بعض من قصائد الولد الحاضر الغائب

[ريم __الفلا]

السلام عليكم ورحمة الله وبركاته


صحيح اني عضوة يديه وأتمنى أنال على رضاكم و استحسانكم

و حبيت أساهم بشي بسيط .. في هذا المنتدى


و هالشي بيكون هي بعض من قصايد الوالد.. الراحل .. رحمة الله الشيخ زايد بن سلطان آل نهيان



و إلي أتنمى تنال على اعجابكم

هلا بنور

هلا بنور الفجر زاح الظلامي هلا بـه ألف ترحيبـه وحيـه
هلا به عد مـزن في غمامي وما هبـت نسيـم المطلعيـه
أقـدم له تحيـات وسلامـي جـواب يوم بـادر بالتحيـه
فهيم ويفهم الـ معنى كلامي لبيب العـود لفتاتـه ذكيـه
مهاه إيتـم إنسي وانسجامي بدونه حالتـي حالـه شقيـه
وحبي لـه تسبب في غرامي أنا راضي ونفسي له هديـه
تملكنـي وملكنـي بالزمامي و انا سلمت له بنفس رضيه
فـلا والله لـي مثلي يلامي و فعل الخيـر مايجزى بسيه
رعـاك الله يا ظبـي العدامي أميـر والغوانـي لـك رعيه
جديـر بكل حبي واحتـرامي و يكفيني متى ترضى عليـه

دنيا

دنيـا محـلا وطـرها فيهـا زهـت الانـوار
كثـر الخيـر وشجرها و تـوفـرت الاثمـار
يا هـا السعد وغمرها مــن والـي الاقـدار
عـم البـر وبحـرها و فاضت بهـا الانهـار
تتوافــد القطــرها عالـم مــن الـزوار
تتفسـح في شجـرها وورودهــا والازهـار
فيهـا المهـا مكثرها وريومهـا والامهــار
يا سعـد اللي نظـرها وتحـف بها الاسـرار
نحمـد لـذي صورها وو هـب لهـا الاخيار
و عظمهـا فـي قدرها بيــاه واعتبــــار



إبسم

شعر صاحب السمو الشيخ زايد بن سلطان آل نهيان
إبسـم تبسـم حياتــك يا قايـد الخفـرات والعيـن
عطاك ربـي لـك غناتك واصبحـت سيد في المزايين
هنيت يا سيـدي بصفاتك وانا غني بك " م " الملايين
كل يوم بي تكبـر غلاتك والقـاك دوم بعينـي تـزين
من بالحسن سيدي شراتك مثلـك فـلا قـد شافت العين
الشمس تخجل من بهاتك والبـدر لـك يا نـواره يدين
مثل العسل منطق شفاتك ذرب .. ومـوزون بمـوازين
والطيب من أصلك وذاتك اواضـح ولا يحتـاج تبييـن



ولكم مني جزيل الشكر