كبتن محمد نــــور *** نـــمر من النمور

[ابو_سامي]

تراكم الا تحدون الواحد يكتب عن المنتخب مع ان الواحد ماله نفس بقوه ...

اولا محمد نور افضل لاعب سعودي حاليا شئتم أم ابيتم وهذي حقيقه لا يختلف عليها اثنين فاهمين كوره .. فمن كان وراء بطولات الاتحاد في السنوات الاخيره واخرها الاسيويه بنتيجتها التاريخيه سوا محمد نور بعد توفيق الله طبعا اولا واخيرا ...

محمد نور لاعب فريد من نوعه يضيف قوه ضاربه لأي فريق يلعب له حتى وأن لعب بنصف مستواه ...
ومع ذالك مافيه لاعب كامل ... فاللأسف يغلب عليه اللعب الفردي احيانا ولكن اذا صحى استلم لعب وهجمات على كيفك ... وما التمريرة الى السويد اللي انفرد فيها قدام المرمي داخل ال 18 الا مثال بسيط ولا تأتي الا من لعيبه كبااااااااااار ضرب فيها خط الدفاع كله .. ولكن وين اللي يخلص؟

اما عيبه الرئيسي فهو انخفاض وعيه الكروي اضف الى ذالك ضعف في تقييم الامور واجواء المباره احيانا .. لكن متى ما تخلص من هذي المشاكل راح يكون عندنا وسط حريقه بوجود نور والتمياط والشلهوب ...

هذا بالنسبه لمحمد نور واللي كان مظلوم جدا من قبل التحكيم والبركه في الحكام الاوربيين اللي معدل الكروت الصفر في المباريات يوصل 8 كروت صفرا وكرت احمر ؟؟؟ والله لو جالسين نلعب في الدوري السوداني !! التحكيم سبب رئيسي في افساد البطوله بلا شك ,,, واعتقد ان هالحكام مايعترفون بشي اسمه انذار شفهي ؟؟

استغرب جدا من كثير من الناس للاسف اللي حاط محمد نور شماعه لاخطاء المنتخب وخروجه من الدور الاول بلا حمص !! هل من المعقول ان يكون المنتخب لاعب بمستوى جيد جدا وماسك كوره صح ومن يطلع نور تنخبص الدعوه 180 درجه؟؟ وش دعوه مارادونا اللي طالع؟؟ المنتخب مستواه نازل اجمالا من الحارس الى راس الحربه ,, واللي مهب مصدق يرجع لمباراة اليمن ويجيب معه اله حاسبه عشان يحسب الهجمات الضايعه من مهاجمينا؟؟

السويد في الاتحاد احتياط ما يلعب الا اخر ربع ساعه وفي المنتخب اساسي ؟؟؟
الدعيع ماطق كوره له سته شهور .. يلعب اساسي في وجود من هم جاهزين اكثر منه؟!!!
بالله الاهداف اللي جات على الدعيع ماترفع الضغط؟ بتقولون اخطاء من الدفاع .. اقول مافيه دفاع مايغلط لكن اهداف زي كذا وعلى الدعيع؟؟ قويه في حقه والله ... اول مره اشوف الدعيع بطئ لدرجة الغليان بالشكل هذا؟
رضا تكر مدافع صلب لكن يتنح ساعات ولكن من افضل الموجودين حاليا...
خميس العويران ..معدل 3 تمريرات خاطئه مقابل تمريره صح ؟!! مافيه احسن منه؟؟؟ الدكه مليانه !!
الدوخي ... دوخنا برفعاته اللي كلها اما في يد الحارس والا خلف المرمى بعشره متر ؟؟ توغلات خاطئه واغلبها مقطوعه ترجع مرتدات !!
المدرب وما ادراك مالمدرب ... جايبين لنا واحد قبل البطوله بعشره ايام يتعلم فينا ؟؟؟ بالله هذي ادارة منتخب والا قلة أدب؟ طيب مافيها شي جيبوه وخلوه معاهم عشان يطلع على مستوا اللعيبه من قريب لكن خلوا الجوهر مدرب لانه اعرف بالمستويات واللاعبين اكثر من هاللي توه جاي ماله اسبوع؟؟؟ جايبن المدرب يتدرب فينا .. النقص في الوسط ويسحب خميس العويران والشلهوب ؟؟ اقولكم يتعلم على حساب ضغطنا !!

في النهايه ... الخروج من بطولة الخليج لايقارن بالخروج من تصفيات كاس العالم ... اللي تبدا بعد اقل من 3 شهور ... المفروض يتم تصحيح الاخطاء مهب عاقبوا فلان واشطبوا علان ؟؟ المنتخب في حاجه لكل لاعب كفء ... وبرجوع المصابين وتصحيح الاوضاع من المدرب راح يكون منتخبنا في افضل حالاته ان شاءالله ...

ومبروك للمنتخب العماني الشقيق البطوله مقدما !

[الهدوء المزعج]

شوفوا الناس الفاهمة كيف تتكلم

(صح لسانك اخوي)

[:: Snake ::]

اعجبني موضوعك....

فعلا...صح لسانك ولا عليك زود...

[رونالدو رو]

والله كلامك جميـــــــــــل,,,محمد نور نمـــر النمـــور,,,
اللهم اشفي مبروووووووووووك زاااااااااااايد,,,وفكنا من تخبطات الدعيـــــــــــع

[alfaris2003]

هناك عيب لمحمد نور الاوهو المدافش فهو يصارع مصارعة ولم استغرب مافعل ببشار عبدالله
لويتخلص من الدفع اعتقد ان مستواه سيهبط وشكرا
هذا رايي بصراحة ارجو عدم التعصب وقبول الراي الاخر

[Angry Odin]

محمد نور لاعب كبير. لكن لاحظت ان محمد نور الاتحاد ليس هو محمد نور اللي يلعب بالمنتخب .ومشكلة ظبط الاعصاب هذي لازم يشوفلها حل . لانها قد تكلف فريقه الكثير .

[الاتي ياكلك]

انا اووول شئ اقوووووووووول :biggthump :biggthump :biggthump صح لساااانك:biggthump :biggthump :biggthump

و بعدين رغك الكلااام الي قلتو على الدعيع بس اعتقد ان التاريخ يشفعلوووووووووووو

و لا تنسى انو مبروك زايد خليف الدعيع


و بعدين اعتقد ان الاتحاد السعوووووووودي برئاسة الامير سلطان و نواف لابد انهم يكرموا محمد نور لانو اتحمل كثير و وغطا على اخطائهم و صار هوا السبب الوحيد لضياااااااااااااااااااااع البطووووووووووووووووولة :cool: :cool: :cool: :cool:




=== ملاحظة ::::::::::::
ما لمسنااااااااااااه من فرحة المنتخب الكويتي و القطرررررررررري الكبيرررررررررة جداًًااااااا بخروج المنتخب السعووودي دليل كبير انو الاخضر كبير و الكبير كبير
و راجع الاخضر ياااااااااااااااااااااااااااااااااااااااااا ازيرق في التصفيااات

هدا الخضر ياكلك

[TORNADO]

بالفعل نور لاعب كبير ولكن مثل ما قال الاخ Angry Odin

محمد نور لاعب كبير. لكن لاحظت ان محمد نور الاتحاد ليس هو محمد نور اللي يلعب بالمنتخب .ومشكلة ظبط الاعصاب هذي لازم يشوفلها حل . لانها قد تكلف فريقه الكثير .

[ابو_سامي]

مشكورين على مروركم ومشاركتكم شباب ... ولي تعليق بسيط على بعض المداخلات ..

انتشرت ادعائات كثيره في الفتره الاخيره بتفاوت مستوايات لاعبي الاتحاد في المنتخب عكس مستواياتهم مع الاتحاد .. ومنهم من تمادى في اتهاماته معللا ذالك لاسباب ماديه وانتمائيه بحته... بل ان هناك من اوصلها الى خيانة وطن وعدم ولاء للارض الخ الخ ....

لهولاء اقول ... معروف ان لاعب كرة القدم يبذل قصارى جهده للوصول الى تشكيلة منتخب بلاده .. فهل يعقل أن يتعمد التهاون والخذلان وهو يمثل بلاده بشكل رسمي؟! الجواب المنطقي ... طبعا لا ... اذن مسئلة التعمد في التهاون وعدم المبالاه هذي برا الحسبه ...

شي طبيعي ان يكون مستوى الاعب متفاوت مع النادي والمنتخب ... والاسباب كثيره منها عدم الانسجام عدم اخذ الوقت الكافي عدم لعب مبارايات وديه لتقريب المستويات وفهم اللعيبه تحركات بعض واختلاف الادوار والمهام ايضا .. كل هذي اسباب من شئنها تدني مستوى اللاعب بشكل عام ... يعني تجيب لاعب منسجم مع فريقه وفاهمين عليه وين يبي الكوره ومتى يبيها ولعبيه فاهمين بعض وتبغاهم يلعبون مع المنتخب بنفس المستوى؟ طبعا لا .. اذن في النهايه تذبب مستوى اللعيبه في المنتخب سببها الرئيسي من وجهة نظري الشخصيه قصر فترة التحضير للمنتخب رقم واحد و قلة المباريات الوديه رقم اثنين وتخبط المدرب الواضح جدا عدم معرفته باللعيبه ونقاط القوه والضعف في المنتخب رقم ثلاثه ... والاسباب كلها فنيه يتحملها الطاقم الاداري والمسؤولون عن المنتخب اداريا اولا واخيرا ...

اخرا وليس اخيرا .. اشوف البعض يقول لعب محمد نور دفش او خشن او مصارعه الخ ... انا صراحه ما اشوف دفاشه ولا خشونه متعمده .. اشوف حكام جايبيهم من المجزره على الملعب عيونهم تطلع شرار .. فهل يعقل ان يطرد لاعب لانه تعمد تاخير اللعب ؟؟؟ انا طول عمري اشوف الحكام يفكرون الف مره قبل مايطردون لاعب بسبب سوء سلوك من غير مخاشنه صريحه ولا دخول عنيف ؟!!! يعني طرد نور في المبارايتين كان بسبب انه وقف قدام الكوره قبل لا تنلعب؟؟؟ مع اني في الحالتين ماشفت تاخير متعمد في تعطيل اللعب بالعكس المفروض اللعبه تكون على صافرة الحكم وفي الحالتين الحكم كان لسه في مكان الخطاء ولا اخذ موقعه عشان يعطي الاشاره لاستمرار اللعب فعلى اي اساس يطرد نور بتهمة تعطيل اللعب؟!!!! الصراحه انا معجب جدا بقوة اعصاب محمد نور .. اتوقع لو اي لاعب ثاني ويظلم مرتين بنفس الطريقه وبنفس الاسلوب كان اكل لك الحكم علقه محترمه !! والله الواحد يفقد اعصابه بالشكل هذلا ولا الومه صراحه .. تحس انها متعمده وارجعوا للاعاده تشوفون ان الحكم مبيت النيه بطرد نور مسبقا ...

اتذكر مباراة منتخبنا ضد فرنسا في كاس العالم 98 لما داس زيدان على ظهر فؤاد انور وطرد زيدان بالرغم من اسمه وسمعته الكبيره ولكن خطاء واضح وصريح يستحق الطرد .. هل تعتقد ان الحكم كان بيطرد زيدان لو انه وقف قدام الكوره ياخر اللعب ينتظر لعيبته يرجعون؟ بالتاكيد ماكان راح يحصل .. في اسوء الاحوال بينذره الحكم شفهي ... الاكيد ان التحكيم افسد البطوله وكان متحامل كثيرا والى اقصى درجه على المنتخب السعوديه .. والتحكيم بشكل عام دون المستوى جدا في هذي البطوله وسبب رئيسي في قتلها فنيا ...

[HAMAD]

هذه هي المواضيع ولا بلاش وخسارة الاخضر يتحملها الجميع بلا استثناء مو بس محمد نور وانا اعتقد انه سبب الفشل هو الجهاز الاداري من المصيبيح المطرود من ناديه ولا العذل الي ما يفهم شي في الكورة وما عنده خبرة في هذا المجال سبب كبير في فشل المنتخب وطبعا حضور جهاز تدريبي جديد يقراطيسه قبل الدورة بعشر ايام يعني اشياء ما تدخل المخ وغيرها من التخبطات والقرارات العشوائية الي كان من اهمها ايقاف نور الي احط عليه مليون علامة استفهام يعني ظاهرة لم اسمع بها في حياتي ولن اعتقد أني سأسمع بها هي اهم اسباب تدهور الكورة في السعودية وما دام هذه هي الحال فرددوا وراي الأخضر السعودي من نكسة الى نكسة

[The Deadly Shadow]

صح لسانك......................

[ابو_سامي]

نواصل معكم مسلسل تخبطات المنتخب اداريا وفنيا والان وبشكل واضح وصريح يعلن المسئولون عن المنتخب افلاسهم كرويا وفكريا ومعنويا ومعالجتهم للاخطاء صفرين على الشمال !!! وعلى قولت المثل جا يكحلها عماها !!

هل يستحق محمد نور الوقف محليا وخارجيا يا اساتذه يامحترمين؟ وهل يعاقب المضلوم بضلم أكبر؟ فهل تقارن حادثة نور بحادثة الثنيان او غيره ممن استوجبوا الايقاف ؟!!! الا يعلم المسئولون عن المنتخب ان يضرون بالمنتخب بهذا الشكل؟ فلا يضير محمد نور وقفه سنه او اكثر طالما انه ملتزم بعقد مع فريقه والتزامته الماديه تصله اول باول ؟!!

تخبط يعيشه المنتخب الله اعلم بحاله ... يبون واحد يقدمونه كبش فداء ويحطونها براسه ولا لقو الا محمد نور ؟؟؟ قمة التخبط والتسرع في اتخاذ القرارت .. وتبون توصلون كاس العالم بعد ؟؟؟ ايه هين .. هذا شنبي اذا وصل المنتخب كاس العالم ... مستوى في الحضيض وحنا في حاجه ماسه لانصاف اللعيبه فما بالكم بمحمد نور ومن هم بتأثيره ؟؟!!! صدقوني محمد نور ماراح يضره الوقف اللي بينضر المنتخب اللي انتوا تدعون انكم خايفين عليه يوم توقفون نور ؟؟ اذا نور يستحق الوقف بوجهة نظركم اجل الدعيع يستحق الشطب والشلهوب العقاب وتكر الجلد والدوخي السجن والسويد دار العجزه !! وباقي المنتخب ينحل احسن ؟!!! حتى لو افترضنا جدلا ان محمد نور فعلا اخطاء على طول نجي نعاقبه بوقف سنه؟؟؟ يعني من اول خطاء نعاقب اللاعب وننسى حسناته مع فريقه والمنتخب كلها؟!!! وش يستفيد المنتخب من الوقف؟ والا يعتقدون ان باقي اللعيبه بتخاف ؟ اللاعب داخل الملعب لما يفقد اعصابه ولا حبل المشنقه يخليه يفكر ان اللي قاعد يسويه شي غلط .. الخطاء يحصل في ثواني وخلاص ينتهي ..

الاكيد ان المنتخب مقبل على فترة لا تبشر بخير وأحسن الله عزاكم في المنتخب مقدما !!!

[Nistelrooy]

أولا مشكور على الموضوع

أما إيقاف نور فأعتقد أن التخلف وصل إلى أتحاد الكرة

أيقاف محليا وخارجيا قمت التخلف

ويتضح أن هناك من لا يتمنى تأهل المنتخب إلى كأس العالم وهم من داخل الأتحاد السعودي المحترم

والدعيع وما أتى به إلى المنتخب = الواسطه = ليش عشان يصير عميد لاعبين العالم

والطل في عمادة العالم مقابل تاريخ الأخضر

[MSN Muharraq MM]

محمد نور لاعب ماعنده روح رياضية كلش اعتبره من اخس اللاعبين السعودين الي شفتهم يلعبون في حياتي ... مع احترامي له و يستاهل الي سوه الاتحاد السعودي لكرة القدم بإيقافه
لأن لو اهو لاعب عنده روح رياضية ويلعب بدون مابي اغلط
جان مايطلع حصيلته 4 كروت صفر و 2كروت حمر
هذي ولا مرة حصلت