاضية وبلاوي المهم شفنا احد مناظر العيد سعيد ذاك الوقت:D
وبعدين رحنا لمكان نظيف وفطرنا فيه وجلسنا نتمشى على البحر بالسياره
ويا الله العالم طايرين اللي يسابق بالجيمس واللي يسابق بسيارة ما ادري كيف شكلها
واللي يطلع من السيارة ويرقص ويخوياه يمشوا عليه ويقفوا
وحادث كبير حفظكم الله سيارة نوع ... والله ما ادري ايش بس شكلها حلوه شبابية ولونها اصفر كانت طالعة فوق الرصيف والواجهه معدومة بشكل كبيييير طبعا اكبر من واجهة ابو الشباب اللي مسوي الحادث فوق:D
وسيارة ثانية رايحة للجهة الثانية يالله احفظنا
المهم رجعنا البيت مانمت جالس ساعة اكل بيتي فور وساعة حلاوة العيد وساعة ...الخ
وتغديت ونمت وماصحيت الا قبل شوي يوم دق صاحب المكيف وجاب معاه المكيف عشان يركبه
والبيت كلهم طلعوا
وحاسبته 80 ريال .. هي كلها تعبئة فريون ..!! قال لا هادا في كمان تنسيم ..ويش حكاية التنسيم حتى في مكيفات منسمة ولا كيف:D

شكرا لكم اخواني للمشاركة من جديد بس اليوم اخوكم طفشان من جد وعشان كذه فاضي للكتابات هذه:D