مراسلات ثمينه للسلوم والقاسم والسديري

[عزي لمن مثلي]

من أجمل بحور الشعر المراسلات بين الشعراء قديما وهذه مشاركه أرجو أن تحوز على رضاكم...
الأولى بين الشاعر المرحوم عبدالله السلوم وخاله الشيخ/ عبدالرحمن ابن قاسم العنقري:


عبدالله السلوم:
ســـلامـي عدد مــا لاح مــن بــارق بــخيال..... خـــيـــال تـــزبــــر والمطــــر مـنـه همــالي
وعدد ما سعى الساعي وماطاف من رجال..... وعدد من رمى الجمره عـقـب شـهـر شولي
على الشاعر اللي في الـهيـاثم بغي ضــلال..... تريّح عقب ما شــرف على الـمـرقب العالي
مشى مع طــريق الغي ومن الغـرام اكـتـال..... نـصـيـبه خــذه من جــملة المـردّ والــحـالـي
مضى له تجارب وعرف الفرق في الأزوال..... أنــا بـنـشـده حـيـثـه بـخــيــص بـالأحــوالــي
ابـنـشــدك يــا شـاعــر لعـلـك تـحـل اشـكـال..... وانـا ضــن مـثـلـك لـلـمــهــمــات حـــلالـــي
أنـا ضـاع وقـتـي فـي رجــا واحــد مـحـتـال .....ابــي مـنـه مـطــلـوب وهــو مــا تـهــيــالــي
وصـوفه غريـبه جنس من نوع على العال .... يـعــذبــك فــي حــبــه وهــو دالـــه ســالــي
يـمـنـيــك بوعــود تـشـبـه ســـراب الـلال........ فيلا قـلـت ابـقـرب صـد عن وجـهـك ومـاـلي
وأنـا عـقـب عـرفـه كـل ما شاهد أم شوال..... اعــاف الحـيـاة وقـبـل هــالــعرف تـحــلالـي
وأنـا عـقـب عـرفه يـاكثر ما ابدع الأمـثال...... افــرّج بــهــا واطــــرد بـهـا ظـيـقـة الـبـالـي
ابنشدك حيثك تـبـخـص الـواو هـي والـدال...... وابــي حـــل مـنـك تـرســلـه لـي بـالأمـثالي
أقـضـّي حـيـاتـي هـس والا أبـعـد المـنزال...... أنـــا احــتــرت كــثــر هــمــي وغــربـــالــي

رد الشاعر ابن قاسم:
هلا بالكتاب الـلي لفى من عريـب الخـال..... عـريـب الـجــدود ومـاكــره ماكـر عـالـي
هـلا به عدد ماجـابـو صـط النـفـود رمـال..... وعدد ما مشى في نجد من حافي ونعالي
على الشاعر اللي في جنوب الوشم نزال..... مـعـه للـهـوى وزن وقيس ومـكـيــالــي
لـفـا في كـتـاب مـنـك تـشـكي عـلي الحال..... وابـعـطـيـك حـلـه والله أعـلـم بـالأحوالي
دروب الـمـوده تـتـعـب الـعاشـقـيـن طوال..... وكـم واحـد يـتـعـب ويـركض على الخالي
تـحـمـلت حـمـل يا ابن ســلّـوم مـا ينشال..... حـمـول الـهـوى مـاهـيـب بـالـعـزم تنشالي
الـى جـيـتـا تـرقـا مـرقـب طالـع المحوال...... قـبـل تـرتـفـع وتـعــد فــي نـايــف الـجالي
صديقك الى أقبل لك فراعه وعطه اقبال...... ويـلا صــد عـنـك فـصـد تـلـقـى لـه أمثالي
زمـان تـغـير صـار لـبس الشباب أشكال....... وانـا أقـول حـي اللـبـس الاول ولا التالي
أنــا فـضّــل اللي لـبـسها بـرقـع وجـلال........ لـطـيـف الـحــشا مــاقــال ذلك ولا ذالــي
هواهم على القانون ماهوب جمع ريال....... سـوالـيـف ودلال تـقـرب عـــلى الصـالي
تـصـبر عـلى ما جا وخلك وسيـع البـال........ ولا بــد مــن يـــوم بـــه الـغـيـم يـنـجـالي
تـذكر عـلـى اللي مـضـى مـثـل في زال .......ولا عـــاد لـــي مـن عــقــّب الـفى مقيالي
أنــا بـعـت حـقـي مـن زمان بـربع ريال........ فـنـون الـهـوى مـا عـاد تطري على بالي

أما الثانيه فهي مراسله شهيره بين الشاعر عبدالله السلوم والأمير محمد الأحمد السديري - رحمهما الله -

قال السلوم:

بـاقـي من الـذكـرى رسوم للاطلال.... هـــوج الريـــاح العــاتـيـه ما محتها
أظـنـهـا تـبـقــى علـى مرّ الأجــيـــال... تـفـيـد عــن قــدرة يــديــن بــنـتـهـــا
رض نشا فـيـها مــن الـخـلـق نــزال... وشخص عشقته عاش في ناحيتها
ان غبت عنها شفت من ضيقة البال... مــا يـلـحق الـنـفـس الـعليله عنتها
وان جيتها عقب التباطي والامـهــال... فــرجـلـي تسيـر الين تاصل جهتها
واقف عليها وارسل الطرف يـجـتـال... والـرجـل مـا كـن الـبسيـطـه تحتها
تـمــوّج كــنــي واقــف فــوق زلـزال... وعـيـنـي تـضــيـق بعـبره حابستها
اخــاف يــدري بـــي حـسـود وعــذال... حــيـث العـيون دمـوعها هي لغتها
ياشـيـخ واقـلـبـي عـلـيـه الصبر طال ..وراحـــت مـسـراتـه ســريع فوتها
يا شيخ كـلـن قـدر مـا يـحـتـمـل شــال.. وانا حـمـولي كـيـف نفـسي قوتها
نـفـسـي لـهـا عـن لـذة الـعـيـش سلال.. تـتــوق لاخــبـارالــقـديــم وسنتها
والا الـغـرام بـعـشـقـتـي طـقـة الـجـال.. واصــبـح جـنـازه وسنـيـن قبرتها
ولا عـاد لي ملـحوظ فـي الواو والـدال ..فلّت يدي صفحه والأخرى طوتها
واصبحت من عقب المخاطر والأهوال.. أجـنــب الــحيّـــه وأعاف شجرتها
يــامـيـر بـيّـنــت الـسـبــب لــك ولا زال.. في النفس حاجه وانكفت ما قوتها
يامير شـخـص يـاصـل الـحـبـل بـحـبــال.. وشخـص يسّره يوم يـقـطع بتتها
وانـت الـعـديـم مـعــرب الجـد والـخـال... ونفسك مراقيب الشهامة عـلـتها
خـذهــا شـهـادة واحــد مـا بـعــد قــال... كـلـمـة نــفــاق يــرتــجـي منفعتها
والناس يـابـو زيـد مــن كـل الأشـكـال ...من شاف عثرة عاشر ما غمتها
الا الـذي مـا لـلـردى فــيـــه مـدخــال... هــذاك أبــو نـفـس يـحـصل بختها
وقــت مـضـى لـه حال واليوم له حال... وأرجي من المولى حسن خاتمتها

جواب الأمير السديري:

لا بـاس يا لابـس من الـود سـربــال.... ياللــي بـيـوتــك حـكـمـتـك فاتـلــتـها
مثل الذهب ما أضعفت بيت ولا مـال..... مـن الـجـواهـر فـيض عقلك نحتهـا
أبيات عن شـعـر لـغـيـرك بها انـفـال.... أبـدعــت فــي أولــهـا وفــي تاليتها
ماجور يا شـاكـي هـوى زين الاقبال..... الــجــادل الـلي يــعــوج رقـبــتــهــا
الـيـاس لا يـبــعـدك يا ذرب الافـعـال..... أتـعــب قدم رجلك على ما اشتهتها
الـرجـل سقها بالـرجا واطـلب الفال...... وسـعـدك بـأتــلى خـطـوة قـد خـطتها
وانا معك بالحـال والـراي والـمــال .....وأرجي عسى المولى يحلّ اشركتها
اقطف زهـر ما لاق والعمر بسمال .....ولـحـق هــوى روحـك لروح رجتها
عب الهوى عبّه على كـل الاحـوال...... واخـلـص لمن بالود عـيــنك بـغـتها
اشرب يا بن سلوم من در الاهجال...... والـــروح وصــلــهــا لــدار دعتـها
الـنـفـس روضـها والايـــام بـاقـبـال..... توذيــك كـان ان الهـموم اسهجتها
وعن الكرى عيني بها ذعر واجفال..... وشــواطــن مــن سهرها داعبتها
شـواطــن مـا بـيــن نــازل ورحــال..... الـبـارحه يـوم ان الطواري حدتها
يــوم انـهـا شـافـت غريبات الامثال..... أبيـات مــن نــظــم غــريـب قرتها
تـاهـت لـنـجـم الجـدي بالليل تختال ......وسبع النعايم كــنــهــا حاضــنـتـها
العين هاجت واصبح القلب يجـتال...... وذكـــرت دار قـــبــل رجـلي وطتها
أنـشد وتلـقاني مــن الحـب مكـتـال...... وعيني غزيرات الدموع اذرفــتـها
يجذبني الهاجوس في راس ما طال..... وكــم هضبته رجل العنا مشرفتها
ولي بين حرف الواو والدال مدخال.... أهــيـم بــريــاض الغرام وسـعتها
لو كـنـت بـأيــام شـديـد بـهـا الــلال..... الـنـفـس لـــذّات الـهـوى ما نستها
عسى يسقـيها مـن الـغـيــث هـمـال..... مــن مـزنــة تمطر والاخرى قفتها
شوف الزهور وريحها ينعش الحال ....وكم غرسه بـيـدي قطفت أثمرتها
لـلـريـم فـيـها يـابــن سـلـوم مدهال..... وغـــر الــمزون بـوبلـها علـلـتها
شاحت لها عيني وقـلبـي لـهـا مــال.... تـذكــــرت خــلانــهــا واعرفتـهـا
شاحـت تراعـي للروابـي والاقـذال..... بـأيــام طـــرد الــصــيد ياما رقتها
يالقـلـب ذكراها صبغ صبغة الخال..... فــي خــد عـذرى خلـقة الله زهتها
وروحـي مغـذيها على كل سلـسال...... وبـيـض الـكـواعب بالشفايا غذتها
لبست طاس ودرع عن كل الابطال...... والروح أوصّلها مقر شــهــوتــها
مـتـسلح عن كـــل نــمــر وـيــبــال .....والــحــيــه الرقطا نقلت أخرزتها
للــودّ نـسـري والحـواسيـد ذهــال ......والرجل خــطــرات التنايف مشتها
عسى يابن سلوم تـفـداك الانــذال...... أهــل قصور للــردى شـيــدتــهـــا


أرجو انني أسعدتكم وأرجو من المهتمين بشعر المراسلات الغنيه بالمعاني والحكم المشاركه
ولكم تحياتي,,,,,