المساعد الشخصي الرقمي

مشاهدة النسخة كاملة : نقاشات الجوالات هل الـ i-mate متوافق 100% مع النوكيا


أبو الغضب
28-11-2004, 05:06 PM
السلام


شباب انا ناوي على جهاز جديد انشالله عن قريب بس اني محتار بين الـ 6630 والـ i-mate الجديد ؟؟


عندي سوأل عن الـ i-mate ؟ هل يستقبل ويشغل جميع ملفات الملتي ميديا من النوكيا ...؟ يعني مثل ملفات AMR , Rm , 3gp .

وياليت بالمره تعطوني معلومات كامله عن الـ i-mate وعن استخدامه وهل هو عملي ولا لا ؟
auronxxx
28-11-2004, 07:34 PM
قبل كل شيء لازم تقول لي ليش تبي تشتري الاي ميت ؟

هل لاستخدامه ككمبيوتر

او كجوال مثل اي جوال من نوكيا لكن شكل والسعر والافتخار ووو ^^

(وعلى فكرة هو يشغل ريل ون ويشغل 3gp ويشغل amr بطريقة او ببرنامج)
أبو الغضب
28-11-2004, 11:06 PM
:) والله ياخوي انا احب يكون استخدامه كجوال وككمبيوتر :D خصوصا المذكرات والملاحظات
واحب انه يكون له برامج متنوعه وطبعا ياليت لو تقولي إذا فيه EMUs حق النيتندو والسيجا :tongue2: لانه بعض المرات أحس بالملل في الدوام ولازم اسلي نفسي
auronxxx
29-11-2004, 09:50 PM
جيد^^
يعني تبي تستخدم ميزاته ككمبيوتر
بيفيدك وبيطير عنك الملل^^ فيه مشغلات للاجهزة اللي ذكرتها (تلاقيها في توقيعي)
وإذا بتاخذ حاول ما تاخذ الاي ميت الجديد ابو كي بورد لانه ما يفرق كثير عن القديم
أبو الغضب
29-11-2004, 10:02 PM
يعني تنصحني اخذ القديم ؟؟ طيب ليش .... مش الجديد أسرع والنظام فيه مطور :33:
auronxxx
01-12-2004, 01:13 PM
اسكت يا رجال كل الناس على بالهم ان الجديد اسرع ونظامه افضل لكن خرطي

سرعت المعالج400 في الاثنين
الممري 128 في الاثنين
والحجم الجديد اثقل لانه يحتوي كي بورد وكم شيء
والميزات الجديدة في الجديد
الكي بورد (ما حصلت منه فايدة للكتابة)
والواي فاي (بالله عليك انت تعرف معنى الواي فاي علشان تشتريه لهذا السبب^^ )<==وإذا اصريت انك تاخذ واي فاي تقدر تشتري قطعة ب400 ريال للواي فاي تشبع فضولك^^
وكم برنامج تقدر تركبهم بنفسك مثل الفاكس
وشوف انت السعر
القديم ب2600
والجديد ب3500!!!!!!!!
نظام التشغيل
الاول وندوز موبايل 2003
والثاني وندوز موبايل 2003 se (سكند ادشن)<==من ابرز ميزاته انه يقدر يعرض الشاشة بالعرض (لكنها مب عملية مثل ما كنت اتوقع)
ونظام التشغيل الجديد هذا ما جاب لنا إلا كل شر (كثير من البرامج ما تشتغل عليه)
غير انه ابطا من نظام التشغيل اللي قبله
وعلى فكرة من اهم اسباب اصداره تصنيع الشركات لبوكت بي سي بشاشة VGA (اربع اضعاف وضوح الشاشة العادية) فعلشان يستغلون ميزاتها اعطوا قدرة للشاشة لعرض المعلومات بعرض الشاشة (في شاشة vga تفيد لكن في شاشاتنا العادية ما تفيد لهذي الدرجة)
ولو تلاحظ التسمية wm 2003 se مع انه نزل في وسط 2004 او اواخره!! (يعني على الاقل يسمونه وندوز 1004)
لكنه ما يفرق عن النظام القديم إلا باشياء بسيطة
وهم الحين يشتغلون (او خلصوا) على نظام جديد بينزل 2005 يدعم بشكل جيد شاشات vga الكبيرة وفيه الكثير من الميزات الكبيرة اللي تخليه يستحق الانتظار (ومن اهم الميزات انه احتمال ينزل معرب بالكامل !!وفيه دعم للالعاب ثلاثية الابعاد)لكنه طبعا بعيد انه ينزل (إذا هذا 2003 se توه نازل ذاك متى بينزل^^)

يعني اما انك تشتري الاي ميت القديم (وميزاته ممتازة على فكرة)
او انك تشتري الاي ميت اللي نزل توه (إذا نزل عندنا )
اي ميت جام
لانه ميزاته مثل اللي قبله لكن بدون واي فاي والممري 64 (صدقني ما يفرق) وحجمه صغير واصغر من اللي قبله (ركز على الحجم) وسعره ممتاز 2500
وانا كنت افكر لي في واحد على فكرة لكنني شفت ان اللي عندي كفاية وزود^^