تخيلوا الحوار بين العريس و ابوكى

[اليقين]

السلام عليكم و رحمة الله و بركاتة
احنا دلوقتى فى ظروف مادية صعبة جدا يعنى الواحد من الاخر مش لاقى ياكل يعنى مثلا احنا فى مصر مرتب الموظف 200 جنية تعالوا نتخيل المعيشة 200 جنية مفروض يكفوا الاكل و الشرب و التعليم و الكسوة و النور و الكهربة و ووووووووووووووووووووووووووو
دى مشكلة بتقابلنا لاكن الناس الى بيعانوها اكتر هم الشباب
يعنى مثلا الشاب لما يبقى مرتبة 200 جنية ازاى يقدر يتجوز
فيتر يستنى 10 سنين بعد التخرج عشان يتجوز و طبعا يدوب بيكون حوش ثمن المهر بالعافيو و يكون مرتبة وصل 400 تعالوا نشوف الحوار لما يروح لابوا العروسة
العريس _انا يشرفنى جدا انىاطلب ايد بنت حضرتك
الاب_و احنا اكثر يا ابنى احنا سمعنا كتير عنك يا ابنى لاكن الحقيقة احلى كتير من الكلام
العريس_ دة من زوق حضرتك يا عمى
الاب _طيب يا بنى ندخل بقى فى الموضوع وعلى راى المثل الى اولة شرط اخرة نور
العريس_عندك يا عمى
الاب_انت بقى مرتبك كام
العريس_هو يعنى يا عمى بالحوافز و المكافات حوالى 400 جنية
الاب_اية 400 بس مفيش شغل اضافى
_العريس_ ايدى على كتفك يا عمى فين الشغل
الاب طيب و انت بقى يا ابنى عندك شقة
العريس _يعنى يا عمى ربنا يسهل و اقدم على شقة
الاب _اة و دة بقى على بال ما تخدوها يكون بعد كمان 20 سنة دة لو ختوها
الاب_طيب عندك عربية
العريس _الحقيقة يا عمى معنديش لاكن تاكد انها وقت ما تروح حتة انا هوصلها بنفسى فى تاكسى
الاب _الحقيقة يا ابنى انت شاب ممتاز محدش يقدر يقول عليك حاجة لاكن انا مقدرش اعيش بنتى فى مستوى اقل من الى انا معيشها فية و بصراحة كدة اما تبقى جاهز ابقى اتقدم و ربنا يوفقك و تلاقى عروسة مناسبة ليك و لظروفك
يخرج يعنى العريس محطم بعد 10 سنين بيجهز نفسة و فى الاخر الاب عايز عربية و شقة تمليك و مهر كبير و شبكة تحفة و الفرح فى فندق و شهر العسل فى اوروبا
يعنى هو هيعمل اية تعليم و اتعلم شغل و مفيش غبر كدة يعنى ميجوزش
لازم نظرة المجتمع تتغير مينفعش كدة الاب خد 40 سنة عشان يوصل للمستوى دة ازاى عايز واحد لسة متخرج يبقى كدة
انا مش هقول غير حراااااااااااااااااااااااااام كدة و ربنا يوفق الشباب و يكون فى عونهم
دى الحياة عندنا فى القاهرة يا ترى هى فى كل الدول و لا عندنا بس

[for islam]

السلام عليكم
والله موضوع مهم يا اختي وشائع في كل مجتمع
وهو مش بس عندكم في القاهرة انما في الاردن وسوريا ولبنان والخليج وكل مكان لان الناس اصبحت نظرتهم للحياة مادية جدا وابتعدوا عن كل القيم والأخلاقيات والامور المعنوية
وزي ما قلتي ربنا يكون في عون الشباب ويصبرهم على ما هم فيه
ويهدي أهالي البنات كمان

اختك فور اسلام

[اليقين]

السلام عليكم و رحمة الله و بركاتة
جزاكم الله خيرا اختى فور اسلام

[وردة الجمال]

شر البلية مايضحك الله يصبركم اخوي ويعينكم على هالحياة الصعبة واحب اقولك انها موجودة في كل مكان مو عندكم بس.
تحياتي لك وان شاء الله تلاقي بنت الحلال اللي تقدرك لشخصك مش لفلوسك.

[اليقين]

السلام عليكم و رحمة الله و بركاتة
جزاكم الله خير و جعلة اللة فى ميزان حساناتك ان شاء الله
بس انا على فكرة صبية

[zozo1234]

في الواقع انا من وجهت نظر الاب

ليش يعني ما يشتغلش الشاب شغل اضافي ولا هو عاوز كل حاجه تتقدم له على ورق من ذهب

احنا مشكلتنا في الوطن العربي حاجه وحده بس (((الكسل)))

اسرائيل عندها 400 راس نووي

واحنه عندنا 400 مليون واحد بيقوم الصبح علشان ينام تاني

:chairshot :chairshot

[اليقين]

جزاكم اللة خيرا يا اخت zozoعلى هذة المشاركة لاكن اصل المشكلة اصلا ان مفيش شغل اساسا