من حفر بضلوع قلبه حفرة تكفي قتيله...

[السلطـــــان]

ماتقبلت الفراق ومال يدي فيه حيلــــــــــــــــــة اه لو ان الظروف المقبلة تكشف قدرهــــــــــــا

لو يعرف الشخص منا وش مع الغيب بيجي له كان جنبنا المشاكل من قبل يوقع ضررهــــــــا

ماهقيت الليلة اللي جابت الفرقى طويلـــــــــــة لين صارت ليلة امس بعيني اطول من شهرها

والعذاب اللي يذوب بعين من يفقد خليلـــــــــــه عندي اكبر من عذاب العين لو تفقد نظرهـــــــا

والحبيب اللي صدوده مثل مداته جزيلـــــــــــــه صد عني واعرفه لاصد عن حاجة هجرهـــــــا

كن روحي يوم حست في جفاه وصعب نيلـــــــه بشرتني بالضياع وشدت العزم بسفرهــــــــــــا

مارحمها من هلاك وماتقبلها دخيلــــــــــــــــــة تحتضر قدام عينه لين ماتت من قهرهــــــــــــا

عاد ليت اللي ذبحها وارهب الموت بوسيلــــــة مادفن وجه الضحية والسكاكين بنحرهــــــــــا

ليت قلبه يوم طاوع فعلته كمل جميلــــــــــــــــه لو غسلها من عروقه وبكفن صدره قبرهــــــا

من حفر بضلوع قلبه حفرة تكفي قتيلــــــــــــــه ليه مايدفن قتيله بالضلوع اللي حفرهـــــــــــا