نصيحتي لوجه الله كن حذرا جدا عند شرائك لماء الرادييتر..وإلا ستندم!!! [الأرشيف]

][-][Mr.ZeNoN][-][

06-12-2004, 12:26 AM

السلام عليكم ورحمة الله وبركاته..
أما بعد..

من المعروف إن الماء الرادييتر لها ألوان ومواصفات

منها اللون الأخضر ((للسيارات اليابانية))
واللون الأزرق ((للسيارات الأمريكية))
واللون الأحمر ((للسيارات الأوروبية))

وأقول من الحين..

تحذير شديد لكل أعضاء المنتدى وكل إخواننا المسلمين..

أنصحكم بالإبتعاد عن أي مبرد أوروبي أو من النوع الرخيص والماء العادي..

لان الأوروبي مايبفع ويبرد منطقتنا ومناخنا القاسي..

والماء الرخيص ينتهي مدته بسرعة..

والماء العادي يخرب الطرمبة وأجزاء الردييتر ويسبب لهم الصدأ

وأنا..أحكيلكم حكاية حصلت من سنة ونص..مع ولد عمي..
-----

كان يا مكان في قديم الزمان

كان في ولد حلو وصغنن.. :flirt:

الولد هذا كان دلوع ماما وبابا

فطلب من أبوه سيارة فشتراله كرسيدا جراندي مستعمل

السيارة إلا مالها ثلاث شهور فإرتفعهت حرارة المكينة

إشترى الرادييتر الرخيص ((أبو 10 ريال))

الماء في البداية كان لونه أخضر

إستمر الماء شهرين إلا فتح المكينة لقى الحين لونه ((أصفر))

يعني الماء الحين منتهية..

ضل يشتري ماء الرادييتر لعدة مرات..

لين لما راح مع أبوه بالفياقرا وفجأة إرتفعت حرارة السيارة

فراح أبوه للوكالة عشان يشتري ماء أوروبي ((أحمر لونه))

عباها فإنخفضت حرارة المكينة لكن الأب بشكل عام مايخرج سيارته كثير

الولد لاحظ الإنخفاض بالحرارة..وراحوا البيت...

طبعا فهم ((غلط)) وراح إشتري المبرد الأوروبي وعباها في سيارته

إلا يومين إرتفعت حرارة المكينة إرتفاع شديد ((H))

وقف السيارة وطفاها بسرعة السيارة تطلع دخان ((!))

وسحب السيارة بالونش وداها الورشة..

فحصوا المكينة لقوا الراس محروق..وإستبدلوها بمكينة جديدة ((وكالة)) لان الأجزاء الثانية تالفة

وشيء ثاني..لقوا الطرمبة الماء خربانة..والسبب الطرمبات اليابانية لها تركيبتها الخاص مع المبرد

قالوا حرام عليك المبردات الأوروبية ما ينفع بالياباني..

إلا كم يوم الولد باع السيارة وإشتري بدلها أكورد..

من يومتها إشتري رادييتر من وكالتها حتى الحين لسه ماشية..
------------------

فيا أخواني الأعضاء وكل المسلمين..((لاتستخدم المبردات غير الوكالة))

وأفضل نوع حيث يتناسب مع أغلب السيارات اليابانية

Toyota Long life Coolant Water

وهذه للسيارات الأمريكية

ACDeleco Long life Coolant Water

أما المبردات الأوروبية فإبتعد عنها ولا تشتريها إلا إذا عندك أوروبي..

تحياتي..

وسلام :cool: الكووووووووووووووووووووووووووووووووووول