المساعد الشخصي الرقمي

مشاهدة النسخة كاملة : الجهاز و القطع يا شباب هل تنصحوني بماوس لوجيتيك الليزر


Black ViRus
21-11-2004, 03:58 PM
بسم الله الرحمن الرحيم
السلام عليكم ورحمة الله

أنا حابب أشتري ماوس إلى حدود 300 ريال، يعني معاي إني أشتري ماوس Jounny R. شخصيا

المهم، إيش رأيكم بهالماوس:

Logitech® MX™1000 Laser Cordless Mouse

سمعت مع إنها wierless إلا إنها تستخدم تقنية الليزر، فبيكون أدائها أفضل من أداء اللي بسلك

أنا أحتاجها للكاونتر سترايك، وأتمنى منكم المساعدة..

هذه هي الماوس:

http://www.logitech.com/index.cfm/products/details/US/EN,CRID=3,CONTENTID=9043

تحياتي للجميع

أخوكم
BLaCK ViRuS
blake
21-11-2004, 06:23 PM
واضح من الصور ان الماوس روعة .. بس تعتقد انها موجودة في مكتبة جرير ؟؟
New Horizon
21-11-2004, 08:52 PM
والله ما حد جربها الله يخلي ماوسات ميكروسوفت أبو 10 ريال

لو تبيه اشتريه بس ما أقدر أنصحك فيه

ممكن تخش على قسم الهاردير في موقع GameSpot وتشوف هناك
Black ViRus
22-11-2004, 07:48 AM
ما دامها نزلت، فمكتبة جرير ان شاء الله تجيبها.. لو بستنالي أسبوعين

دكتور أغاسا
شكرا على الرد، وموقع جيم سبوت موقع ممتاز صراحة أفدتني فيه، شكرا لك،

وأتمنى إن أي حد مجربها إن يعطيني نصيحته في لعبة counter أو أي لعبة First Person Shoot

أنا اللي أخاف منه إن تكون الماوس تقطع لأنها wireless

تحياتي
astronomy
22-11-2004, 07:57 AM
شوف اخوي تبي احسن ماوس حق العاب المنظور الشخصي الأول

الأفضل على الإطلاق ولا منافس لها وهي شركة متخصصة لصنع الماوسات فقط للألعاب
وهي شركة http://www.razerzone.com/

بس المشكلة انها مو متوافرة بدول الخليج عليك انك تطلبها

أما عن ال Logitech
أنا امجرب MX 510
ماوس يستحق الشراء ايضا

ونصيحتي للألعاب لاتشتري إلا اللي فيها واير اسرع وأحسن
Black ViRus
22-11-2004, 08:27 AM
الشركة اللي أعطيتني إياها حسيتها قوية جدا، لكن المشكلة إني ما أقدر أشتري عن طريق الإنترنت، أبي شي موجود بالرياض

لو هالشركة موجودة هنا لكنت فكرت فعلا أشتري منها
خصوصا ال diamond.. 1600 DPI

ياريت في منها هنا :17:


تحياتي
JoOoKeR
22-11-2004, 09:14 AM
ما أنصحك أخوي بشرائها أولاً سعرها غالي جداً وحرام تقط 300 ريال في ماوس

انا عندي ماوس سامسوينج واللة ممتازة إلى أبعد درجة والحين لي تقريباً 6 شهور من شريتها وماشية وياي زي الحلاوة وسعرها ب45 ريال فقط

ومع العلم اني دايم ألعب ألعاب ولا مرة قطعت عندي
Atsmknv
22-11-2004, 10:09 AM
بالنسبة للماوس أخوي Black Virus فهي تختلف من شخص لأخر أنا مثلاً بالنسبة لي أهم شيء في الماوس أنها تكون كالتالي:-

1-ممسكها مريح ما يتعب اليد خاصة وأني أجلس على ألعاب الــ FPS بالساعات بدون ما أحس وسبق وعانيت من مشكلة ألم بيدي وطلع بعد كذا السبب من مسكتي للماوس.

2-أن تكون دقتها (resolution ) عالي ، حتى تريحك في موضوع التسارع وهو الإنتقال من وضع الوقوف إلى سرعة معينة ففي بعض الماوسات ما تفرق السرعة لو سحبتها إلى نصف الطاولة أو إلى أخرها يعني راح تصل لأخر نقطة أوقفت فيها يدك مع الماوس ولكن بسرعة ثابتة ، بعكس الماوس التي تكون دقتها عالية والتي راح يبين معك سرعة انتقالها واختلافها بحسب سرعة يدك وأفضل الأنواع التي تكون 800 DPI وأكثر ولكنها تكون غالية في الغالب.

3-أنها ما تحتوي على أزرار بوظائف إضافية غير الإعتيادية ( مثل اللي ارفقتها أنت للأسف ) وهي تحتوي في الجانب على زرين لوظيفتي Forward - Back وهي تنتقل في المتصفح بين المواقع ولكن في سطح المكتب تنتقل بين الإطارات المفتوحة وهذي عانيت منها في ماوس أحد الشباب حيث أني إذا لمست هذا الزر بالخطأ قام بتصغير اللعبة والإنتقال إلى إطار أخر :mad: .

4-أن تكون تناسب اليد التي تستعملها ( أيمن أو أيسر ) .

5-أن لا تكون قابلة للتلف بسرعة .

6-أن لا تكون لاسلكية، لأنها تبطأ في عملية الإستقبال عندما يكون الكمبيوتر في حالة بروسيسينج عالي مثل بدأ تشغيل الويندوز أو بدأ تشغيل لعبة أو الإنتقال من مشهد إلى مشهد بلعبة راح تلاحظ ان الماوس بدأ يقطع بشكل خيالي والسبب ليس منه وإنما من جهاز الإستقبال - هذا بالإضافة إلى موضوع الشحن أو إذا كان يستعمل بطاريات :06: .

أتمنى أني ما أكون أطلت عليكم ، وفي الرد القادم راح ارفق صورة الماوس التي استعملها وماشية معي تمام ولله الحمد:)
Atsmknv
22-11-2004, 10:17 AM
هذي هي الماوس التي أستعملها والتي وعدكم بإضافة رد خاص علشانها:-

مميزاتها:-

1-مصممة بمسكة طبية لا تتعب اليد ، قام بتصمميمها المهندس Philips Stark من شركة Microsoft .

2-دقة عالية تصل إلى 1000 DPI .

3-أزرار أيمن وأيسر كبيرة تصل إلى أكثر من منتصف الماوس ، حيث يعد المكان الذي تمسك به الماوس زر أيضاً والزر يعمل باللمس البسيط فقط.

4-إضاءة مميزة بالنصف وتأتي بلونين ( أزرق - برتقالي ) تختار إحداهما.

5-تناسب جميع المستخدمين سواءً الذين يستعملون أيديهم اليمنى أو اليسرى.

6-تستعمل وصلة USB2 .

7-Scrool Wheel سهل التحريك وعالي الدقة .

8-سعر مناسب جداً يتراوح بين ( 25 - 30 ) دولار أمريكي.

9-تعمل على جميع إصدارات Windows وأيضاً على أجهزة الــ MAC .

10-صور الماوس:-

http://store1.yimg.com/I/dirtcheapsoftware_1817_14990930http://store1.yimg.com/I/dirtcheapsoftware_1817_14931749


My Best Wishes:-

Atsmknv
Black ViRus
22-11-2004, 02:46 PM
مشكوور جدا على الرد الحلو أخ آتسمكنف ( ربع ساعة لين قدرت أقرأ اسمك :P )


أنا اللي يهمني أكثر شي بالماوس شيئين:

1. إنها تستجيب معي بنسبة 100%
2. إنها تعيش معي أكثر من سنتين.

هذا أهم شي

وأنا المشكلة إني عانيت الكثير من المشاكل من الماوسات اللي عندي، لأني أستخدم من نوع رخيص

وأكثر شي يقهرني هو إني ما أقدر ألعب صح والسبب مو إني ما أعرف ألعب، لا السبب هو الماوس

علشان كذا أنا قررت أحط فلوس العيد ( لووووووووووووول ) على الماوس حقتي، لأني أبيها تعيش معي كم من سنة

أنا الحين مفكر أجيب هذي الماوس:

Microsoft Intellint explorer

هذي سعرها 130 ريال وحلوة ومافيها كثير أزرار

و 800 DPI

أعتقد إني بروح على هذي الماوس

أو MS Intellient Version 4

شفت كل الشباب عندهم مثلها، بس ما عرفت من فين جابوها..

عموما أي واحد عنده خبرة بالماوسات أتمنى إنه ما يبخل علينا فيها..

تحياتي
Ti3gib
23-11-2004, 01:19 AM
انتظر لأنه متوقع ينزل ماوس لاسلكي جديد بمواصفات رائعة بقابلية أن ييرجع سلكي للألعاب ...
Cyber Master
23-11-2004, 01:49 AM
Atsmknv
من وين شريت الماوس ذي من النت؟
ADSL
23-11-2004, 01:58 AM
Black ViRus .. من خلال تجربة شخصية , أنا أفضل ماوسات Logitech على أي ماوس ثانية ..

صحيح إن أسعارها مرتفعة , لكن سعرها فيها :) .. ممكن هذا الموضوع يفيدك :
http://www.montada.com/showthread.php?t=305470&highlight=Logitech

ماوسات Logitech , عملية , وسهلة , وممتعة في الاستخدام , ومريحة , وتعيش لفترات طويلة , لكنها السلبية الوحيدة ارتفاع أسعارها ..

تحياتي ..
Atsmknv
23-11-2004, 02:18 AM
Cyber Master

لا والله أنا حصلتها عند مكتبة جرير بعد ما كنت أدور عنها في النت جاتني إلى محلي ، كان سعرها تقريبا حوالي الــ 190 ريال عندهم ، بس تراها تستاهل.

****************************************************************
Black ViRus
23-11-2004, 11:40 AM
أنا صراحة حابب لوجيتك

لأني أحس إنها أفضل من مايكروسوفت

تحياتي
New Horizon
23-11-2004, 12:21 PM
والله حمستني
خلاص بروح أستري واحد بدل الويل درايف

بس هل يجي معاها كيبورد؟؟؟؟
BeaUnkill
23-11-2004, 03:18 PM
بصراحة موضوع جا في وقته http://montada.com/images/smilies/new_icons/biggrin.gif .. انا بصراحة برضو لي اسبوعين ادور في الاسواق ابي اشوف وش الماوسات الموجودة ( انا ساكن بالدمام ورحت للخبر في شارع الملك فهد ورحت ابراج الدوسري ) ولقيت الماوس الي قال عليها اخوي atsmknv الي من ميكروسوفت .. بس ما سالت عن سعرها ..


ولقيت ماوسات من شركة A4tech وشفت كمان من لوجيتيك .. وبصراحة احترت .. والي دخل مزاجي ماوسات جينيوس . فعلاً شكلها رائع وباين عليها مريحة وسعرها في حدود الــ 50 الى الــ 70 ريال !! http://montada.com/images/smilies/new_icons/08.gif

:


http://www.geniusnet.com.tw/product/product-1.asp?pdtno=380 (http://www.geniusnet.com.tw/product/product-1.asp?pdtno=380)

:


ومعليش بس كتبت الردد بشكل سريع .. ان شاء الله اذا فضيت اجيب لكم صور الماوسات الي شفتها بالسوق .. وبصراحة موضوع جميل .. وراح يفيد ناس كثيرة http://montada.com/images/smilies/new_icons/biggthumpup.gif

:



بالتوفيق ..http://montada.com/images/smilies/wink.gif
booboo
23-11-2004, 08:03 PM
انا قبل شهر اشتريت ماوس microsoft intelli point 4.0 وفيها زرين على اليسار بس الزرين ساعدتني كثير حطيت واحد يسوي ديك والثاني واك او يمدي ما تحطه يسوي شي ما راح يخرب عليك ومسكاتها زينه مره يعني ريحتني مراه انصحك تشتريها
dungeon
24-11-2004, 01:09 AM
Microsoft منزله وحده تدعم تقنية (البلو توث) تعتبر افضل واحدث من وصلة الـ RF .. ولكن لا ادري اذا هي مناسبة للألعاب ام لا
الموقع http://www.microsoft.com/hardware/mouseandkeyboard/productdetails.aspx?pid=032
تحصلها عند جرير..

معلومة عن قطعة البلو توث :
تعطيك مدى 100 متر ... حسب قطعة البلو توث اللى عندك
فيه نوعان منها متوفر في اسواقنا Class 1 و Class 2
Class1 يعتبر الأفضل
B@TTo$@i
25-11-2004, 05:07 PM
بيني وبينك على ترى الماوسات على حسب الاستخدام
ان كان الماوس بتستعملها للتصفح..اختار اللي تبغى
لكن ان كانك تبغـى ماوس للجيمز Like Counter Strike
Take "Microsoft Explorer Mouse..3.0
Thats da best mouse for games
Maby All of -sGs- & Digital Knight Players Take it or The Black
---------
http://store1.yimg.com/I/dirtcheapsoftware_1817_14931749
--------
بالنسبـه للماوس اللي فوق هذي..ماتصلح لشي..الا ان كان راعيها مجـرم..يمديه ياخذها ويتهاوش فيها
انا شايف جينيس مثلها ب 15 ريال..مافيها اي مميزات الا ال كلك حقها على كامل الماوس
يعني راح تسبب لك بلاوي
BLACK _G
25-11-2004, 09:27 PM
السلام عليكم

انا أملك InteliMouse Explorer 4.0 لكن مو مرتاح مره

1-السكرولر سريع بصوره غير طبيعيه وفي نفس الوقت حساس جدا والحساسيه هذه تعتبر خاصيه في الماوس لكن للأسف لم تأتي بالشكل المطلوب خاصة في العاب اذا بغيت تبدل بين الأسلحه والادوات (ماكس بين 2 على وجه الخصوص) بالاسكرولر راح تتعذب يعني لمسه وحده عليه تكفي انه يختار السلاح العاشر :28:

2-زر الاسكرولر ناشف تحس لمن تضغطه انك كسرته !!!

فوق كل هذا سعره 179 ريال سعووووودي :31: من عند جرير الحراميه :12:




والماوس للبيع :08:
Riot
25-11-2004, 10:17 PM
السلام عليكم

انا أملك InteliMouse Explorer 4.0 لكن مو مرتاح مره

1-السكرولر سريع بصوره غير طبيعيه وفي نفس الوقت حساس جدا والحساسيه هذه تعتبر خاصيه في الماوس لكن للأسف لم تأتي بالشكل المطلوب خاصة في العاب اذا بغيت تبدل بين الأسلحه والادوات (ماكس بين 2 على وجه الخصوص) بالاسكرولر راح تتعذب يعني لمسه وحده عليه تكفي انه يختار السلاح العاشر :28:

2-زر الاسكرولر ناشف تحس لمن تضغطه انك كسرته !!!

فوق كل هذا سعره 179 ريال سعووووودي :31: من عند جرير الحراميه :12:

والماوس للبيع :08:

انا استخدم Microsoft Intelli explorer1.1 ومرتاااااااااج جدا ً معاها

هذه صورتها
http://www.ixbt.com/peripheral/microsoft/omouse-blue/3d.jpg

والسكرول من ابدع مايكون خفييييفه مره وايضا ً ظغطتها سهلة .. يبغالها لمسة بس ! اعتقد ان جميع intelli explorer ممتازة بس انت شكلك تتعامل بنوع من التسرع والعنف ! :shock22: :D :tongue2:
باهاموث
26-11-2004, 07:52 PM
شوف هذي الماوس
http://www.microsoft.com/hardware/mouseandkeyboard/productdetails.aspx?pid=008
من مايكروسوفت ماوس خفيفه وسهله وغير كذا مريحه مرره ولا فيها ازره زياده وسعرها 99ريال من جرير
انا اشوفها احسن ماوسه عمليه من غير التعقيدات اللي تتكلمون عنها !!
Black ViRus
28-11-2004, 03:40 PM
شكرا للجميع على الردود

أفدتوني جدا

بالأخير مالي إلا مايكروسوفك V.4

تحياتي
General_Sameh
29-11-2004, 08:41 PM
صدفني هاي الماوس صار لها عندي سنتين ونص وماشية زي الحلاوه
وحقها 20 دولار بس مع الباد تبعها


http://www.buyextras.net/images/products/mouse/microsoft/wheel-mouse-optical.jpg