مشكله لم تحلها حتى وكاله الhp

[abu_3li]

بسم الله الرحمن الرحيم

اخباركم ياشباب وشباب المنتدى الصراحه اتشرف اني سجلت بهذا المنتدى اللي كنت

اغلب وقتي فيه متصفح فقط واتمنى اني الاقي حل مشكلتي هنا

الزبده جهازي ديسكتوب hpموديلهt461.me وشاريه بمبلغ عالي حسبي الله
عليهم

المهم ياجماعه انه عندي لعبه اللي هي جنرالز عذبتني تعذيب مو طبيعي لحد اني

فرمت الجهاز اربع مرات وهي ان اللعبه تكون شغاله تمام التمام فجأه يوقف

الجهاز كله لاماوس تتحرك ولا طريقه ctrl+alt+delete تنفع ولا اي شي:31:

ولازم امصع الفيش من الكهرب

المهم قالولي الناس انه من الرام قلت اوكيه غيرت الرام (استعرت واحد من ربعي)

قالولي حراره الجهاز فتحت الكيس ووجهت المكيف عليه مع العلم فيه ثلاث مراوح

قالولي الناس ان النسخه اللي معك لجنرالز وزيرو هور تعبانه رحت اخذت نسخه ثانيه مانفع مع العلم معي نسختين اصليه وكوبي

ياناس تعبت والله تعبت المهم تكفون شوفولي حل وهذه هي موافات جهازي

انتل بنتيوم 4 3.2Ghz
ati 9600 se 256
640 ramDDR
dvd r cd r x40
هارد درايف 80GB
وطبعا دايركت اكس تسعه واكس بي بروفشينل sp1
فتكفون عشمي فيكم كبير اي واحد قد سارتله هالمشكله يسعفني بهل الحل لاني فعلا تعبت وشاكر ومقدر تفهمكم

تحياتي....:biggrin:

[بـومــايـد]

نصيحتي لك اخي الكريم بما ان الجهاز جديد ولازال تحت الضمان


ارجع الجهاز للجهه التي اشتريتها منه للاطلاع على هذه المشكله


لانه مثل هذي المشاكل صعب حلها ( يبغي الها وقت وتجارب )

واعتقد انه من الممكن المشكله تكون من :

1- المعالج (CPU)

2- اللوحه الام (Mother Board )

3- كرت الشاشه (VGA card)

[JoOoKeR]

أخوي خذها مني المشكلة وحدة من ثنتين

الأولى وهي حرارة البروسيسير (( قس حرارة الجهاز عندك وأخبرنا عنها ))

ثاني شي الكرت الي عندك هل ركبت له أخر تحديث من ati الي هو 4.11

وحدث الدايركت أكس عندك إلى الأصدار 9.0c

وركب أخر باتش للعبة جينرالز الي هو 1.02

وأخبرنا وش يصير معك

[JoOoKeR]

وبغيت أسالك الرامت الي عندك كيف صاااايرة 640 هل أنت مركب قطعتين 256 وقطعة 128

اذا كانت كذا أنصحك أنك تشيل 128 وقلي أنت المذبورد حقتك كم فتحة رام فيها وهل تدعم اللدوال شينيل

[abu_3li]

تسلمون والله على الاهتمام والرد


1-ابو مايد تسلم اخوي وانا وديته للوكاله وقالولي الهارد وير والسوفت وير سليمه
(شكلهم يستهبلون)

2-الجوكر مشكور على اهتمامك وانا عندي المذر بورد فتحتين للرام وحده 512 ووحده 128

وجميع التحديثات اللي قلت عليها مسويها للكرت واللعبه اللي اعتقد اذا بغيت تلعب اون لاين يعطيك الاب ديت تبعها والدايركت اكس عندي تسعه

اما عن حراره الجهاز انا مركب برنامج اسمه سبيد فن SpeedFan

ويعطيني درجه الحراره وانا العب على الكونتر سترايك كابين 36 و40
وهذه قراءه البرنامج للحراره في الوقت اللي انا اكتبه فيه ردي لك
remote1 38C
HD 42C
ambient 36 C
remote2 34C
والحراره العامه 36
فماادري ياشباب انا محتار بهل المشكله وخاصه انه فيه اجهزه امكانيتها ضعيفه
تشغل هالقيم ومشكورين على اهتمامكم لحل مشكلتي

[UAE200000]

انا اقولك الحل..... حاول تخفض مؤثرات الغرافيكس وذالك بالذهاب الى options في اللعبة روح على ال Display option وبعدين اختار custom في Detail بيطلعلك مربعات حاول اتشلهن وفي تحت Texture resolution حاول تحطه لادنى ونفس الشىء في ال particle cap حطه لادنى وانشاء الله تشتغل اللعبة تمام ...... انا واجهتني نفس المشكلة في الابتوب الى عندي واعتقد ان المشكلة في بطاقة العرض الى من ATI

[abu_3li]

مشكور اخوي UAE200000 على ردك

سويت اللي قلتلي عليه وبرضوه نفس المشكله مع العلم ان اللعب سار يطول شوي يعني نص ساعه بس في الاخير يعلق بس ياشباب انا اللي محيرني وهبل فيني لفيت كل المنتديات والمواقع لقيت شخصين يشتكون من نفس الحركه والاغرب انهم معهم نفس موديل الجهاز

ومشكورين

[New Horizon]

فمرة كان في جهازنا في البيت مشكلة زي ذي وكنا شغالين بالجهاز ثلاث سنوات بعدين وديناه للمحل قال إن المعالج متركب غلط :):)

فأحسنلك توديه