مشاهدة النسخة كاملة : واضرساه ((2))
Chandler
26-08-2001, 07:17 PM
اليوم رحت لموعد الاسنان....
الدكتور امريكي والممرضات فلبينيات....
يعني اللي ما يعرف انجليزي يضيع...
المهم ما اطول عليكم...
اسمعوا السالفة من طقطق الى سلام عليكو...
==================
اليوم: الاحد
الساعة: 11ونص
ام ناف: نوااااااااااااااااااااااااااااااااااف....
انا مع الروعة تعلقت في السقف تقول كاني قطو....
ناف: سمي
ام ناف: موعدك يا الدلخ اليوم...
ناف: يوووووووه...كنت احسبك نسيتي...
ام ناف: ايييييييييييييش...
ناف: لا ابد سلامتك...بس كنت اسأل الموعد متى...
ام ناف: الموعد بعد نص ساعة يا الدبشة....
ناف: يوء....خلاص ما يمديني...خليني انام....
زوووووووووووووووووو...طااااااااااااخ....(هذا صوت الجزمة الكعب حقت امي وهي تتلزق فيني)
ناف: (وعينه مورمة) آآآآآآه.....ليه
ام ناف: انت ما ينفع فيك الا العين الحمرا...يله رح خذ لك دش ريحتك تقوم الميت....بعدين روح للموعد....يله
ناف: ان شا الله ان شا الله.....(الخوف يسوي الهوايل)
طبعا اخذت لي دش وانطلقت مسرعا الى العيادة وانا ادعي ربي اني اوصل لها وهي محترقة....
وصلت....ولقيتها سليمة معافاة....يعني الا بالقوة اروح للموعد...
وادخل عليهم وانا نفسي في خشمي...انتظر احد يكلمني عشان افقع له وجهه....((بس محد كلمني))..
رحت للرسيبشن (الاستعلامات للقراوى)...ولقيت حرمة (هذي عاشر مرة اجي للعيادة...وتوني اكتشف انها حرمة)
الحرمة: اهلا نواف...كيف الحال....((عارفتني من كثر ما اجيهم))
ناف: لا اهلين ولا سهلين....دخلوني على الدكتور بسرعة ابغى اخلص...
الحرمة: (وهي تبتسم على بالها زينة)...ليه مستعجل استريح شوي...
ناف: منيب قاعد...ولو سمحتي لا تبتسمين....تراك شينة....بسرعة دخليني على الدكتور....
جتني الممرضة ودخلتني على الدكتور...
الدكتور: مرهبا نواف كيف الهال إنتا كووييس <=== امريكي وعلى باله يتكلم عربي
انا: كويس...بس دكتور اليوم (آي دونت وانت مشاكل وبنج وألم....او كي)
الدكتور: ok....يله سيت داون...
انا ما امداني اقعد الا والمح بطرف عيني الدكتور يأشر بعيونه للممرضات...بس انا مانتبهت لهم الا متأخر....على طول انقضوا علي وكتفوني....كل ممرضة ماسكة رجل....واشوف الدكتور يطلع ذيك الابرة الحديد اللي طولها 7 متر.....
انا قلت هذا بيذبحني....اهرب احسن لك يا نواف.......
بس المشكلة انهم ماسكيني صح....يعني ما اقدر اتحرك....
الدكتور: مافيه موسكيله (= مشكلة)....ما فيه ألم...
ناف: ههههههه...ضحكتني...اجل المرة الفاتت ما فيه الم....تلعب علي...وبعدين هذي الابرة اللي في يدك....مختلفة عن القديمة...لييييه؟
الدكتور: هأ هأ هأ هأ..(ضحكة غريبة تقول كأنه واحد عنده ربو)
ناف: اقول انت ليش متغير يا دكتور....
والمح ذيك النظرة الغريبة....قلت هذا الدكتور بيذبحني...اكيد بيذبحني..
لكن...لاااااااااااااااااا....روحي غالية....واقوم اعطي الممرضة الاولى رفسة طيرتها من الشباك...
والممرضة الثانية...يوم جيت ارفسها....طلعت تلعب كاراتيه...وبعدت عن الرفسة...
عاد ان مع الخوف تضاعفت قوتي ونشاطي...
وتجي الممرضة بتضربني...لكن انا انزل راسي واسوي فيها سفلكس خلفي...
وما بقى عندي الا الدكتور...(معه الابره)
الدكتور: (وهو يهجم علي)....نيااااااااااااااااا
واستقبله على ركبتي...واضرب يده عشان تطيح منها الابرة...واعطيه ركب وبقوس و...و...و...
نواف....يله قوم...نواااف...((امي الاصلية وهي تقومني))
طلع كل هذا حلم...
ورحت للدكتور.....وخلصت بدون مشاكل....
والحمدالله....
=====================
على فكرة....ترى الموعد صدقي....واليوم خلصت منه....
بس اللي مفرحني انه آخر موعد.....والحمد لله....
CARLA
26-08-2001, 07:22 PM
ههههههههههههههههه
حلوه بس تدري كنت اعرف ان دكاترة الاسنان عندهم ميول انتحاريه مو ميول اجراميه:D :D :D
الجليله
26-08-2001, 07:23 PM
الحمدلله على السلامه:p :)
نور محمد
26-08-2001, 07:28 PM
بسم الله الرحمن الرحيم
السلام عليكم ... :) وأنا كمان رحت لطبيبة الأسنان
عبير .. ?: وبكرة كمان عندي موعد .. الله يساعد .. لا
وبعد مو طبيبة .. :واو: طبيب ..
الحمد لله على السلامة .
الحمد خلصت كل مواعيدي و ستوت أسناني مثل هاي :D
Chandler
26-08-2001, 07:37 PM
كارلا...
انا كنت احلم كذا عشان عقلي الباطن ما يطيق الدكتور....حتى عقلي الخارجي ما يطيق الدكتور...عشان كذا...عقلي الباطن...(الله يخليه لي) سوا لي حلم عشان اقدر اطلع حرتي في الدكاتره كلهم...
الجليلة...
الله يسلمك...
سوسن...
انتي وش قصدك بالدكتورة عبير....لا يكون اسم الدكتورة عبير..؟؟...طيب الدكتورة هذي وينها فيه..؟؟...يعني هي في الرياض...
لأني اتذكر وانا صغير...كان فيه دكتورة تعالج اسناني...وكان اسمها عبير...انا الحين ودي اشوفها عشان افقع وجهها...ما كانت تعرف شي اسمه طب....كسرت لي اسناني....:غضب: :غضب:
CARLA
26-08-2001, 07:43 PM
طيب يمكن ما تعرف هذا الخبر
عينت بمنصب دكتورة المنتدى
اختصاصي :مخ واعصاب
لان اعضاء المنتدى دايما مشاكلهم في امخاخهم واعصابهم
احين انا مشرفه على حالة الفير:D
نور محمد
26-08-2001, 07:46 PM
:) ناف هاذي الطبيبة عبير .. هي مرة حلوة ولطيفة .. وطيبة
بس هي .. داائما تألمني آآآآآآ ?: .. وتقول عسا ماوجعك .. وأنا
أقول .. لا لالا :o .. مع أني بموت ما أقدر أتحمل .. الوجع :) وهي
طبعا .. مو في الرياض .. هي في الحسا ..
الجليله
26-08-2001, 07:47 PM
مااشوف الا احنا البنات
الاولاد قلبهم قاسي:)
Chandler
26-08-2001, 07:53 PM
هاين...
الله يسلمك...
كارلا...
خليك من الفير...والله حالته مستعصية...
الجليلة...
ما فيه الا البنات يرحموني...انتي ماشاء الله عليك قلبك رحيم وابيض...
سوسن...
اهااا...
لو انها عبيرووه اللي اعرفها...كان ما تروحين لها الموعد الجاي...الا ووجهها مفقع...
CARLA
26-08-2001, 07:56 PM
عندك حالات ثانيه
مممم....ممكن اعينك طبيب مساعد:D
انت صادق كل مانتقدم في مرحله من العلاج يقوم يحوس الدنيا ونرجع من البدايه:o
الجليله
26-08-2001, 08:00 PM
كتب العضو (الدرعي)
كيييييييييييييييييييف:غضب:
احنا قلوبنا قاسية :(
الله يسامحك احنا حبينا ما ندخل لان هذا الكلام شفناة كلام بنات :أفكر: :أفكر: :cool:
ايوه قلوبكم متحجررررره
ولاتقلب الموضوع شات:)
Chandler
26-08-2001, 08:07 PM
كتب العضو (الجليله)
ايوه قلوبكم متحجررررره
ولاتقلب الموضوع شات:)
مين هذا يا الجليلة...
الدرعي..؟؟؟؟
اول مرة اشوف اسمه...
وانا ما شفت رده..؟؟؟
بس وينه...
وش قصده كلام بنات...
يعني انا بنت..؟؟؟:غضب: :غضب:
الجليله
26-08-2001, 08:09 PM
كتب العضو (naf)
مين هذا يا الجليلة...
الدرعي..؟؟؟؟
اول مرة اشوف اسمه...
وانا ما شفت رده..؟؟؟
بس وينه...
وش قصده كلام بنات...
يعني انا بنت..؟؟؟:غضب: :غضب:
حتى انا اول مره اشوف له رد
بس ماادري اذ كان يقصدك بنت:)
CARLA
26-08-2001, 08:20 PM
ماتطلع عندي ردوده يالجليله بس يطلع في القائمه حقت المنتدى العام انه رد على لموضوع ولما افتحه ما الاقي الا النسخ اللي نسختيه!!!!?: ?:
الجليله
26-08-2001, 08:22 PM
كتب العضو (CARLA)
ماتطلع عندي ردوده يالجليله بس يطلع في القائمه حقت المنتدى العام انه رد على لموضوع ولما افتحه ما الاقي الا النسخ اللي نسختيه!!!!?: ?:
لأنه كل مايكتب رد يحرره
خايف من نواف:D
CARLA
26-08-2001, 08:27 PM
اها علشان كذه حسبت الخللمن الجهز ولا المنتدى اثر الخلل منه هو
كبرتي راس ناف الحين ولايرد علينايالجليله:D
الجليله
26-08-2001, 08:28 PM
ياويلنا قلبنا موضوعه شات:D
CARLA
26-08-2001, 08:29 PM
الخللمن=الخلل من
الجهز=الجهاز
اخطاء مطبعيه:)
CARLA
26-08-2001, 08:31 PM
اذا جا نشرد طيب:D
thamer_77
26-08-2001, 08:31 PM
الحمد الله على السلامه
الجليله
26-08-2001, 08:33 PM
كتب العضو (CARLA)
اذا جا نشرد طيب:D
لا لا عادي نواف طيب:p :D ;) :)
CARLA
26-08-2001, 08:36 PM
طيب ممتاز
ايوه......كيف حالك ايش اخبارك؟
عشان يصير شات من جد;)
الجليله
26-08-2001, 08:37 PM
كتب العضو (CARLA)
طيب ممتاز
ايوه......كيف حالك ايش اخبارك؟
عشان يصير شات من جد;)
الحمدلله طيبه
كيفك انتي
اشتريتي شي للمدرسه؟?: :D
الدرعي
26-08-2001, 08:41 PM
كتب العضو (الجليله)
لأنه كل مايكتب رد يحرره
خايف من نواف:D
يكون في علمك انا ما أخاف الا من الله :غضب:
اسمعو سالفتي:
انا دخلت على رحت على منتدى الالعاب وبعدين شفت اسم ( الجليلة ) في ( اخر مشاركة ) فى المنتدى العام مال الالعاب وبعدين وداني الكميوتر الى ملف الجليله ورحت على اخر مشاركة (هذا في ملف الجليلة) (واضرساة (2) ) ودخلت الموضوع وتصفحت الموضوع بسرعة ولم انتبة الى اسم ناف وبعدين شفت الجليلة تقول (ما في غيرأحنا البنات والاولاد قلبهم قاسي ) فانا حسبت الموضوع كلة رادين علية البنات فسويت الرد وبعدين انتبهت الى الاسم ناف فحذفت الرد :D
واسفييييين:أفكر: :أفكر: :أفكر: :أفكر: :أفكر:
CARLA
26-08-2001, 08:42 PM
انا بخير والحمد لله
المدرسه هذي حكايتها حكايه
فصلت المريول بس وغير كذا ولاشي سويته وشكلي ماراح اشتري اشياء المدرسه الا قبلها بثلاث ايام:o
الجليله
26-08-2001, 08:46 PM
كتب العضو (الدرعي)
يكون في علمك انا ما أخاف الا من الله :غضب:
اسمعو سالفتي:
انا دخلت على رحت على منتدى الالعاب وبعدين شفت اسم ( الجليلة ) في ( اخر مشاركة ) فى المنتدى العام مال الالعاب وبعدين وداني الكميوتر الى ملف الجليله ورحت على اخر مشاركة (هذا في ملف الجليلة) (واضرساة (2) ) ودخلت الموضوع وتصفحت الموضوع بسرعة ولم انتبة الى اسم ناف وبعدين شفت الجليلة تقول (ما في غيرأحنا البنات والاولاد قلبهم قاسي ) فانا حسبت الموضوع كلة رادين علية البنات فسويت الرد وبعدين انتبهت الى الاسم ناف فحذفت الرد :D
واسفييييين:أفكر: :أفكر: :أفكر: :أفكر: :أفكر:
لاتألف
انت خايف من نواف
طيب لي حذفت ردك؟:أفكر:
CARLA
26-08-2001, 08:50 PM
خلي الولد لحاله يالجليله هو اعتذر:)
الدرعي
26-08-2001, 08:56 PM
كتب العضو (الجليله)
لاتأسف
انت خايف من نواف
طيب لي حذفت ردك؟:أفكر:
يا بنت الحلال سبق وجلت اني ما اخاف غير رب العالمين والي يبي يهاوش على ايميلي :
aldri99@yahoo.com
الجليله
26-08-2001, 09:04 PM
كتب العضو (الدرعي)
يا بنت الحلال سبق وجلت اني ما اخاف غير رب العالمين والي يبي يهاوش على ايميلي :
aldri99@yahoo.com
:) :)
الدرعي
26-08-2001, 09:19 PM
كتب العضو (الجليله)
:) :)
?: ?: ?: ?: ?: ?:
GEMS BONED 007
26-08-2001, 09:50 PM
..........
أقول ناف ........
أنت تخاف من أطباء الأسنان منهم للدرجة هذي ...?:
عاد انشاء الله راح الألم اللي بسنونك :)
و على العموم ناف ... سلم لي على أمك ;) .... وقلها كذا العيال ما ينفع معهم إلا كذا :D
Chandler
26-08-2001, 09:57 PM
الجليلة....وكارلا...
انتو احرجتوني بكلامك....بس بلييييييز لا تقلبون الموضوع تشات....
وبالنسبة للاخ الدرعي....
انا متفهم وضعك...وفاهم وش قصدك....والجليلة قصدها المزح فقط...يعني لا تاخذ كلامها جد....
ثامر...
الله يسلمك...
جايمس بوند...
انا اللي اقصده مو خوف....<==== بدا النصب...
هو كره...سببه لي الالم اللي سواه لي الدكتور....:D :D
داج2222
26-08-2001, 10:01 PM
كخخخخخخخخخخخخخخخخخخخخخخ يالحفله:D
سكوال
26-08-2001, 10:07 PM
ولله الحمد ...
انا كل دكتوره ادخل عندها ...
تقول لي \
يا فهد .. انت اسنانك مثل صف اللؤلؤ ..... ماشاء الله
مالاحظتم حاجه ...
مااددخل الا على دكتورات ........ وكلهم سعوديات ..
مو مثل بعض الناس .. بس فلبينيات ..
____( الواسطة تلعب دور) _____
بعدين انا عارف ان كل واحده منهم زهقانة مسكينة من هالبشر الي اسنانهم تروع (مايعرفون اختراع اسمه فرشة ومعجون) ..
امثال نواف..
عشان كذا .. احب ادخل عندهم واستعرض اسناني ....
اخذ مواعيد .. بس على الفاضي ... :)
سيلفي2065
26-08-2001, 10:14 PM
كتب العضو (سكوال)
ولله الحمد ...
انا كل دكتوره ادخل عندها ...
تقول لي \
يا فهد .. انت اسنانك مثل صف اللؤلؤ ..... ماشاء الله
مالاحظتم حاجه ...
مااددخل الا على دكتورات ........ وكلهم سعوديات ..
مو مثل بعض الناس .. بس فلبينيات ..
____( الواسطة تلعب دور) _____
بعدين انا عارف ان كل واحده منهم زهقانة مسكينة من هالبشر الي اسنانهم تروع (مايعرفون اختراع اسمه فرشة ومعجون) ..
امثال نواف..
عشان كذا .. احب ادخل عندهم واستعرض اسناني ....
اخذ مواعيد .. بس على الفاضي ... :)
اها طيب والله فهمنا...
بس ليش الخط كبير؟؟
ترانا نشوف ماحنا عميان...صغر ياخالي خلصت حبر المنتدى علينا......:)
----------------
نواف الحمدالله على السلامه
بس بيني وبينك...تراني احب روحات دكتور الاسنان...مدري ليش؟حتى لو طلعت من عندهم ابكي...اكون مستانسه من الداخل...اتدلع على ابوي:)
Chandler
26-08-2001, 10:21 PM
سكوالوووه....
انا قلت هذا اكيد بيقول على الاقل الحمد الله على السلامة....
وبعدين انت فرحان انك تدخل على دكتورات...وسعوديات...
انا زي ما قلت لسوسن...كانت تعالجني دكتورة سعودية اسمها عبير...
وما كنت تعرف تشتغل...بعدها ما صرت اثق بالدكتورات (خاصة في مجال الاسنان)....
ولعلمك...انا اول ما اخذت موعد في ذي العيادة...عطوني موعد مع دكتورة...وامريكية....صغيرة...يعني احسن من كل الدكتورات اللي شافوا خشتك...
بس انا رحت موعد واحد بعدها اقتنعت ان اسناني مو لعبة....
يعني ما تجي حرمة...تلعب باسناني...عشان جمالها ولا رقتها..(اروح اغازل اصرف لي)...
الرجال اصرف....:D :D
نجي لسيلفي...
بدون زعل....
انتي اكيد مهبولة...او صاير لك شي...
فيه احد في الدنيا يحب دكتور اسنان...
حتى الدكتور نفسه...يوم سألته...وش اللي دخلك طب الاسنان...قال (موني= فلوس) ولا الناس...ما يطيقوني...وانا اعرف هالشي...
على فكرة...
سكوال...
الدكتور وهو يحاول يلطف الجو...قام يسألني عن الاغاني....
انا جيت وسألته عن رأيه في فرقة ستيبس قال انه ما يحبهم...ان سينك اصرف...:D :D
Chandler
27-08-2001, 09:36 AM
للرفع
RPG_master
27-08-2001, 09:55 AM
شباب تبون نصيحتي لا احد يعتب مستوصف الرياض الطبي الا اذا كان يبي يتعذب انا رحت بصلح سني لانه كان كأنه حفريات واروح عند هالمستوصف ويدخلوني غرفه الدكتور المهم ابو الشباب بدى بالشغل وحطلي ابره بنج(على كل الاسنان الا السن الي يبي يصلحه) وابو الشباب ما كنه حط بنج ويشتغل وانا كاتم الزعقه المهم انا قلت وش السالفه داخل غرفه تعذيب ويبوني اعترف ولا ايش ويوم لا والمشكله سحب عصب مب سهل يعني وما غير يدخل فهالمسامير الصغيره لا ويسالني عسى ما يوجعك ولا اعطاني فرصه اجاوب وكمل وانا الا الان ما اعترفت وبعدين خلصت عمليات التعذيب لكن بقى موعد ثاني وانا اول ما خلصت منه حلفت اني ما ارجع
المهم الي يبي مستوصف محترتم يروح مستوصف نسيت اسمه والله بس هو في طريق الامير عبدالله جنب ماكدونالدز فيه دكتور اسمه غسان تدخل وتطلع ولا كنه لمس سن من اسنانك .
Chandler
28-08-2001, 12:56 PM
شكلك كارهم من قلب....:D :D
RPG_master
28-08-2001, 01:38 PM
وانا اقول ليه البزران يخافون منهم
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .