ورطه مع half-life 2

[ياشين العزوبيه]

هلا شباب كيف حالكم انشاء الله بخير

عندى سؤال للى لعب هالف لاايف 2 و وصل فيهااااا
المرحله انا وقفت عندها وماعرفت ايش اسوي 00000هى غرفه كبيره ومليانه براميل متفجره ومالقيت لها اى مخرج تحت هالغرفه بعد ماتنزل من السلم بتلقى بركه وفيها فوهه كبيره بس صعب توصل لها وفى الغرفه الى فوق فيه غرفه ثانيه بعد كبيره ومليانه مواسير وفيها مويه تحت ومقفله من كل الجهات ما ادرى وش الطريقه للخروج منها اذا احد وصل هالمرحله ياليت يفيدنا 000000

حاولت اشوف طريقه الحل من موقع game spot لاكن الانجليزي ماساعدنى
هذا الرابط اذا احد يقدر يترجم ومعه صوره المرحله الى علقت فيه تلقوها اول صوره فوق
http://www.gamespot.com/features/6113893/p-5.html

وهاذى صوره الغرفه انتظر ردودكم

[لعّيب]

بعد ما تفجر البراميل والآلات المتوحشة (ياي :p ) اصعد السلم اللي في يسار الصورة ثم نط للماسورة اللي قدامه ثم للماسورة اللي قدامه ثم للضفة الثانية ، ثم امش قدام واغطس في الموية اللي بتجيك ودور على مقود تشغيلي (دركسون إذا أنت من أهل الرياض) لونه أحمر حركه بحرف e وبذلك راح يرتفع منسوب المياه ، اطلع وارجع للسلم الأول خوينا ، انزل معه وادخل مع فتحه مضيئة باللون الأحمر واصعد خذ نفس بعد ما تطلع منها ، ثم اغطس مرة ثانية بشكل مستقيم واكسر الخشب اللي تحت لترتفع المواد التي تحته (أذهلني المحرك الفيزيائي عند هذه النقطة جداً) لأعلى السطح ، بعد كذا اخرج للسطح وانقز للمنطقة القريبة ، ثو وجه نفسك للضفة الثانية، وانتقل لها عبر استخدامك المواد اللي ارتفعت للسطح بواسطة القفز عليهم وبشكل سريع ، والباقي عليك

[ياشين العزوبيه]

هلا ا خوى لعيب أشكرك على أهتمامك

لاكن ماحليتها انت تقول ( ثم نط للماسورة اللي قدامه ثم للماسورة اللي قدامه ثم للضفة الثانية ) بعد ماطلعت السلم نطيت على الماسوره الكبيره وبعدها على الماسوره المصبوغه ببيض ومشيت ادور هالضفه الثانيه الى تقول عنها مافى ضفه ان كان قصدك الحواف الى عند الجدار فهاذى ما اقدر ادخل لها واذا كان قصدك النفق الى بعد ما انزق على اول ماسوره بعد السلم الف يسار هو هذا الى قدامى فهاذى كمان ماقدرت اوصل لهااااا شوي واكسر الفاره من كثر المحاولات

أشكرك مره ثانيه

[dead_man2020]

اانا عندي لك حل ثاني في هذي المنطقة غير السلم الحل انك تبي تلقى براميل غير البراميل المتفجره انت حطها فووووق بعض عند الزاوية اللي قدام يمين لأن ما فيها شبك و اذا جمعتها قوق بعض ارق فوقها عاد انت سوها على شكل سلم و ابي اقول لك أن اللي يشيل البراميل حرف E و ترا يمشي الحال لو تحط البراميل المتفجره


و نسيت اقول لك اذا نقزت للجهه الثانيه افتح الباب و انت تبي تلقى مواصير دور الي (دركسون )) عشان تفتح المويه اذا فتحتها تبي ترتفع ارجع للمكان اللي فيه الصوره و انزل من السلم اللي يسار و تلقى فتحة مويه ادخلها و تكون ابعدت من هذي المنطقة و ان شاء الله اكون افدتك

[لعّيب]

إذا نطيت للماسورة الثانية ، يبيلك تدنق عشان تقدر تدخل للضفة الثانية

عالعموم أنت تقول:
"وفى الغرفه الى فوق فيه غرفه ثانيه بعد كبيره ومليانه مواسير وفيها مويه تحت ومقفله من كل الجهات ما ادرى وش الطريقه للخروج منها "

هذا يعني انك رحت أساساً لهالضفة اللي أنا قصدتها!

اغطس في هالموية المليانة مواسير ومسدودة من كل الجهات ، وابحث عن الدركسون السحري :p فيها

[ياشين العزوبيه]

يعطيكم العافيه تم فك الشفره :cool: