فزاع في رثاء الوالد زايد..

[فجـر]

بسم الله الرحمن الرحيم
هذه مرثية أعدها الشيخ حمدان بن محمد آل مكتوم لزايد..
فقيد الوطن والامة..
كامت رائعة تخرج من القلب..
فتصل إلى القلوب جميعها..

العذر يابوي لـــو مـــا شلني ساقـــي
الحزن مـــا طــاقـنـي والقلب ما طاقه

يـا عينـي ابكي وساعدها يـا خافقي
مـاهـوب عـيـب يفيض الدمع ف احداقه

يــا مـوحـد الـدار..يــا الـمـتفرد الراقي
والـغـيـم حـزن جـذب الاحـسـاس براقـه

أشـوف كـن الـنـهـار يـحـدّر احـداقــي
واشـراقـتـه مـا تـشـبـه أيــّه اشـراقــه

ومـن يعذل القلب عن ضيقته لا ضاقــي
إنســان مشكوك في مذهبه واخلاقــه

يـا حاكم الارض وأوّل وآخر اشواقـــــي
يـفـداك قـلـبـن حـزن فرقاك ما ذاقـــــه

فـي غـيـابك الناس مـاتت وانته الـبـاقي
لاّنــك الــغـالـي اللـي يــذبـح افــراقـــه

يـبـكيك من يغرس النخله على الــساقي
يـــبـكـيـك راعي الشداد وراعي النـاقه

والـطـيـب والـجـود والـعزه والاخلاقي
والأرض وتـرابـهــا والـبــحــر واعـماقه

شـيـخــن مـقامه سكن مابين الاعماقي
حـتـى الـزمـن مــن مـحّـبـينه وعـشّاقه