KillZone : إيجابيتها وسلبياتها ، هل حقا هناك رشوة في تقديرها المعطى " 6.9 "

[VaSh ThE sTaMpEdE]

السلام عليكم ورحمة الله وبركاته;)
كيف الأحوال شباب؟
عساكم بخير؟

كثير منكم لعب اللعبة الي كان معتقد منها إنها تحطم هالو=halo وهذي اللعبة اسمها KillZone
هذي تقديرات Killzone من IGN - Gamespot - gameSpy

Gamespy --- 3 out of 5 ---- 60.0%
GameSpot --- 6.9 out of 10 --- 69.0%
IGN --- 7.5 out of 10 --- 75.0%

كما تشوفون اللعبة مب ماخذة تقدير زين
وبعض الناس يعتقد هناك رشوةوبعضهم يظنون أن التقدير خاطئ ، وبعضهم يطنون انا التقدير صحيح ما فيه شيء

بعض هذا الإيجابيات والسلبيات الأعضاء خلوني ألاحظها ، مثل كايتو و meshary

أنا إلى الآن ما خلصت اللعبة ، صعبة شوي ، وكمان أنا علقت فيها ، على أي حال
وجدت فيها بعض الإيجابيات وهي:
1- الصور والجرافيكس روعة ، وجميلة جدا

2- القصة شوي حلوة

3- التوصيل فيها حلو

والسلبيات:
1- الأعداء فيهم غباء اصطناعي ، وهو أن بعض الأعداء لو وقفت قدامهم ، وتركت الكمبيوتر وررحت طلعت مع أصدقائك ونمت رجعت اليوم الجاي تلعب يكون اسى ما طلق عليك

2- دائرة التصويب كبيرة جدا ، زي ما يقول بعضكم بالغصب يموت:09: ، ومو مب كذا ، في نهاية أي مرحلة يقولونك كم HEAD-SHOT جبت ، وأنا فرجت قلت ابجيب في المرحلة الجاية كثير ، وبعدين جاولت وحاولت ، بس صعب ، بالصدفة أجيبها:D

3-صحيح أن إذا نقص دمك يزود بعض منه ، بس ينقص بسرعة ، يعني أنا أمشي وبعدين يجي وراي عدو ، وقدامي عدو ، وبعدين أودع نفسي وأموت ، لأن دمك ينقص بسرعة هائلة:mad:

4-أصدقائك في اللعبة أعتبرهم أنا كلهم خائنين ، لأنم ما يساعدوني كثير ، ويتركوني أهجم بلحالي على العد و ، وبعدين بعد ما أتعذب أنا ، يجون ويذبحون 1 أو 2:mad:

أنا أعطي اللعبة 8 من 10 ، وأحس أن في خطأ في التقدير ، ومو رشوة


...والسلام عليكم ورحمة الله وبركاته:biggthump

[croove]

السلام عليكم ورحمة الله وبركاته;)وعليكم السلام و رحمه الله و بركاته
ندخل على الموضوع.


أنا أول مره أسمع ان في رشوة في التقييم الالعاب..

اما بالنسبة اذا كان في خطأ في التقيم فما أعتقد ذلك (لأن هذا هو رأي الي جرب اللعبة و كتب التقييم)
و شوف مثلاً
انت يمكن تحصل لعبة يكون الجرافيك فيها قوي جدا و لكن انت ما تحس في المتعة لما تلعبها
و يمكن تحصل لعبة الجرافيك فيها ضعيف جدا و لكن انت تستمتع بالعب فيها
و كل واحد حسب رأيه :33:

و هذا الي خلاني أصوت على ان هذا هو تقدير العبة.


هذي تقديرات Killzone من IGN - Gamespot - gameSpyو لكن أخوي في مواقع كثيرة تكتب تقيمها عن اللعبة يمكن تحصل تقييماتها أعلى.

شوف هذي الوصلة
http://www.gamerankings.com/htmlpages4/918762.asp
بتحصل ان العبه حصلت في بعض المواقع تقييم أحسن من IGN - Gamespot - gameSpy

و أنا الي مستغرب منه أن معظم أعضاء المنتدى يهتمون بتقييمات gamespot و Ign بس :06:

مع أني ما مهتم باللعبة بس حبيت أقول الي عندي


سلام

[VaSh ThE sTaMpEdE]

أهلا يا croove

انت يمكن تحصل لعبة يكون الجرافيك فيها قوي جدا و لكن انت ما تحس في المتعة لما تلعبها
و يمكن تحصل لعبة الجرافيك فيها ضعيف جدا و لكن انت تستمتع بالعب فيها
و كل واحد حسب رأيه http://montada.com/images/smilies/new_icons/33.gif صحيح:shakehand


و لكن أخوي في مواقع كثيرة تكتب تقيمها عن اللعبة يمكن تحصل تقييماتها أعلى.

شوف هذي الوصلة
http://www.gamerankings.com/htmlpages4/918762.asp
بتحصل ان العبه حصلت في بعض المواقع تقييم أحسن من IGN - Gamespot - gameSpyلا تخاف ، أنا أصلا دائما أشوف تقديرات اللعبة من موقع gamerankings.com:biggthump


و أنا الي مستغرب منه أن معظم أعضاء المنتدى يهتمون بتقييمات gamespot و Ign بس http://montada.com/images/smilies/new_icons/06.gif
أنا أول ما كنت أهتم بالتقديرات ، بس بديت أسمع عن هذه المواقع الثلاثة ، أشوفها في الدعايات
، وأنا أثق فيهم بأنهم مشهورين ، ودائما تقديراتهم واقعية



مع أني ما مهتم باللعبة بس حبيت أقول الي عندي
مشكور على مشاركة رأيك:tongue2:

....والسلام

[SNIPER GAMES]

صراحة اللعبة مضلومة كثير جدا في تقيمات المواقع وخاصة المشهورة منها .

بالنسبة لي أعطيها 85 - 90 %

[K23]

انا شريت اللعبة قبل امس واليوم طشيتها في صندوق القمامة لان المكان هذا يناسبها


بالله عليكم شوفو التحكم بايخ مرة
الجرافك حلو بس مايكفي لان الرسومات غير مرتبطة باللعبة

انا اقول ان التقيمات مناسبة ولو حطوا اقل كان احسن

[النسر الأسود]

أنا أقول أن اللعبة فعلا سيئة وتستاهل تقادير سيئة مثلها بس يمكن 6.9 في شوية ظلم بس بعتقد هذا بسبب الصدمة يلي حصلت للجميع الي كانوا متوقعينها تحفة .
أنا لعبت باللعبة دقائق فقط الرسوم بشكل عام قوية بس إطلاق النار تافه جدا وغير واقعي وأيضا الانفجارات تافهة ولكن أسوا مافي الأمر هو التحكم باعتقادي أنه يستحق جائزة أسوأ محرك لعب على جميع الأجهزة المنزلية ( حتى سيجا ميغا درايف 2 :D )
وعلى كل هذا رأيي شخصي وكما قلت أنا لم أكمل اللعبة ربما لو أكملتها لوجدت بها ايجابيات جميلة أو سلبيات أخرى :09:

[محب الكاو بوي]

أنا أظن إن في خطأ في التقدير
صحيح أنها فيها سلبيات ولكن فيها إيجابيات أكثر
وأنا أعطيها 80 %

[astronomy]

أنا حاب اضيف رأيي وهو انه اللي خله تقديرها سئ لهالدرجة

انهم قارنوا اللعبة بالأسطورة هالو وهذا هو اللي خله تقديراتها سيئة جدا

طبعا كانت عندهم طموحات بأنهم يتغلبون على هالو بس للأسف مقارنتهم هذى ظلمت اللعبة وقتلوها من قبل هالو

وهم حاولوا سرقة بعض الأفكار من لعبة هالو بس للأسف التقليد مانفعهم

لعبت Killzone وتقديري لها للأسف 6.2
التصوير حلو .... من مؤثرات مرئية عجبني جدا جدا
التصويب غبي .... أول مره ألعب لعبه احس فيها اني انا معاها أغبياء :31:
الذكاء الإصطناعي... أعداء أغبياء لدرجة الجنون
التحكم ... سئ
الأصوات .. غير واقعية بس هي مقبولة للشخص اللي يبي يقص على نفسه وقول انه اصواتها روعه
تكتيك وحركات الشخصيات ... من اسوء السلبيات باللعبة ..

وخصوصا !!!!! في اصوات وصرخات الأعداء والحلفاء من الأصدقاء تتكرررررررررررررررررررررر اتييييييييبلك الصداع النصفي من اول هجوم الأعداء

[PaPEr Cut]

أنـا ماعنـدي اللعبة بس صراحـة من وصـف الأعضـاء بايـن أنهــا فاشلــة بمعنى الكلمــة ..!

يعنــي كـان الحـظ معاهـا في إنهم شبهوهــا بهـالو إلا أنها المفـروض يكـون حالهـا كحـال بعض الألعـاب الي تنـزل ومايكـون لهـا حـس ولا خبـر ..

بالتوفيق.

[astronomy]

أنـا ماعنـدي اللعبة بس صراحـة من وصـف الأعضـاء بايـن أنهــا فاشلــة بمعنى الكلمــة ..!


يعنــي كـان الحـظ معاهـا في إنهم شبهوهــا بهـالو إلا أنها المفـروض يكـون حالهـا كحـال بعض الألعـاب الي تنـزل ومايكـون لهـا حـس ولا خبـر ..

بالتوفيق.

تشبيه اللعبه بهالو هي اكبر دعاية يقومون بهذه اللعبه وهو اكبر الأخطاء اللي جرت اللعبه الي ماهو عليه كان المفروض دعمها بأفكار جديده وغير تقليدية

بس ان لم تحصل على هذه اللعبة اذهب وقتنيها لترى احلى كرافكس على البليستيشن :) من مناظر حلوة

[VEETO]

اول شي لحد يضحك :D
هذي ثاني لعبة العبها في هالفئة (( التصويب من المنظور الاول )) ..
الاولى كويك 2 وما عجبتني (( على البلاي ستيشن 2 )) ..
وهذي الثانية وبصراحة اللعبة زينة ... يعني بالنسبة ليي كمبتدئ حلوة ...

بس عندي سؤال خارجي عن الموضوع اذا هذي فاشلة ومو زينة والتحكم سيء وما ادري شنو ..
ممكن تقولون ليي العاب حلوة واسطورة لهالنوع غير كويك 2 ابي لعبة فيها قصة ! :06:
علشان اشوف هل كيل زون فاشلة او لا ؟

[astronomy]

في البليستيشن لايوجد

فإذا عند الأكس بوكس مالك إلا غير Halo 1 & 2 لأنهم الأفضل لحتى الآن

[VaSh ThE sTaMpEdE]

مشكورين يا شباب على الردود

ومشكورين أيضا على إبداء رأيكم
بس تصدقون،،،ما أدري ليش ، بعد ما قريت ردودكم ، خلتوني أكره اللعبة:mad: ، كلها من سبتكم ، والله لأوريكم شغلكم>>>>>>>مسوي قوي:09: ، أمزح بس:tongue2:

SNIPER GAMES :
مشكور على الرد

K23 :
مشكور على الرد ، بس يا أخي حتى لو اللعبة ما عجبتك ، لا تحطها في الزبالة:jester: ، احفظها عشان يمكن صديقك يبغى يستعيرها ، أو يمكنك تطفش في الصيف وتبي تلعبها

النسر الأسود :
مشكور على الرد

محب الكاو بوي:
مشكور على الرد

astronomy :
مشكور على الرد الرائع جدا:biggrin: ، والله يمكن هذا هو السبب،..ويوجد ألعاب تصويب في البلاي ستيشن ، مثل medal of honer و metal gear و cal of duty

PaPEr Cut :
مشكور على الرد،ولكن أفضل أنك تشتري اللعبة وتجربها إلا كنت تشتري تقليدي

VEETO:
مشكور على الرد...نعم هناك ألعاب
مثل:
Medal Of Honer
Metel Gear
Call Of Duty


...والسلام عليكم جميعا

[PaPEr Cut]

VEETO : إذا تبغى من نفس نوعيــة كيل زون (الستايل يعني) عندك :

Star Wars: Battlefront
Red Faction 2
TimeSplitters 2


وإذا قصدك عن ألعــاب التصويب عامة فهي كثيييرة مـرة وراح أذكر لك الافضل :

Medal Of Honer : نـزل جزئين للعبة
Rainbow Six 3 : روووووووووووووووعة لاتفوتك الي مسويها توم كلانسي (الي سوى سبلنتر سيل)
007: NightFire : جيمس بونــد
Ghost Recon: Jungle Storm : اللعبة توأم لكيل زون إلا أنها في الغابات وهي برضه للمبدع توم كلانسي !!
Call of Duty: Finest Hour
GoldenEye: Rogue Agent : لســه مانزلت


أرجــو إنـي أكون أفدتك ، تحيتي لـك وللجميع

[render]

اللعبة تستحق اللعب .... وهي مظلومة جدا جدا

وهي افضل كثيرا من Rainbow Six 3 على PS2 وافضل في المحرك
لااعرف لماذا محركات UBISoft ماتزال قديمة ولا تنتمي لأجهزة هذا الجيل ..
اذا كنتم تشكون في كلامي انظروا الى محرك MGS3 ومحرك SplinterCell2
وكلا اللعبتين صدرت على Ps2 حيث ان المحرك الأخير لا يقدم رسوم PS2 بفعالية.

[DNA]

اللعبه حلوة والعروض حلوة خصوصا لما تشوف الاثنين اللي معاك مايطيقو بعض (الاصلع و العبد الاسمراني )
ولكل شخص تختارو ميزات
البنت حركتها سريعه ومعاها سنايبر صغير وتقدر تقفز فوق الحواجز وتتسلق السلالم والحبال
الاسمراني معاه رشاش وبازوكه وحركتو بطيئه (ومايقدر يتسق الحبال والسلالم والقفز فوق الحواجز
لكن انا استغربت انو الاسمراني كل شويه يتلفظ بthe F word .....غريبه مااتذكر فيه العاب تسمح ب الكلمه هديك :)


والاخ اللي قال
3-صحيح أن إذا نقص دمك يزود بعض منه ، بس ينقص بسرعة ، يعني أنا أمشي وبعدين يجي وراي عدو ، وقدامي عدو ، وبعدين أودع نفسي وأموت ، لأن دمك ينقص بسرعة هائلة
بخصوص نقصان الدم السريع....هادا شي مره حلوة ومخليها واقعيه وصعبه, الشخص الطبيعي لما يوقف قدام مسدس او رشاش لمده 3 ثوان اكيد حايموت ومايعيش :) غير الاعاب الثانيه تلاقي الشخص ياكللو ميه رصاصه ولساعو واقف
الاستراتيجيه الصح والواقعيه, استخبى ورا جدار واطلق وارجع تاني واتسلل لما الاعداء يعملو ريلود
اللعبه حلوة واحداثها غريبه والاعداء اغبياء
بس في حاجه مره حلوة,,, حركه الاعداء وتنسيقهم وحركات يدهم جدا واقعيه وتنظيمهم مع بعض في جماعات مره واقعي
سلام

[hitman_design]

KillZone
لعبه جميله صراحه
جرافيك اللعبه قوي
القصه لاباس بها ابدا
مراحل اللعبه متنوعه وجميله والاسلحه جدا رائعه
التحكم بتحسه صعب لكن مع الوقت تتعود عليه
كلام الاخ DNA صحيح نقص شريط الدم بسرعه يعطي اللعبه جو واقعي
ويدعم التفكير والتخطيط بدل الهجوم العشوائي
امممممممم السيئ في اللعبه وضعيات الموت المضحكه
اعتقد اللعبه كانت تحتاج تاخذ وقت اكثر لتعديل اخطائها وتحسينها
التقييم اللي اخذته غير منصف صراحه
تستاهل 8/10
نصيحه للي ماجرب اللعبه انه يلعبها


تحياتيــ,,

[VaSh ThE sTaMpEdE]

مشكورين DNA و hitman_design على الرد

[Kingdom Hearts]

بصراحه اللعبه بايخه جدا وتستاهل التقاييم اللي جتها.
لو سوني جلست عليها وقت زياده وصلحت الاخطاء... يعني ما ادري ما فيه احد يجرب اللعبه قبل ما تنزل يعني اخطاء واضحه جدا ما احد كان يتوقع سوني تعمل لعبه مثل كذا.

وبصراحه اللعبه تستاهل اللي جاها.

واكبر خطا انهم قالو قاتلة هالو.

[VaSh ThE sTaMpEdE]

بصراحه اللعبه بايخه جدا وتستاهل التقاييم اللي جتها.
لو سوني جلست عليها وقت زياده وصلحت الاخطاء... يعني ما ادري ما فيه احد يجرب اللعبه قبل ما تنزل يعني اخطاء واضحه جدا ما احد كان يتوقع سوني تعمل لعبه مثل كذا.
يعني صح...بس قصة اللعبة حلوة وعجبتني


واكبر خطا انهم قالو قاتلة هالو.
أتفق معك


وبصراحه اللعبه تستاهل اللي جاها.

ما أتفق معك ، أظن إن العبة أخذت أقل مما تستحق

[The Dark Heart]

وعليكم السلام ورحمة الله وبركاته

KILLZONE لعبة رائعه ..! وتستاهل مرتبها اكثر من كذا بكثير..!

وشكراً اخي على الموضوع ..

تحياتي : محمد

[عبيس]

بصراحه اللعبه ممتازه

وانا شريت اللعبه

واعجبتني الصراحه

بس بغيت اعرف هل لها كلمات سر؟؟

[VaSh ThE sTaMpEdE]

يا هلا بكونان

نعم هناك أسرار

[oafendi]

اللعبة أعطيها 7.8 من 10

الجرافيكس رائع بالنسبة للبلاي ستيشن 2 و القصة مقبولة لكن التحكم سيئ والمراحل صعبة قليلا

[THE Kojima]

6.9؟ ارى انها مجاملة..كثير عليها.. اشتريتها و يا ليتني ما فعلت