صــــــــــدمة حـــــــــــــــــــــــب إنترنتيه

[2TGOOL]

يا هلا والله بكل من دخل


نورت الموضوع يبو...

اييييييييييييه دنيا >> جالس يتلفت على جدران ذا المنتدى ويسترجع ذكرياته..


مهما رحت ومهما جيت...دايم ارجع لذا المنتدى ولا ادري ليش..أحس بالشوق يجذبني إليه دايم خصوصا إنه اول منتدى اكتب فيه بحياتي..ايام ما كنا نسمع بالنت ولا نشوفه..حتى مره بغيت اشبك خط تلفوننا بالآلة الحاسبه خخخخ

سمعت ايامها ان فيه مقهى فاتح والساعة بأربعين ريال وانا اللي اقمز له...وألقى سوري واقوله علمني النت..وهو اللي يبتلش بي ..يقول يا ابني النت عالم واسع وبحر غزير..رديت عليه..يعني اروح اجيب صروال السباحه؟؟
بعدها قام يسوي حركات غريبه يحب يده وجه وقفا ويتحمد الله مدري على ايش؟؟ ( أشوا إنك ما تدري..

المهم وقام يعلمن شوي بالنت ودخلنا شات مي أر سي.واول ما اشفت العالم معي تسولف وترد وانا اللي انهبل واقوم اطلع كل السبات والعيارات اللي تعلمتها من كنت صغير في المدرسه والحاره كل كلمة حطيتها واحسن مافيها إن ما فيه احد يطردك ذيك الأيام..واجلس اسب واسب وانا اضحك واضحككككككك واكركر انتفخ سري من كثر الضحك ورجليني تضرب بالأرض.....اما السوري فقعد يسوي حركته الغريبه ( يحب يده وجه وقفا ويتحمد الله..

وبعدها حس السوري إنه راح يرتكب اكبر جريمه بحق شبكة المعلومات الحاسوبيه إذا خلاني استمر على الوضع هذا...قالي ايش رايك نتعلم شي صعب..وانا ماسك الفاره والكيبورد ..( كنت اكتب بصبع واحد..واليد الثانيه ماسك الفاره خايف لا تجيه بسه وتهج..
وجلس السوري يحاول فيني وانا معيي..

- يا ابني اترك الكيبورد شوي..منشان نتعلم سوا.. :17:

- هدني عليه هدني عليه... :vereymad: وخر احس إني ما اوفيته حقه من السب

قام السوري المسكين وفصل الجهاز إلين هديت..وشغله من جديد وقالي لازم نسويلك إيميل ..قلت له ليش؟ قال من شان يبعتون لك رسايل...قلت له انا ما ابي رسايل حط مي عار صي ( انت انطق اسمه زي الناس قبل
قام السوري يفكر ..وتذكر إني سعودي..وقام يغريني يقول..إذا سوينا لك إيميل بكرا يبعتون لك صبايا كتير إيميلات
وانا اللي تنفتح كشرتي :icon6: من جدك صبايا؟؟ ذولا اللي نسمع فيهم ولا نشوفهم؟؟؟ لا ما اقدر يبو شكيب يمكن تجينن صدمه عصبيه انا حدي اناظر في شغالتنا وهي تشر الملابس ثم اعود...واعتبر نفسي يومها مارج :08: ( يا حليلك بس خخ


قالي..تبي إيميل بالياهو والا الهوتميل...قلت له ..ابيه بالهوتميل :D ( سمع طاري هوت يحسب إنه إيميل بالشطه

قالي بدك اسم مع ارقام..والا حروف بس..
وانا صراحه احترت.. :33: قلت ابي اسم يشمل كل حروف الهجاء والأرقام عشان ارضي جميع الأذواق :D



كتب لي الإيميل الجديد والباسوورد ...طبعا غصبته إنه يناظر للجدار وانا اكتب الباسوورد ما بقى إلا هي يعرف باسووردي :vereymad: ( من زين ايميلك ما فيه الا رساله الترحيب حقت الهوتميل

وما نمت ذاك اليوم..بكرا بأقابل بنات..بكرى بأتعرف على جنص ناااااااااااعم ..ايه خلنا نمتع انظارنا شوي بدال خشة عبيد خويي ( جاني ضعف نظر من كثر ما اشوف وجهه
والا وجه الخال حمود ( هذا وجهه يسبب مرضى العشى الليلي خخخخخخخ

قمت فزيت من السرير قلت ما بدهاش..ولا تؤجل عمل اليوم للغد..وادور حول كل السيارات اشخط عليهم ايميلي الجديد

وجدران المحلات والبيوت.وادور على الإشارات اوزع ايميلي..وكتبت ايميلي بالبنط العريض على خلفية الددسن..وادور ورى البزران بالعزايم اكتب الإيميل على يدينهم عشان اذا رجعوا لبيوتهم يشوفنها اللي عنده :love:

ومر علي اسبوع وانا على هالحاله..جالس اوزع ايميلي..عاد قلت الحين بأروح للمقهى افتح مسنجري ونشوف حصاد زرعنا...

جلست على الجهاز..وسويت تسجيل دخول للمسنجر وانا مغمض عيوني..قلت يا رب اضافات تغطي الشاشه اللي قدامي...يوم فتحت عيوني...إلا ما فيه شي :( والله الفشيله..حتى الوجه الأخضر حق المسنجر طالع صورته متلطم بشماغ من الفشيله..!!!

وش السالفه يا ولد؟؟؟
واجلس ادور بالشاشه يمين يسار...إضافه يا هوه..لقيت اضافه وحده بس بطرف الشاشه ما شفتها من صغرها اكيد هذي من وحده قزمه..بس عادي اهم شي الفكره..واهم شي احس معها بالحب اللي يقولونها..

اروى الحلوه يرغب في اضافتك لجهات الإتصال عنده..هل تقبل؟
موافق..
غير موافق..


وبيديني كلهم وبرجليني بعد رعصت على مواااااااااااااااافق..مواااااااااااااااافق..موااااااااااااااااافق...وجلست اضغط عليه لين طلعت لي شاشه من الجهاز مكتوب عليها

بس يا ورع لا تخرب زر الفاره .....
موافق

:31:

سبحان الله ياخي الأمريكان ما خلوا شي.

واضغط على موافق واخلي الفاره لحالها..

ما دريت إلا اروى تظهر على قائمة الإتصالات..

واسوي فيها ثقل..ولا دخلت عليها..بعدين قلت يا ولد انا مسوي الزحمه كلها عشان اصير ثقل...؟؟؟


توتيقول:
السلام عليكم ... أهلا اختي ممكن اتعرف..انا شخص طيب جدا وخلوق ولا اعرف العب يمين وشمال ولا اعرف السوالف البطاله وقسمن بالله لو تبين احلف بالمصحف ما عندي ما نع ..تصدقين ان ...
جاري كتابة الرساله..

اروى الحلوه:

وعليكم السلام ..دقيقه دقيقه صبرك علي خلني اقرى الكلام...الحين منو انت؟؟

توتيقول:
انتي الي ضايفتني طال عمرتس وصحيح ان اضافتك تسبب لي مشكلة مع ابوي واحراج لكن عشان خاطرك انا بأخليك وما راح احضرك...

اروى الحلوة:

هههههههاااااااي نجود يا يحبك للمزح ..اكيد هذي حركة مسويتها عشان تلطفين الجو..

توتيقول:
اي نجود الله يرحم ميمتك..؟؟ لا انا توتيقول ماني نجود لكن لعيونك اصير نجود..اصير حصه لو تبين ...كل شي لعيونك يعون.انا اصير قوطي صلصه منتهي تاريخه...علبة تونه منعفطه...علبة حليب بوني محلي لونها ومصديه...اصير اللي تبين يا بعد عمري انتي

اروى الحلوة:

؟؟؟ !!!!! ( البنت مستغربه تقول وش فيها نجود ممصختها..

بهذه الأثناء رحت بسرعه للسوري اناديه ..تعال تعال..جاني ..هاه وش فيك...قلت له..بسرعه علمني شلون احط ورده وقلب شاقه سهم..بسرعه..قال ورده فيه..بس قلب يشقه سهم ما فيه..فيه قلب متشقق ينفع؟؟ قلت ينفع لإني متشقق من الفرحه ..بسرعه قبل لا تطير البنت علمني..
وقام وحط لها السوري الوردة والقلب..وبغى يجلس يسولف لولا إني تداركته من علباه وقومته من الكرسي...


أروى الحلوة:

شكرا على الورده والقلب..لكن عن جد منو معي؟؟ انت مو نجود صاحبتي؟؟


توتيقول:

إلا انا نجود صاحبتك لكن سويت علمية تغيير جنس وصرت ولد واسمي توتي ...وانا من يومني كنت بنت وانا احبتس شلون يوم صرت ولد؟؟ اكيد الحين صرت احبتس اكثر واكثر...على العموم اعطيك رقمي والا تعطينن رقمتس؟؟

أروى الحلوة:

لا انا فعلا شكلي غلطت بالإيميل..كنت احسبه إيميل صاحبتي...وانا الحين بأحظرك واحذفك..باااااااي


توتيقول:

لااااااااااااااااااااااء لااااااااااااااااااااااااااء لاااااااااااااااااااااااااااااء :17:




...


...



وقفلت معي ألف..واللي زاد حالتي بلوه ..يوم اني اشوف الخط الأزرق فوق النافذه..يعلن إنه تم حظري


جلست اصيح على السوري راعي المقهى...


يا سميــــــــــــــــــــــــــــــــــــــــــــر...يا سميــــــــــــــــــــــــــــــــــــــــــــــر


تعال حط لي المي عار صي بسرعه بســــــــــــــــــــــــــــــــــــــــرعه :17:















**************************

الزبده يا شين اللي يفهمون النت غلط

[Da S.O.S]

لوووووووووووووووووووووووووووووووووووووووووووووووووووووووووووووووووووووووووووووووووول
الله يلعن ابليسك ياهوه فطست تفطيس مو طبيعي
منجد يا شين الي يفهم النت غلط
بس صراحه:
توتيقول:
السلام عليكم ... أهلا اختي ممكن اتعرف..انا شخص طيب جدا وخلوق ولا اعرف العب يمين وشمال ولا اعرف السوالف البطاله وقسمن بالله لو تبين احلف بالمصحف ما عندي ما نع ..تصدقين ان ...
جاري كتابة الرساله..
خشه من الخشات العالميه في عالم الماسنجر يا شيخ
اجل نجود
بس وينك من زماااااااااااان عنك منجد
يالله ننتظر مزيدا من زحفك المتواصل
سلملم

[HArb200]

اروى الحلوة !!!!!!!!!!!



الظاهر يياتوتي انك طحت في مطب كبير ..

اللي اعرفه من خلال تجربتي الشخصانية .. مافيه بنت تحكم على نفسها بهالطريقة .. الا ان كان ولد ويبي يستهبل على العالم .

زي مثلا مسجات التلفزيون .

[UchihaSasuke]

اروى الحلوة !!!!!!!!!!!



الظاهر يياتوتي انك طحت في مطب كبير ..

اللي اعرفه من خلال تجربتي الشخصانية .. مافيه بنت تحكم على نفسها بهالطريقة .. الا ان كان ولد ويبي يستهبل على العالم .

زي مثلا مسجات التلفزيون .هههههههههه :biggthump

[KJF]

يا بطني XD
الله يرجك :D موتتني ضحك :tongue2:
اذا في تكملة للقصة اكتبها بسرعة :D
واذا ما في تكملة, اكتبها كمان بسرعة :mad:
وصدقت.. يا شين اللي يفهمون النت غلط :p

[DE NILSON]

ياخي ماتعرف تشبك

بالله دا اسلوب عشان تزبط وحدة في المسنجر ههههههههههه

[Mada Mada Dane]

انتبه لاتصيح امسك نفسك :p

[Electro M]

الله يفجر في ابليسك مثل ما فجروا في وزارة الداخلية قل امين :D
ياخي ذكرتني بولد خالتي اول ما طاح في النت
طبعا انا مصقف و اعرف النت قبله
كان يقولي انا مسوي موقع و انت عندك موقع ؟؟
عاد انا يطيح وجهي بصراحة لاني ما صممت موقع و مستغرب شلون ولد خالتي اللي ما يعرف في الكمبيوتر الا لعبة السوليتير صار يصمم مواقع
المهم و نتقابل في ذاك اليوم في مقهى الساعة فيه ب25 ريال
طبعا السعر هذا ذاك الوقت زي تسعيرة مقهى ماجد في العقربية هالايام يعني بالنسبة لنا كانه ب5 ريال
قال تعال خل اوريك موقعي
و يفتح على الياهو
قلت و الله موب سهل يعرف يصمم مواقع على الياهو بعد
و يخش خانة الايميل
و يسجل اسمه و الرقم السري
و يدخل الايميل



التفت علي و قال
تبي اصلح لك موقع مثل موقعي ؟




ملحوظة للتنكات :
على باله الايميل هو الموقع

[ez2dj]

ههههههههه اسلوبك عجيب ماشاء الله عليك ..ياخي من متى ماقريت موضوع مضحك مثل هذا :biggthump


تصدق هذا حالنا اول مرة ..ماكنا نعرف الا شات فيه من كل الجنسيات العربية ..وياخي أول ماندخل نسلم على الخلق ..عطونا وجه سولفنا معاهم ...ماعطونا وجه جبنا معجب الوسيط للالفاظ السيئة وكتبناها في الشات ..


يعني تقريبا نفس حالتك!!

[Tidus]

اووووه يالله انك تحييه... يالله انك تسعده :D
شهالغيبه ياخي ؟ >>> اسم الله على الحاظر...

ههههههههههههههه انت ما تخلص ؟ مت ضحك على هالسالفه...

عاد شخباري... و الله ايام بدايات النت =_= يوم كان الست ساعات بثلاث دنانير... ما يقارب 36 ريال _-_ بس كنها العيد, و كلها على قلة سنع :jester:

لا لا من هالموضوع اتوقع بتفتح موضوع بعد عن بداية دخولك المنتدى :p

و يا ليت ترى ;) و دمت :D

[Argandir]

ههههههههههههههههههههههههه... :jester:

انا يوم قرات عنوان الموضوع قلت شكلها احد القصص الي نسمعها عن بنت حبت ولد وعطاها ركبة... :tongue2:

بس طلعت انت الي ماخذ مقلب... :31:

مشكور عالموضوع...والحمد لله مرت صدمتك على خير...