المساعد الشخصي الرقمي

مشاهدة النسخة كاملة : :::أخبااااروووونااااا!!! الجزء السادس:::


Musou
11-12-2004, 02:12 AM
السلام عليكم ورحمه الله وبركاته
مرة اخرى نعود بكم اعزائي المشاهدين
الى برنامجكم
الرومانسي :07:
البوليسي :33:
الكوميدي :laughing:
الحزين :17:

أخباااروووناااا

نرجو من الجميع الإستمتاع بالعرض وربط الأحزمة :reporter:


أحححححمممم!!!!

قبل ما نبدأ استغل هذي الفقرة في التعريف بنفسي خاصة ان اغلبكم ما يذكرني:
Dark 13 سابقا...
عضو مميز... كمان سابقا!
22 سنة
خبرة طوييييلة في الspamming والمواضيع اللي مدري وش تبي
كاتب روائي فاشل
طالب طب


=====================

مرت سنة....

مرت سنة... (لا مب اغنية ابو نورة)

مرت سنة منذ آخر موضوع كتبته في هذا المنتدى...
من كثر الأشغال والدراسة... (صرت اطبق في المستشفى :biggthump )
ولكن..!
ها انا....
من جديد...!

لقد عدت....!!

-------صمت مطبق--------

المهم....
نكمل الموضوع..!

=====================

برد....!!!!

الجو برد.....

الحرارة وصلت 10 مئوية وانا طالع الفجر امس...
حتى سيارتي كان عليها صقيع ابيض...
حتى بعد الظهر...!
19 مئوية.. >.<
...........
.....
......سوحقن!

=====================

مكافآت....؟ ههههههه!

الجميع ينتظر....

مكافأة رمضان مازالت حبيسة السجن...
السجن تبع مأمور الصرف...
واخوكم طفران وعلى الحديدة (و بقية الشباب بعد)....
شكلي بأقضي اجازتي في البيت....

ولا يزال الجميع ينتظر....

=====================

دماء..... على الاسفلت...

I'm Evil....

بالإضافة الى ان القطط غبية احيانا...
قبل يومين كنت اسوق سيارتي...
في ليلة ليلاء... بعد المطر...
خاش جو مع BoA - Be the One...
والطبلون على ال120... (ما اقدر اسرع..! امطار!)
فجأة...!
قامت قطوة برتقالية تبي تقطع الشارع....
بس الغبية وقفت علشان تشوف الشي الأسود اللي بدأ يمتد على الأرض...
ظلك يا غبية!!!
المهم...
طاااااخ!!!
وتمزقت الغبية تحت عجلات السيارة...
لم اشعر بشيء...

غبية...!

========================

ارق..!

بدأت اعاني من الأرق....

لا ما عندي مشاكل...
ولا يبو الشباب...
ماني حق حب...
اللي قاهرني ان النوم ما يجيني إلا وقت الدوام...
مما يضعني في مواقف كثيرة و محرجة...
اخرها يوم الأربعاء الماضي...
جالس في المحاضرة...
لاني صاحي... ولا نايم....
عيوني تدور كما تدور الرحى....
ولادريت الا والدكتور واقف قدامي...
سلامات؟؟!
هه؟؟؟؟؟
@_@ >_< @_@
لا أبدا الله يسلمك... @_@
من الخلف...
اصوات اناس يتضاحكون.....

الله يستر المرة هذي....

=======================

سنتان...

"Don't forget... 19/12/2002"

لا.....
ما حرقت البيت مثل FMA...
هذا تاريخ اشتراكي بالمنتدى...
منذ سنتين...
so what did I do?

dunno.....

=======================

الى هنا نصل وإياكم الى نهاية هذه الحلقة من برنامجكم..
المتجدد..
دائما...

أخباااااروووونااااا!!!!


تصبحون على خير...
ودوام يسد النفس...

بروح ارقد احسن :08:
Angel whisper
11-12-2004, 09:43 AM
you are a spammer ? like .. no way ..

والقطاوه غبيه غبيه .. مثلا مره اخويه كان طالع ويا ربيعه .. وفي الشارع وقفلهم قطو .. من الروعه الغبي ما قدر يتحرك .. اخواني تجاوزوه وما استوابه شي .. الغبي بدال ما يروح تم بعد واقف petrified الظاهر من الخوف .. ومرت عليه شاحنه وتقطع الى مليون قطعه ..

وعلى طاري النوم .. امس رقدت في نص امتحان الانقلش .. اول خلصت اول كم سؤال رقدت .. وعقب قمت وكملت الباقي ورقدت .. وقبل ما يخلص الامتحان بعشر دقايق قمت اراجع .. الله يعلم شو خبصت في الامتحان -_-

مشكور عالموضوع وولكم باك
Dr.Lucifer
11-12-2004, 10:24 AM
الجو برد.....

الحرارة وصلت 10 مئوية وانا طالع الفجر امس...
حتى سيارتي كان عليها صقيع ابيض...
حتى بعد الظهر...!
19 مئوية.. >.<
...........
.....
......سوحقن!
=====================

ارق..!

بدأت اعاني من الأرق....

لا ما عندي مشاكل...
ولا يبو الشباب...
ماني حق حب...
اللي قاهرني ان النوم ما يجيني إلا وقت الدوام...
مما يضعني في مواقف كثيرة و محرجة...
اخرها يوم الأربعاء الماضي...
جالس في المحاضرة...
لاني صاحي... ولا نايم....
عيوني تدور كما تدور الرحى....
ولادريت الا والدكتور واقف قدامي...
سلامات؟؟!
هه؟؟؟؟؟
@_@ >_< @_@
لا أبدا الله يسلمك... @_@
من الخلف...
اصوات اناس يتضاحكون.....

الله يستر المرة هذي....



برد ... هين تعال عندنا و بتطلع بالـ 10 مئوية تقول يا شيييين الحر :p ..
قبل كم يوم صكت درجة الحرارة عندنا 15 تحت الصفر ..
وش رأيك :biggthump .. شغل ممتاز ها :jester: ؟

و النوم يا رجال النوم ذا مشكلة ما يجيك إلا وقت المذاكرة ولا رحت على الفراش يطير مثل الغربان السود :p ..
السنة الماضية كان عندي محاضرة تاريخ و وصلت الكلاس ماني قادر أفتح عيوني ..
نفس الوصف العيون تدور المثل الرحى ... و يالله يالله تفتحها .. أخر شي جلست أمسك الجفن حتى لا ينقفل من قوة النوم :p ..
و الراس يتمايل ذات اليمين و ذات الشمال .. تقل هندي :p
عاد البروفيسور شافني قالي أنت مريض ؟؟
قلت لا أبدا سليم يابو الشباب :p ..
المهم بعد ما خلصت المحاضر ة ناداني و قال روح نام شكلك أبد ما يخارج .. طبعا الكلام كله كان بالعنقلش :p
ياخي يعجبونك الكنديين طيبين بزيادة فيهم بعض الدلاخة :p

و على حكاية القطاوة .. ببلغ عنك جمعية الرفق بالحيوان .. يقولون حاطين جائزة قطو مدعوس لمن يدلي بمعلومات عن سفاح القطط .. :biggthump

و مشكور على الموضوع :biggthump
The Noble
11-12-2004, 12:40 PM
أهلا فيك ولكم باك :biggthump

ماتلاحظ انك مزودها بالغيبات :p


بس مسكينة القطاوة :06:


بالعسك مرات اسح غبائها ممتع مثل غباء الأطفال الصغار :08:


والبرد هالسنة غير شكل الصراحة :bigeyes:
gr8_man
11-12-2004, 02:51 PM
اتفق معك ان الجو غير طبيعي هاليومين حتى الشمس صرنا ما نشوفها :)

والمكافات الظاهر نزلت :)

حرام عليك تدعس قطو :) هو يمكن وقف بالشارع يبيك تروح وبعدين يكمل يقطع الشارع عقب ما تمشي :)

تصدق انا قبل كم يوم كنت ماشي الصبح متأخر على الجامعه وداعس واشوف لك حمامة على الشارع وبالعادة تطير وتبعد اذا قربت من جنبها لكن هاذي طارت بجهة السيارة وصقعت عندي بالقزاز :( لكن الحمدلله ما ماتت :)
Musou
12-12-2004, 03:57 PM
مشكوريييييين خالص على مروركم يا شباب :biggrin:

اينجل:
اختبار بالتقسيط اجل :33:
خلاص بأرشحك لجائزة نوبل :biggrin:


لوصيفر:

و على حكاية القطاوة .. ببلغ عنك جمعية الرفق بالحيوان .. يقولون حاطين جائزة قطو مدعوس لمن يدلي بمعلومات عن سفاح القطط ..
ما عندنا حتى جمعية "رفق" بالأوادم بعد تبيهم يسوون رفق بالحيوان؟؟ :tongue2:
بعدين القانون لايحمي المغفلين (القطاوة يعني) :33:


the nobel:
عاد وش نسوي؟ دوام زي وجيههم.... -_-


gr8 man:

والمكافات الظاهر نزلت
انا في KKU مو KSU -_-
الغريب ان الشيكات وصلت من زمان بدليل ان بعض الشباب وقعوا على كشف الإستلام بس ما بعد وزعوها -_-



على فكرة.... اشوف كلكم علقتوا على حكاية القطاوة...
ونسيتوا الأهم :17: (يلمح لشي في آخر الموضوع :p )

مشكوريييييين (اقين) على المرور :biggrin:
Angel whisper
13-12-2004, 06:48 PM
احم .. مبروك السنتين XD
*توها انتبهت*
Justine
15-12-2004, 11:03 PM
أوكايري يا منقرض يا قاطع صلة الرحم <<< على باله المنتدى صار رابطة دم

زمان عن سلسلة ( أخباروونا ) العتيدة .. و بعد من زمان عن ( مذكراتي عن الايام السابقاتي ) الخاصة فيني

نفس الشي لقناة قاهر المشبوهة و اخبار الدار لبنت ويسبر ..

------------------------------------------------------------
مكافآت....؟ ههههههه!

الجميع ينتظر....

مكافأة رمضان مازالت حبيسة السجن...
السجن تبع مأمور الصرف...
واخوكم طفران وعلى الحديدة (و بقية الشباب بعد)....
شكلي بأقضي اجازتي في البيت....

ولا يزال الجميع ينتظر....
------------------------------------------------------------

هع ... أنا البنك العربي الشرير ساحب علي ميتين ريال و لا رجعهم لي .. استملت مكافاتي قبل يومين و حاليا في البنك مية و خمسة ريال طوارئ و 77 هللة و خمسين ريال مقطعة مسوي نفسي ناسيها في جيب المحفظة الداخلي ..

----------------------------------------------
قامت قطوة برتقالية تبي تقطع الشارع....
----------------------------------------------
مدري كأنك تلمح على كيو من فروتس باسكيت



-----------------------------------
سنتان...

"Don't forget... 19/12/2002"

لا.....
ما حرقت البيت مثل FMA...
هذا تاريخ اشتراكي بالمنتدى...
منذ سنتين...
so what did I do?

dunno.....
----------------------------------
حركتيشن مشالله ^________^ .. العمر كله يا دخطر


مولاحاظاة:
لا يوجد ابتسامات و لا حركتات اقتباس لان المنتدى مزاعلني مدري ليه ..

و شكرا عزيزي على زحلقتك للموضوع XD
Musou
17-12-2004, 07:12 PM
جاسطييييين :D :D :D
عامل ايه يا جدع :biggrin:


أوكايري يا منقرض
قلبتني بروف الجراحة حقنا الله يقطع ابليسك :33:
ديناصور من العصر الحجري XD XD XD



هع ... أنا البنك العربي الشرير ساحب علي ميتين ريال و لا رجعهم لي .. استملت مكافاتي قبل يومين و حاليا في البنك مية و خمسة ريال طوارئ و 77 هللة و خمسين ريال مقطعة مسوي نفسي ناسيها في جيب المحفظة الداخلي ..
وييييين حاط فلوسك ياخي؟؟ (العربي بنك المتقاعدين والشيبان اذا ما تدري :33: )
تبي نصيحة؟ رح الأهلي... لو ما يبقى في حسابك الا ريالين ما سحبوها لو خليتها سنة بدون سحب او ايداع :33:

بعدين حرام عليك... احد يصرف مكافأته في يومين؟؟! :17:


مولاحاظاة:
لا يوجد ابتسامات و لا حركتات اقتباس لان المنتدى مزاعلني مدري ليه ..

ردك يكفي يا عزيزي :biggthump
Lena
06-01-2005, 04:06 AM
طق طق طق...السلام عليكم ..مسموح ادخل هونا(&)؟؟


ادري جاية متاخر بس شايفه هالموضوع من ايام الامتحانات وكان نفسيييييييي ارد عليه بس ماكان عندي وقت :tongue2: فجيت الحين


مرت سنة..
تصدق ماحسبت كم مر على اخر موضوع كتبته..اممم من زمااااان.. بس ماظن مثلك..سنة×______×


مكافآت؟...هههههههه
يالله..تصدق 6 شهور للحين مانزلوا مكافأتي؟؟
للحين عايشه على مكافات السنة الي فاتت..
سوحقن لهم سوف تشفظ هذه العطلة كل ماتبقى:'(


دماء على الاسفلت..
اما هذي...يالت من زنطك ايها الموووجرم:28: لا تسمع اغاني وتندمج وانت تسوق


ارق..
صارت لي سالفه النوم بالمحاضرة..وطبعت الساعه على جبهتي وكلن ضحك علي:tongue2:



so what did I do?u proved that u r an unforgettable one http://www.montada.com/images/icons/icon14.gif


موضوعك خفيف ويونس ^^