مشاهدة النسخة كاملة : متطلبات, الـ PlayStation 2
Eltimas
14-12-2004, 04:50 PM
ياريت الي يعرف
يقولي أسعار ومتطلبات لعبة Final Fantasy XI Online عالPlayStation 2
ويقولي اسعارهم ^^
دولار او كويتي
*(_لاتنقلون هالموضوع وتخلونه بمشاركة بموضوع الأستفسارات لأن الموضوع ميت ومحد راح يرد علي_)*
KuwaitDragon
14-12-2004, 05:23 PM
المتطلبات حق فف
بلاي ستيشن NTSC or PAL
فف11 مع الهارديسك سعره من 35-40 K.D
والنسخه اليديه 18 دينار ومودم 25 دينار وبطاقه ائتمانيه ولوحة مفاتيح 15 دينار
كلهم تقريبا 95 K.D
***اهم شي الجهاز مو مطور ***
Eltimas
15-12-2004, 09:33 AM
عندي PLAYSTATION
بس مادري اذا مطوره ولا لأ
شلون اعرف ؟
عندي بطاقة ائتمانية
يعني شيل منهم ال PlayStation
و البطاقة الأئتمانية
راح احتاج
المودم واللعبة والكيبورد,
راح يصير تقريبا 80 دينار =O ??
--
شنو اهو النسخة اليديده 18 دينار ؟؟
asf4ever
15-12-2004, 01:27 PM
أنا ما عندي فاينل فانتسي 11
بس بوضحلك بعض الأشياء
البلاي ستيشن2 المطور المقصود فيه هو انه يشغل شرايط كوبي(يعني فيه مود شيب)
والنسخة اليديدة عبارة عن تحديث للعبة نزل من فترة وما تقدر تنزله من النت يعني لازم تشتريه
واسمهchains of promathia
وتقدر تشوف معلومات عن السعر في هذي الصفحة اضغط هنا (http://www.playonline.com/ff11us/shop/)
وشكرا^^
Eltimas
15-12-2004, 01:53 PM
تكفا بالله في PLAYSTATION2 ماتشغل COPY !??
,,
يعني لازم اشتري PLAYSTATION2 يديده ؟
-.-"
هذا شكله بيطلع فوق ال100 دينار ..
اقعد على مينوني احسن,,
xox13546dtye
17-12-2004, 01:52 PM
السلام عليكم
نفس السؤال تقريبا أنا من السعودية وأريد أن أعرف من أين يمكنني الحصول على هذه المتطلبات
Golden_Sun
17-12-2004, 04:26 PM
- جهاز بلاي ستيشن 2 (الموديل العادي) ويكون مو مطور (يعني ما يشغل كوبي) اتوقع بـ95 او 80 دينار كويتي ..
- هارد ديسك (يكون معاه FFXI اللعبة) بـ40 دينار كويتي
- المودم بـ15 دينار كويتي
- الـUpdate اليديد Chains of Promathia بـ18 دينار كويتي
- اشتراك انترنت (Dial up او DSL)
Eltimas
17-12-2004, 04:38 PM
90+40+15+18+15
playstation2+ffxi+modem+update+keybord -.-"
= 178 دينار
" عساني ما لعبت اللعبة "
Golden_Sun
17-12-2004, 04:50 PM
90+40+15+18+15
playstation2+ffxi+modem+update+keybord -.-"
= 178 دينار
" عساني ما لعبت اللعبة "
LOL ..
لا تحسب الكيبورد .. لأن اي كيبورد يركب عالـPS2 لكن لازم تكون فتحته USB وممكن كيبوردك يكون USB :D ..
لووووول
خذها على ال Pc والله أحسن وارخص
على العموم تقدر تسأل المحلات على ما أعتقد يقدرون يشيلون المود شيب
بعدين لا تشتري التحديث ماتحتاجه الحين بعدين اذا زاد لفلك أشتره
سلام
Eltimas
17-12-2004, 06:22 PM
انا عندي لاب توب والكرت الشاشه ما يشتغل مع اللعبه .. وماقدر اغيره لأنه لاب توب
وبعدين ما عندي كيبورد .. يعني لازم اشتري كيبورد
178 ..
ازيدهم 20 دينار او 30
واشتريلي احسن كمبيوتر ..
-.-"
اخوي ROOK
انا عندي اللعبة على الPC لكن العبها بكمبيوتر اخوي .. >.<
وممو ماخذ راحتي =@ .. يمكن العب ساعه او ساعه ونص بعدين اخوي يرجع وانا لازم اطلع -.-"
واللعبة اقل شي تقعد عليها 3 ساعات (الإندماج)= الأدمان P=
*STEVE*
21-12-2004, 04:02 PM
شلون اطلعو 178 ظلمت نفسك يا فريندز !
اللعبه هي وي الهاديسك بـ 40 دينار اما الابديت 20 دينار كويتي هذيل 60 دينار و مع المودم زيد 15 دينار يصير حسابك 75 دينار >>>>> الحبيب داش بقاله :p
على العموم هذه المعلومات الي اقدر اقدمها لاني من مستخدمي الكمبيوتر و البلاي ستيشن 2 و اي استفسارات انا موجود و حاضر...
الكيبورد ركب اي شي حتى لو بو دينار و نص بس يكون USB و انا مو ماخذ مالت السوني 2 الاصليه لأ ماخذ وحده عاديه قيمتها ما تتعدى 5 دنانير ماركت Genius اذا كنت مهتم بالماركات يا F.R.I.E.N.D.S بس لازم السوني 2 مالتك تكون مو مطوره (يعني ماتشغل الا اصلي) و لازم يكون امريكي....
Eltimas
21-12-2004, 07:53 PM
زيدهم 90 دينار PLAYSTATION مو مطور O_O !?!?
ماعندي KEYBOARD
نقول 5 دنانير KEYBOARD
=
170 دينار
ردت على خمس دنانير ؟؟
اعطيكم 10 بس حذفوه الموضوع
,..
170 دينار ادفع علشان لعبة ؟؟
ليش طايح على منجم ذهب ؟؟
Blue Knight
21-12-2004, 09:57 PM
هههههههههههههههه .. الله يعينك فريندز .. ترا مو لازم تلعب اللعبه :tongue2:
وبالنسبة للـ Playstation تبعك ..
تقدر تفصل منه المود شيب .. يعني ما يحتاج تشتري جهاز جديد ..
بس اذا فصلته ما تقدر تشغل كوبي :33: ..
Eltimas
21-12-2004, 10:18 PM
يصير اذا رديته !؟
اشغل كوبي !؟
*STEVE*
22-12-2004, 08:57 AM
يصير اذا رديته !؟
اشغل كوبي !؟
في تطويره اسمها Switch نفس السويج لمن تبي تلعب كوبي تشغله و لمن ماتبي تطفيه...
انا ما اقدر افيدك بهل تطويره لان عن نفسي انا ما اجربت هل تطويره بس المراقب Guilty Gear يقدر يفيدك...
و لا تزيد 90 دينار و لا شي بلا خساير... ;)
Eltimas
22-12-2004, 12:26 PM
هههه
انا سألت بس
شدعوه ناوي اشتري !
يالله اشكركم كلكم ويعطيكم العافيه ^^
الموضوع مغلق لايمكنك الرد P= "
Eltimas
27-01-2005, 11:43 AM
السلام عليكم
وديت الPS2 حق المحل وقلت له يشيل التطويرة >.<
وقالي اقدر اشيلها بس يمكن اللعبة ما تشتغل
يعني ما أضمن لك
اذا شريت اللعبة وتوهقت فيها O.O
قلت مو مشكلة ان شاءالله تشتغل /=
واذا كلش كلش اشتري PS2 يديدة ب 60 دينار -.-"
لكن يوم رحتله ماقالي عن التحديث !!
قولولي شنو التحديث وشنو اهميته ؟ o.O ?
MadlucK
27-01-2005, 11:48 AM
اشترها على الكمبيوتر وريح بالك ! ...او يقولون في سوتش يوقف التطويره ما ادري شلون
Eltimas
28-01-2005, 02:58 AM
سلااااااام
باركولي يا شباب
شريتها
والحين الأبديت الي قولتكم 4 ساعات مادري 3 ..
شنو الي 4 ساعات ههههههه
صارله نص ساعه مادري ساعه كامله توه 3% !!!!
يوم قلتوا 4 ساعات بالكمبيوتر ما خذا مني الا ساعتين
لكن الPS2 بطيييييييييييييييييئ
معنى الأشتراك DSL
والله انا خايف احد من الملاقيف يطلع ويفصل الواير
بس انا بعد خايف عن اللعبة ما تشتغل
لأن انا مشريت ps2 يديد
شلت التطويرة
قالي راعي المحل ماضمن انها تشتغل
بس ان شاءالله تشتغل
قصده بالعربي اذا شريت اللعبة لا تيلي وترجعها تقولي ماشتغلت
ههههههه
يالله من كثر ما ال Time Remaining وصل حده صار Unknown
XD
MadLuck
انا عندي اللعبة على الكمبيوتر لكن مو بكمبيوتري
بكمبيوتر اخوي
وانا ماخذ راحتي
ماقدر العب اللعبة الا لما يطلع
ولما يرجع لازم اطلع وعذاب
=(
الله كريم :09:
ان شاءالله اول ما تشتغل راح اعطيكم خبر T_T
MadlucK
28-01-2005, 03:49 AM
الله يعينك ...شريت هاردسك وكل الشغلات اللي فوق ....اذا ما اشتغلت شكلك بتنتحر ....الله يوفقك :)
Eltimas
29-01-2005, 02:08 AM
:D
هيااااااا
ماتتوقع يا madluck
قريت ردك
بعدين ضغطت على http://www.montada.com/images/buttons/reply.gif (http://www.montada.com/newreply.php?do=newreply&noquote=1&p=3235391)
وكان الinstall 98%
خليت الرد وقعدت اجابل التلفزيون
بعدين خلص الInstall
جان تشتغلللللللللللللللللللللللللللللللللللللللللللل
هيااا
ايواء ايواء
الحمدلله
الحين بس ناقص الكيبورد من باجر بشتري واحد
وراح انسى المنتدى :09:
ههههههههه
لأن التحكم بدون Keyboard حيل حيل صعب
والله الأبديت هذا عذبني
اول شي من الساعه 1 بليل لي الساعه 11 الظهر وصل 68% جان يصير Error (حسب كلام الأهل) بعدين بالغلط الأهل سكروا ال ps2
بعدين عدت ال download من الساعه 1 الظهر لي الحين الساعه 3 وعشر الفجر
وخلص الحمدلله !!
يالله يالله بروح انام لأن صارلي يومين مو نايم :]
شكر خاص ل Madluck الي شاركني الشعور
هههه
يالله مع السلامة
MadlucK
29-01-2005, 02:37 AM
عشان تعرف انه ويهي خير :p .... يالله انشالله تشوفني بعد كم يوم بس يجي ال dsl ... بس اللي بالبلايستيشن يقدرون يشوفون
اللي يلعبون بالكمبيوتر :s
Eltimas
29-01-2005, 08:31 PM
اي اكيييد !!
بعدين انت عندك شخصية !؟ ولا يديد !؟
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .