a comeback with Naoki Urasawa

[faye valentain]

السلام عليكم ورحمه الله وبركاته

كيف حالكم يا اعضاء وعضوات ومشرفين ومشرفات المنتدى ان شاءالله تمام ...
دحين اغيب يومين بس وارجع ألاقي الدنيا أنقلبت في المنتدى ؟؟؟؟
ما شاءالله اقسام جديدة انفتحت ولي سار مراقب ولي كان مراقب سار مو مراقب والي تميز يا ساتر يارب دا كلو سار في يومين غبتهم بس !!!!!! :أفكر:

معليش لو كان في احد لسه متذكرني فالحمدلله لاني ما شاءالله شايفه اعضاء جداد كثير عيني عليكم بارده , وانا عارفه اني كل فتره ادخل اقول (( هاااااااااااااااااااي رجعت YPEEEEEEEEE !! :jester: )) واقعد يومين وارجع اغيب سنه :أفكر: , يلا ما علينا على الله اقعد اكتر من يومين دي المره ...

المهم انا صراحه رجعت لاني اتحمست لقسم المانجا الي سارت ادماني حاليا وعلى فكره مبروك على القسم ((غبره))

و في كم مانجا قراتها من فتره وكانت من افضل المانقات الي قريتها في حياتي والاتنين كانو لكاتب واحد ألا وهو
NAOKI URASAWA
صراحه المانجاكا دا عظيم HES THE BEST
وهذه نبذه بسيطه عنو ....





http://myhome.naver.com/fischer/Urasawa/Urasawa.jpg

المعلومات الشخصيه
الاسم :Naoki Urasawa
ولد في 2nd Jan. 1960 ,, Osaka-Metropolis
فاز بجائزه Shogakukan سنه 1982 عن الNew Manga Artist
فاز بجائزه The 35th Shogakukan Manga في سنه 1990المانجا yawara
فاز بجائزه The 35th Shogakukan Manga Award في سنه 1999 Grand Prix عن المانجا الرائعه Monster


اعماله :
Master Keaton
Keaton's Zoology
The Dancing Policeman
Jigoro!
N.A.S.A.
Pineapple Army
Yawara!
Happy!
Monster
The 20th century boys
Pluto
http://myhome.naver.com/fischer/Urasawa/DP.gif http://myhome.naver.com/fischer/Urasawa/Happy.gif http://myhome.naver.com/fischer/Urasawa/montitle15.jpg http://myhome.naver.com/fischer/Urasawa/Yatitle7.jpg http://myhome.naver.com/fischer/Urasawa/title14.jpg http://www.chez.com/shakyamuni/S%E9ries/S%E9ries%20en%20parution/20CenturyBoys/20CenturyBoys.JPG http://digilander.libero.it/japaneasy/pineapple2.jpg




معلومات عن المانجا :
في بحثي عن معلومات عن ناوكي اكتشفت انو من اكثر المانجاكاز الممثلين لحالت التغيرات في المانجا من التمانينات للتسعينات , في البدايه كان اعتقادي انو كل كتاباته كانت dark and horror , mystery مثل المانجا الي قراته وهيه Monster و The 20th century boys وفي هذه المانجا استمتعت لدرجه غير طبيعية , والاكشن والدرامه في نفس الوقت كانو sooo high level و الرسم اتميز بي ناوكي عن غيره وانو اتسم بالواقعيه وكل تفاصيل الوجه في اي شخصيه تكون مرسومه بدقه متناهيه ويحاول ان لا يكرر ذات الشخصيه , اما اسلوبو فكما قلت دائما في الغموض والتعقيد , يعني اكون في نص القصه وبس اعتقد انو عرفت ايش بيسير وفهمت الحكايه يرجع ناوكي في لمحه بصر يقلب الدنيا كلها ويوريك انك منتا عارف ولا فاهم ولا شي ,,, it was soooo cool
لكن في بحثي المستمر عن مانجا لناوكي اكتشفت انو بداء بمانقا رومانس كومدي وهيه Yawara! وهيه قصت بنت تلعب جودو وبرضو المانقا لايقل مستواها عن مونستر لكن بشكل جديد , فيها دراما وفيها الحبكات الرائعه الي تميز بيها ناوكي , ومن مميزات ناوكي انه يظهر المظاهر الانسانيه بشكل كبير في المانجا وواضح وهو سبب نجاحه في رايي لانو يدخل في تفكير الانسان ويجعل المستحيل ممكن والغير وارد وارد .
وايضا مانقا happy الرائعه ايضا تميزت بالدراما والحبكات القويه وهيه قصه فتاه تريد ان تحترف التنس لمساعده شقيقها الذي دائما يقع في المشاكل ...

وطبعا ما انسى Master Keaton الي الاغلبيه يقولوا انها افضل مانقا لناوكي , للاسف ما قدرت اقراها لكن سمعت انها مانجا متميزه جدا واعتقد انو عملولها انمي ! ,, المهم ,, كيتون حصل على المرتبه ال16 من ال50 احسن مانجا لتصويت الفانز في اليابان ((and thats not so bad ))
كيتون عباره عن قصه متكامله و القرافكس متميز والرسوم رائعه وان شاءالله اقراها واقلكم على قول الناس , وان شاءالله اقرا المانقا عشان اقول رايي بصراحه ...



وختاما ان شاءالله تكونوا استفدتوا من هذه النبذه البسيطه عن Naoki Urasawa المانجاكا المفضل لدي , وان شاءالله اكون حمستكم على كتاباته لانها صراحه تستحق القراءه وصدقوني محا تندموا لانو مانقاكا عظيم (( وهدا مو كلامي انا بس يعني الجوائز الي بالجمله دي مو جايبها من فراغه :أفكر: ))

والسلام عليكم ...

[Yamato]

يا الف هلا ومرحبا رجعتك اختي.. صحيح انه ما في معرفة مسبقة بينا.. لكن مثل ما يقول المثل عدو عدو صديقي وانا اقول.. كل قارئ مانجا هو صديقي.. (وين الشبه الحين -_-")

وبالنسبة للمانجاكا هذا والله للحين ما عندي غير مونستر.. مع اني ما بديت فيه حتى.. لكني اتابع الانمي وفعلا قمة في الاثارة والحبكة.. :biggthump

واشوف انه فعلا في تغير واضح في رسوماته @_@

وارحب بكي مرة اخرى عالرجوع وان شاء الله ما تطلعين من هنا ابدا.. (تنحبسين وما تطلعين.. :tongue2: )






(ملاحظة: اذا عندج مواقع لقصصه فياليت لو تدلينا عليها.. -_-")

[TNT-BOY]

Okaeri-nasai Faye ^_^

الموضوع جميل وعن مانجاكا يبدو انه رائع



على المرتبه ال16 من ال50 احسن مانجا لتصويت الفانز في اليابان ((and thats not so bad ))


Not bad at all
اصلا وجود اسمه فقط تبع الـTop50 يعتبر انجاز لان لو تحسبيها كم مانجا تسوه في السنة ؟ كم مانجا في الشهر ؟ كم مانجا في الاسبوع ؟ كم مانجا في اليوم ؟
يطلع عدد كبير جدا

انا عجبني من اعماله Monster او بالاحرى جنني مع اني شفت منه 19 حلقة بس اله اني اعتبره احلى شي نزل سنة 2004 جذبني جدا
اسلوب القصة والحبكة قوي جدا
يعني بعض الاحيان المشاهد "او القاريء" يتحمس لمعرفت بعض الاجابات اكثر من الشخصيات نفسها <<<<< على الاقل انا :08:

ولله ودي لو اقرا او اشاهد اعمال ثانية ليه لان في احتمال كبير انهم يعجبوني

وانا كنت اشوف صورة Master Keaton في موقع www.manga-daisuki.com (http://www.manga-daisuki.com)
http://www.manga-daisuki.com/projects/MK.jpg

وكل مرة اقول في نفسي " مو كأنه مونستر ؟؟........لا ماله علاقة يمكن لان كلمة Monster و Master متشابهين على شان كدا اشبهه به" <<<<<< قصة حياته يقولها في قلبه :09:

ولما قلت بدخل وبشوف طلع مافي وصلات له فطنشته >_<

اما The 20th century boys اذكر صاحبي مدحها ووصلها للسما وقال انها احسن مانجا من بعد بيرسيرك ووو :o ولما قلت بنزلها على شان اشوف قال ليي لاتتعب حالك انا بجيبها لك معايي بعد فترة "كان المفروض نتلاقى بس ماسمحت الظروف" فظليت انا معتمد عليه فيها :o
بس قبل فترة نزلت الفاليوم الاول ولاقريت منه شي يمكن بعد فترة انزل الباقي واقراه
خاصة انها شبيهة بمونستر من ناحية الغموض لدرجة ان صاحبي الى الحين ماقال ليي ولا معلومة عنها لانه يخاف يحرق عليي اي شي منها ^_^

ولله المانجاكا دا يبغا له وقت وافرغ حالي له واقرا اعماله
لان النوع دا مو اي وقت احب اقراه له اوقات محددة لازم يكون البال صافي والمخ مفتح وله راح اخرب علي كل شي وما بستمتع بها
حتى ان الانيمي مال مونستر وقفت عنه مع ان ودي اشوفه الحين قبل بكرا
بس لان لو بقعد بتابع كل اسبوع حلقة راح يبرد ويمكن انسا انا بعض التفاصيل "لانه حساس ويحتاج الكثير من التركيز والحفض" فقلت ادا وصلو للحلقة الـ50 راح ارجع اشاهده من جديد
واعتقد وصلو الحين ال الحلقة الـ31 ادا مانا غلطان
وانا مخطط ان شاء الله من بعد ما اخلص الانيمي اقرا المانجا مالته على طول ^_^


مشكورة اختي على الموضوع والتعريف على المانجا دا
اله يبدو ان له وزن كبير بس ماعرفنا له الى الحين :33:
وان شاء الله تطولين المدة المرة دي ^^

[faye valentain]

السلام عليكم ...
اهلا اخويه RPG fan ان شاءالله طيب ..

صحيح انه ما في معرفة مسبقة بينا.. لكن مثل ما يقول المثل عدو عدو صديقي وانا اقول.. كل قارئ مانجا هو صديقي.. (وين الشبه الحين -_-")
على قول المتل انا واخويه على ولد عمي وانا وولد عمي على الغريب !!!! :| (جيت اكحلها عميتها )
معليش اخويه سيبك من الامثال المهم كلنا نحب المانقا ومبسوطين في حياتنا والحمدلله :)

وانا انصحك تقرالوا لانو من جد شي وهادي مواقع انشاءالله تفيدك

http://www.mangascreener.com/
في هدا الموقع ممكن تلاقي وصلات تورنت لمونستر و 20th cb و هابي


http://www.tidwah.net/index.php?type=release
وهنا في وصلات دايركت لكن بالاجزاء ل20thcb

هدا الي عندي حاليا ولو لقيت غيرها احطها ان شاءالله ....

====================
tadayma ^^
اهلا اخويه tnt كيفك ان شاءالله تمام !!!


انا عجبني من اعماله Monster او بالاحرى جنني مع اني شفت منه 19 حلقة بس اله اني اعتبره احلى شي نزل سنة 2004 جذبني جدا
والله حتى انا اعتبرو من افضل الاعمال الي قريتها لانو تحس القصه رائعه حبكات خرافيه و مره متحمسه للانمي انا لسه ما شفت منو ولا حلقه ابغا يوصل لبعيد عشان زي ما قلت لازم يكون متصل عشان الاحداث ما تبرد ....

اما كيتون فانا سمعت وقريت عنو كثير ومتحمستلو مره بس للاسف مني لاقيتو ولا عارفه منين اجيبو ...


The 20th century boys
هذا انا باقرا حاليا وبصراحه لا يقل عن مونستر ,, سسبنس من الدرجه الاولى على تعقيد فظيع ,,, انصحك كدا تتفضالو مظبوط وتقعدلو قعدا تمام لانو ما ببدو تقطيع في القراءه ...

صراحه هذا المانقاكا عظيم جدا ومو بس في السسبنس حتى اعمالو التانيه حلوه شوفها في الموقع الي فوق تلاقي هابي , انا عن نفسي لسه ما قريته بس سمعت انو فظيع ...

وشكرا ...

[DMC]

هلا والله فيك بالمنتدى مرة ثانية لكن صراحة هاذي اول مرة لاقي تقرير جميل عن المانجا
وبما اننا ماالتقينا من قبل اقوليك nice to meet you:D
وانشاء الله نشوف مواضيع اكثر واجمل بعد في المستقبل القريب:biggthump
النهاية:reporter:

[Empress uae]

الحمد لله على السلامة اختي. نورتي المنتدى. :08:

و إن شاء الله تكونين مراقبة في القسم حتى نحتل المنتدى أنا و أنتي. :09: :D

شفتي كيف أعزك و أقدرك و أمام الكل بعد؟؟؟ :cool: :biggthump

مشكورة على المانجا و إن شاء الله أقرأه عشان خاطر عيونك. ;)

[faye valentain]

السلام عليكم ...

devilmay cry
اهلا بيك اخوي وشكرا على الترحيب and nice to meet you to^^
ان شاءالله يكون الموضوع عجبك وشكرا مره ثانيه على مرورك ...

Empress uae
يا مرحبا يا مرحبا بالامراطوره ,, نفرش الورد ولا نفرد السجاده الحمره ايش اعمل بالزبط ^^

والله صراحه انا الي سعيده جدا بمرورك يا صديقه الحبيبه وعلى قولك خلاص اتوصتيلي اسير مراقبه
عشان نحتل القسم ونعمل فيه البدع :biggthump
شكرا حبيبتي مره تانيه على مرورك وخلاص لازم تقري المانقا عشان تقوليلي رايك ok
وشكرا ...

[Vincent Volaju]

السلام عليكم ورحمة الله وبركاته

كيف الحال أختي faye

ايوة كدة المواضيع ولو اني مو مرة مع المانجا بس سمعت كثير عن المخرج فا بما انو سمعته كويسه فا أكيد شغله كويس بصراحة أتحمست اني اقرأ ها وشكرا على المواقع

وبس شكرا على الموضوع

نشوفكم على خير

سلام....:)

[Tokimeki]

هاااااي و حمد اللة على السلامة و ان شاء اللة ما اتغيبين عنا مده طويلة ^__________^

اول شيء مشكووورة على التقرير .. انمي Monster وايد يتكلمون عنة ...بس يا ربي ما ادري ليش ما دش مزاجي :tongue2: .....يمكن مو متقبلة ستايل الرسم ...او من ناحية الدراما الجدية ....و يمكن سبب ثاني منو يدري XD
انا هم اموت على شيء اسماة مانجا :shock22: ...بس الحين انا قاعدة ادور على الرومانسية و الكوميدي ;)
مشكووووورة على التقرير و ان شاء اللة ان شوفج عن قريب و مو تقطعين :09:

[faye valentain]

السلام عليكم ...
Vincent Volaju
وعليكم السلام ورحمه الله ,, كيفك اخويه فنسنت ان شاءالله تمام ,,
تسلم اخويه والحمدلله انو عجبك الموضوع ,,

وبعدين تعال هنا انت كمان من الناس المفقودين والاخ نويزي سايلنس كمان خلاص حتى انتو لازم تعملو كوم باك جبار :D .. المهم يلا نشوفك على خير ...


Tokimeki
اهلين اختي وشكرا على الترحيب ,, اما عن مانستر هيه مانقا جديه لابعد الحدود فقراء الشوجو ما اتوقع تعجبهم ,,
تصدقي عمري في حياتي ما قريت شوجو :أفكر: ما ادري ليش بس نفسيتي تتعب لمن اقراها :09:
بس ترا دا المانقاكا لي بعض الاعمال الخفيفه زي happy مانقا ظريفه وحلوه عن بنت تلعب تنس وفي شويه رومانسيه على حبه كوميدي على لفحه دراما ^^ اقريها وحتعجبك ان شاءالله
وشكرا ...

[TNT-BOY]

بس حبيت انبه على شغلة
http://www.mangaszene.com/content/uploads/img403c8e85d8e84.jpg
ان Naoki URASAWA مو هو كاتب مانجا Pineapple Army لاكنه فقط الرسام مالها ^_^
كاتب القصة هو KUDO Kazuya "موجود اسمه في الغلاف مال الصورة اله حطيتيها"
وهو العمل الوحيد له يمكن ^_~

وعلى شان تتأكدو زيادة ادخلو الموقع دا (http://www.cinemasie.com/fiche/oeuvre/pineapplearmymanga/)


و على فكرة انا بديت اتابع 20th Century Boys وزي ما كنت متوقع ممتاازة جدا :biggthump

صار لي قاري منها 3 كتب وللاسف لما نزلت الرابع طلع فيه خلل >_> بحاول انزل من جديد "مشكورة على الموقع" :D

وزي ماكنت متوقع اسلوب عالي وراقي يعني لما اعتقد ان خلاص كل شي اتظح وانعرف كل شي ...... يبدى في دوامة ثانية

بس لو شالو شخصية GOD احس احسن ..... لان المانجا دي احسن مافيها انه يخلي البشر يستطيعو يعملو اشيا كثيرة وصعبة بدون ما يدخل الفانتاسي يعني كل شي واقعي
بس جاد صاير نوعا ما له قوة خارقة....... لو ماله يكون احسن :33: على شان تظل القصة واقعية جدا ^_^

ما اريد اتكلم زيادة لانكي كفيتي ووفيتي ^^

وعلى طاري المانجاكاز انا يمكن افضل مانجاكا عندي هو FUJISAWA Toru
اختصاصه شونين :biggthump وبما انتي يمكن تميلي للشونين انصح فيه وباعماله انا قريت معظم اعماله على النت بس احلى شي كان Bad Company + Shounan Junai Gumi :08:
وماله الى انميين وهم GTO + Shonan Shunaijo




وعلى فكرة معظم الصور ما يطلعون

فقلت راح احط صورة له
http://membres.lycos.fr/renzokuken3000/Urasawa2.jpg

واعذريني اختي فاي على المداخلة -_-"


=-=-=-=-==--=
Toki
ما اعتقد Monster وله اعماله الثانية يمكن تعجبك -_-"

[faye valentain]

السلام عليكم ...
اهلا اخويه tnt ايش الاخبار ان شاءالله تمام ...

معليش على الغلطه مع اني قريت في الموقع انو ناوكي كان بس art في جيش الانناس ^^ بس نسيت اذكر
هادي المعلومه يلا الحمدلله ما قصرت اخويه ..وشكرا على الموقع ...

بالا بدأت تقرا 20th Century Boys , كيف بس بلا مو شي رهيب ,, تصرق حتى انا قريت بس تلاته كتب ^^
بس المشكله التنزيل بطيء وانت تعرف المانقا بدها اتصال في القراءه فاخويه قلي حيجبلي هيه كامله ان شاءالله
على الحج , فقلت يلا استنا واقراها كامله احسن وعلى فكره هيه 26 كتاب على ما اعتقد ..
بس بلا كيف ,, انا قلت في البدايه ocho اكيد هوه فرند , وحللت وقعت افكر وقلت خلاص اكيد هوه الا تطلعنا شخصيه
ابو قناع دا ويروح كل تحليلي في القمامه وكانك يا ابو زيد ما غزيت :أفكر:
وصراحه شخصيه god برضو ما عجبتني في البدايه بس بعد فتره استسغتو شويه , معليش خلي يوسع مدارك الخيال
شويه , لانو المانجا دي انا حاسه انها موسعه اكتر من مونستر وخاصه انو فيها تدمير العالم والبشريه وكلام كبير زي دا
وانا قريت كمان انو مع الوقت المانقا كل مالها تتغير وتتعقد وتسير اكت حماسا , يلا احنا نصبر ونشوف ...

اما المانجاكا FUJISAWA Toru بصراحه انا ما قريتلو شي , وانا صراحه زي ما قلت ما اقرا غير شونن , ونوعيه غريبه كمان , ساموراي , ملاكمه , كوره قدم وامثال مونستر كثير .
بس ان شاءالله اجرب اقرا المانقا الي كتبتها بس ممكن موقع انزل منو ؟؟؟

وشكرا على الرد اخويه وفي انتظار مشاركاتك ...

[TNT-BOY]

السلام عليكم ^_^


ولله صدفة حلوه اختي Faye موقفة معايي في نفس الفاليوم يعني اقدر اتناقش شوي لان اصحابي كلهم موصلين لآخر فاليوم الـ19


انا قلت في البدايه ocho اكيد هوه فرند حتى انا قلت هو اكيد لانه كان معاه من بداية ما قام يكتب الخطة بالاضافة الى ان شكله كان يوحي بالخبث والحقارة ^_~
كم انه كان القائد لما كانو صغار + انهم قالو انه ولد ذكي كل الاشيا دي تقودك للشك فيه
لاكن اتفاجىء بأنه مو هو لا كن واحد اسمه "ساداكيو" منهو دا ؟؟؟؟ من وين طالع ؟؟؟؟ :bigeyes:
والى الحين ما اعرف معلومات زيادة عنه غير انه ابو "كانا" على حد ما يزعم ^_~

كانا البنت دي موجودة من البداية وبدون اي شي تطلع وراها سالفة كبيرة مرة وحده

لاكن في سؤال جاي على بالي وهو
ادا ocho مو هو الفرند
اجل وينهو الحين ocho ؟؟؟ هل له علاقة بـ"Shogun" ??? مادام انه قريب من منطقة اختفائه
اوكو آخر مرة قال انه رايح الهند


و Manjoume Inshuu اكيد راح يطلع واحد من طفولتهم
يمكن مو صديقهم بس صديق "سادايكو" :33:

و Yanbo & Mabo الى الحين ما طلعو وهم كبار
بس انا ملاحظ انهم مشددين على انهم قاسيين وشريرين اعتقد ان راح يكون لهم مستقبل اجرامي كبير -_-"

بس نهاية آخر تشابترين كانو قويتين
الـ31 نهايته لما كينجي يطلع للافق وفي يده " كتاب الرسالة " اله ماكنت اتوقع انه بيطلع مع الصندوق اله دفنه في بيتهم لما كان صغير

التشابتر الـ32 لما شوجن يتكلم عن الرمز الموجود في مجلة شونين ساندي


بس في شي احسه غلط :D
كيف يتكلم عن مانجا Urusei Yatsura مع انها قديمة واول اعمال Rumiko والمفروض انه خلص من قبل 20 سنة على الاقل :33: فكيف تكون موجوده في مجلة شونين ساندي ؟؟
ولو المجلة قديمة اجل ليش اونياشا على الغلاف ؟؟؟
ولله انا عمري ما مسكت مجلة مانجا على شان اعرف :o



وتكلم عن Touch مانجا قديمة بعد ^_~ بس توني داري انها مشهورة كنت احسب مافي اله 3shiro يتابعها :09:



وفي شي اعتقد له سالفة بس ما اعرفها
ما لاحطتي ان الغلاف الاول مرسوم عليه 3 شخصيات بس "كينجي - يوتشيتسو - مارو " من اصل شلة الاولاد الصغار ؟؟؟
انا جاي على بالي فكرة بس ما في شي يثبتها وهو ان يمكن كل الاولاد بيموتو وبيبقو الثلاثة دوله
وله يمكن يتضح ان الكل كان مشارك في المؤامرة اله دوله الثلاثة هم يكونو "شلة الاخيار" ^_^
انا ما استبعد اي شي من بعد اله شفته من Naoki مع اننا في بداية القصة بس -_-"

وصدق الشاعر اله قال :
ستظهر لك الايام ماخفيَ ......... وتأتيك بالانباء ما كنت جاهلُ

هذا الشعر وله بلا :09:



وانا صراحه زي ما قلت ما اقرا غير شونن , ونوعيه غريبه كمان , ساموراي , ملاكمه , كوره قدم وامثال مونستر كثير .

الساموراي حاولت قدر الامكان ابتعد عنها افضل اشوفه بالانيمي ^_^
خاصة من بعد ما قريت Blade of the Immortal اله تعتبر اشهر مانجا قتال الحين من بعد ناروتو
قريتها ولا حسيت نفسي استوعب عدل فطنشت >_<

الملاكمة حدي قريت Ashita No Joe (http://starbruin.com/ashitanojoe.html)

اما باقي الرياضات ما شفت منهم شي ^_^ حتى Initial D اكثر مانجا رياضية تتنزل من النت ما قريتها بس تابعت الانيمي مالها الى آخر حلقة :biggthump




بس ان شاءالله اجرب اقرا المانقا الي كتبتها بس ممكن موقع انزل منو ؟؟؟

Shounan Jun'ai Gumi (http://mp.sigh.org/manga/sjg.html)
وكتبت انا عنها تقرير قبل التقرير (http://www.montada.com/showthread.php?t=299924)

اما باد كومباني ما اعتقد في له وصلات لانها تترجمة من زمان
بس انا نزلتها ببرنامج الـ++DC
وهي صغيرة فاليوم واحد من 10 تشابترات بس استمتعت بها لآخر حد

راح تاخذ فكرة اكبر على اعماله لما تقري التقرير ^_^




وياليت لو تقولي لي التخمينات اله عملتيها على " اولاد القرن الـ20" :D

=-=-=-=-=

شوفي الصورة اله في المرفق


المشهد ما يذكر بريزدنت ايفل ؟؟؟؟ :D

[TNT-BOY]

اوه نسيت ما اسئل
انتي كيف عرفتي انها 26 كتاب بس ؟؟؟:06:

انا اليوم العصر داخل موقع ياباني وكان تبع الاشيا الجديدة عنده هو الكتاب الـ19 بس
وفي موقع مانجا سكرينير مكتوب 19 كتاب الى الآن :33:

[faye valentain]

السلام عليكم ...

والله شي يبسط اخيرا في احد اناقشو في هادي المانجا ^^

المهم ...

كانا البنت دي موجودة من البداية وبدون اي شي تطلع وراها سالفة كبيرة مرة وحده
تتذكر البنت الي جات في اول تشابتر بس كم لقطه ؟؟ كانت شقره وفتحت الطاقه لقت رجل آلي كبير ...
انا اقول هيا كنا , بس لمن تكبر واعتقد انها ليها دور كبير جدا في القصه , بالاضافه الا انو هيا بنت فرند
فحيكون ليها يد في الموضوع زي ما قلت ...



دا ocho مو هو الفرند
اها حتى انا فكرت في الموضوع دا ,, هوه كان شكلو غامض وغريب من البدايه , وبعدين هوه الي اخترع الرمز
فاكيد لي يد في الموضوع ,,, ودحين السؤال الي يطرح نفسو ,, ايش سرلو في الاسبوع الي اختفا فيه :33: ؟؟
وليش بعدين استقال وراح الهند ؟؟ اكيد في شي كبير سرلو في الاسبوع دا وهوه الي غيرو


وفي كم موقف صراحه في بالي ولا عارفه تفسير لهم ...
الاول حادثه الملاعك الملتويه ,,, انا قلت يمكن فرند هوه الي عمل الحركه دي , بس معقول يكون فرند حضر
الريونين :33: , لانو لمن الاستاذ قلهم غمضو عيونكم عشان يعرف الفاعل في واحد رفع يدو ,,, وبعدين لمن
في المقابله مع ابو شعر طويل الي فجر المطار والمحاميه صاحبه يوكيجي برضو لمن قام لقو الملاعق ملتويه
ايش القصه ؟؟؟؟؟؟؟

تانيا لو لاحظت في الريونين كان في شخصيه جدا سسبشس وكان قاعد بين مارو و يوشتسوني , ما اعرف ليش
شكيت في بس كنجي ركز عليه وجابو في كم لقطه ,, معقول يكون ساداكيو ؟؟؟ :boggled:

تالتا لمن دونكي طلع غرفه العلوم وقالو انو فيها شبح ,, لكن هوه ما صدق بدي الحكايه فطلع لكن لمن طلع شاف
شي خلا يخاف ويهرب ..... ايش شاف بالزبط ؟؟؟



الـ31 نهايته لما كينجي يطلع للافق وفي يده " كتاب الرسالة " اله ماكنت اتوقع انه بيطلع مع الصندوق اله دفنه في بيتهم لما كان صغير

انا عن نفسي كنت جدا متوقعه انو حيلاقي الدفتر لانو كم مره قالو يريتو معانا وهوه السلاح الوحيد الي يقدر
ينقظ العالم بي فاكيد كانو حيطلعو من تحت الارض (( وفعلا طلعو من تحت الارض ^^ ))


كيف يتكلم عن مانجا Urusei Yatsura مع انها قديمة واول اعمال Rumiko والمفروض انه خلص من قبل 20 سنة على الاقل فكيف تكون موجوده في مجلة شونين ساندي ؟؟

.................................................................................................... ....

لا تدقق الرجال تعبان في المانجا .


ما لاحطتي ان الغلاف الاول مرسوم عليه 3 شخصيات بس "كينجي - يوتشيتسو - مارو " من اصل شلة الاولاد الصغار ؟؟؟

انا صراحه ما دققت فيها بس الله اعلم يمكن
على قول الشاعر :
الخبر النهرضه بفلوس بكره يبأه بلاش <<<<<<< مو بس انتا تعرف اشعار




خاصة من بعد ما قريت Blade of the Immortal اله تعتبر اشهر مانجا قتال الحين من بعد ناروتو

حرام عليك يا شيخ , Blade of the Immortal افضل مانجا ساموراي وجدت على الاطلاق , وانا استمتعت بكل
صفحه من المانجا , وطبعا اختك تموت في السيناريو النضيف و المانجا دي كلها حوارات روعه ,, والشخصيه الاساسيه
مانجي من اجمل ما يكون شخصيه رائعه بالاضافه للشخصيات المهوله الرائعه الموجوده في المانجا ,,
يمكن في البدايه تتلخبط بس صدقني لو دخلت في مود المانجا حتعشقها , بالاضافه الى انو سمعت انو محا يعملولها
انمي فحتفوت اجمل قصه ساموراي على نفسك ...

ويمكن تستغرب شويه لكن .. انا اقرا ناروتو برضو ^^ , مع اني احب المانقا متصله وما ادور الا على المانقا الاكامله
او الي يكونو قطعو شوط كبير فيها بس ,, لسببما عاجبني المانقا اكتر من الانمي ^^


الملاكمة حدي قريت Ashita No Joe
WOW جو مره وحده :wow: ,, صراحه تكفيك لا تقرا غيرها ,وشكرررررررررررا على الموقع بس شفت في 10 ch
بس في تكمله ولا كيف ؟؟

انا عن نفسي باقرا ippo وجو المانقا غيييييييييييييييير عن جو بمليون مره , المانجا كلها ضحك وكوميدي ومحشات
تموت من الضحك مت عادا طبعا وقت الملاكمه واحيانا في التدريب , صراحه لا باس بس المشكله كنت بانزلها من
سنوبي كول وفجأه الموقع خرب ما اعرف ليش ...

=================================
اما عن الصوره بصراحه تزكرني اكتر بفلم down of the dead ولا مو :33:



انتي كيف عرفتي انها 26 كتاب بس ؟؟؟
صراحه ,, حتى انا استغربت , انا الي اعرفو 19 كتاب برضو ولمن قلت لاخويه يجبلي هيه , يقلي ابصم بالعشره
عندي 26 كتاب ,, اكدب اخويه يعني وعلى قول الشاعر : شحات ويتشرط
بالاضافه الى القول المأثور : زياده الخير خيرين ...

هوه حيجي في الحج ان شاءالله ونشوف ...

يلا نكمل النقاش غدا ان شاءالله لاني جعت ^^
وشكرا ...

[TNT-BOY]

باااااااك مرة ثانية <<<<< ما ورايي شي غير اختبارات :09:


تتذكر البنت الي جات في اول تشابتر بس كم لقطه ؟؟ كانت شقره وفتحت الطاقه لقت رجل آلي كبير ...
انا اقول هيا كنا , بس لمن تكبر واعتقد انها ليها دور كبير جدا في القصه , بالاضافه الا انو هيا بنت فرند
فحيكون ليها يد في الموضوع زي ما قلت

ما اعتقد لان القطة اله طلعت فيها البنت كانت في الالفية وكان عمرها +20 تقريب
بينما ان كانا عام 97 كانت صغيرة اقل من سنتين

يعني في فرق كبير شوي في الزمن
بس مع ذالك ماحدوو السنة بالزبط من الالفية دي ^_~


الاول حادثه الملاعك الملتويه ,,, انا قلت يمكن فرند هوه الي عمل الحركه دي , بس معقول يكون فرند حضر
الريونين , لانو لمن الاستاذ قلهم غمضو عيونكم عشان يعرف الفاعل في واحد رفع يدو ,,, وبعدين لمن
في المقابله مع ابو شعر طويل الي فجر المطار والمحاميه صاحبه يوكيجي برضو لمن قام لقو الملاعق ملتويه
ايش القصه ؟؟؟؟؟؟
ايه قهرني كنجي >_<
عامل حاله شريف وامين ولا فتح عينه >_<

انا الحين حاط في بالي ان ابو الشعر الطويل هو اله حظر الريونين
وله يمكن اثنينهم حظرو هو و فرند
وانا شكلي عرفت اله تشكي به "سيسبش" شوفي المرفق ;)



تالتا لمن دونكي طلع غرفه العلوم وقالو انو فيها شبح ,, لكن هوه ما صدق بدي الحكايه فطلع لكن لمن طلع شاف
شي خلا يخاف ويهرب ..... ايش شاف بالزبط ؟؟

السؤال اله المفروض بطرح هو

هل الـ"فرند" له وجود لما كانو اطفاال؟

يعني انتي نسيتي ان الحادثة دي صارت بينما هم صغار
يعني ويش هو الشي دا اله شافه والكاتب ما اراد يخلينا نعرفه الحين وخزنه للمستقبل ؟؟؟ ويش الشي الغامض المخيف اله بيخلي دونكي يهرب مع انه كان اشجع واحد فيهم ؟؟؟؟ بعض النظر عن الشي دا ليش هو موجدو في القصة مع ان دونكي مات ؟؟؟

اعتقد هذا احد اكبر الاشيا اله حيرتني الى الحين :boggled:

ا
نا عن نفسي كنت جدا متوقعه انو حيلاقي الدفتر لانو كم مره قالو يريتو معانا وهوه السلاح الوحيد الي يقدر
ينقظ العالم بي فاكيد كانو حيطلعو من تحت الارض (( وفعلا طلعو من تحت الارض ^^ ))

انا اعتقدت ان فرند هو اله اخذه لما رماه كنجي -_-"

بالنسبة Blade of the Immortal بحاول اقراها من جديد واعطيها فرصة ثانية


صراحه ,, حتى انا استغربت , انا الي اعرفو 19 كتاب برضو ولمن قلت لاخويه يجبلي هيه , يقلي ابصم بالعشره
عندي 26 كتاب
-_-" الكاتب بعده ما ينزل الكتاب الـ20



يلا نكمل النقاش غدا ان شاءالله لاني جعت ^^

فيه العافية ^_^

وانا جعت بروح اكل لي اي شي بعد >_>

[TNT-BOY]

واخيرا قريت الكتاب الرابع اليوم :biggthump
يعني للاسف النقاش انتهى <_< في امل اللقاء في نقاش لما نوصل لآخر كتاب نزل :o

بس في نهاية الكتاب الرابع كانت في صورة لاعمال ناوكي
فقلت احطها هنا ^_^
الصورة... (http://www.geocities.com/arabicmangafan/20thCenturyBoy_ReLease.jpg)

بس ماعليكم من رقم الاعداد اله نزلت لان الصورة قديمة والحين اكيد زادو

بس في شي محيرني وهو قاعد يكتب في حوالي 4 مانجات في نفس الوقت ...... ما يتلخبط وله تطير عن باله افكار ؟؟؟:33:

في مانجا ثانية شكلها بطلتها بنت اسم المانجا Yawara! بس شكلها في عنف شوي ^_~

وان شاء الله اقرا الكتاب الخامس اليوم بعد واحطم الرقم القياسي وهو "كتابين(20تشابتر) في نفس اليوم" :08:

اوه نسيت ما اقول
نصيحة لا تشوفي الخلفيات مالات "اولاد القرن العشرين" لان فيها حرق <_< الله يهدي Legendry_Killer ماحط تحذير ولا حتى نبهني اله من بعد ما شفتها >_<

[faye valentain]

السلام عليكم .........

مبرووووووك خلصت الكتاب الرابع يلا عقبال الخامس ان شاءالله ,,, (( رقم قياسي ؟؟؟ انا عن نفسي لو المانقا متوفرتلي اقرا 5 او 6 ساعات متصله :31: ))

يلا معليش نقفل النقاش الى ان نخلص المانقا ,, بس على فكره انا كنت باقرا مانقا happy عن البنت الي تلعب
تنس , كمان حلوه ما بها شي , بس وقفت لانو ......................................!!!!

اختباراتي تبدأ بكره !!!!!!!!!!!!!!!!!!!!!!!!!!!

يعني مافي لا فرحان ولا اولاد القرن العشرين في دراسه طول النهار :17:


في مانجا ثانية شكلها بطلتها بنت اسم المانجا Yawara! بس شكلها في عنف شوي ^_~
هادي مانقا قديمه وفاز بجائزه عن هاذي المانقا (( اقرا موضوعي زي الناس :12: )) وهيه عن بنت تلعي الجودو
واعتقد نزل كم جزء عليها ...

المهم خلاص دحين سار الوقت من ذهب يلا اشوفكم على خير ...
وشكرا ...

[TNT-BOY]

(( اقرا موضوعي زي الناس :12: ))

انا قاريه حرف حرف
بس معظم الصور ما يطلعو فما كنت شايف شي من Yawara! غير اسمه فلما شفت الصورة قلت شكله عنيف "يعني صار لي مجال اعلق عليه -_-"



بس على فكره انا كنت باقرا مانقا happy عن البنت الي تلعب
تنس
ممكن الموقع ؟؟
لان مافي اله التورنيت >_<



اختباراتي تبدأ بكره !!!!!!!!!!!!!!!!!!!!!!!!!!!


بالتوفيق
Ganpataa

[faye valentain]

السلام عليكم ...



ممكن الموقع ؟؟

هذا موقع للدايركت هنا (http://www.cootey.com/manga/Happy!/index.html)



Ganpataa

ganbaremas >_<